Börn og menning - 2019, Blaðsíða 13

13Lestrarhvetjandi verkefni í Hagaskóla
hafa foreldrar verið hvattir til að lesa með börnum
sínum, ræða bækurnar við börn sín og gera lestur að
sérstakri næðisstund á heimilinu.
Til enn frekari hvatningar var farið af stað með að-
ventulestur eitt árið þar sem nemendur voru hvattir
til þess að lesa sem mest í desember og skrá síðan
lesturinn í gegnum vef skólans. Ætlunin var að fara
af stað með slíkt verkefni í desember en sú hugmynd
varð ofan á að fresta lestrinum fram í janúar og kalla
hann skammdegislestur því að þá væri fólk komið
með jólabækurnar og í janúar er ekki heldur eins stíf
dagskrá hjá fólki og í desember. Við slíkar næðis-
stundir eru nemendur og foreldrar hvattir til þess
að nýta sér hljóðbækur og aðra tækni við lesturinn
ef það hentar betur þannig að allir geti verið með.
Næstu verkefni
Ýmsar lestrarhvetjandi hugmyndir eru í farvatninu
og er ein þeirra að bókaráð standi fyrir bókmennta-
hátíð í hverfinu í samvinnu við aðra skóla og stofnan-
ir í Vesturbænum. Önnur er að setja á stofn leshringi
þar sem foreldrar og nemendur hittast á bókasafni
skólans utan skólatíma til þess að lesa saman bækur
og ræða þær. Ein hugmynd er að efna til smásagna-
eða ljóðasamkeppni innan skólans og einnig hefur
verið rætt um lestrarmaraþon þar sem nemendur í
10. bekk safni áheitum til þess að fjármagna vorferð
sína o.fl. Hvað sem þessum hugmyndum líður er
hægt að fullyrða að sú mikla áhersla sem lögð hefur
verið á lestur í Hagaskóla hafi skilað mörgum nem-
endum góðum árangri og hvatt þá til lestrar sér til
yndis og ánægju. Þrátt fyrir góðan árangur má þó
hvergi slaka á þegar verkefnið er jafn mikilvægt og
að hvetja börn og ungmenni til lestrar.
Höfundur er íslensku- og sérkennari í Hagaskóla.
Málþingið var afar vel sótt.