Fréttablaðið - 01.04.2021, Síða 16

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Kolbrún
Bergþórsdóttir
kolbrunb@frettabladid.is

Staðreyndin
er þó sú að
manneskjan
þarf alls enga
tækni til að
ná sambandi
við guðdóm-
inn.

Orð eru til
alls fyrst. En
verkin eru á
endanum það
sem mestu
skiptir.
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
Páskar eru í nánd, en ekki með sínu hefðbundna sniði því prestar fá ekki að messa í kirkjum fyrir framan kirkju-gesti. Nú eru einfaldlega tímar þar sem talið er að heppilegast sé fyrir fólk að halda sig fjarri öðrum. Slíkt er vitanlega
ekki uppskrift að andlegri velsæld því maðurinn
þarf nauðsynlega á nánd við aðra að halda. En ekki
er allt fengið í þessari veröld og líta má á ástand
eins og þetta sem reynslutíma þar sem gott er að
efla með sér þolgæði og átta sig um leið á því hvað
skiptir raunverulega máli í lífinu. Páskar eru einmitt
tíminn þar sem gott er að hugleiða og nóg næði ætti
að vera til þess þetta árið um leið og páskaboð-
skapurinn er móttekinn.
Fólk mun ekki streyma í kirkjur um þessa páska.
Nútímapresturinn lætur þó ekki sóttvarnaaðgerðir
hefta sig í því að koma boðskap páskanna til skila.
Hann er hugmyndaríkur og grípur til þess að nýta
nútímatækni til að tengjast söfnuði sínum. Það er
vitanlega hið besta mál. Staðreyndin er þó sú að
manneskjan þarf alls enga tækni til að ná sambandi
við guðdóminn. Þar er vilji allt sem þarf. Guð-
dómurinn er alls staðar og mannkynið ætti að gera
meira af því að leitast við að ná sambandi við hann.
Það myndi leiða margt gott af sér. Gera mannkynið
umburðarlyndara, hógværara og auðmjúkara en
það er. Ekki veitir af.
Helgi páskanna fer fram hjá mörgum á tímum
þar sem þjóðkirkjan á erfitt uppdráttar. Í huga of
margra eru páskar einungis enn ein áthátíðin þar
sem allt er lagt upp úr því að gera vel við sig og þá er
lítt hugað að hinum kristna boðskap. Það má jafnvel
halda því fram að það sé í tísku að gera lítið úr krist-
inni kirkju og láta eins og prestar landsins skipti
engu máli. Þá er fussað endalaust yfir þjóðkirkjunni
og þulið drýgindalega upp hversu margir segja sig
úr henni á hverju ári. Þjónar kirkjunnar eiga ekki að
taka þetta raus nærri sér, þeir eiga að vera staðfast-
ari í trúnni en svo. Sjálfir hljóta þeir að átta sig á því
að guðdómurinn er ekki einungis í kirkjum, hann
er allt í kringum okkur. Þannig er einkar auðvelt að
finna hann. Hann má til dæmis auðveldlega finna í
stórfengilegri tónlist sem tíminn fær ekki eytt.
Það er ekki hægt að hafna Bach og passíum hans
eða Messíasi Händels eða Sjö orðum Krists á kross-
inum eftir Haydn svo einungis örfá verk séu nefnd
eftir tónskáld þar sem almættið er hyllt. Er virkilega
einhver sem getur hlustað á fegurstu verk Mozarts
án þess að finnast hann hafa náð sambandi við guð-
dóminn? Einnig mætti nefna nöfn ótal listmálara
sem hafa minnt á páskaboðskapinn í verkum sínum
og þannig lagt sitt af mörkum til að styrkja trúar-
vitund svo margra. Ekki má svo gleyma hinu full-
komna sköpunarverki, sem er náttúran sjálf – það
þarf einungis að horfa upp í himininn eða út á hafið
til að skynja guðdóminn.
Guðdómurinn verður einfaldlega ekki kveðinn
í kútinn. Hann er alls staðar og er svo sannarlega
eilífur.
Guðdómurinn
Haukar í horni
