Bæjarins besta - 28.09.2005, Side 13

MIÐVIKUDAGUR 28. SEPTEMBER 2005 13
sem hafa þróast í greininni og
Íslendingar hafa þannig visst
forskot í?
„Það er engin vafi á því og
það hefur skapast þekking og
iðnaður sem annars hefði ekki
orðið til. Ég held líka að þetta
hafi verið liður í því að búa til
betra samkomulag og meiri
sátt um sjávarútveginn. Að
minnsta kosti fullyrði ég að ef
við hefðum ekki búið til þessi
úrræði þá hefði ríkt stórstyrj-
öld um íslenskan sjávarútveg
og guð má vita hvernig það
hefði farið. Ég held að það
hefði farið mjög illa fyrir
greininni að lokum. Ég vil
segja við þá sem hafa verið að
gagnrýna mig og fleiri fyrir að
hafa lagt of mikla áherslu á að
auka aflahlutdeild smábáta, að
þetta var ein forsenda þess að
það skapaðist meiri friður um
greinina.
Menn hafa stundum verið
að velta því fyrir sér hver væri
sérstaða Vestfjarða í tengslum
við sjávarútvegsmálin. Ég vil
segja að það sem er gott fyrir
sjávarútveginn á Íslandi er gott
fyrir Vestfirði. Hagsmunirnir
fara einfaldlega saman.”
Vestfirskir ráð-
herrar ekki liðin tíð
– Gífurlegar breytingar hafa
átt sér stað á síðustu 10 árum,
að ekki sé talað um síðustu 15
eða 20. Mega menn eiga von á
viðlíka umróti í vestfirskum
sjávarútvegi á næstu 5 til 10
árum?
„Nei, en ég held að við mun-
um sjá mjög öra þróun. Þegar
maður ræðir við tæknifyrir-
tækin í greininni og kaupendur
á alþjóðlegum markaði þá eru
flestir sammála um að við eig-
um eftir að sjá miklar tækni-
byltingar á vinnsluhliðinni.
Vélmennatækni mun leiða það
af sér að vélrænni og einhæfari
störfin munu hverfa en þá er
það stóra verkefnið hvað ann-
að komi í staðinn? Þannig held
ég að sjávarútvegurinn eigi
eftir að breytast mjög mikið á
næstunni. Hvort það verður á
3 árum eða 5 árum skal ég
ekki segja um en ég held að
breytingin sé óumflýjanleg.”
– Ráðherrar hafa talsvert
aðra aðkomu að málum en
þingmenn. Nú verður þú í inn-
sta hring stjórnunar landsins,
þar sem frumkvæðið er, ef svo
má segja. Mun þetta hafa í för
með sér aukin pólitísk áhrif
fyrir Vestfirði og Norðvestur-
kjördæmi?
„Ég vona það svo sannar-
lega og finn það sjálfur á þeim
kveðjum sem ég hef verið að
fá frá Vestfjörðum og úr mínu
kjördæmi að skipan mín hefur
vakið mjög jákvæð viðbrögð,
ég var t.d. mjög þakklátur bæj-
arstjórnum Ísafjarðarbæjar og
Vesturbyggðar fyrir að senda
mér hlýjar kveðjur í tilefni tíð-
indanna – ég er ákaflega þakk-
látur fyrir góðar kveðjur sem
ég hef verið að fá víða að sím-
leiðis, í tölvupósti og smá-
skilaboðum. Menn hafa sagt
við mig að þetta sé viss viður-
kenning á stöðu Vestfjarða.
Sú umræða hafði verið heil-
mikið í gangi að nú væru tímar
þeirra stjórnmálamanna liðnir
sem væru skipað í fremstu röð
í ríkisstjórn frá Vestfjörðum.
