Fréttablaðið - 24.03.2021, Side 40

RITSTJÓRN
ritstjorn@frettabladid.is
AUGLÝSINGADEILD
auglysingar@frettabladid.is
PRENTUN
Torg ehf.
DREIFING Póstdreifing ehf.
dreifing@postdreifing.is 550 5000
Árna
Helgasonar
BAKÞANKAR
Mikið úrval af
spennandi eggjum!
PÁSKA-
EGG
Verslaðu á 66north.is
Fylgdu okkur á Instagram @66north
Ísland hættir aldrei
að koma á óvart.
Í dag tíðkast að skerpa á öllum víglínum og skilgreina and­stæðinga sem víðast. Þetta er
vinnandi fólk gegn fyrirtækjunum,
úthverfin gegn miðbænum, neysla
gegn loftslagi. Allir eru með sinn
málstað, algóritminn tryggir
eilífan samhljóm skoðana og við
þurfum að lágmarki fimmtán
stjórnmálaflokka því þeir verða
jú að tala fyrir nákvæmlega sömu
skoðunum og félagsmenn sínir
og mega undir engum kringum­
stæðum gefa afslátt. Grá svæði
hafa verið upprætt, brýr eru ekki
byggðar lengur og málamiðlunum
hefur verið aflýst.
Samband okkar við kapítal­
ismann markast af þessu. Hann
þykir hvorki woke né hluti af
lausninni, hann er ekki í köflóttri
skyrtu og ekki með eigið hlað­
varp. Ég las tvít um daginn þar sem
kapítalismanum var slaufað ræki­
lega sem vonlausri hugmyndafræði.
Samhengið var samt áhugavert,
tvítið birtist á samfélagsmiðli í eigu
bandarísks einkafyrirtækis og var
skrifað á snjallsíma sem einkafyrir­
tæki framleiðir. Höfundurinn, sem
aðhyllist bíllausan lífsstíl, ferðast
um á rafmagnshlaupahjóli, borgar
farið með appi og situr á kaffi­
húsum. Allt forboðnir ávextir hug­
myndafræðinnar sem hann þolir
ekki. Opinberlega að minnsta kosti.
Kapítalisminn er margslungnara
fyrirbæri en bara stórfyrirtækið
sem lúrir á aflandseyjum. Hann er
líka sköpunarkrafturinn sem býr
til vörur og valkosti sem markað­
urinn velur. Hann er aflið sem gerir
flókna og kostnaðarsama hluti við­
ráðanlega og neytendavæna, hann
er frumkvöðullinn sem dettur
niður á nýja lausn og einyrkinn
sem lætur flakka og stofnar lítið
fyrirtæki.
Þó að það hljómi vel og gefi læk
að afskrifa kapítalismann þá er
hann hluti af þessu öllu saman, rétt
eins og samkenndin, velferðar­
kerfið og öryggisnetið.
Das(s) (af)
kapítal(isma)
Kauptu sokka á krabb.is og á sölustöðum um land allt