Bæjarins besta - 05.02.1997, Side 8

8 MIÐVIKUDAGUR 5. FEBRÚAR 1997
Ísfirðingafélagið
í Reykjavík
Eins og greint var frá í síðasta tölublaði, var 52.
Sólarkaffi Ísfirðingafélagsins í Reykjavík haldið hátíð-
legt að Hótel Íslandi fyrir stuttu. Um 430 manns sóttu
skemmtunina að þessu sinni og hafa aldrei verið
færri á hátíðinni frá því núverandi stjórn félagsins tók
við völdum. Er talið að veðrið hafi sett strik í mæting-
una, en vel á annað hundrað manns ætluðu til
skemmtunarinnar frá Ísafirði auk þess sem fjölmargir
Ísfirðingar, búsettir á Reykjavíkursvæðinu, komust
ekki vegna veðurs. Veðrið setti einnig strik í reikning-
inn hjá BB því myndir af skemmtuninni áttu að birtast
í síðasta blaði en komust ekki til Ísafjarðar í tæka tíð
fyrir útgáfu blaðsins. Nú gerum við smá bragabót á
því og birtum hér nokkrar myndir sem Guðjón
Þorsteinsson, liðsstjóri KFÍ tók á skemmtuninni.
Svipmyndir
frá Sólarkaffi
Fjórir hressir Ísfirðingar á góðri stundu. Bigir Úlfsson,
Rúnar Vilbergsson, Jónas Ágústsson og Ásgeir Erling
Gunnarsson.
Svanhvít Leifsdóttir, Alda Guðmundsdóttir, Kári Jóhanns-
son, Haraldur Leifsson og Ágúst Leifsson.
Gunnar Halldórsson, sonur
Halldórs Hermannssonar,
flutti hátíðarræðu kvöldsins
í fjarveru föður síns, sem var
veðurtepptur á Ísafirði.
Meðal skemmtiatriða á Sól-
arkaffinu var söngur Guð-
rúnar Jónsdóttur, óperu-
söngkonu, við undirleik Vil-
bergs Viggóssonar píanó-
leikara.
Atvinna
Ritari óskast til starfa á lögfræðiskrifstofu
mína í hálft starf (eftir hádegi).
Um er að ræða fjölbreytt starf og viðkom-
andi þarf að geta unnið sjálfstætt. Góð
tölvu- og ritvinnslukunnátta er æskileg.
Æskilegt er að umsækjandi geti hafið störf
eigi síðar en um miðjan mars nk.
Allar nánari upplýsingar veitir undirritaður.
Tryggvi Guðmundsson hdl.,
Hafnarstræti 1, Ísafirði.
Sími 456 3244.
Orkubú Vestfjarða
Stakkanesi 1 • 400 Ísafirði
Vélfræðingar!
Orkubú Vestfjarða hyggst ráða vélfræðing
til starfa við orkustöðvar og hitaveitur
Orkubúsins í Ísafjarðarsýslum.
Með umsókn um starfið skulu fylgja
upplýsingar um nám, starfsreynslu, persónu-
lega hagi og þ.h.
Nauðsynlegt er, að viðkomandi hafi fasta
búsetu á Ísafirði, vegna bakvakta þar.
Umsóknir merktar „Vélfræðingur“ sendist
Orkubúi Vestfjarða, Stakkanesi 1, 400 Ísafirði
og skulu hafa borist, eða verið póstlagðar í
ábyrgðarbréfi 13. febrúar nk. eða fyrr.
Upplýsingar um starfið veita:
Jakob Ólafsson,
rekstrarstjóri í síma 456 3211
Kristján Pálsson,
verkstjóri í síma 456 3201.
