Bæjarins besta - 22.08.2001, Blaðsíða 7

MIÐVIKUDAGUR 22. ÁGÚST 2001 7
sem er, annað hvort á geisla-
diski eða videóspólu eða nót-
um, og verið þá bæði með
nóturnar og hlustað og horft í
einu. Eða fengið lexíkon þar
sem þú getur lesið þér til um
bakgrunn og sögu óperunnar.“
Draumurinn í Bonn
„Nú er ég búin að ljúka
náminu sem ég var í úti en ég
er búin að fá árssamning við
óperuhúsið í Bonn og er að
fara út aftur. Þetta kom þannig
til að í október á síðasta ári
komu þrír umboðsmenn í
skólann til okkar og elstu
nemendur óperudeildarinnar
fengu að syngja fyrir þá. Tveir
af þessum þremur tóku mig á
skrá hjá sér. Þannig fór boltinn
að rúlla en annar af þessum
tveimur er orðinn minn aðal-
umboðsmaður. Þegar leikhús-
in leita að fólki, þá hafa þau
samband við umboðsmennina
og segja þeim frá söngprufum
sem eru á þessum stöðum og
að verið sé að leita að þessari
týpu og þessum eða hinum
röddum. Til dæmis er ég kol-
oratúr-sópran líkt og Diddú
nema hvað hún er dramatísk-
ari en ég.
Ég söng til reynslu í fjórum
óperuhúsum og óperuhúsið í
Bonn var það síðasta og það
gekk upp. Ég er ekkert farin
að pæla í því ennþá hvað ég
geri eftir þetta ár. Það er alltaf
samið eitt ár fram í tímann
þannig að um miðjan október
næstkomandi fæ ég að vita
hvort ég fái annað ár í þessu
húsi. Ef vel gengur er aldrei
að vita hvað getur gerst.“
Fimm uppfærslur
„Ég verð í fimm mismun-
andi uppfærslum. Æfinga-
tímabilið fyrir Carmen hófst
á síðasta leikári og þá æfðum
við í tvær vikur. Núna er sex
vikna fríi að ljúka en æfingar-
nar byrja aftur 23. ágúst og
verða fram að frumsýningu.
Allar uppfærslurnar eru mjög
skemmtilegar og spennandi
fyrir mig og ég verð í mismun-
andi og áhugaverðum hlut-
verkum.“
Allir þekkja væntanlega
fjögur af verkunum fimm þar
sem Sigrún verður meðal flytj-
enda á sínu fyrsta leikári. Þar
er um að ræða óperurnar
Carmen eftir Bizet, Rakarann
frá Sevilla eftir Rossini og
hina frægu Töfraflautu eftir
Mozart. Síðan er óperettan
skemmtilega, Káta ekkjan
eftir Lehár, mjög skemmtilegt
verk þar sem er meira af leik
og tali en í hinum verkunum.
Fimmta stykkið er síðan lítið
þekkt ópera, Castor et Pollux
eftir Rameau, en venjulega er
einu slíku verki potað inn á
milli hinna frægu til þess að
kynna það og gera dagskrána
fjölbreyttari.
Sigrún kveðst vera mjög
heppin með hlutverk. „Í Car-
men leik ég sígaunastúlkuna
Frasquitu, sem er ein af vin-
konum Carmenar. Í Rakaran-
um fer ég með hlutverk þjón-
ustustúlkunnar, sem er mjög
dæmigert hlutverk fyrir mitt
söngfag. Í Töfraflautunni syng
ég stærsta hlutverkið mitt,
hlutverk Næturdrottningar-
innar, sem er mjög krefjandi
og skemmtilegt. Í Kátu ekkj-
unni fer ég með hlutverk Val-
encienne, fylgdarstúlku ekkj-
unnar. Dagskráin í húsinu er
mjög fjölbreytt og ættu allir
sem hafa áhuga á óperum að
geta fundið eitthvað við sitt
hæfi.“
Heppinn byrjandi
„Ég kem til með að hafa
mjög mikið að gera en byrj-
andi í Þýskalandi hefur reynd-
ar ekki mikið val hvað samn-
inga snertir. Fyrsta árinu má
kannski líkja við fyrstu árin
hjá læknanemum, að því leyti
að manni er pískað út til að
sjá hvort maður standi sig.
Þér er bara að sagt að syngja
þetta eða hitt hlutverkið og
svo og svo margar sýningar.
