Morgunblaðið - 10.11.2020, Blaðsíða 27

LANDSLIÐIÐ
Kristófer Kristjánsson
kristofer@mbl.is
Engir áhorfendur verða á Puskás
Aréna í Búdapest í Ungverjalandi á
fimmtudagskvöld þegar heimamenn
taka á móti Íslandi í hreinum úr-
slitaleik um sæti á Evrópumeistara-
mótinu næsta sumar. Ungverska
knattspyrnusambandið var búið að
selja tuttugu þúsund miða á leikinn
en Viktor Orbán, forseti þjóð-
arinnar, boðaði hertar sóttvarna-
aðgerðir í gær til þess að sporna við
útbreiðslu kórónuveirunnar. Mið-
arnir verða endurgreiddir og völl-
urinn verður tómur. Það mun þó
ekki aðeins vanta áhorfendur held-
ur sterka leikmenn einnig, í bæði
lið.
Þær fréttir bárust í gær að ís-
lenski landsliðsmaðurinn Arnór
Ingvi Traustason myndi sitja hjá og
er skarð fyrir skildi hjá liðinu. Arn-
ór varð sænskur deildarmeistari
með liði sínu Malmö um helgina en
strax í kjölfarið greindist fyrirliði
liðsins með veiruna. Arnór sjálfur
reyndist neikvæður eftir skimun
fyrir veirunni en ákveðið var að
tefla ekki á tvær hættur og ferðaðist
hann því ekki til Þýskalands þar
sem landsliðið heldur í herbúðir í
Augsburg.
„Við tókum þá ákvörðun að ég
yrði ekki með og við teljum það vera
fyrir bestu, eins leiðinlegt og það
er,“ sagði Arnór Ingvi í samtali við
Morgunblaðið í gær. „Það er algjör
óþarfi að taka einhverja áhættu.“
Ekkert við því að gera
Arnór hefur átt erfitt uppdráttar
í Malmö á árinu og hefur tímabilið í
Svíþjóð verið honum súrsætt, þótt
liðið hafi staðið uppi sem sigurveg-
ari í keppninni. Hann spilaði sjálfur
minna en hann átti von á en hefur
engu að síður gegnt mikilvægu hlut-
verk í landsliðinu og var í byrjunar-
liðinu sem vann sigur á Rúmeníu í
undanúrslitum umspilsins í síðasta
mánuði. Það er því að vonum svekkj-
andi að hann geti ekki fylgt því eftir
með því að spila á fimmtudaginn.
„Maður er búinn að bíða eftir
þessum leik síðan í mars. Tímabilið
mitt hefur ekki verið neitt frábært,
ég hef mestmegnis verið farþegi á
leiktíðinni hjá Malmö og einbeitt
mér að þessum og öðrum leikjum
með landsliðinu. Að því leytinu til er
þetta tekið frá manni en það er ekk-
ert við því að gera,“ sagði Arnór sem
hefur þó ekki áhyggjur af strákun-
um fyrir stórleikinn. „Ég hef fulla
trú á strákunum og við erum að fara
á EM, það eru alveg hreinar línur.“
Óvíst er hvort Arnór muni taka
þátt í leikjum Íslands gegn Dan-
mörku og Englandi í Þjóðadeildinni
í næstu viku. Ákvörðun var fyrst og
fremst tekin um að hann sæti hjá
gegn Ungverjalandi en það er sá
leikur sem þjálfarateymið einbeitir
sér nú að.
Vængbrotnir Ungverjar
Ómar Smárason, deildarstjóri
samskiptadeildar KSÍ, staðfesti við
Morgunblaðið síðdegis í gær að allir
aðrir leikmenn íslenska hópsins
væru mættir til Augsburg að undan-
skildum Herði Björgvini Magnús-
syni og Arnóri Sigurðssyni. Þeir
spila báðir með CSKA Moskvu í
Rússlandi og voru væntanlegir til
Þýskalands í gærkvöldi.
