Morgunblaðið - 29.12.2020, Blaðsíða 12

12 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 29. DESEMBER 2020
Það hefur sýnt sig að íslenska þjóðin stendur
saman, sýnir stuðning og samhug
eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
S. 551 4349, 897 0044, maedur@simnet.is
Mæðrastyrksnefnd Reykjavíkur
JÓLASÖFNUN
Söfnum í neyðarmatarsjóð til matarkaupa
hjá Fjölskylduhjálp Íslands
fyrir þá fjölmörgu sem lægstu
framfærsluna hafa.
Þeim sem geta lagt okkur lið
er bent á bankareikning
0546-26-6609,
kt. 660903-2590.
Fjölskylduhjálp Íslands, Iðufelli 14 Breiðholti
og Baldursgötu 14 í Reykjanesbæ.
Neyðarsöfnun í matarsjóðinn
Guð blessi ykkur öll
Samtök iðnaðarins úthlutuðu í gær
26,3 milljónum króna úr svokölluðum
framfarasjóði sem stofnað var til árið
2016 í þeim tilgangi að skapa farveg
til stuðning þróunar framfaramála
tengdum iðnaði. Er með styrkveiting-
um úr sjóðnum litið til þess að þær
megi efla menntun í iðn-, verk- og
tækninámi, að þau tengist nýsköpun
og styrki framþróun í iðnaði og að þau
leiði til framleiðniaukningar í sam-
félaginu.
Í aðdraganda styrkveitinganna í ár
bárust sjóðnum 13 umsóknir. Að
þessu sinni hlutu fjögur verkefni
styrk. Málmur, samtök fyrirtækja í
málm- og skipaiðnaði og Iðnú hlutu 14
milljónir til að gefa út námsefni í
málmtengdum iðngreinum í fram-
haldsskólum. Mannvirki, félag verk-
taka, Félag ráðgjafarverkfræðinga
og Samtök arkitektastofa fengu 5
milljónir til að þróa samræmda að-
ferðafræði vegna kostnaðaráætlana í
mannvirkjagerð. Ásgarður ráðgjöf
hlaut 6,5 milljónir til að þróa leiðbein-
ingar og viðmið vegna nýsköpunar-
kennslu grunnskólanemenda með
áherslu á að tengja list- og verkgrein-
ar markmiðum grunnskóla undir yf-
irskriftinni Nýsköpunarskólinn. Þá
hlaut Félag íslenskra gullsmiða 800
þúsund króna styrk til að skrásetja
verkferla á gullsmíðaverkstæði.
SI Hluti styrkþega ásamt fulltrúum SI. Jón Ólafur Ólafsson, formaður sam-
taka arkitektastofa, Árni Sigurjónsson, formaður SI, Jóhanna K. Stef-
ánsdóttir hjá SI, Sigurður Hannesson framkvæmdastjóri SI og Reynir Sæv-
arsson, formaður Félags ráðgjafarverkfræðinga, með tvo metra á milli sín.
26,3 milljónir í
framþróunarstyrki
Spurður hvort von væri á spenn-
andi nýjum auglýsingum um áramót-
in, segir Guðmundur að óhætt sé að
búast við því. Hins vegar sé alla jafna
mest um frumsýningar á nýjum aug-
lýsingum í kringum Evrópusöngva-
keppnina. „Við misstum af því þetta
árið, en það rætist vonandi úr því á
næsta ári.“
Flýttu sér í stafræna umhverfið
Davíð Lúther Sigurðsson, fram-
kvæmdastjóri augýsingastofunnar
Sahara, segir að stofan hafi fengið á
sig mikið högg í upphafi faraldursins.
„Við þurftum að draga saman seglin í
takt við verkefnin sem við misstum.
Svo fórum við að finna fyrir meiri
stöðugleika seinnipart sumars, og
fengum þá sérstaklega mikið af fyrir-
spurnum frá fyrirtækjum sem ekki
voru komin á fullt í stafræna um-
hverfið. Ég tel að Íslendingar hafi
stokkið fjögur ár fram í tímann hvað
það varðar á þessu eina ári,“ segir
Davíð Lúther.
Spurður að því hvort faraldurinn
hafi valdið breytingum á notkun
miðla til auglýsingabirtinga, segir
Davíð Lúther að þegar fyrirtækin hafi
þurft að skala sig niður hafi þau mörg
verið til í að breyta um takt, og færa
sig úr hefðbundnum miðlum eins og
blöðum og sjónvarpi, og yfir á netið.
