Bæjarins besta - 30.04.1997, Blaðsíða 12

12 MIÐVIKUDAGUR 30. APRÍL 1997
Styrkir til atvinnu-
mála kvenna
Félagsmálaráðuneytið hefur á þessu ári
19,6 milljónir króna til ráðstöfunnar til at-
vinnumála kvenna. Við ráðstöfun fjárins er
einkum tekin mið af þróunarverkefnum sem
þykja líkleg til að fjölga atvinnutækifærum
kvenna á viðkomandi atvinnusvæðum. Sér-
stök áhersla er lögð á að efla ráðgjöf til
kvenna sem eru í atvinnurekstri eða hyggjast
fara út á þá braut. Við skiptingu fjárins eru
eftirfarandi atriði höfð til hliðsjónar:
• Verkefnin skulu vera vel skilgreind og
fyrir liggja framkvæmda- og kostnaðar-
áætlun.
• Ekki verða veittir beinir stofn- eða rekstrar-
styrkir til einstakra fyrirtækja nema sér-
stakar ástæður mæli með.
• Verkefnið skal koma sem flestum konum
að notum.
• Að öðru jöfnu skal fjármögnun af hálfu
ríkisins ekki nema meira en 50% af
kostnaði við verkefnið.
• Ekki eru veittir styrkir til starfsemi, ef fyrir
liggur að hún er í beinni samkeppni við
aðra aðila á sama vettvangi.
• Að öðru jöfnu eru ekki veittir styrkir til
sama verkefnis oftar en tvisvar í senn.
Umsóknar eyðublöð fást á Vinnumálaskrif-
stofu félagsmálaráðuneytis, Hafnarhúsin v/
Tryggvagötu, Reykjavík, sími 511 2500 og
hjá atvinnu- og iðnráðgjöfum á landsbyggð-
inni.
Umsóknarfrestur er til 30. maí 1997.
Vinnumálaskrifstofa
félagsmálaráðuneytis
Til sölu
Lækkað verð
Til sölu er Tangagata 24, Ísafirði.
einbýlishús og bílskúr. Verð kr.
10.400.000,-
Upplýsingar í síma 456 3763.
Ísafjörður
Sögufélagið færir grunn-
skólanum örnefnakort
Sögufélag Ísfirðinga hefur
fært Grunnskólanum á Ísafirði,
500 eintök af örnefnakorti yfir
Skutulsfjörð að gjöf. Kortið er
í mælikvarðanum 1:50 000 og
er gefið út árið 1984 með leyfi
Landmælinga Íslands. Kortið
sem er teiknað af Svavari Berg
Pálssyni, fylgdi fyrsta bindi
Sögu Ísafjarðar.
Í frétt frá skólastjóra Grunn-
skólans, Kristni Breiðfjörð
Guðmundssyni, segir að skól-
inn kunni Sögufélaginu bestu
þakkir fyrir höfðinglega gjöf,
gjöf sem komi sér vel fyrir
nemendur og kennara í margs-
konar vinnu sem tengist lífi og
starfi bæjarbúa á öllum tímum.
,,Þá er ekki síður mikilsverður
sá hlýhugur sem gjöfinni fylgir
og sú ræktarsemi sem ungu
kynslóðinni er sýnd. Það er
einlæg von okkar í skólanum
að Sögufélagið megi vaxa og
dafna um alla framtíð. Til þess
að það megi verða þarf almenn-
ingur að leggja félaginu lið með
þátttöku í starfi þess,” segir í
frétt frá skólanum.
Á ferð um Vestfirði, frétta-
og þjónustublað fyrir ferðafólk
á leið um Vestfirði, sem H-
prent ehf., útgáfuaðili BB hefur
gefið út um tveggja ára skeið,
kemur út um miðjan júní.
Blaðið hefur hlotið góðar
viðtökur hjá ferðamönnum líkt
og hjá hjá ferðaþjónustu-
aðilum, enda hvergi sparað til
að gera það sem glæsilegast.
