Morgunblaðið - 08.08.2020, Síða 16

16 DAGLEGT LÍF
MORGUNBLAÐIÐ LAUGARDAGUR 8. ÁGÚST 2020
Sigurður Bogi Sævarsson
sbs@mbl.is
Fjögurra daga leiðangur þarsem farið er rangsælisumhverfis landið og við-koma höfð á mörgum
áhugverðum stöðum er ferðapakki
sem mælist vel fyrir. Yfirskrift ferð-
anna er Upplifðu Ísland! Framtakið
er Jakobs Frímanns Magnússonar
og félaga hans í samstarfi við Ice-
land Travel, Cintamani, Samkaup og
Vodafone.
Margir farið tvisvar
Fyrstu ferðirnar voru farnar
snemma í júní og síðan þá hafa verið
brottfarir daglega, en farkosturinn
er 19 manna rúta og er leiðsögumað-
urinn jafnframt bílstjóri. Gist er á
hótelum á Höfn, í Hallormsstað og á
Akureyri. Summa farþeganna eftir
sumarið skiptir hundruðum og ferð-
irnar verða á dagskrá eitthvað fram
á haustið eða á meðan áhugi og eft-
irspurn vara. Margir hafa farið í tví-
gang sem segir sitt um góða ferð.
„Hugmyndin var góð og ferð-
irnar hafa slegið í gegn,“ segir Jakob
Frímann Magnússon. „Nokkrir vinir
mínir komu til mín snemma vors og
reifuðu við mig að koma þessari hug-
mynd í framkvæmd. Mér fannst hún
strax skemmtileg og sá að nú væri
lag; enda að ganga í garð tími þar
sem Íslendingar myndu hlýða kalli
ríkisstjórnarinnar um að ferðast inn-
anlands. Það hefur allt gengið eftir.“
Atlavík, Rjúkandi og Víti
Á miðvikudaginn lögðu tveir
átján manna hópar upp í hringferð
um landið og koma til Reykjavíkur
aftur í dag, laugardag. Í ferðinni var
gist á hótelinu á Hallormsstað, en
svo höfð viðkoma í Atlavík, við foss-
inn Rjúkanda í Jökuldal, í Möðrudal
á Fjöllum, og svo við Dettifoss, í
Námaskarði, við Víti við Kröflu, Mý-
vatn og loks við Goðafoss. Svo var
gist á Akureyri og þaðan, á fjórða og
síðasta degi, farið í bæinn úr höf-
uðstað Norðurlands með því að aka
fyrir Tröllaskaga. Í upphafi eru tré
gróðursett í Tómasarlundi í Kjarna-
skógi við Akureyri, en slíkir lundir
eru nú orðnir fjölmargir víða um og
landið og eru til minningar um Tóm-
as heitinn Tómasson sem lengi var
bassaleikari Stuðmanna. Þá er höfð
viðkoma á Siglufirði; á söguslóðum
Ófærðar, þeirra frægu sjónvarps-
þátta. Til Reykjavíkur er svo komið
undir kvöld; eftir vel skipulagðan túr
með góðu fólki.
„Í rútuferð sameinast sálir
fólks; kynni takast og þá gerast æv-
intýrin. Þessar ferðir eru kannski
ekki svo ólíkar hljómsveitarferðum
með Stuðmönnum í gamla daga,
nema þá var hossast á malarvegum,
sem nú hafa verið lagðir slitlagi. Eru
því miklu þægilegri yfirferðar,“ seg-
ir Jakob Frímann sem minnist þess
að fyrst eftir opnun hringvegarins
árið 1974 hafi Íslendingar gjarnan
lagt í slík ferðalög. Ertu búinn að
fara hringinn? var gjarnan spurt þá.
Svo liðu tímarnir og flestir luku
þessum leiðangri og þá leitaði land-
inn á nýjar slóðir.
