Morgunblaðið - 02.06.2020, Síða 26

FYLKIR
Kristófer Kristjánsson
kristoferk@mbl.is
Knattspyrnukonan Berglind Rós Ágústsdóttir,
fyrirliði Fylkis, er á leiðinni í fjórða tímabil sitt í
Árbænum en á tíma hennar þar hafa skipst á skin
og skúrir. Liðið féll úr efstu deild fyrsta sumarið
hennar, 2017 en rauk strax aftur upp um deild ári
síðar með því að vinna fyrstu deildina. Sem nýlið-
ar í fyrra gerðu Fylkiskonur vel, höfnuðu í 6. sæti
með Berglindi í nýju hlutverki. Hún segist horfa
björtum augum á Íslandsmótið í sumar og vill sjá
Fylki bæta besta árangur sinn í efstu deild.
„Við erum með mjög góðan hóp og höfum fengið
inn leikmenn. Nú þurfum við að gera betur en á
síðasta ári, þegar við enduðum í 6. sæti. Við viljum
ná fjórða eða fimmta sætinu og fara langt í bik-
arnum, við höfum aldrei farið í bikarúrslit,“ sagði
Berglind í samtali við Morgunblaðið í gær. „Besti
árangur Fylkis í efstu deild er fimmta sætið, við
viljum bara bæta það.“
Eigum bara tvo miðverði
Berglind, sem hóf ferilinn hjá Val og spilaði
einnig með Aftureldingu, er aðeins 24 ára en engu
að síður með reyndari leikmönnum í Árbænum.
Hún er að upplagi miðjumaður en á síðustu leiktíð
spilaði hún lengst af sem miðvörður, enda var
vöntun á varnarmönnum í liðið. Það hlutverk
leysti hún með mikilli prýði og segist ekki sjá fram
á annað en að vera þar áfram í sumar, enda hún og
Katla María Þórðardóttir, sem gekk til liðs við
Fylki frá Keflavík í vetur, einu miðverðir liðsins.
„Við höfum fengið Kötlu inn í miðvörð, það var
vöntun á varnarmönnum í fyrra. Ég er miðjumað-
ur en spilaði allt síðasta tímabil sem miðvörður.
Við erum bara tvær núna en eigum marga góða
bakverði sem geta leyst okkur af og við höfum æft
varnarleikinn mjög vel. Við þurfum fyrst og
fremst að bæta sóknarleikinn. Við erum með svo
marga miðjumenn og ég og Katla erum einar mið-
verðir. Ég verð að spila þar.“
Mörkin dreifðust í vetur
Fylkir varð Reykjavíkurmeistari í vetur og fékk
liðið verðskuldað hrós fyrir spilamennsku sína áð-
ur en hlé þurfti að gera á öllu mótahaldi og æfing-
um vegna kórónuveirunnar. Liðið hefur þó ekki
skorað mörg mörk og viðurkennir Berglind að
finna þurfi leiðir til að leyfa framherjunum að
blómstra.
„Við vorum ekki mikið að skora í fyrra, en eins
og á Reykjavíkurmótinu í vetur voru allir að
skora, jafnvel öftustu miðjumenn. Við þurfum að
æfa framherjana okkar, við erum með Bryndísi
sem er auðvitað ung. Svo vorum við að fá Sólveigu
Larsen sem við þekkjum ekki nógu vel, við þurf-
um að læra inn á hana. Það væri mjög sterkt að
vera með framherja sem skorar mikið í sumar, við
þurfum bara að æfa vel og læra að nýta færin.“
Einn þeirra leikmanna sem gengu til liðs við
Fylki á dögunum er gamla kempan Vesna Elísa
Smiljkovic, sem á að baki 214 leiki í efstu deild og
84 mörk. Hún lék hins vegar aðeins einn leik í
fyrra og er orðin 37 ára. „Það er gott að fá svona
reynslubolta, hún sér fótboltann allt öðruvísi og
býr mikið til fyrir okkur. Maður sér á henni að hún
er komin á aldur en hún hefur rosalega reynslu,
býr mikið til fyrir yngri stelpurnar og lætur alla í
kringum sig spila betur.“
Óvænt landsliðssæti
Berglind spilaði fyrsta A-landsleik sinn í mars
þegar hún kom inn á gegn Skotum í Pinatar-
bikarnum á Spáni. Hún segir það stóran áfanga að
hafa tekist að vinna sér inn sæti í landsliðs-
hópnum, sem hún hélt kannski ekki að hún myndi
ná, komin á 25. aldursár.
