Morgunblaðið - 19.08.2020, Qupperneq 15
MINNINGAR 15
MORGUNBLAÐIÐ MIÐVIKUDAGUR 19. ÁGÚST 2020
✝ Rúnar ÁrniÓlafsson fædd-
ist 18. ágúst 2017 í
Reykjavík. Hann
lést á Drottning
Silvias barn- och
ungdomssjukhus í
Gautaborg 31. júlí
2020.
Foreldrar hans
eru Ólafur Ólafs-
son, fæddur 1978,
sjómaður og Vigdís
Björk Ásgeirs-
dóttir, fædd 1977, fjár-
málaráðgjafi.
Foreldrar Ólafs eru Ólafur Jó-
hannesson, f. 1955, og Jónína
Sigurðardóttir, f. 1951. Börn
Ólafs og Jónínu eru 1) Fannar
Jónínuson Ólafsson, f. 1971, gift-
ur Margréti Fanneyju Sigurð-
ardóttur, f. 1977, og eiga þau
þrjú börn, 2) Sigrún Freysdóttir,
f. 1973, og á hún þrjú börn, 3)
Árni Már Ólafsson, f.
1982, sambýliskona
Aleksandra Natalia
Gorzkowska, f. 1990,
4) Júlía Ósk Ólafs-
dóttir, og á hún einn
son.
Foreldrar Vigdís-
ar eru Ásgeir Árna-
son, f. 1952, og Sig-
rún Olgeirsdóttir, f.
1955. Dætur Ásgeirs
og Sigrúnar eru 1)
Bryndís Erla Páls-
dóttir, f. 1975, sambýlismaður
Baldur Guðmundsson, f. 1975,
börn þeirra eru fimm, 2) Hrafn-
hildur, f. 1983, sambýlismaður
Guðmundur Einar Sigurjónsson,
f. 1975, börn þeirra eru tvö.
Útförin fer fram frá Graf-
arvogskirkju í dag, 19. ágúst
2020, klukkan 13. Í ljósi aðstæðna
fer útförin fram með nánustu fjöl-
skyldu og vinum.
Elsku kúturinn okkar.
Það er enn svo óraunverulegt
að þú sért farinn frá okkur. Við
bíðum ennþá eftir snappi frá ykk-
ur til að vita hvað þú værir að taka
þér fyrir hendur yfir daginn.
Fljótlega eftir að þú fæddist kom í
ljós að þú værir með hjartagalla
og að þú gætir þurft að fá nýtt
hjarta.
Þrátt fyrir þína stuttu ævi náð-
ir þú samt að gera margt
skemmtilegt. Þú byrjaðir í leik-
skóla en þér fannst samt ekkert
mjög gaman en elskaðir að fara út
að leika.
Þú fórst í sumarbústaði og
skelltir þér í pottana með þínu
fólki. Sumarið 2019 fórstu með
fjölskyldu og vinum til Tenerife
þar sem þú fórst í ýmsa garða og
að sjálfsögðu í sundlaugina þar
sem var nóg af fólki til að leika við
þig.
Fljótlega eftir 2 ára afmælið
þitt fór þér að hraka. Hjartað þitt
versnaði og á endanum varstu
sendur ásamt mömmu og pabba
með sjúkraflugi um miðja nótt til
Gautaborgar þar sem þú varst
lagður inn á barnaspítalann. Þá
varst þú orðinn rosalega veikur og
við fengum þá að vita að þú þyrftir
að fá nýtt hjarta. Þú fórst í marg-
ar aðgerðir og stundum var þetta
ansi tæpt en þú ætlaðir þér sko
ekki að gefast upp. Það sýndir þú
okkur öllum margoft.
Framfarir seinustu mánuði
voru ótrúlegar. Þú varst farinn að
styrkjast svo mikið og alltaf á
ferðinni. Mamma þín og pabbi
voru sveitt við að halda í við þig! Í
góða veðrinu fenguð þið að fara
nokkrum sinnum út í garð og þér
fannst langskemmtilegast að fá að
sulla í vatninu eða leika með bolta.
Á hæðinni var risastórt fiskabúr
sem þér fannst gaman að horfa á.
