Hinsegin dagar í Reykjavík - Aug 2017, Page 56

KYNSTRIN
ÖLL Á
BORGAR
BÓKA
SAFNINU
Þegar bókasafn Samtakanna
‘78 var lagt niður árið 2014 tók
Borgarbókasafnið við hluta
af safnkostinum, aðallega
erlendum skáldsögum. Frá
upphafi var gengið út frá
því að halda áfram þeirri
uppbyggingu sem Samtökin
höfðu staðið fyrir með því
að bæta við nýju efni og
halda áfram að bjóða upp á
fjölbreyttan safnkost hinsegin
bókmennta. Sérstök áhersla
hefur verið lögð á að fá inn
bækur fyrir yngri lesendur,
ungmenni og börn, auk
þess sem sjálfsævisögur og
bækur hinsegin fólks utan
Vesturlanda koma nú út í
auknum mæli. Samhliða þessu
eru klassísk rit að sjálfsögðu í
hávegum höfð.

Eftir nokkrar bollaleggingar
var ákveðið að halda
Samtakasafninu sér til
að auðvelda aðgengi
að bókunum en þá kom
strax upp vandamál: nýju
ungmennabækurnar eru svo
eftirsóttar að það hafa orðið
átök um þær milli deilda.
Ungmennadeildin hefur því
fengið nokkrar ‚að láni‘, enda
ljóst að hinsegin málefni
eru mikið til umræðu og
vekja áhuga ungra lesenda.
Sem dæmi um vinsælar
og áhugaverðar bækur má
nefna skáldsögur eftir David
Levithan og Malinda Lo, bók
Lisu Williamson, The Art of
Being Normal, og skáldsögur
um intersex, eins og None of
the Above eftir I.W. Gregorio
og Golden Boy eftir Abigail
Tarttelli.
Rafbókasafnið hallar sér líka
að hinsegin málum en þar
má finna bækurnar Another
Brooklyn eftir Jacqueline
Woodsoon, Symptoms of Being
Human eftir Jeff Garvin, þar
sem persónan er dulkynja,
Girl Mans Up eftir M.E. Girard
(titillinn segir sig sjálfur)
og fræðibókina Invisible
Orientation: Introduction to
Asexuality.

Hinsegin barnabókum
fer fjölgandi og má t.d.
nefna glænýja bók Emmu
Donoghue, The Lotterys og
bækur fyrir allra yngstu börnin
eins og Morris Micklewhite and
the Tangerine Dress, King and
King og A Tale of Two Mommies.
YouTube-stjarnan Jazz
Jennings, sem er ung trans
kona, segir enn fremur sögu
sína í barnabókinni I am Jazz
og í framhaldinu í ævisögunni
Being Jazz.

Ekki má gleyma fullorðnum
lesendum. Sem dæmi um nýjar
bækur er vakið hafa athygli má
nefna Tiny Pieces of Scull eftir
Roz Kaveney, sem var skrifuð
1988 en ekki gefin út fyrr en
2015, Under the Udala Trees
eftir hina nígerísku Chinelo
Okparanta og God in Pink eftir
Hasan Namir, en síðastnefndi
höfundurinn er frá Írak og
fjallar um stöðu hinsegin
múslima. Beijing Comrades
eftir Kínverjann Bei Tong er
bók frá áttunda áratugnum
sem á sínum tíma varð költ
bók í heimalandinu og hefur
nú loks verið þýdd á ensku. Af
ævisögum má t.d. nefna In the
Darkroom, nýja bók þar sem
Susan Faludi segir sögu föður
síns, Trans eftir Juliet Jacques
og Queer and Pleasant Danger
eftir Kate Bornstein.

Loks má nefna nýja fræðibók,
How to Survive a Plague: The
Inside Story of How Citizens
and Science Tamed AIDS,
sem byggð er á samnefndri
heimildarmynd og hefur hlotið
verðskuldaða athygli.

Samtakasafnið er góður
fengur fyrir Borgarbókasafnið
og tryggir aukna fjölbreytni í
safnkosti. Það er augljóst að
hinsegin bækur eiga heima
á almenningsbókasafni og
njóta vinsælda hjá lesendum
af öllum kynjum. Við leggjum
metnað okkar í að fylgjast vel
með útgáfu og umræðu um
hinsegin bókmenntir auk þess
að taka innkaupatillögum
fagnandi.
56