Heilbrigðisskýrslur - 01.12.1990, Blaðsíða 44

einstaklingar og einn þeirra lést. Enn er ekki hægt að bólusetja gegn
mengiskokka mengisbólgu en tilraunir eru hafnar með bóluefni (Ólafur
Ólafsson, 1993, bls. 10).
Mynd 3.5 Mengisbólga af völdum mengiskokka
skráö tilfelli og dauösföll á 1.000 íbúa, 5 ára meðaltöl
Árið 1990 greindust hins vegar 6 einstaklingar með mengisbólgu af völdum
annarra baktería og einn sjúklingur lést. Árið áður greindust 18 sjúklingar og 2
létust.
Mengisbólga af völdum Hemophilus influenzae hefur verið í brennidepli að
undanförnu því nýlega voru hafnar bólusetningar gegn einni tegund hennar,
tegund b (Hib), hér á landi. Vel hefur verið fylgst með árangri bólusetninga hér á
landi því íslendingar tóku þátt í að leggja mat á árangur bóluefnisins. Vegna
góðs skipulags heilsugæslu á Islandi og metnaðarfulls starfsfólks tókst að
bólusetja fljótt og vel og eru Hib bólusetningar nú hluti af venjubundnum
bólusetningum barna.
Á tímabilinu frá 1974 til 1988 fundust 140 tilfelli af Hemophilus Influenzae
meningitis meðal barna frá 1 mánaða til 9 ára aldurs. Flest barnanna voru
innan við 5 ára, þannig að tíðni sjúkdómsins reyndist vera 43 tilfelli á 100.000
íbúa á ári í þeim aldurshópi. Þessi tíðni reyndist vera nokkru hærri en áætlað
hafði verið í öðrum Evrópulöndum (Kristín Jónsdóttir, 1991, bls. 1). Við nánari
athugun á aldursskiptingu barnanna kom í ljós að stór hluti þeirra voru undir
tveggja ára aldri og hæsta tíðnin var meðal barna frá 6 til 18 mánaða aldurs.
Um afdrif þessara 140 barna er það að segja að eitt lést, eitt barn hlaut af
verulegan andlegan og líkamlegan skaða og tvö börn hlutu af nokkurn skaða.
Sex börn hlutu heyrnaskemmdir og hjá einu bami greindist flogaveiki.
Á sama tíma greindust 69 börn með H. Influenzae septicemia og hlutu þau öll
bata.
I maí 1989 voru hafnar bólusetningar gegn Hib hér á landi með nýlegu
bóluefni sem gefið hafði góða raun í Finnlandi og var bóluefnið gefið börnum
42