Morgunblaðið - 23.09.2020, Side 2

2 FRÉTTIRInnlent
MORGUNBLAÐIÐ MIÐVIKUDAGUR 23. SEPTEMBER 2020
Lækjargata 34a / 220 Hafnarfjörður
Við erum hér til að aðstoða þig! --
• Sérsmíðaðir skór
• Skóbreytingar
• Göngugreiningar
• Innleggjasmíði
• Skóviðgerðir
Erum með samning við
sjúkratryggingar Íslands
Tímapantanir í síma 533 1314
Margrét Þóra Þórsdóttir
Akureyri
„Staðan er svipuð hjá okkur og flest-
um öðrum sveitarfélögum í landinu.
Kjarasamningar síðustu missera hafa
þýtt mikla útgjaldaaukningu í formi
launa og nauðsynlegt er að bregðast
við með því að nýta þá fjármuni sem
við höfum úr að spila sem allra best.
Tekjufall og aukin útgjöld vegna Co-
vid-19 gera svo aðgerðir enn meira að-
kallandi og áríðandi,“ segir Halla
Björk Reynisdóttir, oddviti L-lista í
bæjarstjórn Akureyrar og forseti bæj-
arstjórnar.
Tilkynnt var á blaðamannafundi í
Hofi á Akureyri í gær að ákveðið hefði
verið að afnema meiri- og minnihluta í
bæjarstjórn Akureyrar það sem eftir
lifir kjörtímabils. L-listi, Framsóknar-
flokkur og Samfylking mynduðu
meirihluta á Akureyri eftir síðustu
kosningar. Minnihlutinn samanstóð af
fulltrúum Sjálfstæðisflokks, Miðflokks
og Vinstri grænna. Þeir flokkar sem
áður voru í minnihluta munu taka við
formennsku í skipulagsráði, frístunda-
ráði, stjórn Menningarfélags Akur-
eyrar, Vistorku og Fallorku.
Halla Björk segir að á þeim tveimur
árum sem liðin eru af kjörtímabilinu
hafi myndast mikið traust milli manna
og gagnkvæm virðing sem geri mögu-
legt að fá alla flokka að borðinu. Sú
sviðsmynd sem við blasir í rekstri
sveitarfélagsins er áður óþekkt. Allt
stefnir í umtalsverðan hallarekstur,
um eða yfir 3 milljarða króna á sama
tíma og tekjur minnka og kjarasam-
ingar eru bænum þungir í skauti. Um
tímabundið ástand er að ræða að hluta
til, en bæjarfulltrúar eru sammála um
að nýta hagstæða skuldastöðu bæjar-
ins til að taka lán til framkvæmda.
Samhliða lántöku verður gripið til hag-
ræðingaraðgerða.
Draga úr kostnaði
Bæjarfulltrúar rituðu á fundinum
undir samfélagssáttmála bæjarstjórn-
ar Akureyrar þar sem listaðar eru upp
leiðir sem farnar verða til að ná innan
ákveðins tímaramma fram sjálfbær-
um rekstri sveitarfélagsins.
„Helstu aðgerðir sem við munum
grípa til eru að fækka fermetrum með
því að samnýta eða selja húsnæði,
lækka heildarlaunakostnað þannig að
hann verði viðunandi hlutfall af rekstr-
artekjum, endurskoða laun bæjarfull-
trúa, bæjarstjóra og sviðsstjóra, meta
hvaða ólögbundnum verkefnum á að
hætta eða draga úr, einfalda stjórn-
sýslu og sameina svið,“ segir Halla
Björk. Þá verður dregið úr ferða-
kostnaði og skoðað að útvista verkefn-
um, samstarfssamningar verða endur-
skoðaðir sem og gjaldskrár bæjarins.
Leitað verður leiða til að draga úr
kostnaði við snjómokstur og eins verð-
ur unnið að því að útvista rekstri og
uppbyggingu á skíðasvæðinu í Hlíðar-
fjalli.
