Bæjarins besta - 05.02.1997, Side 6

6 MIÐVIKUDAGUR 5. FEBRÚAR 1997
Ísafjarðarbær
Þorrablót
Hnífsdælinga
Þorrablót Hnífsdælinga var haldið s.l. laugardagskvöld í
félagsheimilinu í Hnífsdal. Um 200 manns sóttu blótið sem
þótti takast hið besta og skemmtu gestir sér konunglega yfir
skemmtiatriðum nefndarinnar sem samkvæmt hefð er skipuð
níu konum. Vani er að konurnar reyna að virkja menn sína í
nefndinni til ýmissa viðvika en að sögn tekst það misjafnlega
ár frá ári. Í dagskrárblaði blótsins var ansi skemmtileg
kynning á nefndarkonum sem var í formi ljósmyndar þar
sem andlitum þeirra var skeytt inn á sundbolamynd frá
fegurðarsamkeppni. Eins og að líkum lætur var þarna um
föngulegan hóp að ræða á myndinni og tóku gestir til þess
hversu konurnar í nefndinni væru nú vel vaxnar allar. Eins
og áður sagði þá skemmtu gestir sér hið besta og gerðu að
gamni sínu með sviðakjömmum og hákarli eins og sést á
meðfylgjandi myndum.
Sigurður B. Þórðarson, Grétar S. Pétursson, Kristján
Jóakimsson og Sveinn Guðbjartsson voru á meðal gesta í
Hnífsdal.
Þar voru einnig hjónin Gunnar Bjarni Ólafsson og Helga
Birna Jónsdóttir.
Sem og þeir félagar Árni Friðbjarnarson og Alfreð
Erlingsson.
Tveir góðir „kjammar“ með tvo aðeins dekkri, Ernir
Ingason og Hilmar Pálsson.
Halldór Hemannsson, skipstjóri á Ísafirði skrifar
Gunnlaugur þingmaður
í kvótaumræðunni
Undanfarna mánuði hefur
Gunnlaugur Sigmundsson
nokkuð blandað sér í kvóta-
umræðuna á síðum B.B. og
verið þar æði borubrattur. Þó
verður með engu móti séð að
hann hafi efni á slíku, miðað
við þá þjónkun við auðmenn
þessarar þjóðar sem Framsókn-
arflokkurinn rekur varðandi
kvótaeignarnámið. Ennfremur
þann tvískinnungshátt og þá
friðþægingarpólitík sem flokk-
urinn hefur í frammi til þess að
blekkja fólkið í landinu á
meðan hann hægt og bítandi
geirneglir auðlindir þessarar
þjóðar til handa fáum einstakl-
ingum og erfingjum þeirra til
varanlegrar eignar.
Gunnlaugur gerir augljós-
lega grín að almenningi vegna
kvótaumræðunnar sem hann
segir að sé að sumu leyti byggð
á öfund út í nágrannann. Einnig
er á honum að heyra að lítið
mark sé takandi á svona illdeil-
um. Þetta hafi verið fylgifiskur
Íslendinga alla tíð. Bendir hann
á riðu- og símamálin því til
stuðnings svo gáfulegt sem það
nú er.
Þann 6. nóvember s.l., birtist
grein í B.B. eftir Gunnlaug sem
ber fyrirsögnina ,,Að láta berja
sig”. Þar veitist hann harkalega
að þingmönnum Sjálfstæðis-
flokksins á Vestfjörðum vegna
hugmynda þeirra um flota- og
sóknarstýringu í síðustu kosn-
ingum sem hann segir að
byggist á miðstýrðum fyrir-
mælum í anda alræðisríkis
Halldór Hermansson.
,,Varaðu þig
Gunnlaugur
á því að verða
ekki sjálfur
barinn að
lokum. Þú
liggur vel
við höggi.”
kommúnista. Þarna er maður-
inn að kasta steinum úr mið-
stýringarglerhúsi Framsóknar-
flokksins. Gunnlaugur heldur
mjög á lofti ágæti aflamarks-
kerfisins og telur upp á að þeir
sem hafi einhverja vigt í
þjóðmálum aðhyllist það kerfi.
Óþarft mun vera að spyrja
almenning að því þar sem hann
hefur bersýnilega enga vigt í
augum þingmannsins.
Færeyski þingmaðurinn Óli
Brekkan lýsir aflamarkskerfinu
íslenska sem miklu umhverf-
isslysi á borð við þjóðnýtingu
rússneska landbúnaðarins á
sínum tíma. Í aflamarkskerfinu
eru skipin alltaf með veiðarfæri
í sjó allan ársins hring. Hvað
halda menn að verði af þeim
fiski sem ekki er til kvóti fyrir
en óhjákvæmilega kemur í
veiðarfærin? Honum er ein-
faldlega hent dauðum í sjóinn
aftur, svo einfalt er þetta mál.
