Rit Mógilsár - 2000, Blaðsíða 11

11
plöntur mjög illa út, en þó náðu sitkagrenin bata í mörgum
tilvikum og litu nokkuð vel út sumarið 2000. Lítill munur á lifun
hjá greni og furu var á milli tilraunaliða í tilrauninni (2. og 3.
mynd). Svo til engin afföll urðu á birki í tilrauninni (niðurstöður
ekki sýndar).

Sökum mikilla affalla á stafafuru í tilrauninni var ekki mögulegt
að mæla vaxtarþætti í nægum fjölda plantna svo niðurstöður
birtast aðeins fyrir birki og greni.

5.2 Hæð og ársvöxtur
Marktækur munur (95%) var á meðalhæð á milli tilraunaliða
hjá birki á Markarfljótsaurum (sjá 1. töflu í viðauka).
Hæðarmunurinn var marktækur hjá birki á báðum
tilraunastöðum. Skaraskemmdir gerðu það að verkum að
munur í hæð að ekki var mikill munur í hæð að vori (4. og 5.
mynd). Marktækur munur var milli tilraunaliða á hæð grenis á
Markarfljótsaurum, en ekki í Kollabæ (sjá 5. töflu í viðauka).
Áburðargjöf við gróðursetningu gaf mesta meðalhæð hjá birki
á báðum tilraunastöðum fyrstu tvö árin, en plöntur sem hlutu
áburðargjöf ári seinna náðu þessum plöntum í hæð haustið
2000. Vegna vetrarskemmda lækkuðu hæstu plöntur milli
áranna 1998-99 og 1999-2000 á Markarfljótsaurum (4.
mynd), og milli áranna 1999-2000 í Kollabæ (5. mynd).

Tilraunaliðurinn viðmiðun (án áburðar) var eins og áður er
getið aðeins prófuð á birki. Eftir á að hyggja hefði verið
áhugavert að hafa viðmiðunarplöntur af bæði greni og furu
með í tilrauninni, enda sýna niðurstöður að viðmiðunarplöntur
af birki sýna þokkalegan vöxt í Kollabæ en alger
vaxtarstöðnun ríkir í viðmiðunarplöntum hjá birki á
Markarfljótsaurum. Þessar niðurstöður staðfesta fyrri
niðurstöður um að lang minnstur vöxtur er hjá viðmiðunar-
plöntunum og þeim því frekar hætt við skemmdum af völdum
t.d. ranabjallna og frostlyftingu.