Orkubú Vestfjarða
Kjör íþróttamanns ársins 1996 í Bolungarvík fór fram s.l.
laugardag á veitingastaðnum Víkinni. Ástmar Ingvarsson,
knattspyrnumaður í meistaraflokki UMFB, hlaut hinn eftirsótta
titil að þessu sinn fyrir framúrskarandi árangur í íþrótt sinni. Í
ræðu Önnu Edvardsdóttur, forseta bæjarstjórnar, kom fram að
Ástmar byrjaði að leika knattspyrnu með yngri flokkum UMFB
ásamt því að æfa sund en sundíþróttin var þá í mikilli uppsveiflu
í Bolungarvík. Fimmtán ára fór Ástmar að leika innanhúss-
knattspyrnu með meistaraflokki og tók þátt í ýmsum mótum
m.a. Íslandsmótinu. Hann hefur ekki leikið mjög mikið utanhúss
en ástæðan er m.a. sú að Bolvíkingar hafa ekki alltaf tekið þátt
í Íslandsmóti og stundum hafa liðið nokkur ár án þátttöku.
Síðasta keppnistímabil var þriðja leiktímabil Ástmars með UMFB
en liðið stóð sig mjög vel og var nálægt því að komast í úrslit
Íslandsmótsins. Í máli Önnu kom fram að Ástmar hafi sýnt
miklar framfarir, hann sé fullur áhuga og stundi íþrótt sína af
kappi en það sé einmitt það sem þurfi til að ná langt. Í lok síðasta
Kjör íþróttamanns ársins í Bolungarvík
Knattspyrnumaður varð fyrir valinu
Bolvíska íþróttafólkið sem hlaut viðurkenningar.
tímabils var Ástmar kosinn knattspyrnumaður ársins 1996 og er
sú viðurkenning staðfesting á því, að hann var sá sem átti hvað
jafnbesta keppnistímabil leikmanna. Auk þess hefur Ástmar
verið mjög drífandi við uppbyggingu knattspyrnuvallarins á
Skeiði og einn af frumkvöðlum þess framtaks. Ástmar þykir
prúður leikmaður sem lætur ekki skapið hlaupa með sig í gönur
og er hann því góð fyrirmynd þeirra sem yngri eru og eru að
byrja í íþróttum.
Einar Guðmundsson, formaður íþróttaráðs, veitti að auki
nokkrum einstaklingum viðurkenningar fyrir góðan árangur og
ástundun. Viðurkenningar fyrir knattspyrnu hlutu; Pétur Geir
Svavarsson og Jóhann Ævarsson, fyrir hestamennsku; Svala B.
Einarsdóttir, Linda Jónsdóttir og Jóhann Bragason, fyrir sund;
Karl Fannar Gunnarsson og Sigurður Hálfdánsson og fyrir golf
hlaut Jón Steinar Guðmundsson viðurkenningu.
Að lokinni afhendingu viðurkenninga var gestum boðið upp á
veitingar í boði bæjarstjórnar Bolungarvíkur.
Að sögn Ástmars Ingvarssonar, íþróttamanns
ársins 1996 í Bolungarvík, kom útnefningin honum
talsvert á óvart en jafnframt kvaðst hann mjög
ánægður. „Þetta er mikil hvatning fyrir mig til að gera
enn betur í knattspyrnunni. Ég ætla að halda áfram í
fótboltanum þó ég hafi ekki endanlega tekið ákvörð-
un um hvar ég muni spila næsta leiktímabil. Vonandi
verð ég þó með Bolvíkingum og ef við fáum góðan
þjálfara og verðum með góðan hóp þá kitlar það mig
mjög mikið að vera áfram hérna. Ég held að titillinn
verði mér hvatning til að gera betur og stefna hærra.
Ég er ekki búinn að spila knattspyrnu lengi og aldrei
af eins mikilli alvöru og við gerðum s.l. tímabil en ef
maður ætlar að stunda þetta þá verður að gera það
af alvöru til að árangur náist.“
Ástmar segist vona hann að hann standi undir að
vera yngri leikmönnum góð fyrirmynd og ráðleggur
þeim að æfa vel og mikið en sýna jafnframt prúð-
mennsku jafnt innan vallar sem utan.
Ástmar og félagar hans í UMFB gæða sér á veitingum
Mikil hvatning