Morgunblaðið - 02.06.2020, Síða 11

FRÉTTIR 11Innlent
MORGUNBLAÐIÐ ÞRIÐJUDAGUR 2. JÚNÍ 2020
Skeifunni 8 | Kringlunni | Glerártorgi, Akureyri | ) 588 0640 | casa.is
Cuero Mariposa
Hannaður árið 1938 af:
Bonet, Kurchan & Ferrari
Leður stóll verð 159.000,-
Leður púði verð 15.900,-
Garðatorg 6 | s. 551 5021 | www.aprilskor.is
Ten Points New Toulouse
21.990 kr.
Aron Þórður Albertsson
aronthordur@mbl.is
„Við ætlum að ná tökum á höfuð-
borgarsvæðinu. Þar ætlum við jafn-
framt að keppa af fullum þunga við
stærri aðila á markaðnum,“ segir
Jörgen Þór Þráinsson, framkvæmda-
stjóri HP Gáma.
Fyrirtækið hefur undanfarin miss-
eri fjárfest fyrir ríflega 120 milljónir
króna. Að sögn Jörgens er fyrirtækið
af þeim sökum vel í stakk búið fyrir
harða samkeppni á markaði gáma- og
flutningsþjónustu. „Við vorum að fá
inn 100 gáma í gær auk þess sem við
höfum verið að taka inn bíla og lyftur.
Við ætlum að koma inn af krafti á
markaðinn,“ segir Jörgen.
HP Gámar er ríflega 20 ára gamalt
fyrirtæki sem veitt hefur þjónustu í
Grindavík undanfarin ár. Þar er
fyrirtækið jafnframt staðsett en það
býður m.a. upp á gáma- og flutnings-
þjónustu. Nú starfa um 15 starfs-
menn hjá fyrirtækinu en að sögn
Jörgens mun það brátt breytast. Með
hærri veltu og auknum umsvifum
næstu ár ráðgeri hann að ráðinn verði
inn nokkur fjöldi starfsmanna. „Við
erum um 15 starfsmenn í dag en ger-
um ráð fyrir að vera orðin 25 í árslok.
Okkur mun síðan fjölga enn frekar
þegar við náum tveggja ára markmiði
okkar,“ segir Jörgen, sem vonast til
að HP Gámar velti um milljarði
króna eftir tvö ár. „Terra og Íslenska
gámafélagið eru stærst á mark-
aðnum. Terra veltir um 6,3 millj-
örðum króna árlega og Íslenska
gámafélagið um 5,1 milljarði króna.
Við erum að stefna á hálfan milljarð á
þessu ári og svo milljarð króna eftir
tvö ár,“ segir Jörgen og bætir við að
til lengri tíma litið verði veltan jafn-
framt umtalsvert meiri. „Við erum að
horfa til þess á næstu sex árum að
vera komin með um 2,5 milljarða
króna veltu í gámaþjónustu, en við
byrjum á skammtímamarkmiðum,“
segir Jörgen.
Býr yfir mikilli reynslu
Jörgen er enginn nýgræðingur í
gáma- og flutningabransanum, en
hann starfaði í um 20 ár hjá Íslenska
gámafélaginu. Þar gegndi hann ýms-
um stöðum auk þess að eiga á tímabili
fjórðungshlut í fyrirtækinu. Hann er
því afar reyndur á umræddu sviði.
Jörgen gekk til liðs við HP Gáma fyrr
í febrúar á þessu ári. „Reynsla mín
kemur sér vel og mun gagnast okkur
vel í þessu. Við erum með alla innviði í
lagi og erum fyrirtæki þar sem búið
er að byggja grunninn. Við erum því
tilbúin að keppa á öllum sviðum við
alla þessa stærri og helstu aðila,“
segir Jörgen.
Spurður hvort hann hafi fengið já-
kvæðar viðtökur frá viðskiptavinum
kveður Jörgen já við. Þá sé fyrir-
tækið nú þegar byrjað að sækja nýja
viðskiptavini. „Viðtökurnar hafa verið
mjög góðar og við höfum verið að fá
inn nýja aðila. Við gerum ráð fyrir að
bæta við 100 nýjum viðskiptavinum á
árinu,“ segir Jörgen og bætir við að
HP Gámar bjóði þjónustu til fyrir-
tækja og einstaklinga. „Við erum að
þjónusta fyrirtæki og stofnanir að
mestu. Svo erum við líka með ein-
staklinga sem eru auðvitað meira
skammtímaverkefni. Þá erum við líka
í heimilissorpi. Við ætlum að vera í
öllu,“ segir Jörgen.
Morgunblaðið/Arnþór Birkisson
Framkvæmdastjóri Jörgen gekk til liðs við HP Gáma í febrúarmánuði.
