Víðförli - 15.12.1990, Page 27

Kirkjukór Lágafellssóknar — Ný plata
Venjulegur kór
syngur venjulega jólasálma
fyrir venjulegt fólk
Kirkjukór Lágafellssóknar hefur
sent frá sér hljómplötu sem hlotið
hefur heitið ÍSLENSKIR JÓLA-
SÁLMAR. Á plötunni eru 13 al-
gengir jólasálmar eins og þeir hafa
verið sungnir í íslensku kirkjunni og
á íslenskum heimilum í áraraðir.
— Hvernig stóð á þessu frum-
kvæði, Sigurður Hreiðar?
Þegar farið hefur að halla að jól-
um hefur fólk þráfaldlega komið að
máli við kórfélaga og farið fram á að
fá að taka upp nokkra algengustu
jólasálmana á æfingum kórsins, til
þess að senda vinum og vandamönn-
um sem eiga þess ekki kost að vera á
landinu um jólin. Þessi beiðni hefur
ekki vakið mikinn fögnuð kórfélaga;
upptökur með fábrotnum tækjum
við frumstæð skilyrði gera flytjend-
um ævinlega rangt til.
Því var yfirleitt spurt á móti:
„Hvers vegna kaupirðu ekki bara
góða, íslenska jólaplötu og sendir
vinum þínum erlendis?" Og svarið
var alltaf á eina lund: „Þannig plata
er ekki til. Ef það eru einhverjir jóla-
sálmar á plötum eru líka alls konar
önnur lög á plötunni eða eitthvað
annað sem þjónar ekki tilgangi okk-
ar. Okkur langar bara að fá gömlu,
góðu jólasálntana.“
Þegar Kirkjukór Lágafellssóknar
stóð enn frammi fyrir þessum sama
vanda á jólaföstunni 1989 var ákveð-
ið að reyna að mæta þessari þörf og
gefa út plötu aðeins með algengustu,
íslensku jólasálmunum. Þetta var
ekki gert í auglýsingaskyni og ekki af
því að kórinn telji sig öðrum kórum
betri, þó að hann viti að hann er
frambærilegur. Þetta varekki heldur
gert í fjáröflunarskyni og verður
raunar að teljast gott ef kórinn fær
upp í útlagðan kostnað við plötuna.
Þetta start hetur samt gert kór-
fólki gott.
Ekki er að efa að undirbúningur
plötunnar var um leið góður skóli
fyrir kórfélaga. Æfingar fyrir upp-
tökuna hófust þegar að loknum jól-
um og enduðu með upptöku í lok
apríl. Auk stjórnandans, Guðmund-
ar Ómars Óskarssonar, naut kórinn
liðsinnis Guðrúnar Tómasdóttur
söngkonu við æfingarnar, en Guð-
rún er sveitungi kórsins og hefur fyrr
og síðar verið boðin og búin að
leggja honum lið. Einnig lagði
Haukur Guðlaugsson, söngmála-
stjóri þjóðkirkjunnar, sitt af mörk-
um með þvi að koma tvívegis á
æfingar og gefa góð ráð. Loks kom
Guðni Þ. Guðmundsson, organisti í
Bústaðakirkju, til liðs við kórinn og
lék á orgelið á síðustu æfingum og
við upptöku, þannig að stjórnandi
gæti stjórnað söngnum óskiptur.
Halldór Víkingsson annaðist upp-
tökuna, sem fór fram í Háteigs-
kirkju.
— Hverjum er platan ætluð?
ÍSLENSKIR JÓLASÁLMAR er
plata ætluð þeim sem Iangar að
hlusta á sálmalögin sem öðrum
fremur einkenna íslensk jól. Þetta er
plata til að njóta á kyrrðarstund á
heimili. Jafnframt og ekki síður er
platan vel fallin til að senda vinum
og vandamönnum erlendis, sem af
einhverjum orsökum geta ekki notið
íslenskrar jólahátíðar með hefð-
bundnum hætti. Þá má og gera því
skóna að erlendum vinum íslend-
inga þyki fengur í því að heyra með
eigin eyrum hvernig íslenskir jóla-
sálmar hljóma.
— Hvað er að segja um kótinn?
Kirkjukór Lágafellssóknar var
formlega stofnaður árið 1948 og hef-
ur starfað óslitið síðan. Hann er
sjálfstætt félag sem hefur að mark-
miði að halda uppi söng við messur
í Mosfellsprestakalli og við önnur
tækifæri eftir þörfum. Skráðir kór-
félagar eru nú 25 talsins.
27
Rætt við Sigurð Hreiðar