Þín vinna var að gefa þeim mat og
ekki leiddist þér það. Þegar Paul
vinur þinn kom í heimsókn til þín
með gítarinn sinn þá sastu stjarf-
ur og hlustaðir á hann. Einn dag-
inn varstu sjálfur búinn að fá gítar
svo þú gætir spilað með honum og
það fannst þér gaman.
Við erum svo þakklát fyrir öll
myndsímtölin sem við fengum, því
þú varst oftast svo kátur, stutt í
brosið og hláturinn. Þegar þú
varst að tala við Hrafnhildi þá
vildir þú bara hann Umma þinn og
Baddi (Kappi) átti að hlaupa um
allt þegar þú talaðir við Bryndísi.
Skemmtilegast var samt að tala
við ömmu og afa þar sem þau voru
alltaf með fíflalæti við þig. Þú
bentir alltaf á nefið á þér þegar
þau hringdu og þá áttu þau að
setja upp trúðanefið en þau voru
þau einu sem máttu það. Þið
skemmtuð ykkur konunglega og
þú hlóst og hlóst, þegar þau létu
sig svo hverfa af skjánum og birt-
ast allt í einu, þú baðst þau alltaf
um meira.
Daginn sem þú varst tekinn frá
okkur varstu nýbúinn að tala við
ömmu og afa og það lá svo rosa-
lega vel á þér. Þegar við fáum
fréttirnar um að þú sért látinn
viljum við ekki trúa því. Vélin sem
hélt þér á lífi tók þig frá okkur.
Við erum samt svo heppin að eiga
fullt af minningum með þér og
þær munum við varðveita í hjört-
um okkar. Við vitum að þér líður
vel og að þín verður vel gætt.
Vertu nú yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sigurður Jónsson frá Presthólum)
Hvíl í friði, elsku kúturinn okk-
ar.
Sigrún og Ásgeir, amma
og afi Álfheimum, Bryndís,
Baldur, Hrafnhildur og
Guðmundur.
Ofurhetjan mín, ég man eftir
því þegar ég sá þig fyrst, það var á
spítalanum þegar við vorum að
koma með eitthvert dót fyrir þig.
Ég mátti ekki fara inn í herbergið
til þín því ég var ekki orðin nógu
gömul en mamma þín kom og stóð
í dyrunum á herberginu sem þú
varst í og við fengum að sjá þig.
Þú varst svo lítill.
Þegar þú fluttir í Mosó fórum
við oft út á leikvöll, sem var rétt
hjá húsinu þínu, þér fannst svo
gaman í rólunni og að renna þér
niður úr rennibrautinni. Þú hlóst
alltaf svo mikið.
Á einu badmintonmótinu í
Mosó komst þú með mömmu
þinni og horfðir á mig. Á milli
leikja kom ég til þín og þú hélst á
spaðanum mínum og varst að
skoða hann.
Þegar ég keppti á Íslands-
mótinu í badminton sem var í
Reykjavík kom mamma þín að
horfa á mig en þú gast ekki komið
því þú varst orðinn veikur. Svo
þegar ég var að spila leikina hugs-
aði ég með mér: ég ætla að vinna
leikina fyrir þig og ég vann þá og
varð Íslandsmeistari.
Mamma þín náði ekki að horfa
á úrslitaleikinn því hún þurfti að
fara til þín.
Enn í dag hugsa ég þegar ég er
á mótum að ég ætli að spila leikina
fyrir þig.
Þegar við vissum svo að þú
myndir bráðum fara út til Svíþjóð-
ar þá fóru krakkarnir í strætó upp
á spítala til að kveðja þig. Ég
mátti ekki fara því ég var með
kvef og það mátti ekki koma til þín
á spítalann með kvef, því ónæm-
iskerfið hjá þér var svo veikt
þannig ég mátti ekki kveðja þig.
Þegar þú varst úti í Svíþjóð
vildir þú oft sjá Kappa, hundinn
okkar, hlaupa og leika sér. Þú
kallaðir hann samt alltaf Badda.
Þú gast sagt Köggur en svo sagðir
þú alltaf Baddi. Þegar við töluðum
saman á myndsímtali vildir þú
alltaf sjá Kappa og strax þegar
Kappi heyrði röddina þína eða
mömmu þinnar fór hann að leita
að þér út um allt. Þér fannst alltaf
svo gaman að sjá hann og varst
svo glaður.
