Morgunblaðið - 22.10.2020, Blaðsíða 24

24 DÆGRADVÖL
MORGUNBLAÐIÐ FIMMTUDAGUR 22. OKTÓBER 2020
Stjörnuspá
21. mars - 19. apríl 
Hrútur Samræður við ókunnuga gætu
reitt þig til reiði. Kannski þú ættir að
minnska samskiptin um tíma við þá sem
þú þekkir ekki mjög vel.
20. apríl - 20. maí 
Naut Ef þú gengur endalaust á orku þína
muntu brenna út og þá verður þú engum
til gagns. Það stefnir allt í að þú fáir bónus
fljótlega.
21. maí - 20. júní 
Tvíburar Ekki láta sjálfsvorkunnina ná
tökum á þér. Þú hefur það miklu betra en
margir aðrir ef þú setur upp bjartsýnis-
gleraugun.
21. júní - 22. júlí 
Krabbi Þú mátt búa þig undir óvænta
andstöðu og þarft að taka á honum stóra
þínum til að sigrast á henni. Gættu þess
að ganga ekki of hart fram í því að telja
aðra á þitt band.
23. júlí - 22. ágúst 
Ljón Þú munt fá góða hugmynd um
hvernig hægt sé að bæta ákveðna hluti á
vinnustaðnum. Þér gengur allt í haginn og
reyndu að sjá það broslega í lífinu.
23. ágúst - 22. sept. 
Meyja Ef fólk gerir lykkju á leið sína til að
liðsinna þér, þá ertu samt ekki skuldbund-
in/n til að gera slíkt hið sama.
23. sept. - 22. okt. 
Vog Orð geta hitt í mark svo farðu þér
hægt og mundu að aðrir eiga líka rétt á
sínum skoðunum.
23. okt. - 21. nóv.
Sporðdreki Það gengur ekki að þú hafir
allt á hornum þér, bæði við ástvini og
vinnufélaga. Prófaðu að gera eitthvað nýtt
á hverjum degi í nokkra daga.
22. nóv. - 21. des.

Bogmaður Þér verður treyst fyrir miklu
leyndarmáli og mátt alls ekki bregðast því
trausti. Þér verður boðið í stutt ferðalag
fljótlega.
22. des. - 19. janúar 
Steingeit Einhver á eftir að koma þér
verulega á óvart í vinnunni svo þú munt
sjá að ekki eru allir viðhlæjendur vinir.
20. jan. - 18. febr. 
Vatnsberi Þetta er ekki rétti dagurinn til
að taka áhættu því það eru mjög miklar
líkur á að þú misreiknir þig. Láttu ekki
skapið hlaupa með þig í gönur.
19. feb. - 20. mars