Þessi ákvörðun um að ég verði
sjávarútvegsráðherra hefur
auðvitað sýnt að þetta er rangt
og ég vona að þetta geti orðið
liður í því að efla sjálfstraust
manna og hvetja til að dáða –
að þingmaður kjördæmisins
hafi notið stuðnings, trúnaðar
og trausts til að takast á við
þetta mikilvæga embætti. Við
vitum að víða í þjóðfélaginu
hafa verið efasemdir um skyn-
semi þess að Vestfirðingur
sæti í stóli sjávarútvegsráð-
herra af ýmsum ástæðum en
nú hefur minn flokkur a.m.k.
sýnt það í verki að hann treystir
mér til þess og þær hlýju óskir
sem ég hef verið að fá frá fólki
í öðrum stjórnmálaflokkum
benda til þess að menn hafi
fulla trú á því að Vestfirðingur
geti gegnt þessu starfi.”
– Þurfa Vestfirðingar að
sanna sig, jafnt í pólitískum
skilningi og eins að það sé
þess virði að fjárfesta í framtíð
svæðisins?
„Ég held að þetta sé ein
sönnun þess að menn hafi
mikla trú á því sem við erum
að gera á Vestfjörðum og von-
andi einhver viðurkenning á
þeim málstað sem við höfum
verið að berjast fyrir – að reyna
að nota sjávarútveginn til að
treysta sjávarbyggðirnar í
landinu.”
Stóra verkefnið að
tengja saman byggðir
– Fyrir skemmstu urðu mikil
tíðindi í samgöngumálum og
það er sérstaklega merkilegt
að menn horfa fram á að
Djúpvegi verði lokið árið 2008
og á sama ári verði lokið nýj-
um vegi um Arnkötludal og
Gautsdal. Hvað sérðu fyrir þér
framundan, hvað verða næstu
baráttumál?
„Núna er það að gerast að
við erum að kasta aftur fyrir
okkur og ljúka málum sem
hefur verið glímt við ansi
lengi. Þannig verður ástatt
2008 að við verðum búin að
tengja norðanverða Vestfirði
og Strandasýslu við aðal
þjóðvegakerfi landsins. Þetta
eru auðvitað ótrúlegar fréttir
og einstaklega ánægjulegar,
m.a. fyrir mig persónulega því
ég hef haft Arnkötludal og
Gautsdal sem eitt af mínum
stóru áhersluefnum í stjórn-
málum. Þetta eru mikil gleði-
tíðindi og ekki síður hitt að
með því að setja svona mikla
peninga jafnframt í vegagerð í
gömlu Gufudalssveitinni í
Austur-Barðastrandarsýslu þá
verður staðan sú þar að frá og
með síðari hluta næsta árs
verðum við með nægjanlegt
fjármagn til að halda uppi full-
um dampi við vegagerð á
þessu svæði. Þegar núverandi
vegaáætlun lýkur árið 2008
verða búin risaskref í vega-
málum á þessu svæði og staða
Vestur-Barðastrandarsýslu í
samgöngulegu tilliti verður
orðin gjörbreytt.
Þetta þýðir hins vegar ekki
að öllum okkar verkefnum
verði lokið. Ég vil nefna
tvennt. Stóra málið er að ljúka
vegtengingu milli norðan-
verðra og sunnanverðra Vest-
fjarða með jarðgöngum, hitt
er að ljúka uppbyggingu veg-
anna frá Súðavík um Ísafjörð
til Bolungarvíkur svo sú leið
verði líkust því að um innan-
bæjarleið sé að ræða. Þannig
verði þessi kjarni, þ.e. Ísafjarð-
arbær, Súðavík og Bolungar-
vík fullkomlega eitt atvinnu-
og þjónustusvæði svo menn
geti farið til vinnu á milli þess-
ara staða áfalla og vandræða-
laust. Þetta held ég að yrði til
þess að styrkja fyrir alvöru í
sessi svæðið á norðanverðum
Vestfjörðum.”