Punktur og basta, bless. Ef þú
ætlar eitthvað að fara að fetta
fingur út í hlutina, þá getur
maður átt á hættu að fá að
heyra að það séu margir aðrir
tilbúnir að gera þetta og maður
eigi bara að vera ánægður með
að hafa yfirleitt fengið vinnu.
Eftir það geturðu farið að gera
meiri kröfur, svo sem um hvað
þú vilt syngja og hversu marg-
ar sýningar og þar fram eftir
götunum.
Það er mjög erfitt fyrir
óperusöngvara að fá vinnu og
ég var í raun mjög heppin.
Þetta er auðvitað samspil af
því að vera heppin og vera á
réttum tíma á réttum stað. Í
dag er heldur ekki nóg að geta
bara sungið vel því leikstjór-
arnir eru farnir að koma með
miklar kröfur líka. Mikið er
um það að sólistar sem ekki
komast í fremstu víglínuna
fari í óperukórana og reyndar
eru margir sem fara bara beint
þangað því þetta er mjög gott
starf og meira að segja yfirleitt
mun betur borgað.“
Óperuhúsið í Bonn
Sigrúnu líst ágætlega á
Óperuhúsið í Bonn, enn sem
komið er. „Auðvitað er ég bara
búin að vera þar í tvær vikur
en mér líst mjög vel á borgina.
Hún er minni en Stuttgart þar
sem ég bjó áður og hún er
viðkunnanlegri. Fólkið er létt-
ara og þægilegra heldur en
Svabarnir í suðri. Bonn er líka
rétt hjá Köln sem er mjög
skemmtileg borg. Rín rennur
í gegnum Bonn og óperuhúsið
stendur við bakka árinnar.“
Óperuhúsið í Bonn er gam-
alt og virt. Bonn var höfuð-
borg Vestur-Þýskalands og á
höfuðborgartímanum voru
það aðallega stjörnur sem
sungu aðalhlutverkin. Þá var
mikið peningaflæði í gegnum
borgina og notast var gesta-
söngvara á borð við Pavarotti
og allt það fræga lið.
„En eftir að stjórnsýslan
fluttist til Berlínar er minna af
peningum í Bonn. Núna er
verið að koma upp föstu fólki
í óperunni og þannig verður
hægt að byggja eitthvað upp
og jafnvel að hafa vandaðri
sýningar. Nú er ég orðin ein
af þessu starfsliði og hlakka
mikið til að takast á við það
sem framundan er“, segir Sig-
rún Pálmadóttir, óperusöng-
konan unga úr Bolungarvík.
Því má bæta hér við, að
slóð heimasíðunnar hjá Óper-
unni í Bonn á Internetinu er
http://theater.bonn.de
Golfklúbbur Ísafjarðar
Fimmtudagsmótum að ljúka
Áttunda og næstsíðasta
fimmtudagsmót Golfklúbbs
Ísafjarðar verður haldið á
Tungudalsvelli annað
kvöld.
Eftir sjö umferðir er Sig-
urður Ólafsson (GGL) efstur
með 121 pkt, annar er Guðjón
Ólafsson (GÍ) með 118 og
þriðji Jón Hjörtur Jóhannes-
son (GÍ) með 114.
Í firmakeppninni er Spari-
sjóður Vestfirðinga með
forystu með 172 pkt. Í öðru
til þriðja sæti eru Íslands-
saga á Suðureyri og Íslands-
banki á Ísafirði með 157
punkta.
Starfsmaður á Sapphire handtekinn
Reyndi að selja
tóbak úti á götu
Starfsmaður skemmti-
ferðaskipsins Sapphire var
handtekinn á Ísafirði í síð-
ustu viku. Skipið hafði við-
komu í bænum í annað sinn
þetta sumarið og stóð starfs-
maðurinn úti á götu og bauð
mönnum tóbak til kaups.
Lögregla handtók manninn
vegna gruns um tollalagabrot
en sleppti honum fljótlega
með áminningu þar sem hon-
um hafði ekki svo vitað væri
tekist að selja neitt.
Lögregla kom manninum
í hendur starfsmannastjóra
Sapphire sem sagði að
svona hegðun varðaði brott-
rekstri. Búist var við að
maðurinn yrði látinn taka
pokann sinn í næstu höfn.
34.PM5 19.4.2017, 09:407