Morgunblaðið - 08.08.2020, Page 30

30 MESSURá morgun
MORGUNBLAÐIÐ LAUGARDAGUR 8. ÁGÚST 2020
ÁRBÆJARKIRKJA | Sumarhelgistund
kl. 11. Sr. Petrína Mjöll Jóhannesdóttir
flytur hugvekju og þjónar fyrir altari. Fé-
lagar í kór Árbæjarkirkju leiða sönginn
og Reynir Jónasson er organisti. Kaffi-
sopi og spjall eftir stundina.
ÁSKIRKJA | Guðsþjónusta kl. 11. Séra
Sigurður Jónsson sóknarprestur prédik-
ar og þjónar fyrir altari. Forsöngvari er Jó-
hanna Ósk Valsdóttir, organisti er Bjart-
ur Logi Guðnason. Kaffisopi að
guðsþjónustu lokinni.
BÚSTAÐAKIRKJA | Kvöldmessa kl.
20. Þetta er messa með breyttu formi í
tali og tónum. Tónlistarflutning annast
Rósalind Gísladóttir og Þórður Sigurðs-
son. Sr. María Ágústdóttir og messu-
þjónar leiða stundina.
DIGRANESKIRKJA | Sameiginleg
guðsþjónusta Digraneskirkju og Hjalla-
kirkju verður í Digraneskirkju 9. ágúst kl.
11. Ferming. Prestur er Sjöfn Jóhann-
esdóttir. Organisti er Lenka Matjéova.
Minnum á tilmæli sóttvarnalæknis um
Covid-19.
DÓMKIRKJA Krists konungs,
Landakoti | Messa á sunnud. kl. 8.30
á pólsku, kl. 10.30 á íslensku, kl. 13 á
pólsku og kl. 18 á ensku. Messa virka
daga kl. 18, og má. mi. og fö. er messa
kl. 8. Lau. kl. 18 er vigilmessa.
DÓMKIRKJAN | Guðsþjónusta kl. 11.
Séra Sveinn Valgeirsson þjónar fyrir alt-
ari. Dómkórinn.
FELLA- og Hólakirkja | Guðsþjónusta
kl. 11. Sr. Pétur Ragnhildarsson þjónar
og prédikar. Kór kirkjunnar syngur undir
stjórn Arnhildar Valgarðsdóttur organ-
ista. Meðhjálpari er Helga Björg Gunn-
arsdóttir.
FRÍKIRKJAN Reykjavík | Fermingar-
messa 9. ágúst kl. 14. Séra Hjörtur
Magni Jóhannsson safnaðarprestur
þjónar fyrir altari. Hljómsveitin Mantra
og Sönghópurinn við Tjörnina leiða
sönginn ásamt Gunnari Gunnarssyni.
GARÐAKIRKJA | Sumarkirkjan. Guðs-
þjónusta kl. 11. Sr. Hans Guðberg Al-
freðsson og Margrét Gunnarsdóttir
djákni þjóna fyrir altari, Margrét Lilja Vil-
mundardóttir flytur hugvekju og Ástvald-
ur Traustason organisti leiðir lofgjörð-
ina. Við gætum að tveggja metra
reglunni og öðrum leiðbeiningum sótt-
varnayfirvalda og því verður ekki boðið
upp á kaffisopa eftir stundina. Sumar-
kirkjan er samstarfsverkefni safnaða í
Garðabæ og Hafnarfirði um helgihald í
Garðakirkju kl. 11 alla sunnudaga í sum-
ar.
GRAFARVOGSKIRKJA | Sunnudaginn
9. ágúst verður kaffihúsamessa með
breyttu sniði. Sr. Guðrún Karls Helgu-
dóttir þjónar og Guðrún Eggertsdóttir
prédikar. Organisti er Hákon Leifsson.
GRENSÁSKIRKJA | Guðsþjónusta kl.
11. Prestur er María G. Ágústsdóttir og
organisti er Ásta Haraldsdóttir. Kirkjukór
Grensáskirkju leiðir almennan söng.
