Morgunblaðið - 04.08.2020, Síða 8

Morgunblaðið/Eggert
Áfrýjað Hæstiréttur veitti leyfi.
Hæstiréttur hefur veitt Júlíusi Vífli
Ingvarssyni leyfi til að áfrýja dóms-
úrskurði Landsréttar, sem sakfelldi
hann fyrir peningaþvætti í maí síð-
astliðnum. Var refsing Júlíusar
ákveðin fangelsisvist í tíu mánuði, en
fullnustu hennar var frestað skil-
orðsbundið til tveggja ára.
Fer því málið fyrir Hæstarétt
samkvæmt beiðni Júlíusar, sem
barst 2. júní síðastliðinn.
Leit Hæstiréttur svo á að úrlausn
um meðal annars beitingu ákvæða
264. gr. almennra hegningarlaga í
málinu myndi hafa verulega al-
menna þýðingu í skilningi 4. mgr.
215. gr. laga um meðferð sakamála,
um áfrýjunarleyfi Hæstaréttar.
Brot Júlíusar samkvæmt dómi
Landsréttar sneri að peningaþvætti
samkvæmt 1. og 2. mgr. 264. gr. al-
mennra hegningarlaga, þar sem Júl-
íus hafði á árunum 2010 til 2014
geymt ávinning af skattalagabroti
inni á erlendum bankareikningi í
sínu nafni.
Var fjármununum ráðstafað árið
2014 inn á nýjan bankareikning sem
var í eigu vörslusjóðs sem Júlíus,
eiginkona hans og börn voru rétthaf-
ar að og taldi Landsréttur hafið yfir
vafa að sá hluti fjármunanna, sem
hefði verið inni á fyrrnefndum
bankareikningi og ákært var fyrir,
hefði verið ólögmætur ávinningur af
skattalagabroti Júlíusar.
Júlíus Vífill áfrýjar til Hæstaréttar
 Sakfelldur fyrir peningaþvætti í maí  Tíu mánaða skilorðsbundin fangelsisvist
8 FRÉTTIRInnlent
MORGUNBLAÐIÐ ÞRIÐJUDAGUR 4. ÁGÚST 2020
Ásgeir Guðnason bækl-unarskurðlæknir ritaði
áhugaverða grein um gerviliða-
skurðlækningar hér í blaðið fyrir
helgi. Hann segist hafa orðið hugsi
þegar hann flutti
heim og hóf hér
störf eftir störf er-
lendis, en biðlistar
hafi verið lengri
hér en hann var
vanur og hann
sagði að svo virtist
sem engin leið væri
að breyta því. Svo sagði hann:
„Lausnin á skimunarvandamálinu
á Covid-19-veirunni vakti nefnilega
athygli mína. Skimanir voru fram-
kvæmdar af Íslenskri erfðagrein-
ingu vegna þess að Landspítalinn,
sjálft háskólasjúkrahúsið, gat það
ekki á þeim tíma. Hvað gerðist svo
þegar þetta fyrirtæki hætti sínum
skimunum? Þá gat Landspítalinn
skyndilega leyst vandamálið.
Sennilega vegna þess að þeir urðu
hreinlega að gera það.“
  
Það að spítalinn gat skyndilegaleyst þetta mál vakti athygli
fleiri og var vitaskuld ánægjuefni
eftir mikla fyrirstöðu. Og það má
taka undir með Ásgeiri sem spyr
hvort að það sé í raun vonlaust
verkefni að vinna á biðlistum eftir
gerviliðaskurðaðgerðum. Sama
spurning á vitaskuld við um aðra
biðlista.
  
Það að spítalinn gat skyndilegaleyst þetta áður óleysanlega
vandamál hlýtur líka að vekja upp
spurningar um hvort ef til vill
megi leysa fleira í starfsemi hans
og í heilbrigðiskerfinu í heild
sinni.
  
Getur til dæmis verið að hægt séað hagræða í rekstri heil-
brigðiskerfisins, bæði í rekstri
ríkisspítalans og með því að nýta
kosti einkarekstrar í meira mæli?
Það skyldi þó ekki vera.
Ásgeir Guðnason
Það var þá hægt
eftir allt saman
STAKSTEINAR
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Sumarið hefur verið kaflaskipt og
það hefur verið laust við meiri háttar
hitabylgjur, segir Einar Svein-
björnsson veðurfræðingur, spurður
um veðurfarið í samtali við Morgun-
blaðið.
Hann segir að kalt loft hafi verið í
háloftunum síðan um miðbik síðasta
mánaðar, og að um leið og heitt loft
hafi nálgast hafi lægðir myndast. Þá
hafi ekki verið óalgengt að hiti hafi
aðeins verið í kringum fimm til sjö
stig suma daga.
„Þetta tengist með beinum og
óbeinum hætti miklum hita sem var
hjá Rússlandi, inni á Norður-Íshafi,“
segir Einar, en bætir við að ekki sé
búið að vera leiðinlegt veður í allt su-
imar.
„Það hafa komið margir góðir dag-
ar, sérstaklega framan af sumri þeg-
ar hitinn var að fara yfir 20 stig dag
eftir dag. En síðustu tvær til þrjár
vikur hefur hámarkshiti verið heldur
lítill miðað við það sem við höfum séð
undanfarin sumur.“
Morgunblaðið/Kristinn Magnússon
Rigning Kalt loft hefur verið í háloftunum og hámarkshiti lítill á jörðu niðri.
Kalt, hvasst og
kaflaskipt sumar
 Margir góðir dagar framan af sumri