Fiskar Ef þú ert við vinnu í dag máttu bú-
ast við miklum töfum. Mundu að ofmetn-
ast ekki, þegar hrósinu rignir yfir þig. Þú
sérð stundum ekki skóginn fyrir trjánum.
„Næstu tvö árin vann ég hjá Hans
Fölsgård Agentur í Silkiborg meðan
konan mín lauk námi í talmeina-
fræði. Haustið 1980 fluttum við svo
lands.“ Haustið 1975 flutti fjöl-
skyldan til Danmerkur og Sturla
lauk námi í rafmagnstæknifræði ár-
ið 1978 frá Århus Teknikum.
S
turla Rafn Guðmundsson
fæddist í Reykjavík 22.
október 1950, elstur
fimm systkina. „For-
eldrar mínir ólust upp á
Skólavörðuholtinu, pabbi á Berg-
þórugötu og mamma á Frakkastíg.
Það var því eðlilegt að Holtið og
nánasta umhverfi yrði leikvöllur
minn fyrstu árin þar sem við bjugg-
um hjá föðurömmu minni. Þegar ég
var fimm ára fluttumst við í Smá-
íbúðarhverfið, sem þá var nánast
eins og sveit.“
Þegar Sturla var sjö ára gamall
var hann sendur í sveit vestur á
Mýrar þar sem hann dvaldi sex sum-
ur. „Ég elskaði strax sveitina og
vildi helst hvergi annars staðar vera
sem verður að teljast dálítið sér-
stakt því þarna voru lítil þægindi,
hvorki rafmagn, rennandi vatn né
traktor fyrsta árið mitt. Hestar
gegndu því lykilhlutverki við flest
störf. Ég var þó ekki alveg tilbúinn
að sleppa sveitinni og réð mig sem
vinnumann á Brekku í Lóni sumarið
eftir.“
Sturla gekk í Breiðagerðis- og
Réttarholtsskóla og var að sjálf-
sögðu í Knattspyrnufélaginu Vík-
ingi. Á þessum árum var fótbolti
spilaður á sumrin en handbolti á vet-
urna og því byrjaði hann í hand-
bolta. „Þjálfari minn flest árin var
frændi minn Pétur Bjarnarson og
varð ég nokkrum sinnum Íslands- og
Reykjavíkurmeistari í yngri flokk-
um undir hans stjórn. Sumarið 1965
fór stór hópur Víkinga í æfingaferð
til Danmerkur til að spila fótbolta
við jafnaldra okkar. Þarna spiluðum
við í fyrsta skipti á grasi í fallegu
umhverfi. Frábær ferð sem lengi var
í minnum höfð. Til að afla peninga
fyrir ferðinni vann ég um veturinn á
eyrinni við út- og uppskipun.“
Sturla lauk gagnfræðaprófi 1967
og fór þá á samning hjá föður sínum
í rafvirkjun. „Við unnum mikið fyrir
Rafmagnsveitu Reykjavíkur og Raf-
magnsveitur ríkisins, síðar RARIK.
Meðal verkefna var rafvæðing
bændabýla á Vesturlandi og bygg-
ing háspennulínu í Vík í Mýrdal. Ég
lauk sveinsprófi í rafvirkjun 1971 og
ári síðar hóf ég nám í Tækniskóla Ís-
aftur heim eftir fimm góð ár í Dan-
mörku þar sem við eignuðumst
marga góða vini.“ Sturla stundaði
síðar nám í verkefnastjórnun hjá
Endurmenntun HÍ 2005-2006 og í
HR 2010.
Þegar heim kom hóf Sturla störf
hjá Heklu hf. í eitt ár. Þaðan lá leiðin
í Fjölbrautaskólann í Breiðholti þar
sem hann kenndi á rafiðnaðarbraut
einn vetur. Var síðan ráðgjafi við
Iðnþróunarverkefni Sambands
málm- og skipasmiðja. Þá tók við
starf deildarstjóra málmtæknideild-
ar Iðntæknistofnunar 1983-1986, í
framkvæmdastjórastarf hjá Myll-
unni 1986-1988 og hjá Ágæti hf.
1988-1991. Þegar hér er komið sögu
fór Sturla út í eigin rekstur sem eig-
andi Radíóþjónustu Bjarna 1991-
2002 eða þar til Bílanaust hf. keypti
fyrirtækið. Þar vann hann svo sem
sölu og rekstrarstjóri 2002-2006.
Frá árinu 2006 hefur hann starfað
sem deildarstjóri hjá RARIK ohf.
„Þó svo að ég hafi ekki orðið bóndi
þá hefur sveitin alltaf togað í mig og
það eru ekki fáar sauðfjárleitirnar á
Arnarvatnsheiði sem ég hef farið í
fyrir Miðfirðinga. Áhugi minn á
hestamennsku er þessu nátengdur
og var ég félagi í hestamannafélag-
inu Gusti í mörg ár. Víkingur á stór-
an stað í hjarta mínu og um tíma sat
ég í stjórn handknattleiksdeildar og
seinna í fulltrúaráði félagsins. Ég
var einnig virkur í Sjálfstæðisfélagi
Kópavogs í mörg ár eða þar til ég
Sturla Rafn Guðmundsson rafmagnstæknifræðingur – 70 ára
Fjölskyldan Í Sjóböðunum á Húsavík með börnum og barnabörnum í júní 2020 síðastliðinn. Frá vinstri: Sturla, Lisa
Marie, Gísli Örn, Eyrún Ísfold, Eyrún Linnea, Marie, Guðrún Jóhanna, Hanna Ísabella og Snorri Björn.
Sveitin alltaf togað í mig
Hestamaðurinn Sturla á Grett. Myndin er tekin í Gusti í Kópavogi. Grettir
er fæddur 2003 á Syðri-Reykjum í Miðfirði Vestur Húnavatnssýslu
Til hamingju með daginn
60 ára brúðkaupsafmæli eiga
í dag Kristjana Friðbertsdóttir
og Hafsteinn Sigmundsson.
Séra Jóhannes Pálmarsson gaf
þau saman í kirkjunni á Suður-
eyri við Súgandafjörð 22. októ-
ber 1960. Kristjana og Haf-
steinn eiga þrjú börn og
barnabörnin eru orðin mörg.
Brúðhjónin búa í Kópavogi.
Demantsbrúðkaup
40 ára Magdalena
ólst upp í Lubin í Pól-
landi en býr núna í
Kópavogi. Magdalena
er með meistaragráðu
í líftæknifræði og er
doktor í matvælafræði
frá Háskóla Íslands.
Hún starfar hjá ónæmisfræðideild
Landspítalans. Magdalena hefur áhuga
á útivistarferðum, lestri góðra bóka og
handavinnu.
Maki: Helgi Viðarsson, f. 1969, inn-
kaupafulltrúi hjá Íslenskri erfðagrein-
ingu.
Dóttir: Elín María, f. 2011.
Foreldrar: Izabela Stefaniak, f. 1959, d.
2018, leikskólastjóri, og Jerzy Stefaniak,
f. 1957, d. 2019, tölvukennari.
Magdalena Stefaniak
Viðarsson
40 ára Hildur ólst upp
í Kópavogi og býr þar
enn. Hún er mat-
reiðslumaður í Hörðu-
vallaskóla sem er
stærsti grunnskólinn á
höfuðborgarsvæðinu,
með yfir yfir 1.000
nemendur og starfsfólk. Helstu áhuga-
mál er öll almenn útivera, ferðalög og
samvera með fjölskyldunni.
Maki: Henry Birgir Gunnarsson, f. 1977,
íþróttafréttamaður.
Börn: Ísak Daði, f. 2003, Ísabella, f.
2005, og Ísey Ósk, f. 2016.
Foreldrar: Hallfríður Ólafsdóttir, f. 1958,
leikskólakennari og Sigurður Leifsson, f.
1955, pípulagningameistari. Þau búa í
Ásahreppi.
Hildur
Sigurðardóttir