Bæjarins besta - 20.08.2003, Blaðsíða 13

MIÐVIKUDAGUR 20. ÁGÚST 2003 13Lestu nýjustu fréttir daglega á www.bb.is
NINGIN
Arsenalaðdáendur fyrir utan Sjallann á Ísafirði.
Arsenalaðdáendur
komu saman
í Sjallanum
Hátt í fjörutíu aðdáend-
ur enska knattspyrnuliðs-
ins Arsenal komu saman í
Sjallanum á Ísafirði
sunnudaginn 10. ágúst og
fylgdust þar með sínum
mönnum kljást við erki-
fjendurna Manchester
United. Boðað varð til
samkomunnar af Arsenal-
klúbbnum á Íslandi en í
honum eru um 200 félags-
menn á Vestfjörðum.
Kjartan Björnsson hjá
Arsenalklúbbnum syðra
segir vel hafa tekist til.
„Frá upphafi hefur það
verið markmið klúbbsins
fara um landið og heim-
sækja aðdáendur Arsenal.
Liður í því er að koma
saman og horfa á útsend-
ingar til að hrista liðið
saman. Ég hætti sem for-
maður í fyrra eftir tuttugu
ára starf en ætlaði mér í
huganum að hætta ekki
fyrr en ég væri búinn að
koma vestur og nú hefur
það tekist“, segir Kjartan.
Í leiknum var keppt um
Góðgerðaskjöldinn (Char-
ity Shield) en í þeim leik
mætast jafnan bikarmeist-
arar og Englandsmeistarar
síðustu leiktíðar. Að þessu
sinni þurfti Arsenal að lúta
í lægra haldi fyrir United
eftir vítaspyrnukeppni.
„Leikurinn fór í jafntefli 1-
1 þrátt fyrir að Arsenal
hafi verið sterkari aðilinn á
vellinum. Síðan töpum við
mjög óverðskuldað í víta-
spyrnukeppninni“, segir
Kjartan. Franska knatt-
spyrnukempan Thierry
Henry skoraði mark
Arsenal í venjulegum leik-
tíma. „Síðan var búið að
taka Henry út af og því gat
hann ekki tekið víti sem
varð náttúrlega til þess að
Arsenal vann ekki.“
Á næstu dögum kemur
út afmælisbók Arsenal-
klúbbsins sem spannar 20
ára sögu hans. Kjartan
segir að meðal annars hafi
margir Vestfirðingar tekið
virkan þátt í starfi hans. Í
nýrri stjórn Arsenal-
klúbbsins er einn stjórnar-
maður frá Vestfjörðum,
Jóhann Ævarsson í Bol-
ungarvík. „Þetta var virki-
lega skemmtilegur dagur
hjá okkur. Myndin var
tekin eftir leikinn og þrátt
fyrir tapið mátti sjá gleð-
ina skína úr hverju and-
liti“, sagði Kjartan.
– kristinn@bb.is
Arsenalaðdáendurnir fylgj-
ast með leik sinna manna
gegn Manchester United um
Góðgerðarskjöldinn.
33.PM5 18.4.2017, 11:3613