Víðförli - 15.05.1988, Síða 5

Verkefni skrifstofustjóra
Lagt er til að skrifstofustjóri ann-
ist fjármál og daglegan rekstur bisk-
upsembættisins ásamt starfsmanna-
haldi. Auk þess annist hann fjárreið-
ur þeirra sjóða, sem Biskupsstofu er
falið að annast samkvæmt lögum,
skipulagsskrám eða sérstökum
samningum við stjórnir viðkomandi
sjóða. Gert er ráð fyrir, að skrif-
stofustjóra verði falið, að gerðum
breytingum á lögum um Kirkjuráð
og sérstökum samningi við það, að
annast framkvæmdastjórn og fjár-
mál kristnisjóðs. Þá aðstoði hann
biskup við eftirlit með kirkjueignum
að því leyti, sem það fer ekki fram á
yfirreið biskups. Þá annist hann
tengsl við eftirlitsmann með prests-
setrum og umsjónarmann kirkju-
garða.
Verkefni fræðslustjóra
Lagt er til, að fræðslu- og þjón-
ustustjóri fáist við að samhæfa,
auka og bæta fræðslustarf kirkjunn-
ar, m.a. með því að beita sér fyrir
gerð heildarstefnu á þessu sviði, sem
Kirkjuráð og Kirkjuþing samþykki.
Hann miðli kirkjulegum upplýsing-
um til safnaða landsins og aðila
utanlands.
Fræðslustjóra ber að sjá til þess,
að störf fulltrúanna séu í samræmi
við samþykkta fræðslustefnu.
Nefndin gerir ráð fyrir að fulltrúarn-
ir annist fræðslumál allra aldurs-
flokka og þjóðfélagshópa sam-
kvæmt fræðslustefnunni.
Nefndin tekur ekki afstöðu til
þess hvar fræðslufulltrúar skuli bú-
settir, þar sem hún telur slíkt tengjast
skiptingu landsins í prestaköll.
Nefndin telur þó mestu skipta, að
störfin verði skipulögð þannig, að
þau nýtist bæði við gerð fræðsluefn-
is og miðlun þess úti í söfnuðunum.
Lagt er til, að gerðar verði í þessu
sambandi nauðsynlegar breytingar á
lögum um skipan prestakalla og
prófastsdæma.
Þá er lagt til að hann fjalli um
málefni fangaprests, sjúkrahúss-
prests, heyrnleysingjaprests, presta í
Kaupmannahöfn og London og
annarra, sem ráðnir eru til sambæri-
legra verkefna af biskupi. Hann
fjallar einnig um málefni skóla
kirkjunnar og útgáfumál.
Starfsmenn
Embætti biskupsritara hefur sem
fyrr segir fengið nýjar áherslur og
inntak. Sr. Magnús Guðjónsson sem
gegnt hefur starfi biskupsritara frá
1977 mun gegna því áfram við hinar
nýju aðstæður. Sr. Magnús er fædd-
ur 1926, lauk guðfræðiprófi 1951 og
var síðan við framhaldsnám í Finn-
landi. Hann þjónaði Eyrarbakka-
prestakalli og síðan Fríkirkjusöfn-
uðinum í Hafnarfirði. Ennfremur
var hann starfsmaður Hins íslenska
Biblíufélags. Kona hans er Anna
Sigurkarlsdóttir forstöðumaður
félagsstarfs aldraðra í Kópavogi.
Þau eiga þrjú börn.
Sr. Bernharður Guðmundsson
fréttafulltrúi hefur tekið við starfi
fræðslu- og þjónustustjóra, enda til-
skilið af ráðninganefnd að starf
fréttafulltrúa falli undir þá stöðu.
Embætti fræðslustjóra var engu að
síður auglýst og var sr. Bernharður
eini umsækjandinn.
Sr. Bernharður er fæddur 1937,
lauk guðfræðiprófi frá Háskóla
íslands 1962 og meistaraprófi í fjöl-
miðlunarfræðum frá St. Illinois há-
skólanum í Bandaríkjunum 1978.
Hann þjónaði sem sóknarprestur í
Ögurþingum, í Stóra-Núpspresta-
kalli og í Fríkirkjunni í Hafnarfirði,
og síðan æskulýðsfulltrúi þjóðkirkj-
unnar. Hann var starfsmaður
Lútherska heimssambandsins í
Eþíópíu um árabil og fréttafulltrúi
kirkjunnar frá 1979. Hann hefur
setið í kirkjufræðslunefnd frá stofn-
un hennar.
Kona sr. Bernharðs er Rannveig
Sigurbjörnsdóttir félagshjúkrunar-
fræðingur og eiga þau 3 börn.
Ragnhildur Benediktsdóttir lög-
fræðingur hefur verið ráðin í hið
nýja embætti skrifstofustjóra
Biskupsstofu. Ragnhildur er Reyk-
víkingur, fædd 1943, lauk lögfræði-
prófi frá Háskóla íslands 1984. Hún
hóf störf á lögmannsstofu Jónasar
Aðalsteinssonar hrl. en gerðist síðan
fulltrúi hjá Borgardómi og hefur
undanfarið verið þar aðalfulltrúi.
Ragnhildur var um árabil við nám og
störf í Bandaríkjunum. Eiginmaður
hennar er Ásgeir Jónsson sérfræð-
ingur i hjartasjúkdómum á Landa-
kotsspítala og eiga þau þrjár dætur.
Ragnhildur var valin úr hópi 17
umsækjenda um hið nýja starfs
skrifstofustjóra.
Séra Torfi Stefánsson Hjaltalín
hefur verið ráðinn æskulýðsfulltrúi
þjóðkirkjunnar að höfðu samráði
við framkvæmdanefnd æskulýðs-
starfsins. Forveri hans sr. Guð-
mundur Guðmundsson mun hverfa
til kristniboðsstarfa í Afríku.
Sr. Torfi er Reykvíkingur 35 ára að
aldri. Hann lauk guðfræðiprófi frá
H.í. 1980 og vígðist ári síðar til
prestsþjónustu á Þingeyri. Þremur
árum síðar hóf hann framhaldsnám
í Lundi i Svíþjóð og lauk licenciat
prófi í trúfræði 1987 og undirbýr nú
doktorsritgerð sína. Á Svíþjóðar-
árunum vann sr. Torfi í sænskum
söfnuði sérilagi að skírnar og ferm-
ingarfræðslu.
Hann er kvæntur Kristínu
Magnúsdóttur sem lokið hefur
magisterprófi frá Lundarháskóla í
uppeldisfræði og eiga þau fjögur
börn.
Umsækjendur um embætti æsku-
lýðsfulltrúa voru fjórir.
VÍÐFÖRLI — 5