Hugsað út fyrir boxið
„Þetta eru merkileg tímamót,“
sagði Gunnar Gíslason, oddviti Sjálf-
stæðisflokks. Áfram yrði stunduð póli-
tík á Akureyri og gagnrýnin umræða
en menn væru samstiga í því að takast
á við þau stóru og erfiðu verkefni sem
framundan væru í sameiningu. „Von-
andi náum við meiri og betri árangri
með því standa saman,“ segir hann.
Sóley Björk Stefánsdóttir, fulltrúi VG,
kveðst stolt af því að taka þátt í verk-
efninu, þar sem hugsað væri út fyrir
boxið og allir tækju höndum saman við
að vinna sig út úr þeirri stöðu sem uppi
væri. Með því móti væri unnt að vinna
bænum sem mest gagn.
Blása lífi í vinnumarkaðinn
Þrátt fyrir yfirstandandi erfiðleika í
rekstri bæjarfélagsins er sóknarhugur
í bæjarfulltrúum sem horfa til þess að
blása nýju lífi í íbúða- og atvinnumark-
að í bænum. Meðal þess sem nefnt er í
þeim efnum er að bjóða ákjósanlegar
lóðir fyrir íbúðar- og atvinnuhúsnæði
og efla samkeppnishæfnina þannig að
fyrirtæki og stofnanir telji fýsilegt að
byggja upp starfsemi í bænum, og eins
er stefnt að því að efla Akureyri sem
miðstöð þróunar í matvælaiðnaði. Þá
stendur til að vinna að útfærslu á borg-
arhlutverki Akureyrarbæjar í sam-
starfi við ríki og sveitarfélög í lands-
hlutanum. Eins á að móta heildarsýn á
skipulag tjaldsvæðisreits við Þórunn-
arstræti en það hefur verið lagt niður
sem slíkt. Akureyrarbær hefur einnig
hug á að vera áfram leiðandi sveitarfé-
lag þegar kemur að umhverfismálum.
Meðal þess sem fram kemur í sam-
félagssáttmálanum er að tryggt verð-
ur að uppbygging á þróunarreit á
Oddeyri sem mikið hefur verið í um-
ræðu fari í íbúakosningu í gegnum
þjónustugátt. Eins er nefnt að mark-
visst íbúasamráð verði eflt.
Taka höndum saman við stórt verk
 Búið að afnema meiri- og minnihluta í bæjarstjórn Akureyrar  Stefnir í mik-
inn hallarekstur  Tekjufall og aukin útgjöld  Hagræðingaraðgerðir framundan
Morgunblaðið/Margrét Þóra
Akureyri Gunnar Gíslason, Halla Björk Reynisdóttir og Hilda Jana Gísla-
dóttir á blaðamannafundinum í gær þegar samstarfið var kynnt.
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
„Það er
óvenjulegt í
svo stóru
sveitarfélagi
eins og Ak-
ureyri er að
enginn eig-
inlegur
meirihluti
sé starf-
andi. Sú
hefur alltaf
verið raunin í stærri sveitar-
félögum að flokkapólitík sé
ráðandi,“ segir Grétar Þór Ey-
þórsson, prófessor við Háskól-
ann á Akureyri, um nýjustu
vendingar í bæjarstjórn Akur-
eyrar. Í smærri sveitarfélögum
hefur sá háttur stundum verið
hafður á, þó ekki sé það algilt.
Grétar Þór segir athyglis-
vert að ríkjandi meirihluti
standi að því að afnema sig á
miðju kjörtímabili, en að sögn
ráði aðsteðjandi vandi ferð-
inni. „Það mætti kannski yfir-
færa þetta á ríkisstjórnar-
stigið og vísa til þess að það
er ekki alveg óþekkt erlendis
að þjóðstjórnir séu myndaðar
í kreppuástandi,“ segir hann
og bætir við að erfitt sé að
segja til um hvort þetta fyrir-
komulag haldi út kjör-
tímabilið.
Þjóðstjórn
í kreppu
PRÓFESSOR VIÐ HA
Grétar Þór
Eyþórsson
Í RÉTTARSAL
Atli Steinn Guðmundsson
Vadsø í Noregi
„Ég er þess fullviss að dómendur
komist að þeirri niðurstöðu að þarna
hafi verið um hreint slys að ræða og
Gunnar hafi ekki ætlað sér að ráða
hálfbróður sínum bana.“
Þetta sagði Bjørn Andre Gulstad,
verjandi Gunnars Jóhanns Gunn-
arssonar, í samtali við Morgunblað-
ið í gærkvöldi.