Einn drengur verður fermdur. Kyrrðar-
stund á þriðjudag kl. 12. Við virðum
tveggja metra regluna og gætum hrein-
lætis. Þau sem búa á sama heimili
mega sitja saman.
GUÐRÍÐARKIRKJA í Grafarholti |
Kvöldguðsþjónusta. Prestur er Pétur
Ragnhildarson. Tónlistarflutningur í
umsjá Ásbjargar Jónsdóttur, Kirkjuvörð-
ur er Lovísa Guðmundsdóttir.
HAFNARFJARÐARKIRKJA | Sumar-
kirkjan. Guðsþjónusta kl. 11 í Garða-
kirkju á Álftanesi. Sr Hans Guðberg Al-
freðsson leiðir stundina.
HALLGRÍMSKIRKJA | Guðsþjónusta
kl. 11. Sr. Sigurður Árni Þórðarson pré-
dikar og þjónar fyrir altari. Messuþjónar
aðstoða. Félagar úr Mótettukór Hall-
grímskirkju syngja. Organisti er Lára
Bryndís Eggertsdóttir. Bænastundir kl.
12 miðvikudag, fimmtudag og föstudag.
Orgeltónleikar fimmtud. kl. 12.30. Ey-
þór Wechner Franzson leikur.
HÁTEIGSKIRKJA | Guðsþjónusta kl.
11. Séra Helga Soffía Konráðsdóttir
prédikar, þjónar fyrir altari og skírir barn.
Félagar úr Kordíu, kór Háteigskirkju,
leiða safnaðarsöng. Organisti er Guðný
Einarsdóttir.
HJALLAKIRKJA Kópavogi | Sameig-
inleg guðþjónusta Digraneskirkju og
Hjallakirkju verður í Digraneskirkju 9.
ágúst kl. 11. Ferming. Prestur er Sjöfn
Jóhannesdóttir. Organisti er Lenka Mat-
jéova.
Minnum á tilmæli sóttvarnalæknis um
Covid-19.
LANGHOLTSKIRKJA | Messa kl. 11,
Guðbjörg Jóhannesdóttir sóknarprestur
þjónar. Félagar úr Fílharmóníunni syngja
undir stjórn Magnúsar Ragnarssonar
organista. Athugið að sunnudagaskól-
inn hefur ekki hafið störf.
LAUGARNESKIRKJA | Kvöldmessa
kl. 20. Sr. Davíð Þór Jónsson þjónar og
flytur hugvekju. Almennur safnaðar-
söngur.
LÁGAFELLSKIRKJA | Guðsþjónusta
kl. 11. Barn fermt. Sr. Ragnheiður Jóns-
dóttir þjónar fyrir altari og prédikar. Org-
anisti er Þórður Sigurðarson. Almennur
safnaðarsöngur. Kirkjuvörður er Bryndís
Böðvarsdóttir.
LINDAKIRKJA í Kópavogi | Sunnu-
dagaskóli kl. 11 í umsjón Regínu Óskar
og Svenna Þórs. Guðsþjónusta kl. 20.
Óskar Einarsson sér um tónlistina, sr.
Guðmundur Karl Brynjarsson þjónar.
SELJAKIRKJA | Guðsþjónusta kl. 11,
sr. Bryndís Malla Elídóttir prédikar og
þjónar fyrir altari. Tómas Guðni Eggerts-
son leikur á orgel og Kór Seljakirkju
syngur, messukaffi í lokin. Gætt er að
öllum sóttvarnareglum í kirkjunni sem
rúmar alla vel m.t.t. tveggja metra regl-
unnar.
SELTJARNARNESKIRKJA | Guðsjón-
usta kl. 11. Sr. Bjarni Þór Bjarnason
þjónar. Friðrik Vignir Stefánsson er org-
anisti. Félagar úr Kammerkórnum
syngja. Kaffiveitingar eftir athöfn í safn-
aðarheimilinu.
SKÁLHOLTSDÓMKIRKJA | Guðsþjón-
usta sunnudag kl. 11. Sr. Egill Hall-
grímsson annast prestsþjónustuna.