Það eru þó ekki bara skörð höggv-
in í íslenska liðið en einn lykilmanna
mun vanta í lið heimamanna. Miðju-
maðurinn Lázlo Kleinheisler verður
ekki með liðinu sökum þess að fé-
lagslið hans, Osijek í Króatíu, leyfir
honum ekki að ferðast í landsleik-
inn. Hann þyrfti að fara í sóttkví við
heimkomuna til Króatíu og því una
forráðamenn félagsins ekki. Klein-
heislar á 26 A-landsleiki að baki og
spilaði meðal annars gegn Íslend-
ingum á EM í Frakklandi sumarið
2016. Ekki leit út fyrir að hinn ungi
og bráðefnilegi Dominik Szoboszlai
sem spilar með Salzburg í Austur-
ríki gæti verið með heldur. Sá er tví-
tugur miðjumaður sem á tíu lands-
leiki og tvö mörk fyrir Ungverjaland
en hann greindist ekki með veiruna í
annarri skimun í gær eftir að upp
komst um smit í herðbúðum Salz-
burg. Hann verður því með.
Ekki teflt á tvær hættur
hjá íslenska landsliðinu
 Leikið fyrir luktum dyrum í Búdapest  Arnór Ingvi Traustason missir af leiknum
Morgunblaðið/Kristinn Magnússon
Tækling Arnór Ingvi Traustason verður fjarri góðu gamni þegar Ísland og Ungverjaland mætast í Búdapest.
ÍÞRÓTTIR 27
MORGUNBLAÐIÐ ÞRIÐJUDAGUR 10. NÓVEMBER 2020
„Ég er fyrst og fremst sáttur
með sigurinn!“ Ef ég fengi tíkall
fyrir hvert skipti sem ég hef
skrifað þessa setningu eftir
kappleik í íþróttum þá væri ég
milljónamæringur, jafnvel millj-
arðamæringur. Það er svo sem
ekkert nýtt að þjálfarar og
íþróttafólk almennt tali í
ákveðnum frösum.
„Við tökum einn leik fyrir í
einu og sjáum svo hverju það
skilar okkur.“ Þessi frasi er líka í
ákveðnu uppáhaldi og hefur ver-
ið skrifaður og notaður einu
sinni, jafnvel oftar, í gegnum
tíðina.
Ég spurði einu sinni leikmann
hvort stefnan væri sett á Ís-
landsmeistarartitilinn eftir að
liðið hafði unnið deildina og bik-
arinn. „Bikar- og deildarmeist-
arar, stefnan er væntanlega sett
á Íslandsmeistaratitilinn?“
spurði ég eins og einhver vanviti.
„Við erum mjög sátt með
þennan árangur til þessa en við
erum bara að spá í næsta leik og
tökum eitt skref í einu!“ „Jæja,“
svaraði ég en átti samt erfitt
með að fela vonbrigði mín með
þetta hrútleiðinlega svar.
Kórónuveirufaraldurinn
hefur gert það að verkum að við-
tölin verða oft áhugaverðari en
ella, eins leiðinlegt og það er að
segja það upphátt. Ég tók viðtal
við Benedikt Guðmundsson,
þjálfara kvennalandsliðsins í
körfubolta á sunnudaginn.
Geggjað viðtal þótt ég segi sjálf-
ur frá, þökk sé veirunni!
Ég fékk enga frasa frá þjálf-
aranum. Ég fékk bara nákvæm-
lega það sem honum var efst í
huga. Hann var reyndar tösku-
laus í Grikklandi að fara í mjög
erfiða útileiki án lykilmanna og
án æfinga eða keppni í sex vikur,
en þetta var frábær tilbreyting.
BAKVÖRÐUR
Bjarni Helgason
bjarnih@mbl.is
Knattspyrnumaðurinn Helgi Valur
Daníelsson hefur skrifað undir eins
árs samning við uppeldisfélag sitt
Fylki. Helgi Valur, sem verður fer-
tugur næsta sumar, gekk til liðs við
Fylki á nýjan leik árið 2018 eftir
sautján ár í atvinnumennsku en
hann hafði þá verið hættur knatt-
spyrnuiðkun í þrjú ár. Hann lék
þrjá leiki með Fylki í úrvalsdeild-
inni í sumar áður en hann fótbrotn-
aði illa í leik gegn Gróttu í lok júní.
Hann á að baki 104 leiki í efstu
deild og þá á hann að baki 33 A-
landsleiki fyrir Ísland.
Elsti útispilarinn
áfram í Fylki
Morgunblaðið/Eggert
Návígi Helgi Valur í baráttuni í leik
gegn Stjörnunni í deildinni í sumar.