Ætla að koma
inn á markaðinn
af fullum krafti
 Hafa fjárfest fyrir 120 milljónir
króna  Munu bæta við starfsfólki
Sigurður Bogi Sævarsson
sbs@mbl.is
„Þegar við horfum hér yfir Austur-
strætið eru sárafáir á ferli. Í búð-
unum er rólegt og verið að opna
veitingahúsin eftir lokanir. Fyrir
fáum mánuðum var hér iðandi
mannlíf og fólk alls staðar að úr
heiminum,“ segir Þorbjörg Sigríð-
ur Gunnlaugsdóttir, nýr þingmaður
Viðreisnar. „Einmitt við þessar að-
stæður sjáum við hvað fjölþjóðleg
samskipti eru okkur mikilvæg; að
stefnur og straumar mætist. Það
sama á við um þjóðir og okkur
mannfólkið, sem vegnar best þegar
við njótum samskipta við aðra.“
Þorbjörg tók sæti á Alþingi
fyrir Viðreisn nú á útmánuðum,
þegar Þorsteinn Víglundsson reri á
ný mið. Frá stofnun flokksins árið
2016 hefur hún verið virkur þátt-
takandi í starfinu og var aðstoð-
armaður ráðherra um skeið.
Horft verði til líðanar þjóðar
„Stóru verkefnin á vettvangi
stjórnmálanna nú hafa auðvitað
verið að verja heilbrigði þjóðar-
innar. Í kjölfarið að bregðast við því
efnahagslega áfalli sem skapaðist í
kjölfar þeirra aðgerða sem þurfti
að grípa til. Aðstæðurnar gera síð-
an að verkum að stjórnvöld þurfa
að horfa til líðanar þjóðar. Afleið-
ingar og birtingarmyndir atvinnu-
leysis eru alvarlegar, sér í lagi ef
það verður langvarandi,“ sagði
Þorbjörg í rabbi við blaðamann á
dögunum.
„Pólitískar afleiðingar geta
síðan orðið þær að þjóðir og sam-
starf lokist meira. Einnig getur af-
leiðingin orðið sú að við verðum
betur meðvituð um gildi og mikil-
vægi alþjóðastarfs og opins og
frjáls samfélags. Hið síðastnefnda
er mín ósk.“
Frábær nýsköpun
Þorbjörg, sem er lögfræðingur
að mennt, á fjölbreyttan starfsferil
að baki. Starfaði síðast hjá Rík-
issaksóknara sem saksóknari og
segir starfið þar hafa verið bæði
krefjandi og lærdómsríkt og opn-
að augu sín fyrir þeirri meinsemd
samfélagsins sem ofbeldi er, svo
sem kynferðisbrot. Sér hafi stund-
um fundist vanta að þau mál væru
sett í betra samhengi í pólitískri
umræðu.
Um önnur verkefni í stjórn-
málunum segir Þorbjörg alltaf
þurfa að hafa auga með því að
tryggja samkeppnishæf lífskjör og
skapa fjölbreytt atvinnulíf.
„Ferðaþjónustan varð vaxtar-
sproti eftir hrun og kom okkur út
úr kreppu. Nýsköpunin þar og
vöxturinn hafa verið frábær. Nú er
þetta breytt og stjórnvöld þurfa að
bregðast við. Smám saman er
myndin þó að skýrast og því for-
sendur fyrir því að taka ákvarð-
anir sem byggja á framtíðarsýn en
ekki eingöngu slökkvistarfi.“
Ávísunin aðeins táknræn
Þorbjörg telur að í haust
verði staðan í samfélaginu talvert
breytt frá því sem nú er. Fólk sem
hefur misst vinnuna sé búið með
uppsagnarfrest og komið á bætur.
„Þegar kemur að því að fólk hefur
ekki af öðru að lifa en bótum og
verulegt tekjufall kemur fram
gæti brotist fram ólga í samfélag-
inu, rétt eins og gerðist eftir hrun.
Ríkið stendur í fjárfrekum aðgerð-
um sem gera verður kröfu um að
skili árangi. Verja þær atvinnulífið
og fyrirtækin og heimilin og eru
þær góð ráðstöfun á fjármunum
skattgreiðenda?“ segir Þorbjörg
og að lokum:
„Hagfræðingar segja að líkön
nái illa utan um þessar aðstæður,
að slökkt yrði á samfélaginu og
eftirspurn í heilum atvinnu-
greinum, svo sem ferðaþjónustu,
færi niður í núll. Því þarf fram-
sæknar aðgerðir. Í því sambandi
nefni ég ferðaávísunina, sem er
ágætt framtak en kraftlítið. Þetta
er því miður ekki meira en tákn-
rænn gjörningur. Ekki efnahags-
aðgerð sem eykur eftirspurn og
styður um leið við fólk á tímum at-
vinnuleysis.“
Þörf á framsæknum aðgerðum eftir veiruna, segir nýr þingmaður Viðreisnar
Morgunblaðið/Sigurður Bogi
Alþingi Þegar verulegt tekjufall kemur fram gæti brotist fram ólga í
samfélaginu, rétt eins og gerðist eftir hrun, segir Þorbjörg Sigríður.
Myndin er að skýrast
 Þorbjörg Sigríður Gunn-
laugsdóttir er fædd 1978. Lög-
fræðingur frá HÍ og aflaði sér
LL.M meistaragráðu í Col-
umbia-háskóla í New York.
 Var fyrr á árum í blaða-
mennsku og pistlahöfundur,
deildarforseti lagadeildar Há-
skólans á Bifröst, aðstoðar-
maður ráðherraherra 2017 og
síðast saksóknari hjá embætti
ríkissaksóknara. Nú þingmaður
Viðreisnar í Reykjavíkur-
kjördæmi norður.
Hver er hún?