Morgunblaðið/Ómar
Selvogur Strandarkirkja.
Minningarvefur á mbl.is
Vefur þar sem er sameinað efni sem snýr að
andlátum og útförum. Þar eru birtar andláts-,
útfarar- og þakkartilkynningar sem eru að-
gengilegar öllum en auk þess geta áskrifendur
lesið minningargreinar á vefnum.
  
 


 
 þjónustuaðila sem aðstoða þegar andlát ber

  




 
ætlaðar aðstandendum við fráfall ástvina.
www.mbl.is/andlát
Minningar
og andlát
„Sæll, má ég setj-
ast hjá þér?“
Þannig hófst vin-
skapur okkar Árna
Páls á fögrum sum-
ardegi árið 1999.
Staðurinn var Hólar í Hjalta-
dal þar sem við vorum báðir við
tímabundin störf, en vinskapur-
inn hélt áfram.
Það kom í ljós að við þekktum
báðir lítillega hvor til annars, átt-
um sameiginleg áhugamál sem
voru veiðar, skotfimi og byssur,
auk þess að geta rakið ættir okk-
ar saman.
Frá þessum degi leið varla sá
dagur að það væru ekki einhver
samskipti okkar á milli.
Það var spjallað saman, unnið
saman, ferðast saman innanlands
sem utan og skotveiðar stund-
aðar saman.
Minningarbrotin koma upp í
hugann. Sigling í Hvallátur, sel-
veiðar í Höfðavatni, veiðiferðir í
gæs, önd svartfugl og rjúpu.
Heimsóknir í Naust og Hólma-
tjörn.
Samskipti okkar Sigrúnar
Öldu við Árna Pál og Sólveigu
voru mikil og góð í gegnum tíðina
og leiksvið lífsins stækkaði mikið
við að kynnast þeim og mörgum
af þeirra fjölmörgu vinum og
kunningjum.
Árni Páll var vinamargur,
hafði víða komið við og lagt hönd
á plóg við margvísleg verkefni
hérlendis sem erlendis. Enda eft-
irsóttur á sínu sérsviði.
Áhugamálin voru mörg og
fjölbreytt, þar var eiginlega
ekkert undanskilið.
Hann var víðlesinn, kunni
skil á flestu og var fljótur að
mynda sér skoðanir á hlutun-
um.
Hann var ekki endilega í
neinum „já hópi“ ef því var að
skipta. Og honum var alveg ná-
kvæmlega sama um það. Maður
sem stóð á sínum skoðunum.
Hann var mjög duglegur og
afkastamikill við það sem hann
tók sér fyrir hendur, þrátt fyrir
það að hann gengi líkamlega
ekki heill til skógar í rúma tvo
áratugi.
Eins vel og hann var að sér í
ýmsum tungumálum auk ís-
lenskunnar, þá var eitt orð sem
ekki var til í hans orðaforða og
það var orðið uppgjöf.
Hann var kröfuharður við
sjálfan sig og ætlaðist til þess
sama af öðrum.
Fagurkeri sem vildi hafa
fólk, fallega list og hluti í kring-
um sig og naut þess.
Hann var afar hagmæltur en
var ekkert endilega að flíka því.
Breiðafjörðurinn var hans
staður á Íslandi eins og vel má
sjá í eftirfarandi erindi, sem er
eitt af fjórum sem hann orti í
minningu föður síns, en á einn-
ig mjög vel við um hann.
Í Breiðafirði barr mitt óx og bernsku-
hlynur.
Halda þangað vildi ég vinur
veröld þegar þessi hrynur.
Hann var með sjómannsblóð
í æðunum og var því góður í því
að hnýta hnúta, en hann kunni
einnig að leysa þá þegar þess
þurfti.
Hugsunin var skýr alveg til
síðustu stundar og hann var
með hugann við sitt fólk, eins
og alltaf.
Við hjónin þökkum fyrir
djúpa og gefandi vináttu um
leið og við vottum Sólveigu,
sonum, fjölskyldu og ættingjum
okkar dýpstu samúð.