Knattspyrnumaðurinn Axel Óskar
Andrésson hefur verið kallaður inn
í U21-árs landslið Íslands sem mæt-
ir Ítalíu, Írlandi og Armeníu í und-
ankeppni EM á næstu dögum. Axel,
sem er samningsbundinn Viking í
norsku úrvalsdeildinni, kemur inn í
hópinn fyrir varnarmanninn Ísak
Óla Ólafsson, varnarmann Sönder-
jyskE. SönderjyskE leikur bikar-
leik gegn Skive 11. nóvember og
Ísak getur því ekki tekið þátt í
leiknum gegn Ítölmu 12. nóvember
á Víkingsvelli. Axel á að baki 18
leiki fyrir U21-árs landsliðið.
Morgunblaðið/Kristinn Magnússon
Noregur Axel Óskar leikur með
Viking í norsku úrvalsdeildinni.
Breytingar á U21-
árs landsliðinu
Anton Sveinn
McKee kom
fyrstur í mark í
200 metra
bringusundi í at-
vinnumanna-
deildinni í sundi í
Búdapest í Ung-
verjalandi í gær-
morgun. Anton,
sem keppir með
liði Toronto Tit-
ans, kom í mark á tímanum 2:03,41
mínútu og nældi Íslendingurinn í 9
stig fyrir lið sitt með sigrinum.
Liðsfélagi hans hjá Toronto Titans,
Erik Perssson, kom annar í mark á
tímanum 2:03,7 mínútum og Ilya
Shymanovich varð þriðji á tím-
anum 2:03,96 mínútur.
Anton Sveinn gerði sér lítið fyrir
og setti Íslands- og Norðurlanda-
met síðast þegar hann stakk sér til
sunds í 200 metra bringusundi í
Búdapest en hann kom í mark á
tímanum 2:01,65 mínútur 1. nóv-
ember.
Þá keppti Anton Sveinn einnig í
50 metra bringusundi í gær og
kom í mark á tímanum 26,90 sek-
úndum.
Það skilaði honum fimmta sæti í
greininni en hann keppir svo í 100
metra bringusundi síðar í dag.
Þetta er síðasta mót deildarinnar
fyrir undanúrslitin sem hefjast 14.
og 15. nóvember næstkomandi.
Anton Sveinn
synti til sigurs
í Búdapest
Anton
Sveinn McKee
Pétur Pétursson, þjálfari kvennaliðs Vals í
knattspyrnu, á von á mjög erfiðum leik gegn
Glasgow City í 2. umferð Meistaradeildar Evr-
ópu 18. nóvember næstkomandi en leikurinn
fer fram á Origo-vellinum á Hlíðarenda.
Valur vann þægilegan 3:0-sigur gegn HJK
frá Helsinki í 1. umferð keppninnar en Vals-
konur fengu undanþágu frá íslenskum stjórn-
völdum til þess að æfa og undirbúa sig fyrir
leikinn mikilvæga í gær.
„Þetta er gott lið og þær eru búnar að vinna
skosku deildina undanfarin þrettán ár sem seg-
ir manni ýmislegt,“ sagði Pétur í samtali við
Morgunblaðið í gær.
„Við erum búin að fá undanþágu frá íslensk-
um stjórnvöldum og megum því byrja að æfa í
kvöld [í gær]. Við þurfum ekki að æfa á neitt
sérstaklega óhefðbundinn hátt þannig séð. Við
förum eftir öllum sóttvarnareglum eins og allt-
af, erum hitamæld fyrir æfingar og klefarnir
eru tvískiptir. Við megum æfa spil og með
bolta sem er virkilega jákvætt,“ bætti Pétur
við.
Liðið náði aðeins tveimur æfingum saman
fyrir leikinn gegn HJK, 4. nóvember síðastlið-
inn, þar sem sjö leikmenn Vals þurftu að fara í
sóttkví eftir landsleik Íslands og Svíþjóðar í
undankeppni EM í Gautaborg hinn 27. október.
„Við fáum meiri tíma saman núna til þess að
æfa en fyrir HJK-leikinn og við erum fyrst og
fremst þakklát fyrir að fá tækifæri til þess að
æfa og spila fótbolta í því ástandi sem nú rík-
ir,“ sagði Pétur í samtali við Morgunblaðið.
bjarnih@mbl.is
Þakklátur íslenskum stjórnvöldum
Morgunblaðið/Eggert
Þjálfari Pétur fer yfir málin með Hlín Eiríks-
dóttur í leiknum gegn HJK í síðustu viku.