– Er um álíka mikilvægt
verkefni að ræða og Vest-
fjarðagöngin voru á sínum
tíma? Íbúafjöldinn í Bolungar-
vík og Súðavík er áþekkur og
í Ísafjarðarbæ vestan heiða.
„Þetta er alveg örugglega
hárrétt og við munum vel hvað
gerðist þegar jarðgöngin
komu. Auðvitað er ekki að
öllu leyti líku saman að jafna,
vegasamgöngurnar milli Ísa-
fjarðar, Bolungarvíkur og
Súðavíkur eru náttúrlega
margfalt betri en voru þegar
menn þurftu að fara yfir
Breiðadals- og Botnsheiðar og
fyrir Dýrafjörð. Engu að síður
er það þannig að sú uppbygg-
ing sem við höfum þrátt fyrir
allt unnið á þessum vegum er
ekki fullnægjandi. Þar að auki
virðist sem aðstæður séu að
versna á Óshlíðinni og þá
verða menn að bregðast við
því. Þetta er óhefðbundin
vegagerð í þeim skilningi að
fyrst og fremst er verið að
bregðast við öryggissjónar-
miðum þó vegurinn sjálfur sé
góður.”
– Má líkja þessu við tvö-
földun Reykjanesbrautar, þar
sem það var ekki umferðar-
magnið sem krafðist tvöföld-
unar heldur öryggið?
„Ég held að á margan hátt
sé þetta dæmi um það og undir
stjórn núverandi samgöngu-
ráðherra Sturlu Böðvarssonar
hefur sem betur fer verið lögð
mikil áhersla á umferðarör-
yggismálin og þetta er mjög í
þeim anda.”
Höfuðborgin
ekki án skyldna
– Fyrir utan óregluleg fram-
lög til vegamála eins og nú
við sölu Símans og átak í vega-
málum á Vestfjörðum sem
kynnt var vorið 2003 þá fer
ekki mikið fé til uppbyggingar
vegakerfisins miðað við önnur
útgjöld. Í grófum dráttum fara
15 milljarðar til málaflokksins
samgöngumála en til beinnar
uppbyggingar á vegum á land-
inu öllu fara um 6 milljarðar,
er þetta nóg til að hægt sé að
mæta frum uppbyggingunni
eins og hér á Vestfjörðum á
sama tíma og endurnýja þarf
veigamikil samgöngumann-
virki syðra vegna aukinnar
umferðar? Er þetta ekki allt of
lítið?
„Ég held að það sé mikið til
í því að við þyrftum ennþá
meiri peninga í vegagerð. Mér
hefur aftur á móti verið bent á
að sem hlutfall af landsfram-
leiðslu séum við að leggja
meira til samgöngumála en
aðrar þjóðir. Það helgast auð-
vitað af því að við búum í
strjálbýlu landi og það er dýrt
að leggja vegi t.d. um fjöll og
undir fjöll. Hins vegar sjáum
við þar sem farið er út í vega-
gerð, eins og t.d. í tilviki jarð-
ganganna á norðanverðum
Vestfjörðum, þá er eins og
leysist úr læðingi heilmikill
kraftur sem enginn getur
almennilega skýrt. Það verður
eitthvað til sem ekki var áður.
Það sem hefur breyst mest í
byggðamálunum á Íslandi
undanfarin fáein ár er þessi
uppbygging í samgöngumál-
um og við sjáum þar sem það
búnir að gjalda fyrir það ein-
hverju verði.”
– Gjarnan er það mjög áber-
andi fólk og í góðum tengslum
við fjölmiðla sem hefur beitt
sér fyrir brottflutningi flug-
vallarins. Stundum fær maður
á tilfinninguna að fólk þurfi
ekki að standa reikningsskil
orða sinna í þessari umræðu –
það virðist enginn vera krafinn
um neina arðsemisútreikn-
inga, kostnaðarútreikninga,
eða neitt í þá veruna. Eru menn
að berjast í ójafnri aðstöðu?