Sakna þín svo mikið, þú verður
alltaf glaði litli frændi minn og ég
mun halda áfram að spila badmin-
tonleikina fyrir þig.
Þín stóra frænka,
Dagbjört Erla.
Elsku Rúnar Árni fallegi eng-
illinn minn, þú munt alltaf vera í
huga mínum og hjarta.
Þótt sólin nú skíni á grænni grundu
er hjarta mitt þungt sem blý.
Því burt varst þú kölluð á örskammri
stundu,
í huganum hrannast upp sorgarský.
Fyrir mér varst þú ímynd hins göfuga og
góða,
svo gestrisin, einlæg og hlý.
En örlög þín ráðin - mig setur hljóða,
við hittumst ei framar á ný.
Megi algóður Guð þína sálu nú geyma,
gæta að sorgmæddum, græða djúp
sár.
Þó komin sért yfir í aðra heima
mun minning þín lifa um ókomin ár.
(Höf.ókunnur.)
Hvíl í friði hjartans gullið mitt.
Þín frænka
Sigrún (Dúdú).
Elsku litli frændi minn, ég var
svo spennt að fá lítinn frænda og
fannst alltaf gaman að fá að koma
við bumbuna hennar Viggu
frænku áður en þú fæddist, ég
fann þig sparka og svo lagði ég
líka stundum eyrað á bumbuna og
reyndi að hlusta á þig. Ég gat ekki
beðið eftir að fá að sjá þig eftir að
þú fæddist og vildi helst alltaf fá
að vera hjá Viggu frænku og Óla
og fá að halda á þér, mér fannst
ekkert gaman að þurfa að lofa hin-
um krökkunum að halda á þér en
ég leyfði það í smástund.
Þegar þú reyndir að segja
nafnið mitt þá var það mjög erfitt
fyrir þig svo þú kallaðir mig alltaf
Dúdú og mér fannst það rosa
sætt. Mér fannst alltaf svo gaman
að leika við þig, stundum fórum
við á mottuna og fórum að leika
með dótið og lesa bók eða skoða
myndirnar í bókunum eða hlusta
hljóðin í bílabókunum, það var
alltaf svo skemmtilegt þó ég þyrfti
að gera sama hlutinn aftur og aft-
ur. Ég fékk stundum að gefa þér
að borða en þú varst ekki mjög
duglegur að borða nema kannski
grautinn þinn og þú elskaðir lýsi,
mér finnst það ekkert mjög gott.
Þegar ég fór með þér í flugvél-
inni til Tenerife, því ég var að fara
að hitta vinkonu mína, það var
mjög gaman hjá okkur í flugvél-
inni, við lékum okkur út um allt,
gátum meira að segja setið á gólf-
inu fyrir framan pabba þinn að
leika því hann fékk svo mikið
pláss fyrir lappirnar. Við horfðum
líka á ipadinn. Ég var fyrstu dag-
ana mikið með vinkonu minni en
svo saknaði ég þín svo mikið að ég
fékk að vera á hótelinu hjá þér.
Mig langaði rosalega mikið að fá
að sofa hjá þér svo pabbi þinn svaf
bara á bedda sem var eiginlega al-
veg á gólfinu en það var svo gott
að vakna við hliðina á þér. Við
gerðum mikið saman á Tenerife,
við fórum stundum út að labba,
stundum fórum við í litlu sund-
laugina og stundum fórum við í
stóru sundlaugina.
Þegar þú fluttir í Mosó til okk-
ar fór ég oft í heimsókn til þín eða
varð eftir þegar ég fór með fjöl-
skyldunni minni, ég hefði getað
búið hjá þér og verið alltaf hjá þér
því ég elskaði þig svo mikið og
fannst svo gaman að vera með
þér. Ég sakna þín svo mikið og
hafði hlakkað rosalega mikið til að
gera margt skemmtilegt með þér
þegar þú kæmir heim.
Elska þig út í geim og til baka,
þín uppáhaldsfrænka,
Sigrún Erla.
