Morgunblaðið - 25.09.2020, Qupperneq 16

16 MORGUNBLAÐIÐ FÖSTUDAGUR 25. SEPTEMBER 2020
Þ
egar Guðrún og Kristján festu kaup
á húsinu var það orðið svolítið gam-
alt og lúið. Húsið er byggt 1977 og
fengu fyrri eigendur verkfræðing
til að hanna húsið eftir eigin hug-
myndum. Þau heilluðust af stíl Högnu Sigurð-
ardóttur sem var fyrsti kvenarkitekt Íslands
og afar farsæl í starfi. Þegar Guðrún og Krist-
ján keyptu húsið þurfti að endurnýja það mikið
enda margt komið á tíma í þessu 43 ára gamla
húsi. Það þurfti að skipta um þak og glugga,
innréttingar og gólfefni svo eitthvað sé nefnt.
Það vafðist þó ekki fyrir þeim hvað þau vildu
gera við húsið og mest af endurbótunum gerðu
þau sjálf.
„Við féllum fyrir arkitektúrnum á þessu húsi
sem var búið að ganga kaupum og sölum, eða
hafði verið á sölu, fór í söluferli en svo slitnaði
keðjan alltaf. Ég var búin að fylgjast með hús-
inu en við skoðuðum það aldrei því okkur þótti
það of dýrt. Einn laugardagsmorgun er ég
heima að drekka morgunkaffið mitt þegar ég
sé að húsið er komið enn eina ferðina á sölu.
Ég hringdi í Kristján, sem var úti á golfvelli,
og sagði honum að koma við í bakaríi og kaupa
brauð og snúða. Yfir snúðunum ákváðum við
að fara og skoða húsið,“ segir Guðrún Ólöf.
Til að gera langa sögu stutta þá skoðuðu þau
húsið á sunnudeginum og voru búin að festa
kaup á því á mánudeginum.
Svolítið högnulegt
Húsið er á tveimur hæðum en á efri hæðinni er
meðal annars eldhús, borðstofa og alrými sem er
mikið notað af fjölskyldunni. Áður var garðskáli í
þessu rými en þegar þau skiptu um þak létu þau
setja þakplötur þar sem áður var plastþak.
„Fyrst við vorum að endurnýja þakið þá tók-
um við garðskálann og nú getum við nýtt
plássið betur. Við erum sex í heimili eins og
stendur en það eru tvö af börnunum flutt að
heiman. Þau sem eru flutt að heiman eru þó
mikið heima og því þarf að vera nóg pláss fyrir
alla,“ segir Guðrún.
Eldhús fjölskyldunnar er stórt og rúmgott
með fallegum gluggum og miklu borðplássi.
Guðrún hannaði eldhúsið sjálf og notaði inn-
réttingagrunn úr IKEA. Hurðirnar á innrétt-
ingarnar koma frá HAF STUDIO sem sérhæf-
ir sig í frontum á innréttingar frá IKEA.
„Mér finnst ofsalega gott að hafa eldhúsið í
löngum bekk. Ég hugsaði þetta út frá því
hvernig er best að vinna. Ég vildi hafa þetta
sem þægilegast því við erum það mörg í heim-
ili. Ég vildi að rýmið gæti notið sín sem best. Á
eyjunni er marmari en svo erum við með gran-
ít á bekknum undir glugganum. Mér finnst
henta vel að blanda saman marmara og graníti
Morgunblaðið/Kristinn Magnússon
Samstiga á Seltjarnarnesi
Guðrún Ólöf Gunnarsdóttir er
fagurkeri fram í fingurgóma. Hún
vill hafa hlutina eftir ákveðnum
reglum og elskar að hafa snyrtilegt
í kringum sig. Fyrir um ári festi hún
kaup á einstöku einbýlishúsi á
Seltjarnarnesi ásamt manni sínum,
Kristjáni Brooks. Á milli þess sem
hún fegrar umhverfi sitt heldur hún
vinsæl prjónanámskeið heima í
stofu því hún veit ekkert betra en
að vera með prjóna í höndunum
og gott garn.
Marta María | mm@mbl.is
Morgunblaðið/Kristinn Magnússon
Eyjan er með þykkri
marmaraplötu. Ljósið fyrir
ofan eyjuna er hannað af
Ingo Maurer árið 1997.
Guðrún Ólöf Gunnarsdóttir slakar
sjaldan á. Ef hún er ekki að gera
fallegt í kringum sig er hún með
prjónanámskeið heima í stofu.
 SJÁ SÍÐU 18