En nú á þessu herrans ári 2020
er hringvegurinn kominn aftur
sterkur inn. Ég er á leiðinni, söng
Brunaliðið forðum sem eru orð að
sönnu nú. „Áður fyrr var gjarnan
sagt að eina viku tæki að aka hring-
veginn. Sá var tíminn sem fólk gaf
sér. Nú er þetta hins vegar farið
leikandi á fjórum dögum, enda eru
vegirnir miklu betri og bílarnir
sömuleiðis,“ segir Jakob Frímann.
Afsprengi af hringferðinni um
landið eru fimm daga Vestfjarða-
ferðir sem einnig eru boðnar undir
merkjum Upplifðu Ísland. Fjórar
slíkar eru fram undan á næstunni,
en þá er byrjað á Snæfellsnesi, svo
farið á Strandir og síðan um Djúp til
Ísafjarðar og svo suður.
„Ég lít á þessar ferðir sem kjör-
ið tækifæri fólks til þess að kynnast
landinu sínu með þægilegum og
ódýrum hætti í vel skipulögðum
ferðum. Þeir sem best hafa hlýtt
kalli ríkisstjórnarinnar um að
ferðast innanlands virðast vera Ís-
lendingar sem komnir eru um og yf-
ir miðjan aldur. Það er afar þakk-
látur og skemmtilegur hópur,“ segir
Jakob að lokum um ferðirnar sem
eru betur kynntar á vefnum upp-
lifduisland.is.
Í rútuferð sameinast sálir fólksins
Hringferð! Leiðangur um
landið á fjórum dögum.
Rúntur í rútu. Þakklátir
farþegar, segir Jakob Frí-
mann. Upplifðu Ísland.
Ljósmynd/Aðsend
Samferða Skagakonan Helga
Oliversdóttir og Jakob Frímann.
Ljósmynd/Aðsend
Ferðalangar Ekki rúta heldur langferðabifreið, sagði í stuðmannamyndinni Með allt á hreinu. Nú kemur sér vel að
vera á slíku farartæki og „það bera sig allir vel“, svo vitnað sé í söngtexta sem mörgum er tamur um þessar mundir.
Ljósmynd/Aðsend
Tómasarlundur Gróðursett í Kjarnaskógi við Akureyri í minningu stuð-
mannsins góða. Fyrsti umhverfisráðherrann, Júlíus Sólnes, stýrði verki.
Morgunblaðið/Ásdís
Jökulsárlón Einn margra skemmtilegra viðkomustaða í hringferðinni. Jök-
ullinn kelfir ís og lónið breytist stöðugt, sem er merkilegt að fylgjast með.
„Nú gefst andrými til að endurskapa
ímynd lundans,“ segir Elín Elísabet
Einarsdóttir listamaður. Þær Elín og
Rán Flygenring samstarfskona henn-
ar standa að Nýlundabúðinni í Hafn-
arhólma á Borgarfirði eystra sem
opnuð var í gær í fuglaskoðunarhús-
inu á staðnum. Mikið lundavarp er á
þessum slóðum eystra og í búðinni
góðu eru munir unnir á staðnum.
Starfsmenn lundabúðarinnar rann-
saka þar hlutverk lundans og þó svo
að ekkert sé til sölu og aðgangur
gesta bannaður vegna veiruvarna fer
fram blómleg starfsemi í teikningu,
rannsóknum og ímyndarsköpun.
Verkefni þetta er stutt af Brothætt-
um byggðum, verkefni Byggðastofn-
unar, og Hönnunarsjóði Íslands.
„Lundinn hefur um margt verið
táknmynd túristavæðingarinnar á Ís-
landi og það gjarnan undir neikvæð-
um formerkjum.Við ætlum að gera
tilraun til þess að gera lundabúðina
töff,“ segir Elín. Nýlundabúðin verður
ekki opin í hefðbundinni merkingu,
en hana má heimsækja á vefsetrinu
instagram.com/nylundabudin fram í
miðjan ágúst, eða á þeim tíma sem
verslunin er starfrækt.
Nýsköpun á Borgarfirði eystra
Lundakonurnar Rán Flygenring og Elín Elísabet Einarsdóttir með listaverk.
Lundinn er í endursköpun