Árni Páll
Jóhannsson
✝ Árni Páll Jó-hannsson
fæddist 13. október
1950. Hann lést 23.
júlí 2020.
Útför hans fór
fram 5. ágúst 2020.
Deyr fé,
deyja frændur,
deyr sjálfur ið sama.
En orðstír
deyr aldregi
hveim er sér góðan
getur.
(Úr Hávamálum)
Jón Pálma-
son og Sig-
rún Alda
Sighvats.
Það er ekki auðvelt verk að
minnast manns á borð við Árna
Pál í fáum orðum. Strax kemur
upp í hugann endalaus röð af já-
kvæðum lýsingarorðum; glað-
beittur, duglegur, fyndinn, dríf-
andi, hugmyndaríkur,
ráðagóður, hjálpsamur, kjarkað-
ur, þannig væri hægt að halda
endalaust áfram.
Þetta var óvenjulega hæfi-
leikaríkur og frjór maður og,
eins og slíkir menn eru gjarnan,
með margar hliðar. Sumar
þekkti ég meira, aðrar minna.
Leiðir okkar lágu saman fyrir
meira en þrjátíu árum og hélst
sá vinskapur alla tíð.
Ég held að hann hafi örugg-
lega hreyft við öllum sem honum
kynntust. Áreiðanlega mótaði
vinátta okkar mig að mörgu
leyti.
Árni gat séð fegurðina í ólík-
legustu hlutum. „Þetta er fal-
legt,“ sagði hann gjarnan um
ljótan hlut eða eitthvert skrýtið
mannanna atferli og var þá nátt-
úrlega að meina inntak en ekki
útlit. Maður sá alltaf hlutina í of-
urlítið öðru ljósi eftir að hafa
spjallað við Árna Pál og ég er
ekki frá því að hafa orðið svolítið
betri maður í hvert skipti.
Árni var afar góður sögumað-
ur þar sem bæði flutningur og
efni voru tekin óvenjulegum tök-
um. Margar af skrýtnustu og
skemmtilegustu sögum sem ég
hef heyrt eru frá honum komn-
ar. Einhvern veginn urðu þær
svo heldur bragðdaufari þegar
ég eða aðrir reyndu að hafa þær
eftir síðar.
Húmoristi var hann af bestu
gerð, sagði frá með bros á vör
og glimt í auga. Húmorinn gat
verið afar stórkarlalegur á
stundum en alltaf illskulaus og
undirtónninn var hlýr.
Ekki ætla ég mér að tíunda af-
rek Árna sem kvikmyndagerðar-
manns, leikmyndahönnuðar, sýn-
ingahönnuðar eða listamanns.
Aðrir eru mun betur búnir til
þess.
Það var alltaf hugur í Árna
Páli, eldmóður jafnvel. Hann var
sífellt með eitthvað í bígerð, ný
verkefni, nýjar hugmyndir og
óhræddur við að venda sínu
kvæði í kross, breyta til og takast
á við nýja hluti. Þessu smitaði
hann svo í aðra. „Fram til sigurs“
var frasi sem hann notaði gjarnan
og ég, undirritaður, hef leyft mér
að taka upp eftir honum.
Árni sýndi fádæma dugnað og
æðruleysi í þeim mörgu glímum
sem hann tók við sinn vonda sjúk-
dóm. Hann vann þær allar, nema
þá síðustu. Henni töpum við víst
öll.
Við sem eftir sitjum erum öll
talsvert fátækari núna þegar Árni
Páll er genginn. Á móti kemur
hins vegar hið mikla ríkidæmi
sem við öðluðumst með því að
eiga því láni að fagna að vera
samferðamenn hans.
Sólveigu og fjölskyldunni allri
sendi ég mínar bestu samúðar-
kveðjur.
Takk, Árni Páll, fyrir mig og
mína.
Ingólfur Eldjárn.
Þýtur í stráum þeyrinn hljótt,
þagnar kliður dagsins.
Guð er að bjóða góða nótt
í geislum sólarlagsins.