Ég var búinn að bíða svo
spenntur eftir að fá þig heim,
Rúnar Árni, litli frændi minn, því
þú varst orðinn svo stór og sterk-
ur og við gætum þá gert svo mikið
saman. Litla golfsettið mitt beið
úti í bílskúr eftir þér, því ég ætlaði
sko að kenna þér golf svo þú yrðir
jafn góður og ég. Ég var alveg bú-
inn að gefa þér golfsett áður en
það var bara úr plasti en þá varstu
líka svo lítill. Ég ætlaði líka að fara
með þér á drullubrautina sem var
rétt hjá þér og þar gætum við
hjólað og skemmt okkur. Þú gætir
svo stundum verið á krossaranum
mínum og þegar hann væri orðinn
of lítill fyrir mig áttir þú að fá
hann. Þá værir þú fljótur að koma
í heimsókn til okkar og við gætum
leikið við Kappa og farið á tram-
pólínið.
Þegar þið fluttuð í Mosó var svo
auðvelt að fara í heimsókn til ykk-
ar, ég hjólaði bara, fór á hlaupa-
hjóli eða krossaranum og það var
ekkert mál. Ég kom oft einn að
leika við þig og Óla, því ég rataði
alveg sjálfur og það var svo gam-
an hjá okkur. Þegar þú varst lítill
var ég samt meira að passa pabba
þinn og leyfði hinum að passa og
leika við þig.
Þegar þú varst rosalega veikur
og fórst til Svíþjóðar vildi ég alltaf
fá að sjá snöppin og myndböndin
af þér en samt ekki við matar-
borðið, en þau hin voru samt alltaf
að tala um þig þá og þá hélt ég
bara fyrir eyrun og bað þau að
hætta að tala um þig, við gætum
gert það þegar við værum búin að
borða því það var svo erfitt að
hugsa um þig svona veikan þegar
ég var að borða. Þegar þú varst
orðinn hressari var allt í lagi að
tala um snöppin og myndböndin
við matarborðið og þá vorum við
líka stundum lengi að borða því
við þurftum að skoða þau svo oft
og tala svo mikið um hvað þú vær-
ir duglegur.
Sakna þín rosalega, rosalega
mikið, litli frændi minn.
Þinn frændi,
Ásgeir Páll.
Elsku ofurhetjan okkar, það
sem við söknuðum þín þegar þú
varst í Svíþjóð og við vorum svo
spennt að fá þig aftur heim til okk-
ar, en þá varst bara tekinn frá
okkur.
Við munum hvað við vorum
spennt að sjá þig fyrst þegar þú
varst nýfæddur. Við keyrðum upp
á spítala til að koma með teppi,
svo þér væri ekki kalt þegar þú
varst að fara heim af spítalanum.
Við sáum þig bara í gegnum hurð-
ina og þú varst svo lítill og við vor-
um voðalega spennt að fá að hitta
þig aftur.
Ein minning sem við munum
vel eftir var þegar við fórum með
Hrafnhildi frænku að passa þig
þegar þú varst um 8 mánaða, því
mamma þín og pabbi voru að fara
út að borða. Um leið og foreldrar
þínir löbbuðu út byrjaðir þú að
gráta og þú grést í um klukkutíma
og við reyndum að gera allt svo þú
hættir að gráta, við dönsuðum fyr-
ir þig á meðan Hrafnhildur hélt á
þér, við hoppuðum og skoppuðum,
lásum og sungum en þú hættir
ekki að gráta, svo fórum við í
klappleik og Hrafnhildur sagði að
mættum bara ekki stoppa að
klappa því þegar við vorum að
klappa hættir þú að gráta. Svo
fórum við á leikteppið og fórum að
leika okkur öll saman.
Þér fannst líka alltaf svo gaman
að horfa á Kappa í „skuggaleik“
eða bara eitthvað að fíflast, og þú
kallaðir hann alltaf voffa eða
Badda, þannig sagðir þú Bessi,
vegna þess að þú ruglaðist alltaf á
þeim út af hvolpasveitinni þótt
það væri alltaf verið að segja að
hann héti Kappi. Þegar við vorum
að „facetime-a“, þá gátum við
voða lítið talað við þig, við þurftum
alltaf að vera að elta Kappa, svo
þú gætir séð hann.