„Mörg hafa fundið fyrir mikilli sölu-
aukningu og jafnvel slegið sölumet,
enda virðist fólk hafa verið óhrædd-
ara við að versla á netinu en áður.“
Spurður um árið í heild fjárhags-
lega fyrir Sahara segist Davíð vera
sáttur. Þá séu jákvæðir tímar fram-
undan eftir að fyrstu bólefnisskammt-
arnir komu til landsins.
25% tekjusamdráttur
Ragnar Gunnarsson, fram-
kvæmdastjóri auglýsingastofunnar
Brandenburgar, segir að árið hafi ver-
ið sérstakt. Samdráttur í tekjum hafi
orðið um 20-25% miðað við síðasta ár.
„Við fundum fyrir miklu óöryggi í vor,
sem er alltaf vont í okkar bransa. En
síðan kom ágætissumar, og við unn-
um samkeppni um herferð til að
hvetja til ferðalaga innanlands og
aðra samkeppni sem hét Íslenskt
láttu það ganga. Þar var öll áhersla á
að auka eftirspurn innanlands, bæði í
ferðamennsku og í sölu á vöru og
þjónustu. Mælingar sýna að Íslend-
ingar tóku vel við sér í þeim efnum og
áttuðu sig á að það skiptir máli að
styðja íslensk fyrirtæki. Fólk sér að
við erum öll hluti af þessari hag-
keðju.“
Ragnar segir að það hafi tekið tíma
fyrir fyrirtækin í landinu að fóta sig í
nýjum aðstæðum og í seinni bylgjunni
hafi mátt sjá fyrirtæki snúa vörn í
sókn. „Gott dæmi um slíkt fyrirtæki
er símafyrirtækið Nova sem er okkar
viðskiptavinur. Þau voru valin mark-
aðsfyrirtæki ársins af ÍMARK á dög-
unum. Þau náðu að laga sig að að-
stæðum og þjónusta viðskiptavini
með eftirtektarverðum hætti við
breyttar aðstæður.“
Ragnar segir að Nova hafi líka
tekist að vera sýnilegt í ástandinu.
„Þau fóru í mjög sterka ímyndaraug-
lýsingu í kringum Apple úr, sem
vakti mikla athygli,“ segir Ragnar,
en auglýsingin sýndi kviknakið fólk
að spóka sig, eftir að hafa farið „úr“
öllu. „Það er hugmynd sem auðveld-
lega hefði verið hægt að afskrifa og
setja á ís. En Nova leit á það akkúrat
öfugt, og sá tækifæri í að nýta þessa
óvenjulegu tíma til að koma ein-
hverju skemmtilegu og óvæntu í
gang.“
Spurður hvort Brandenburg muni
frumsýna einhverjar skemmtilegar
auglýsingar um áramótin, segir
Ragnar að það verði örugglega eitt-
hvað slíkt í boði. „Svo verður nátt-
úrulega gaman að sjá hvort að ein-
hverjar auglýsingar okkar rati í
áramótaskaupið sjálft. Það er alltaf
ákveðin viðurkenning þegar það ger-
ist.“
Heilt yfir segir Ragnar að ræst
hafi ótrúlega vel úr árinu þrátt fyrir
allt. „Til dæmis höfum við sjaldan
gert jafn margar leiknar auglýsing-
ar.“
Veltan tvöfaldaðist
Hjá systurfélagi Brandenburg,
Datera, hefur veltan rúmlega tvö-
faldast á árinu og farið yfir 100 millj-
ónir króna. Fyrirtækið sérhæfir sig í
stafrænum birtingum. „Okkar vel-
gengni kemur mikið til af því að vef-
verslun hefur aukist á árinu og fólk
þarf að finna nýjar leiðir til að nýta
markaðsfé sitt og ná til viðskipta-
vina. Við gerum birtingaráætlanir og
aðstoðum fólk í að skapa sjálfvirkni í
birtingum á samfélagsmiðlum. Það
er hægt að gera t.d. bara með því að
taka eina ljósmynd af vefsíðu fyrir-
tækisins og birta inni í birtingakerfi
Facebook eða Instagram og beina á
rétta markhópinn,“ segir Hreiðar
Þór Jónsson framkvæmdastjóri.