(Trausti Á. Reykdal)
Vinur okkar Árni Páll er fall-
inn frá. Það er mikill missir. Við
kveðjum hann með þakklæti, ást
og söknuði.
Árni Páll var heiðarlegur,
hvetjandi, skapandi, gjafmildur,
gestrisinn, einstaklega skemmti-
legur og hlýr maður.
Elsku Sólveig. Takk fyrir
dásamlega daga með ykkur.
Í gestabókinni okkar, 31.
mars 2009, er varðveitt þetta fal-
lega ljóð eftir Árna Pál:
Rennur dagur,
roða slær á rastarblómin.
Lómurinn þá lækkar róminn
líkt og skynji helgidóminn.
Í Breiðafirði barr mitt óx
og bernskuhlynur.
Halda þangað vildi ég vinur
veröld þegar þessi hrynur.
Ránardætur daðra þar
við dökka hleina.
Heyri ég líka eina og eina
elska segjast þessa steina.
Þegar á göngu þreyttur verð
og þjakar elli.
Feginn legg ég vanga að velli
víst á ég sæti í Helgafelli.
(Á.P.J.)
Innilegar samúðarkveðjur.
Vigdís (Dísa) og Einar.
Árni Páll hefur lengi verið
samferða okkur í hópi Spilavina
og einnig sem einn af mökunum í
útskriftarhópi lækna frá 1980.
Við hittum hann reglulega á
heimili þeirra Sollu þegar við
komum og spiluðum og einnig
áttum við skemmtilegar stundir
saman með mökum okkar.
Margar ferðir voru farnar sam-
an í sumarhús og einnig utan-
landsferðir og eftirminnilegust
er síðasta ferðin þegar við fórum
saman í siglingu. Árni Páll féll
strax vel inn í hópinn. Hann var
glaðsinna og skemmtilegur, fé-
lagslyndur og hafði áhuga á líf-
inu og öðru fólki. Þá var Árni
Páll afar bóngóður ef eitthvað
þurfti að laga eða betrumbæta.
Árni Páll var listamaður,
mínimalisti og fagurkeri og einn-
ig skemmtilegur sögumaður.
Hann var afar frjór og fullur af
hugmyndum og alltaf að hugsa
og skapa og hafði einstakt auga
fyrir fegurðinni í umhverfinu.
Við fengum að fylgjast með æv-
intýri í Holtunum þegar móar og
melar breyttust í glæsilegt heim-
ili af allra smekklegustu gerð.
Tilbúin tjörn með hólma þar sem
fuglar settust að og fiskar hopp-
uðu í tjörninni fyrir framan hús-
ið. Hann byggði gróðurhús þar
sem Solla réð ríkjum. Þar reis
skemma með vinnuaðstöðu og
eldsmiðju og síðar sýningarsal-
ur. Allt lék í höndum Árna Páls
og úr urðu listaverk, alveg sama
hvað hann handlék.
Við eigum ekki eftir að hitta
Árna í stofunni hjá Sollu, en fáir
skilja eftir sig jafn glæsileg
minnismerki og Árni Páll. Minn-
umst góðs vinar með virðingu og
söknuði.
Brynhildur og Magnús,
Ragnhildur og Einar
Baldvin, Sigríður og
Skúli.
Fyrir um áratug sendi Árni
Páll mér þetta litla ljóð í tölvu-
pósti, en hann sagði það vera
braghendu og vera gamlan kveð-
skap eftir hann sjálfan. Það lýsir
manninum vel og ber honum
fagurt vitni líkt og svo margt
annað í hans lífi. Takk fyrir sam-
fylgdina og vertu sæll í þínu
Helgafelli, vinur.
Rennur dagur,
roða slær á rastarblómin.
Lómurinn þá lækkar róminn
líkt og skynji helgidóminn.
Í Breiðafirði barr mitt óx
og bernskuhlynur.
Halda þangað vildi ég vinur
veröld þegar þessi hrynur.
Ránardætur daðra þar
við dökka hleina.