Við söknum þín svo mikið og
okkur langar svo til að fá þig til
okkar en nú höfum við bara minn-
ingarnar af öllu því sem við gerð-
um saman og þær eigum við eftir
að geyma vel og njóta þess að
skoða myndir og myndbönd af
þér.
Elskum þig, litla ofurhetjan
okkar, og megi Guð vera með þér.
Þín frændsystkini,
Guðmundur Páll
og Berglind Erla.
Rúnar Árni Ólafsson
Yndislegi eiginmaður minn og besti vinur,
pabbi okkar, tengdapabbi og afi,
ANDRÉS ELISSON
sem lést af slysförum 6. ágúst, verður
jarðsunginn frá Eskifjarðarkirkju
föstudaginn 21. ágúst klukkan 14.
Í ljósi aðstæðna gilda fjöldatakmarkanir við athöfnina en henni
verður streymt á Facebook-síðu Eskifjarðarkirkju fyrir aðra en
nánustu fjölskyldu og boðsgesti.
Þökkum fyrir allar góðar kveðjur, gjafir og hlýhug í okkar garð.
Svana Guðlaugsdóttir
Guðlaug Dana Andrésdóttir Þórhallur Hjaltason
Ingunn Eir Andrésdóttir Páll Birgir Jónsson
og barnabörn
Ástkær bróðir og frændi,
PÁLL SIGURJÓNSSON
frá Galtalæk,
lést á Heilbrigðisstofnun Suðurlands
miðvikudaginn 12. ágúst.
Útförin fer fram frá Skarðskirkju föstudaginn
21. ágúst klukkan 14.
Blóm og kransar eru vinsamlegast afþakkaðir.
Vegna fjöldatakmarkana verður aðgengi að kirkju takmarkað en
athöfninni verður útvarpað í bíla.
Systkini, systkinabörn og fjölskyldur
Ástkær eiginkona mín, móðir, tengdamóðir
og amma,
SVANHVÍT KJARTANSDÓTTIR,
Lambhaga 20,
Selfossi,
verður jarðsungin fimmtudaginn 20. ágúst
klukkan 14 frá Selfosskirkju.
Vegna samkomutakmarkana er athöfnin einungis fyrir nánustu
fjölskyldu og vini. Athöfninni verður streymt á vef Selfosskirkju.
Þráinn Guðmundsson
Sigrún Eggertsdóttir Ólafur Gunnarsson
Hildur Eggertsdóttir Huldís Franksdóttir
Hjalti Eggertsson Sigríður M. Helgadóttir
barnabörn og barnabarnabörn
Eiginkona mín,
UNNUR GUNNARSDÓTTIR SANDE,
áður til heimilis á Smáragötu 7,
Reykjavík,
lést á heimili sínu í Osló föstudaginn
14. ágúst.
Fyrir hönd afkomenda hennar og systkina,
Henrik Jan Sande
Okkar ástkæri
RAGNAR ÁSGEIR RAGNARSSON,
fyrrverandi hótelstjóri,
lést á Hrafnistu í Hafnarfirði fimmtudaginn
13. ágúst. Útförin fer fram í kyrrþey að ósk
hins látna.
Sigurlaug Helgadóttir
Ragnar Hólm Ragnarsson
Sigurlaug Hólm Ragnarsdóttir
Aðalheiður Anna Ragnarsdóttir
Erna Hólm
Ragna Ragnarsdóttir
Elskuleg móðir okkar, tengdamóðir
og amma,
SR. ELÍN SALÓME
GUÐMUNDSDÓTTIR,
Þrastarhöfða 2, Mosfellsbæ,
lést á líknardeild Landspítalans í Kópavogi
föstudaginn 14. ágúst.
Útförin fer fram frá Lágafellskirkju þriðjudaginn 25. ágúst
klukkan 15. Í ljósi aðstæðna er athöfnin aðeins fyrir nánustu
aðstandendur og boðsgesti.
Soffía Kristín Þórðardóttir
Þórdís Ögn Þórðardóttir Þorvaldur Finnbogason
Sölvi Þórðarson Sara Þórunn Óladóttir Houe
og barnabörn