Börn og menning - 2019, Blaðsíða 28
Börn og menning28
intýraheima goðsagna og tímaflakks. Bækurnar tala
beint til barnanna og hafa náð afskaplega vel til síns
markhóps, svo vel að Ævar er farinn að skrifa léttlestr-
arbækur til að yngri börn og börn í lestrarerfiðleikum
fái notið þessa fyrirbrigðis sem hefur dugað svo vel til
að brúa bilið milli snjalltækja og lestrar. Börnin eru við
stjórnvölinn, eyðurnar sem lesandinn þarf að fylla upp
í við lestur venjulegra bóka eru gerðar að gagnvirkum
spurningum en barnið er samt í einkaheimi lesandans –
í sinni eigin upplifun.
Þegar þessi aðferðafræði er tekin og beinþýdd fyr-
ir leikhús er freistandi að álíta að þetta sé einfaldlega
snilldarleið til að lokka börn í leikhús og kenna þeim
á undraheim leikhússins, á sama hátt og bækurnar.
Þar kemur hins vegar að hinum stóra muni á eintölu
og fleirtölu. Þú eða þið – einstaklingur eða samfélag.
Lýðræði sýningarinnar þýðir að Þitt eigið leikrit er rang-
nefni. Það ætti eiginlega að heita Ykkar eigið leikrit þar
sem upplifunin er sameiginleg þeim hópi sem sér sýn-
inguna saman – ákvörðunin er hópsins en ekki einstak-
lingsins, og þar með verður lexían nær því að vera um
samfélag og lýðræði og hvað það þýðir þegar meirihlut-
inn ræður, en brú á milli snjalltækja og leikhúss.
Sýningin var að mörgu leyti góð og skemmtileg, leik-
ararnir, höfundurinn, leikstjórinn og allir aðstandendur
gerðu sitt besta og gerðu það vel. Ég vona að það verði
framhald á því samtali sem hér hefur verið hafið milli
leikhúss og barna – að gagnvirknin haldi áfram að þró-
ast fyrir þann ágæta miðil sem leikhúsið er eins og hún
hefur alla möguleika til þess að gera. Ævar „vísindamað-
ur“ er góður maður á góðum stað og hefur tilfinningu
fyrir hvernig börn upplifa menningu í þessum nýja staf-
ræna heimi. Þá þekkingu er bráðnauðsynlegt að nýta í
þágu barnamenningar.
Höfundur er íslensku- og bókmenntafræðingur.