Gunnlaugur þingmaður telur
sig hafa boðað byggðakvóta
fyrir síðustu kosningar og gera
það enn. Ekkert bólar þó á
neinum aðgerðum í þá veru.
Engin frumvörp hafa komið
fram frá honum á Alþingi
varðandi kvótann. Hann býr sig
hinsvegar undir það að festa
kvótaeignarnámið enn frekar í
sessi með því að samþykkja
stjórnarfrumvarp það sem nú
liggur fyrir á þingi um veðsetn-
ingu á óveiddum fiski í sjó.
Þetta gleypir hann ofan í sig
ásamt hinum kokhraustu
Reykjanesþingmönnum Fram-
sóknarmanna sem eru orðnir
frægir að endemum fyrir línu-
dans sinn og tvískinnungshátt
í kvótamálum.
Mottó forkólfa Framsóknar-
flokksins og þingmanna hans
virðist því vera þetta marg-
fræga að halda öllum hurðum
opnum og báðum endum einn-
ig, til að blekkja almenning.
Þetta er sú leið sem Gunnlaugur
ráðleggur þingmönnum Sjálf-
stæðisflokksins á Vestfjörðum
að fara, vilji þeir hafa áhrif, að
haga máli sínu með þeim hætti
að þeir verði ekki opinberlega
barðir kaldir. Hann vill sjáan-
lega vesalings mönnunum vel
sem ennþá styðja með honum
ríkisstjórnina þrátt fyrir heit-
strengingar þeirra um annað.
Greinilegt er að nú eru að
renna upp tímar skarpra skila í
íslenskri pólitík. Innan fárra
ára munu 8-10% landsmanna
eiga allan auð þjóðarinnar sem
máli skiptir. Megnið af lands-
lýðnum mun hafa illa til hnífs
og skeiðar. Ölmusufólki mun
fjölga gífurlega. Óþarfi sýnist
að 70% þjóðarinnar kjósi
Framsóknarflokk og Sjálfstæð-
isflokk til þess eins að hygla
og hugsa um þessa fáu útvöldu
auðmenn þjóðarinnar. Minna
má nú gagn gera.
Gunnlaugur Sigmundsson
var sendur af forkólfum fram-
sóknar til Vestfjarða, sennilega
til þess að syngja með okkur
útfararsönginn. Af afrekum
hans fara litlar sögur enn sem
komið er. Hann hefur áhyggjur
af því, segir hann, að sú hefð
skapist að það þyki allstaðar
sjálfsagt að berja Vestfirðinga,
vegna málflutnings þeirra í
kvótamálum. Varaðu þig
Gunnlaugur á því að verða ekki
sjálfur barinn að lokum. Þú
liggur vel við höggi.
Halldór Hermannsson.
Sigurður Óskarsson og Finnbogi Eyjólfsson, blaðafulltrúi Heklu undirrita samning þess
efnis að Bílagarður hafi tekið við söluumboði fyrirtækisins á Ísafirði og nágrenni að
Bolungarvík undanskilinni. Fyrir aftan þá standa þrír fulltrúar beggja fyrirtækja.
Nýtt söluumboð fyrir bif-
reiðar frá Heklu hf., í Reykjavík
tók til starfa á Ísafirði á
laugardag. Hinn nýi söluaðili
er Bílagarður ehf., sem er til
húsa að Grænagarði á Ísafirði.
Eigendur fyrirtækisins eru þeir
Sigurður Óskarsson og Sævar
Hjörvarsson. Fyrirtækin tvö
héldu kynningu á bifreiðum
Heklu á laugardag og var þar
margt um manninn. Á sunnu-
dag var haldin sýning á 97
árgerð bifreiða frá Heklu og
sótti fjöldi gesta sýninguna.
Ljósmyndari blaðsins var við-
staddur kynninguna og tók þá
meðfylgjandi mynd.
Nýtt söluumboð fyrir
bifreiðar frá Heklu
Ísafjörður
Vestfirðir
Ölgerðin
með útibú
á Ísafirði
Fyrirhugaðar eru breyt-
ingar á starfsemi Ölgerðar
Egils Skallagrímssonar á
Vestfjörðum. Að sögn Eyj-
ólfs Lárussonar, hjá Ölgerð-
inni, eru þessar breytingar
tilkomnar vegna kaupa
Ísafjarðarleiðar á hluta
starfsemi Ármanns Leifss-
onar í Bolungarvík, en hann
hefur sem kunnugt er verið
umboðsmaður Ölgerðar-
innar á norðanverðum Vest-
fjörðum um árabil.
„Það hefur verið stefnan
hjá okkur, á stærri stöðum,
að setja upp útibú sem við
rekum í okkar nafni og í
kjölfar þessara kaflaskipta
hjá Ármanni höfum við
ákveðið að setja upp eitt
slíkt á Ísafirði. Þetta er allt
gert í samráði við Ármann
Leifsson,“ sagði Eyjólfur.