„Það var alltaf markmiðið en að sama skapi var
þetta óvænt. Þetta var frábært, skemmtileg ferð
og þetta eru æðislegar stelpur. Mér var tekið vel í
hópnum og nú vil ég halda áfram að bæta mig og
reyna að vera valin aftur. Það er fullt af ungum
stelpum sem eru rosalega góðar og það verður
erfitt að halda sæti þarna.
„Það eru stelpur sem eru 18-19 ára að fara í
landsliðið og ég er sjálf 25 ára. Að fara á æfingu
með landsliðinu er auðvitað bara allt öðruvísi,
tempóið er mikið meira og öll reynslan sem þær
hafa. Þetta var bara æðislegt,“ sagði Berglind Rós
við Morgunblaðið.
Morgunblaðið/Eggert
Fylkir Fyrirliðinn Berglind Rós Ágústsdóttir í baráttu við Renae Cuéllar í leik gegn Stjörnunni í Garðabænum á síðasta Íslandsmóti.
Fylkiskonur vilja bæta
besta árangur Árbæinga
 Berglind Rós var færð til á vellinum og komst í landsliðið sem miðvörður
26 ÍÞRÓTTIR
MORGUNBLAÐIÐ ÞRIÐJUDAGUR 2. JÚNÍ 2020
Hrafnhildur Hanna Þrastardóttir,
landsliðskona í handknattleik, hefur
ákveðið að snúa heim úr atvinnu-
mennsku í Frakklandi. Hrafnhildur
samdi í gær við ÍBV um að leika með
liðinu á Íslandsmótinu næsta vetur.
Hrafnhildur ætti að reynast ÍBV
drjúgur liðsstyrkur en liðið hefur
einnig fengið til sín stórskyttuna
Birnu Berg Haraldsdóttur. Hrafn-
hildur var markahæsti leikmaður
efstu deildar þrjú ár í röð áður en
hún hélt til Frakklands fyrir ári.
Hrafnhildi gekk vel í Frakklandi
og var í hópi markahæstu leikmanna
í efstu deild. sport@mbl.is
Hrafnhildur Hanna til ÍBV
Morgunblaðið/Eggert
ÍBV Hrafnhildur Hanna Þrastar-
dóttir er komin til Eyja.
Helena Sverrisdóttir, lykilleik-
maður Vals og íslenska landsliðsins
í körfuknattleiks, ber barn undir
belti og er því ekki til stórræðanna
á körfuboltavellinum næstu mán-
uðina. Greindi hún frá tíðindunum
á Instagram um helgina.
Helena skrifaði hins vegar undir
samning við Val um að vera að-
stoðarþjálfari liðsins og verður því
ekki langt undan.
Ljóst er að Helena missir af
næstu leikjum landsliðsins, sem
verða í nóvember. Helena tjáði
Körfunni.is að hún hefði sett stefn-
una á að leika með Val eftir áramót.
Helena ber barn undir belti
Morgunblaðið/Hari
Frí Helena Sverrisdóttir missir af
landsleikjunum í nóvember.
Þýskaland
Hertha Berlín – Augsburg ..................... 2:0
 Alfreð Finnbogason lék ekki með Augs-
burg vegna meiðsla.
Paderborn – Dortmund .......................... 1:6
 Samúel Kári Friðjónsson lék ekki með
Paderborn vegna meiðsla.