Ferðaþjónustan aftur í sambandi
 Datera tvöfaldaði veltuna á árinu  Framkvæmdastjóri auglýsingastofunnar Brandenburg segist
sjaldan hafa gert fleiri leiknar auglýsingar  Ísland stökk fjögur ár fram í tímann stafrænt séð
Nekt Auglýsing Nova vakti mikla athygli á árinu, en fyrirtækið fékk mark-
aðsverðlaun ÍMARK á dögunum. Nova er viðskiptavinur Brandenburg.
Skjáskot
Ragnar
Gunnarsson.
Guðmundur Hrafn
Pálsson.
Hreiðar Þór
Jónsson.
Davíð Lúther
Sigurðarson.
BAKSVIÐ
Þóroddur Bjarnason
tobj@mbl.is
Árið sem nú er að renna sitt skeið hef-
ur verið sérstakt fyrir auglýsingastof-
ur eins og önnur fyrirtæki hér á landi.
Guðmundur Hrafn Pálsson, formaður
Sambands íslenskra auglýsingastofa,
SÍA, og framkvæmdastjóri auglýs-
ingastofunnar Pipar\TBWA, tekur
undir það. Óvissa hefur valdið vand-
ræðum, og áætlanagerð farið úr
skorðum. Þó hafi geirinn lært heil-
mikið á öllu saman. „Við fórum inn í
fyrstu bylgju faraldursins í þeirri trú
að þetta gengi yfir á 1-2 mánuðum.
Það rættist ekki. Við fengum svo
sumar þar sem Íslendingar fylltust
bjartsýni, en svo kom seinni bylgjan í
sumarlok. Þá áttuðu menn sig á að
það var ekki hægt að stoppa allt, og
margir sáu að það var mikilvægt að
sinna áfram sínum markaðsmálum,“
segir Guðmundur Hrafn.
Hann segir hagnýtingu netsins
hafa verið flýtt um nokkur ár í far-
aldrinum. „Notkun á miðlum almennt
hefur verið góð, og það hefur hjálpað
okkur að koma skilaboðum til fólks.
Fólk hefur verið mikið heima hjá sér
og verið þyrst í upplýsingar. Það eru
tækifæri í því fyrir okkur sem störf-
um á auglýsingamarkaði.“
Guðmundur segist finna fyrir já-
kvæðni nú þegar bóluefnið er komið
til landsins. „Ferðaþjónustufyrirtæk-
in eru byrjuð að hafa samband aftur
og kanna hvort við getum undirbúið
markaðssetningu á nýja árinu.
Ferðamenn eru farnir að hugsa sér til
hreyfings, og þá þarf að ná athygli
þeirra.“
Aðspurður segir Guðmundur að ár-
ið líti ágætlega út fjárhagslega hjá
Pipar. „Okkur hefur tekist að vinna
úr þessu ástandi og erum sátt með
hvernig til hefur tekist.“
● Nokkuð létt var yfir fjárfestum á
fyrsta degi viðskipta í Kauphöll eftir að
jól gengu í garð. Hækkuðu allflest félög
nokkuð í verði. Þannig hækkaði fast-
eignafélagið Eik um 4,6% í viðskiptum
sem námu 41 milljón króna, og Ice-
landair um 3,9% í 273 milljóna króna
viðskiptum. Bréf TM hækkuðu um
3,65% í 176 milljóna króna viðskiptum
og bréf Iceland Seafood (230 milljónir),
Skeljungs (15 milljónir) og Kviku (212
milljónir) um 3%. Þá hækkuðu bréf Ar-
ion banka (423 milljónir) og Regins (65
milljónir) um 2,1% og Reita (408 millj-
ónir) um 2,94%.
Það sem af er ári hefur úrvals-
vísitalan hækkað um 17,14% það sem
af er ári og á síðustu 12 mánuðum nem-
ur hækkunin 16,52%.
Birtir yfir í Kauphöll í
kjölfar hátíðarhalda
29. desember 2020
Gengi Kaup Sala Mið
Dollari 128.17
Sterlingspund 171.94
Kanadadalur 99.47
Dönsk króna 20.96
Norsk króna 14.667
Sænsk króna 15.406
Svissn. franki 143.87
Japanskt jen 1.2377
SDR 184.4
Evra 155.9
Meðalgengi/Viðskiptavog þröng 185.27
Hrávöruverð
Gull 1872.55 ($/únsa)
Ál 2022.0 ($/tonn) LME
Hráolía 51.11 ($/fatið) Brent