Bjarmalandsför Samherja gegn
Helga Seljan virðist fyrst og
fremst hafa orðið til þess að
þjappa múgnum að baki frétta-
manninum. Þá ríður siðanefnd
RÚV heldur horaðri bikkju frá
þessum hildarleik en á öllum
miðlum keppist fólk við að
beina sínu breiðasta spjóti að
henni. Samúðin með Helga
virðist svo almenn að jafnvel
64.72% þeirra sem létu álit sitt
í ljós í vef kosningu á utvarp-
saga.is svöruðu spurningunni:
„Telur þú að ákvörðun siða-
nefndar RÚV gegn Helga Seljan
hafi verið réttmæt?“ neitandi.
Þó ber að hafa í huga að á meðal
innhringjenda í símatíma
Sögu er andúð á kvótagreifum
og stofnuninni RÚV nokkuð
almenn sem kann að hafa gefið
Helga óvæntan byr í seglin.
Efnafræði Heimssýnar
Andstæðingum aðildar Íslands
að ESB verður f lest að vopni
þessi dægrin. Á meðan aðildar-
sinnum og þeim sem sjá þjóð-
inni hag í EES-aðild er enn nudd-
að upp úr tjöru og fiðri vegna
skorts á bóluefnum magnar
ESB upp enn eina reiðibylgjuna
með því að gera morgunkornin
Cocoa Puffs og Lucky Charms
ólögleg á Íslandi vegna efna sem
standast ekki kröfur EES. Bólu-
efni og náttúruleg litarefni eru
þannig að verða helstu töfra-
meðul Heimssýnar.
toti@frettabladid.is
Aðdráttaraf l náttúrunnar er sterkt. Aðsóknin að eldstöðvunum sannar það. Borgarlífið og einangrun og fjarfundir undanfarið gera
náttúruna enn meira heillandi fyrir fólkið í borg-
inni. Grænu svæðin í borginni sjálfri eru ekki síður
mikilvæg. Borgargarðar eru lungu borgarinnar. Af
öðrum útivistarsvæðum ólöstuðum er Elliðaárdal-
urinn með mikla sérstöðu. Laxá í borg. Fjölbreytt
fuglalíf. Skóglendi og vatn. Eins og oft vill verða er
freistandi að ganga á ónumin svæði.
Hugmyndir um atvinnuhúsnæði og biodome
hafa verið í undirbúningi í jaðri Elliðaárdalsins
þrátt fyrir mikil mótmæli íbúa. Áform eru um
miklar landfyllingar við ósa Elliðaár sem kunna að
hafa talsverð áhrif á búsvæði laxfiska. En steininn
tók úr þegar Árbæjarlónið var tæmt síðasta haust
án tilskilinna leyfa. Lónið er á deiliskipulagi svæð-
isins og auk þess á náttúruminjaskrá frá árinu 1984.
Íbúar og ferðafólk hafa notið þess að hafa þetta
fallega lón í nærri öld. Eins og ýmis önnur lón sem
myndast hafa við virkjanir varð til fallegt vatna-
svæði. Elliðavatn er uppistöðulón. Líka Skorradals-
vatn. Meira að segja Þingvallavatn er uppistöðulón
þriggja virkjana við Sog. Allir sjá að tæming eða
meiriháttar rask á þessum lónum gæti aldrei orðið
nema með vel ígrunduðu umhverfismati og með til-
skildum leyfum. Sama á við um Árbæjarlón sem nú
hefur verið tæmt. Í stað grænna bakka er nú hjartað
í Elliðaárdalnum brúnt og þurrt.
Græna planið?
Það er undarlegt að borgin sem fer með yfirráð
yfir bæði dalnum og Orkuveitunni skuli láta þetta
gerast. Ekki síst þegar núverandi meirihluti gefur sig
út fyrir að vera með grænt plan. Í gildandi aðalskipu-
lagi er gert ráð fyrir að byggja blokkir efst í Laugar-
dalnum þar sem nú eru tré. Það er planið. Orð eru til
alls fyrst. En verkin eru á endanum það sem mestu
skiptir. Elliðaárdalurinn og Laugardalurinn verða
sífellt meiri verðmæti fyrir borgarbúa. Höldum þeim
grænum.
Grænn varstu dalur
Eyþór
Arnalds
oddviti Sjálf-
stæðisflokksins
í Reykjavík
1 . A P R Í L 2 0 2 1 F I M M T U D A G U R14 S K O Ð U N ∙ F R É T T A B L A Ð I Ð
SKOÐUN