Mainz – Hoffenheim................................. 0:1
Schalke – Werder Bremen ...................... 0:1
Wolfsburg – Eintracht Frankfurt .......... 1:2
Bayern München – Fortuna Düsseldorf 5:0
Mönchengladbach – Union Berlín .......... 4:1
Köln – RB Leipzig.................................... 2:4
Staðan:
Bayern M. 29 21 4 4 86:28 67
Dortmund 29 18 6 5 80:35 60
RB Leipzig 29 16 10 3 74:31 58
Mönchengladb. 29 17 5 7 57:35 56
Leverkusen 29 17 5 7 54:36 56
Wolfsburg 29 11 9 9 41:36 42
Hoffenheim 29 12 6 11 40:48 42
Freiburg 29 10 8 11 38:41 38
Hertha Berlín 29 10 8 11 43:50 38
Schalke 29 9 10 10 34:46 37
Köln 29 10 4 15 46:56 34
E.Frankfurt 28 9 5 14 46:53 32
Augsburg 29 8 7 14 40:56 31
Union Berlin 29 9 4 16 34:52 31
Mainz 29 8 4 17 37:62 28
Düsseldorf 29 6 9 14 31:58 27
Werder Bremen 28 6 7 15 30:59 25
Paderborn 29 4 7 18 32:61 19
Leverkusen – Duisburg .......................... 0:2
 Sandra María Jessen lék allan leikinn
með Leverkusen.
B-deild:
Sandhausen – Hannover......................... 3:1
 Rúrik Gíslason var ekki í leikmannahópi
Sandhausen.
C-deild:
Magdeburg – Kaiserslautern................. 0:1
 Andri Rúnar Bjarnason var ekki í leik-
mannahópi Kaiserslautern.
Úkraína
Kolos Kovalivka – Desna ........................ 0:2
 Árni Vilhjálmsson lék allan leikinn með
Kolos Kovalivka.
Hvíta-Rússland
BATE Borisov Isloch .............................. 1:0
 Willum Þór Willumsson lék ekki með
BATE vegna meiðsla.
Pólland
Cracovia – Jagiellonia............................. 0:1
 Böðvar Böðvarsson var ekki í leik-
mannahópi Jagiellonia.
Danmörk
Midtjylland – Horsens ............................ 0:1
 Mikael Anderson lék fyrstu 58 mínút-
urnar hjá Midtjylland.
Lyngby – FC Köbenhavn ........................ 1:4
 Frederik Schram var allan tímann á
bekknum hjá Lyngby.
 Ragnar Sigurðsson var ekki í leikmanna-
hópi Köbenhavn.
AGF – OB.................................................. 1:0
 Jón Dagur Þorsteinsson lék fyrstu 69
mínúturnar með AGF.
 Aron Elís Þrándarson lék fyrstu 85 mín-
úturnar með OB.
Staðan:
Midtjylland 25 20 2 3 41:14 62
København 25 17 2 6 45:28 53
AGF 25 13 5 7 39:26 44
Nordsjælland 25 12 5 8 48:34 41
Brøndby 24 12 3 9 44:34 39
AaB 25 11 5 9 42:30 38
Randers 25 10 5 10 38:33 35
Lyngby 25 9 4 12 29:43 31
Horsens 25 9 4 12 22:42 31
OB 25 8 6 11 31:29 30
SønderjyskE 24 6 8 10 29:41 26
Hobro 25 3 13 9 23:33 22
Esbjerg 25 4 6 15 21:41 18
Silkeborg 25 3 6 16 29:53 15
B-deild:
Vejle – Næstved........................................1:1
 Kjartan Henry Finnbogason lék allan
leikinn með Vejle.
Færeyjar
B36 – HB....................................................2:4
Víkingur Götu – TB Tvöroyri...................0:0
Skála – NSI Runavík ................................0:4
AB Argir – Klaksvík .................................0:6
KNATTSPYRNA
2. júní 1983
Einar Vilhjálmsson setur Ís-
landsmet í spjótkasti þegar
hann kastar 89,98 metra í
undankeppni bandaríska há-
skólameistaramótsins í
frjálsíþróttum. Kastið er það
fimmta lengsta í heiminum á
þeirri stundu.
2. júní 2001
Einar Karl Hjartarson setur
Íslandsmet í hástökki utan-
húss þegar hann stekkur 2,25
metra og sigrar með yfirburð-
um í greininni á Smáþjóðaleik-
unum í San Marínó. Metið
stendur enn.
Á ÞESSUM DEGI