Víkurfréttir - 10.02.2021, Page 4

Rétturinn
Ljúengur
heimilismatur
í hádeginu
Opið:

11-13:30
alla virka daga
  Bílaviðgerðir
Smurþjónusta
   Varahlutir
Brekkustíg 38 - 260 Njarðvík
sími 421 7979
www.bilarogpartar.is
Sjálfbært og aðlaðandi
samfélag í Suðurnesjabæ
Á fundi framkvæmda- og skipulagsráðs Suðurnesjabæjar á dögunum
var lögð fram tillaga frá sviðsstjóra skipulags- og umhverfismála um
að verkefnastjórn aðalskipulags Suðurnesjabæjar verði í höndum
skipulagsfulltrúa, bæjarstjóra og hjá formanni framkvæmda- og
skipulagsráðs. Framkvæmdar- og skipulagsráð komi síðan með
beinum hætti að aðalskipulagsvinnunni og fjalli um málefni skipu-
lagsins eftir því sem tilefni er til.
Í afgreiðslu bæjarstjórnar Suður-
nesjabæjar frá síðasta fundi segir:
„Vinna ráðgjafa við skipulags-
og matslýsingu er hafin og voru
drög að uppbyggingu kynnt á 23.
fundi framkvæmda- og skipulags-
ráðs. Í lýsingunni er gerð grein
fyrir skipulagsferlinu og hvernig
fyrirhugað er að standa að skipu-
lagsgerðinni, svo sem kynningu
og samráði. Í tengslum við gerð
lýsingar eru skipulagsforsendur
og umhverfisaðstæður metnar.
Greind eru tengsl aðalskipu-
lagsins við aðrar áætlanir, svo
sem landsskipulagsstefnu, svæð-
isskipulag Suðurnesja og Heims-
markmið Sameinuðu þjóðanna
um sjálfbæra þróun.
Samþykkt samhljóða að sviðs-
stjóri skipulags- og umhverfis-
sviðs, bæjarstjóri og formaður
framkvæmda- og skipulagsráðs
skipi verkefnastjórn vegna aðal-
skipulags.
Bæjarstjórn samþykkir sam-
hljóða að unnið verði með yfir-
skriftir/málaflokka úr vinnu sam-
ráðsvettvangs um innleiðingu
heimsmarkmiðanna en þau eru:
Blómlegt og fjölbreytt atvinnulíf,
sjálfbært og aðlaðandi samfélag,
traustir og hagkvæmir innviðir
og vel menntað og heilbrigt sam-
félag.
Jafnframt samþykkt að unnið
verði út frá áherslum sem komu
fram í umræðum á fundi bæjar-
stjórnar.“
Skrifað undir samning um hönnun
nýs leikskóla í Sandgerði
Undanfarna mánuði hefur staðið
yfir vinna við undirbúning að bygg-
ingu nýs leikskóla í Sandgerði.
Stýrihópur sem bæjarstjórn skipaði
hefur haldið utan um undirbún-
ingsvinnu, ásamt starfsfólki Suður-
nesjabæjar. Stýrihópurinn hefur
kynnt sér nokkra nýlega leikskóla
og unnið þarfagreiningu ásamt
hönnunarforsendum sem bæjarráð
og bæjarstjórn hafa fjallað um. Á
fundi bæjarstjórnar þann 3. febrúar
síðastliðinn var samþykkt tillaga
frá stýrihópnum um að gengið verði
til samninga við JeES arkitekta um
hönnun leikskólans.
Á fundi stýrihóps með Jóni Stefáni
Einarssyni frá JeES arkitektum var
gengið frá samningi um hönnunar-
vinnuna. Táknrænt er að skrifa undir
samning um byggingu nýs leikskóla
í sömu viku og dagur leikskólans
er haldinn hátíðlegur, 6. febrúar
er dagur leikskólans en þann dag
árið 1950 stofnuðu frumkvöðlar í
leikskólastarfi fyrstu samtökin sín.
Dagurinn er haldinn hátíðlegur um
land allt til að vekja sérstaka athygli
á leikskólastiginu, mikilvægi þess og
gildi fyrir fjölskyldur í landinu og
fyrir íslenskt atvinnulíf.