Heyri ég líka eina og eina
elska segjast þessa steina.
Þegar á göngu þreyttur verð
og þjakar elli.
Feginn legg ég vanga að velli
víst á ég sæti í Helgafelli.
(Á.P.J.)
Kristinn E. Hrafnsson.
Mig langar í örfáum orðum að
minnast vinar míns og sam-
starfsmanns Árna Páls Jóhanns-
sonar sem verður jarðsettur í
dag. Árni Páll var frábær lista-
maður sem lét til sín taka í öllum
listgreinum. Hann var mikill
myndlistarmaður og verk hans
voru þaulhugsuð og smekklega
útfærð. Hann bjó yfir afburða
útsjónarsemi sem nýttist vel við
gerð leikmynda. Ekkert var
óframkvæmanlegt þótt fjármun-
ir væru af skornum skammti.
Árni Páll var oft eins og galdra-
meistari sem hugsaði í lausnum.
Ef hans verklagni og hugmynda-
flugs hefði ekki notið við þegar
við gerðum kvikmyndirnar Bíó-
daga og Djöflaeyju væru þær
ekki svipur hjá sjón. Leikmynd-
in að Djöflaeyju er hans meist-
arastykki. Einnig bera bústað-
irnir á Naustum í Skagafirði og
heimili hans og Sólveigar Hól-
matjörn í Holti vitnisburð sem
mun lifa um alla framtíð.
Okkar kynni hófust 1977 þeg-
ar Gallerí Suðurgata 7 hóf starf-
semi sína og svo vann hann við
nánast allar kvikmyndir sem ég
kom að. Hann var einn skemmti-
legasti maður sem ég hef
kynnst. Sögur hans voru óborg-
anlegar og svo gat hann verið
svo meinstríðinn, sérstaklega
þegar hann var að gagnrýna
mann. Fyrir 20 árum byrjaði
barátta hans við illvígan sjúk-
dóm og var það aðdáunarvert
hvernig hann tókst á við hann
með Sólveigu sér við hlið. Lengi
vel hélt maður að hann hefði haft
sigur en eftir að hann sendi mér
þessa „lumbru“ um daginn þá
dvínuðu þær vonir: „Berst við
krabbann í lunganu og heilanum.
Reyni að skapa verk milli kvala.
Guð læknar og er með mér alla
tíð.“ Ég svaraði: „Þú ert falleg-
astur.“
Árna Páls Jóhannssonar verð-
ur sárt saknað. Það var heiður
að fá að starfa með honum og að
fá að eiga hann að vini. Ég votta
Sólveigu og fjölskyldu mína
dýpstu samúð.
Friðrik Þór Friðriksson.
Ég hef lengi óttast að þessi
dagur rynni upp og alltaf kviðið
honum jafn mikið. Ég var einn af
ótrúlegum fjölda vina og sam-
starfsmanna Árna Páls og við
höfum þekkst og unnið saman í
23 ár og ég fékk stundum að
vera tunglið sem sólin hans
skein á. Við kynntumst þegar
hann kom upp á verkfræðistof-
una Línuhönnun til að athuga
með aðstoð við Wim Wenders í
kvikmynd þar sem maður átti að
hjóla á vír yfir Skógafoss. Hann
hvarf síðan úr teyminu og ég
frétti síðan að hann væri upptek-
inn við tvennt; hanna og byggja
sýningu í Lissabon og glíma við
krabbamein. Þetta var síðan það
sem við áttum eftir að gera sam-
an í yfir 20 ár í Hannover, París,
London, Prag, á Ströndum og
víðar; hanna og byggja sýningar
og Árni Páll barðist allan tímann
við krabbamein.
Hann hafði sérstaka afstöðu
til krabbameins: „Það þýðir ekk-
ert fyrir krabbameinið að banka
að dyrum hjá mér, ég er bara
ekki heima,“ og lengi vel trúði ég
því að þetta tækist en það gekk
því miður að endingu ekki eftir.
Árni Páll er hæfileikaríkasti,
hugmyndaríkasti og skemmti-
Minningar