Á síðasta ári var upplag
blaðsins 6.000 eintök og var
því dreift ókeypis á alla þjón-
ustustaði ferðamanna um land
allt. Þar sem upplag blaðsins
kláraðist fljótt á síðasta ári
hefur verið ákveðið að auka
upplagið í ár sem og að auka
fjölbreytileika efnis. Þeim
aðilum í ferðaþjónustu og
fyrirtækjum sem áhuga hafa á
að koma á framfæri efni í blaðið
sem og að auglýsa í því er bent
á að hafa samband við Sigurjón
í síma 456 4560 fyrir 15. maí
nk.
Á ferð um Vestfirði mun líkt
og á síðasta ári, koma út tvisvar
í sumar, um miðjan júní og um
miðjan ágúst.
Kemur út um
miðjan júní
Á ferð um Vestfirði
Ísafjarðardjúp
Vegagerðin hefur óskað eftir tilboðum í lagningu Djúpvegar
frá Strandseli að Ögri. Um er að ræða endurlagningu
Djúpvegar frá Hagakotsbökkum, um Strandsel, Holtasund,
Garðstaðagrundir, um Ögur að slitlagsenda utan Odda. Í
verkinu felst einnig endurgerð tenginga að Strandseljum,
Garðstöðum, Ögurkirkju, Ögri og Ögurbryggju.
Verkið er tvískipt. Fyrsti verkhluti er lagfæring á Djúpvegi,
frá Hagakotsbökkum innan Laugardalsár að Holtasundum og
annar verkhluti er nýlögn vegar þaðan að slitlagsenda utan
Ögurs. Verklok með neðra burðarlagi á öðrum verkhluta er
15. nóvember 1997 en báðum verkhlutum skal lokið 30. júlí
1998. Tilboð í verkið verða opnuð 12. maí nk.
Lagning vegar frá
Strandseljum að
Ögri boðin út
Svæðisskrifstofa málefna fatlaðra á Vestfjörðum
Atvinnuátak fyrir fatlaða
Svæðisskrifstofa málefna
fatlaðra á Vestfjörðum hefur
sent forsvarsmönnum fyrir-
tækja í Ísafjarðarbæ bréf, þar
sem óskað er eftir samstarfi
um atvinnuþátttöku fatlaðs
fólks í bænum. Í bréfinu segir
að með auknum samdrætti í
atvinnulífinu, hafi fötluðum
reynst erfiðara að fá vinnu og
skiptir þá einu hvar þeir eru
búsettir á landinu.
,,Fatlaðir einstaklingar eru
mjög mismunandi og hafa
mismikla starfsgetu, allt frá því
að geta unnið fullan vinnudag
án nokkurs stuðnings, niður í
að vinna eina klukkustund á
dag. Í nokkrum tilvikum með
stuðningi frá starfsmanni
Svæðisskrifstofu eða fyrirtæk-
is. Mjög mismunandi er hvaða
starf hentar hverjum en mikil-
vægt er að hafa í huga að starfið
sé ekki mjög flókið. Störf sem
krefjast nokkurrar endurtekn-
ingar henta yfirleitt vel s.s. störf
í fiskvinnslu, verslun, aðstoðar-
störf í eldhúsi, leikskólum,
skrifstofum o.s.frv. Sum af
þessum einföldu störfum eru
jafnvel unnin í hjáverkum eða
þau safnast fyrir á vinnu-
staðnum,” segir í bréfi Svæðis-
skrifstofunnar.
Í bréfinu segir einnig að það
sé einlæg ósk starfsmanna
skrifstofunnar að forsvarsmenn
fyrirtækja taki vel í erindið og
er þeim stjórnendum fyrirtækja
sem áhuga hafa á að taka þátt í
atvinnuátaki fatlaðra bent á að
hafa samband við Svæðis-
skrifstofu málefna fatlaðra í
síma 456 5224. Skrifstofan
mun hafa samband við öll þau
fyrirtæki sem fengið hafa sent
framangreint bréf fyrir lok
maímánaðar.