Undirbúa móttöku tólf mánaða barna
Stefnt er að því að opna nýjan leikskóla í Grindavík haustið 2023 og þá
verði stefnt að því að taka inn tólf mánaða gömul börn í alla leikskóla
bæjarins. Minnisblað um það sem mögulega þarf að huga að til að mæta
þeirri stefnu fræðslunefndar að taka inn tólf mánaða gömul börn í leik-
skóla Grindavíkurbæjar var tekið fyrir á síðasta fundi fræðslunefndar
bæjarins.
Fræðslunefnd telur mikilvægt að byrja undirbúning fyrir breytingar á hús-
næði og leiksvæði leikskólanna. Mikilvægt er að gera áætlanir um hönnun,
framkvæmdir, kostnað og mannafla út frá nýjum forsendum svo allir skólar
verði í stakk búnir til að taka inn tólf mánaða gömul börn. Fræðslunefnd
hefur falið skólaskrifstofu að vinna málið.
Ný könnun landshlutasamtaka sveitarfélaga
á búsetuskilyrðum og hamingju landsmanna:
Grindvíkingar jákvæðastir
Vestmannaeyjar, Akureyri og Eyjafjörður eru þau svæði sem best koma
út í heildarstigagjöf í nýrri skoðanakönnun meðal íbúa landsins á búsetu-
skilyrðum, hamingju og viðhorfi til síns sveitarfélags. Grindvíkingar eru
ánægðastir allra á landinu með íþrótta- og skipulagsmál og eru meðal
þeirra ánægðustu á landinu með vegakerfi, unglingastarf, umhverfismál,
rafmagnsmál, farsímakerfi, ásýnd, aðstoð við fólk í fjárhagsvanda, laun
og framfærslu. Að könnuninni stóðu landshlutasamtök sveitarfélaga á
landinu ásamt Byggðastofnun og var hún gerð á íslensku, ensku og pólsku
í september og október síðastliðnum. Niðurstöðurnar byggja á svörum
frá 10.253 þátttakendum. Þetta er í fyrsta sinn sem svo víðtæk könnun
um þessi efni nær til allra svæða landsins og er markmiðið að hún verði
eftirleiðis gerð á tveggja til þriggja ára fresti og geti verið sveitarfélögum
og stjórnvöldum mikilvægt tæki í búsetu- og byggðaþróun.
Spurt um 40 búsetuþætti
Í könnuninni var landinu skipt upp
í 24 svæði og annaðist Rannsókna-
miðstöð Háskólans á Akureyri gerð
úrtaks. Spurt var um 40 atriði sem
snerta búsetuskilyrði. Sem dæmi
um fjölbreytileika í efnisatriðum má
nefna friðsæld, loftgæði, skólamál,
atvinnuöryggi, launatekjur, hús-
næðismál, nettengingar, vegakerfi,
vöruverð, þjónustu við fatlaða og
aldraða, rafmagn, ásýnd bæja og
sveita, almenningssamgöngur og
margt fleira. Efnisatriðin snúa því
að samfélagsinnviðum sem og þjón-
ustuþáttum á forræði ríkis og/eða
sveitarfélaga.
Suðurnes – samantekt
helstu niðurstaðna
Íbúasvæði á Suðurnesjum eru fjögur
í könnuninni, þ.e. Reykjanesbær,
Grindavíkurbær, Sveitarfélagið
Vogar og Suðurnesjabær. Íbúar á
þessum svæðum voru einnig spurðir
í hliðstæðri könnun árið 2017.
Viðhorf til sveitarfélags
Íbúar Grindavíkur jákvæðastir í af-
stöðu til síns sveitarfélags og raunar
efstir á þessum lista yfir allt landið.
Íbúar Reykjanesbæjar voru í sjötta
neðsta sæti á listanum.
Búsetuskilyrði
Grindvíkingar eru ánægðastir allra á
landinu með íþrótta- og skipulagsmál
og eru meðal þeirra ánægðustu á
landinu með vegakerfi, unglinga-
starf, umhverfismál, rafmagnsmál,
farsímakerfi, ásýnd, aðstoð við fólk
í fjárhagsvanda, laun og framfærslu.
Grindvíkingar voru meðal þeirra
þriggja landsvæða þar sem íbúar
voru óánægðastir með grunnskóla-
þjónustu. Íbúar Reykjanesbæjar
voru óánægðastir allra með öryggi
og komu einnig, ásamt Suðurnes-
jabæ, verst út hvað varðar við-
horf til náttúrunnar. Íbúar þessara
sveitarfélaga voru einnig óánægðir
með málefni heilsugæslunnar og hjá
íbúum Reykjanesbæjar fékk friðsæld
lakasta einkunn allra sem svöruðu
könnuninni. Íbúar Reykjanesbæjar
voru ánægðastir með íbúðarhúsnæði
og framboð leiguíbúða.
