Bæjarins besta - 22.08.2001, Blaðsíða 3
MIÐVIKUDAGUR 22. ÁGÚST 2001 3
Skólasetning
26. ágúst
Menntaskólinn á Ísafirði býður nemendur
og kennara velkomna til starfa á haustönn
2001.
Skólinn verður settur sunnudaginn 26.
ágúst kl. 17:00, í sal bóknámshússins á
Torfnesi. Athöfnin er öllum opin en aðstand-
endur nemenda eru sérstaklega hvattir til að
mæta með þeim.
Skólastarf hefst mánudaginn 27. ágúst kl.
08:00.
Skólameistari.
GRUNNSKÓLINN Á ÍSAFIRÐI
Skólastarf næsta vetrar hefst mánu-
daginn 27. ágúst. Nemendur mæti á
sal sem hér segir:
8.-10. bekkur kl. 09:00
6. og 7. bekkur kl. 10:00
4. og 5. bekkur kl. 11:00
2. og 3. bekkur kl. 13:00
Nemendur í 1. bekk og aðstandendur
þeirra verða boðaðir til viðtals sérstak-
lega.
Innkaupalistar eru á vefsíðu skólans á
Skólatorginu: www.skolatorg.is/
kerfi/grsk_a_isafirdi/skoli
Skólastjóri.
Öldungadeild MÍ
Eftirtaldir áfangar verða í boði á haustönn
2001 ef næg þátttaka fæst:
BÓK 103 STÆ 202 ENS 103
STÆ 303 ÍSL 103 TÖL 103
STÆ 102 ÞÝS 203
Fundur verður með væntanlegum nemend-
um í öldungadeild miðvikudaginn 29. ágúst
kl. 20:00 í fyrirlestrarsal skólans. Kennsla
hefst skv. stundarskrá mánudaginn 3. sept-
ember.
Skólameistari.
Gert við þrýstivatnsrör Reiðhjallavirkjunar í Syðridal
Sandblásið og sinkhúð-
að í snarbrattri hlíð
Starfsmenn vélsmiðj-
unnar Mjölnis hf. í Bolung-
arvík hafa að undanförnu
unnið að viðgerðum á
þrýstivatnsröri Reiðhjalla-
virkjunar í Syðridal í Bol-
ungarvík. Rörið liggur frá
lóni uppi á fjalli niður bratta
hlíð að stöðvarhúsinu og á
köflum hefur verið erfitt
fyrir þá Helga Bragason og
Daða Þór Halldórsson,
starfsmenn Mjölnis, að at-
hafna sig. Þeir sandblása
rörið, heithúða með sinki,
grunna svo og mála.
Ekki hefur verið hægt að
vinna kvölds og morgna.
Ástæðan er sú, að þegar
dögg sest á rörið má ekki
sandblása því að þá ryðgar
það fljótt. Sól kemur seint
upp á þessum stað og skín
stutt yfir daginn. Þess vegna
fara nokkuð margir dagar í
verkið. Daði Þór Halldórsson að starfi við heithúðun.
Góð þátttaka á golfmóti Löggiltra endurskoðenda Vestfjörðum
Helgi Birgisson, Jón Þorgeir Einars-
son og Pannistak Rodpilok sigruðu
Löggiltir, golfmót Löggiltra
endurkoðenda Vestfjörðum,
var haldið á laugardag á golf-
vellinum í Bolungarvík. Þátt-
takendur voru 32 í karlaflokki
og kvennaflokki. Helgi Birg-
isson, formaður GBO, sigraði
án forgjafar á 80 höggum, í
öðru sæti varð Halldór Bjarkar
Glámu (81) og í þriðja sæti
varð Bjarni Pétursson GBO
(82). Bjarni þurfti tvö umspil
í bráðabana við Birgi Olgeirs-
son um þriðja sætið.
Með forgjöf sigraði Jón
Þorgeir Einarsson (löggiltur
endurskoðandi!) á 62 högg-
um, í öðru sæti varð Bergþór
Björnsson GBO (68) og í
þriðja sæti Óðinn Gestsson
GÍ (69).
Í kvennaflokki sigraði
Pannistak Rodpilok GÍ á 63
höggum, í öðru sæti varð Sig-
Verðlaunahafar að móti loknu.
ríður L. Gestsdóttir GBO (89)
og í þriðja sæti Guðrún Guð-
mundsdóttir GBO (101).
Nándarverðlaun voru veitt
á 3. og 5. braut. Þau hlutu
Benedikt Kristjánsson GBO
sem var 30 cm frá holu á 3.
braut og Unnsteinn Sigurjóns-
son GBO sem var næstur holu
á 5. braut.
Verðlaun sem voru mjög
vegleg voru gefin af Löggilt-
um endurskoðendum Vest-
fjörðum.
Líklega um hundrað manns við fjarnám á Vestfjörðum
Nemendur fjölga sér líkt og bakteríur
Mikill áhugi virðist vera
fyrir fjarnámi á Vestfjörðum.
Að sögn Smára Haraldsson-
ar, forstöðumanns Fræðslu-
miðstöðvar Vestfjarða, eru
fjarnámsnemendur stöðugt
að bætast í rekstrarfræði og
lýsir aukningin sér svipað og
bakteríuvöxtur, eins og hann
orðaði það. Nú eru alls skráð-
ir tæplega fimmtíu nemendur
í greinina á Vestfjörðum, þar
af þrettán á Patreksfirði.
Kennsla í rekstrarfræðinni
hefst 8. september og fara
nemendur í kynnisferð til
Háskólans á Akureyri í lok
ágúst.
Fjórða árs nemendur í
hjúkrunarfræði hófu nám að
nýju á mánudag en íslenskan
sem er kennd frá Háskóla Ís-
lands byrjar í september. Tíu
nemendur eru skráðir í ís-
lensku. Kennslan fer að ein-
hverju leyti fram í gegnum
fjarfundabúnað en að auki
stunda nemendur námið
heima við í gegnum internetið.
„Auk þessara nemenda er
fjöldi fólks hér fyrir vestan í
fjarnámi sem það stundar
heima við, án beins samstarfs
við okkur. Ég get trúað að það
séu alls um hundrað manns
sem stunda fjarnám á Vest-
fjörðum. Fjarfundakennslan
fer að mestu leyti fram í
Menntaskólanum á Ísafirði en
rekstrarhagfræðin verður í
Þróunarsetri Vestfjarða á Ísa-
firði þar sem kennsla í gegnum
fjarfundabúnað verður aðal-
lega á laugardögum. Að auki
er ætlunin að vera með aðstoð
hér fyrir vestan við stærð-
fræðikennsluna.
Eins og stendur er aðeins
háskólanám í boði í fjar-
kennslu en það er minn vilji
og von að þetta eigi eftir að
vaxa, og þá eigi eftir að bætast
við fleiri háskólagreinar og
að auki bæði iðnnám og starfs-
nám. Þessa dagana er verið
að vinna í því að finna lestrar-
aðstöðu fyrir nemendur, en
það er von til þess að það
leysist á allra næstu dögum“,
sagði Smári Haraldsson.
Gerist áskrif
-endur í síma
456 4560
34.PM5 19.4.2017, 09:403