Dagfari - Oct 2017, Page 5

5
Kæmi fram vilji af hálfu bandarískra stjórnvalda til að auka umsvif
hérlendis innan marka slíks samstarfs telur Framsóknarflokkurinn
eðlilegt að taka það til skoðunar. Það myndi þó alltaf þurfa að vera á
forsendum íslenskra stjórnvalda og umsvifin að vera til þess fallin að
þjóna hagsmunum og markmiðum Íslands í öryggis- og varnarmálum.
Píratar:
Píratar munu ekki samþykkja slíkt án þess að leita samþykkis eða
synjunar kjósenda.
Vinstri græn:
Nei. Við Vinstri – græn höfum talað mjög ákveðið gegn aukinni
uppbyggingu hernaðartengdra mannvirkja á Keflavíkurflugvelli, svo sem
stækkun flugskýla svo þau geti hýst en stærri herflugvélar.
Viðreisn:
Afstaða Viðreisnar færi eftir tilgangi og markmiðum þeirra umsvifa.
Alþýðufylkingin:
Nei, það kæmi ekki til greina.
Er stjórnmálahreyfingin hlynnt reglubundnu
æfingaflugi Nató-herþota á Íslandi sem gengur undir
heitinu loftrýmisgæsla?
Samfylkingin:
Loftrýmisgæsla er þáttur í samkomulagi Íslands og
Atlantshafsbandalagsins um varnir landsins.
Framsóknarflokkurinn:
Já. Framsóknarflokkurinn hefur litið svo á að slíkt æfingaflug sé
eðlilegur hluti af varnarsamstarfi við aðrar þjóðir á jafnréttisgrundvelli.
Píratar:
Píratar hafa ekki stefnu gagnvart loftrýmisgæslu NATÓ.