Aðalmeðferð í máli Gunnars, sem
ákærður er fyrir að hafa skotið hálf-
bróður sinn, Gísla Þór Þórarinsson,
til bana að morgni laugardagsins 27.
apríl í fyrra, í Mehamn, einni af
nyrstu byggðum Noregs, var fram
haldið í gær í Héraðsdómi Austur-
Finnmerkur í Vadsø.
„Ekkert af því sem hann hefur
lagt fram kemur mér neitt á óvart,“
sagði Gulstad, inntur eftir því hvort
Torstein Lindquister, sem sækir
málið fyrir hönd héraðssaksóknara
Troms og Finnmerkur, hafi lagt
fram einhver gögn í málinu sem
veiki málstað Gunnars Jóhanns og
verjanda hans.
„Þetta var slys“
„Skjólstæðingur minn á um veru-
lega sárt að binda, það sem gerðist í
Mehamn var slys eins og hann
greindi réttinum skýrt frá í fram-
burði sínum í gær,“ sagði verjand-
inn og vísaði þar til tæplega þriggja
klukkustunda framburðarskýrslu
Gunnars Jóhanns fyrir Kåre Skog-
nes héraðsdómara og tveimur með-
dómendum hans síðdegis á mánu-
dag.
„Þau gögn sem [norska rannsókn-
arlögreglan] Kripos mun leggja
fram á morgun [í dag] munu enn
fremur renna stoðum undir sakleysi
Gunnars, ég treysti því fullkomlega
að lögreglan hafi gengið þar hreint
til verks. Gunnar ætlaði sér ekki að
ráða bróður sinn af dögum, ætlun
hans var að skjóta honum skelk í
bringu og fá hann til að enda sam-
band sitt við barnsmóður og fyrr-
verandi eiginkonu Gunnars, þar lá
ásetningur hans og hvergi annars
staðar.“
Í mesta lagi sex ár
Segist Gulstad vænta þess að dóm-
urinn yfir Gunnari hljóði upp á sex ár
í mesta lagi, ekki manndráp af ásetn-
ingi sem ákæra Lindquister krefst.
Mette Yvonne Larsen, réttar-
gæslumaður Elenu Undeland og
barna þeirra Gunnars Jóhanns, lét í
veðri vaka í samtali við mbl.is í lok
janúar að Gunnar hlyti 14 ára dóm
hið minnsta, menn kæmu ekki á vett-
vang með haglabyssu nema þeim
gengi misgott til.
„Þú kemur ekki með hlaðið skot-
vopn ef þú ætlar ekki að gera neitt,“
sagði Larsen á sínum tíma við mbl.is.
Lögmaður bjartsýnn á
að gáleysi verði dæmt
 Aðalmeðferð í Mehamn-málinu haldið áfram í Noregi í dag
Morgunblaðið/Atli Steinn
Lögmaður Bjørn Gulstad er lögmaður Gunnars Jóhanns Gunnarssonar. Hér
er hann fyrir utan réttarsal í Vadsö í Noregi í gær, á tali við fjölmiðla.
Lögreglan á höfuðborgarsvæðinu
handtók þrjá, tvo karlmenn og eina
konu, eftir hádegi í gær vegna lík-
amsárásar í Árbæ.
Grunur er um að eggvopni hafi
verið beitt við árásina, og var fórnar-
lambið, karlmaður á fertugsaldri,
flutt á slysadeild Landspítalans.
Meiðsli karlmannsins eru ekki talin
alvarleg, að því er fram kemur í til-
kynningu frá lögreglu, sem hafði
talsverðan viðbúnað vegna útkalls-
ins. Var sérsveit ríkislögreglustjóra
meðal annars kölluð út til aðstoðar.
Rannsókn málsins er í tilkynningu
sögð ganga vel.
Handtekin eftir árás
 Talið að eggvopni hafi verið beitt
Morgunblaðið/Kristján
Á vettvangi Lögregla hafði tals-
verðan viðbúnað eftir útkallið.