„Maður tekur auðvitað eftir
því að í þessum spjallþáttum
útvarpsstöðvanna er ótrúlega
stór hópur fólks sem hefur það
að markmiði í sinni krossför
að berjast gegn Reykjavíkur-
flugvelli og það sýnir ekki síst
hversu þröngt sjónarhorn verð-
ur til við míkrófónana hjá út-
varpsstöðvunum. Það hefur al-
gjörlega skort á að menn svari
grundvallarspurningum eins
og um kostnað – hver verður
hann og hver á að bera hann?
Og svo gleyma menn einu.
Við erum að setja fleiri millj-
arða í ráðstefnuhús í Reykja-
vík. Þangað ætlum við að flytja
marga ferðamenn frá útlönd-
um. Fari flugvöllurinn af
Reykjavíkursvæðinu er verið
að girða fyrir að þessir ferða-
menn fari út á land. Og svo
erum við að leggja milljarða-
tugi í nýtt hátæknisjúkrahús
fyrir alla landsmenn. Á sama
tíma er verið að hóta okkur
því að rýra aðgengi almenn-
ings á landsbyggðinni að þess-
ari nýju fullkomnu þjónustu.
Þetta er alveg óskapleg ósvíf-
ni. Ég veit satt að segja ekki
hvað á að segja um fólk sem
talar af svona skeytingarleysi
og fantaskap gagnvart lands-
byggðinni. Annað hvort er
þekkingarleysið svona mikið
eða innrætið ekki skárra”
– Stjórnmálafólk á Suður-
nesjum mynduðu nýverið
samtök um að flytja innan-
hefur tekist vel til eins og á
Suðurlandsundirlendinu og í
Borgarfirði þá er byggða-
vandamálunum útrýmt – sam-
göngurnar sjá um það.”
– Þá komum við að öðru
veigamiklu máli í samgöngun-
um sem er í uppnámi um þess-
ar mundir – það er framtíð
Reykjavíkurflugvallar. Bæjar-
stjórinn í Ísafjarðarbæ lýsti því
yfir fyrir skemmstu að nú væri
kominn tími til að menn færu
að tala sig saman í þessu, hafa
menn verið sofandi gagnvart
málinu?
„Nei, það hefur náttúrlega
verið ofsaleg harka í málinu
vegna þess að þeir sem hafa
verið að djöflast gegn Reykja-
víkurflugvelli hafa gert það
með ósanngjörnum hætti og
ekkert viljað hlusta á röksemd-
ir okkar sem hafa viljað að
Reykjavíkurflugvöllur yrði
áfram á sínum stað. Mér finnst
Sturla Böðvarsson, samgöng-
uráðherra, hafa leitt þetta mál
vel og sýnt forystu í að velta
upp öllum hugsanlegum flöt-
um svo hægt verði að komast
að einhverri niðurstöðu í þess-
um efnum. Það sem er auðvit-
að kraftaverkið er að þeir sem
hafa hingað til talað fyrir því
að flugvöllurinn ætti að hverfa,
eru núna farnir að sjá að það
væri stórháskalegt fyrir Reyk-
javík sem höfuðborg og sem
þjónustumiðstöð að flugvöll-
urinn færi langt frá borginni.
Ég hef ekkert nema gott um
það að segja að menn séu að
leita að einhverjum nýjum
stöðum fyrir flugvöllinn og
geri þá líka ráð fyrir að þeir
sem telji sig hafa mestan
ávinning af því að flugvöllur-
inn hverfi taki þátt í að greiða
þann flutning, ekki erum það
við skattborgarar á lands-
byggðinni sem erum að biðja
um Reykjavíkurflugvöllur fari
úr Vatnsmýrinni, það eru ein-
hverir aðrir að biðja um það
og þeir hljóta þá að vera til
39.PM5 6.4.2017, 09:4913