Íbúar í Vogum reyndust ánægð-
astir allra með grunnskólaþjónustu
og eru einnig meðal þeirra ánægð-
ustu með sorpmál, öryggi, umferð,
umferðaröryggi og vegakerfi. Óá-
nægðastir voru þeir allra í könnun-
inni með vöruúrval, tónlistarskóla,
aðstoð við fólk í fjárhagsvanda og
atvinnuúrval.
Í heildarstigagjöf fyrir landsvæðin
24 og þau 40 búsetuskilyrði sem
spurt var um var Grindavík í 10. sæti,
Suðurnesjabær í 15. sæti, Reykja-
nesbær í 16. sæti og Sveitarfélagið
Vogar í 17. sæti.
Breytingar frá könnun árið 2017
Þegar svör úr könnuninni nú voru
borin saman við hliðstæða könnun
árið 2017 sjást breytingar á viðhorfi
íbúa á Suðurnesjum í ýmsum mála-
flokkum.
Í Grindavík eru íbúðaframboð,
þjónusta við fatlaða og leiguíbúða-
framboð þeir þættir sem hafa batnað
mest milli kannana, að mati íbúanna.
Atvinnuöryggi telja þeir að hafi
versnað mest frá 2017. Unglinga-
starf, náttúra og þjónusta við út-
lendinga eru þeir þættir sem mest
hafa aukist að mikilvægi hjá íbúum.
Í Suðurnesjabæ jukust allir bú-
setuþættir að mikilvægi milli
kannana. Tónlistarskólaþjónusta
er sá þáttur sem íbúar telja að hafi
batnað mest en dvalarheimilaþjón-
usta versnað mest. Mikilvægi far-
síma og vegakerfis hefur aukist mest
frá fyrri könnun að mati íbúanna.
Íbúar í Sveitarfélaginu Vogum
telja atvinnuöryggi, almenningssam-
göngur og nettengingar hafa versnað
mest frá 2017 en að staðan hafi
batnað mest hvað varðar framboð á
leiguíbúðum, unglingastarf, þjónustu
við fatlað fólk, vegakerfi og grunn-
skóla. Þeir telja mikilvægi leiguíbúða
ekki eins mikið og áður en leggja nú
meiri áherslu á almennt öryggi, frið-
sæld, greiða umferð, aðstoð við fólk
í fjárhagsvanda og þjónustu við út-
lendinga.
Íbúar í Reykjanesbæ telja atvinnu-
öryggi og atvinnuúrval vera þætti
sem hafi versnað mest frá 2017 en
þeir telja stöðu á íbúðamarkaði hafa
batnað mest. Áhersla á náttúru dróst
mest saman hjá þeim milli kannana
en mest jókst áhersla þeirra á aðstoð
við fólk í fjárhagsvanda.
Magnús Stefánsson, bæjarstjóri,
og Jón Stefán Einarsson
frá JeES arkitektum við
undirritun samkomulagsins.
Mynd af vef Suðurnesjabæjar.
Ófrísk kona og 37 börn
tilkynnt til barnaverndar
Í desember 2020 bárust barnaverndar-
nefnd Reykjanesbæjar 42 tilkynningar
vegna 37 barna og vegna einnar ófrískrar
konu. Fjöldi nýrra mála í könnun voru
26 en á sama tíma í fyrra voru tilkynn-
ingarnar 46 vegna 42 barna og fjöldi
nýrra mála í könnun voru fimmtán. Í lok
desember 2020 var heildarfjöldi barna-
verndarmála 422 en 374 mál á sama
tíma í fyrra.
Í desember 2020 bárust flestar tilkynn-
ingar frá lögreglu, heilbrigðisstofnun, skóla
og foreldrum.
Barnaverndarnefnd Reykjanesbæjar lýsir yfir ánægju með um-
hverfis- og loftslagsstefnu Reykjanesbæjar sem nýverið hefur
verið lögð fram en telur mikilvægt að Reykjanesbær verði leið-
andi í flokkun sorps, m.a. með því að samræma sorpflokkun hjá
stofnunum sveitarfélagsins.
Einnig leggur nefndin til að í kaflanum um mengun, hljóðvist og
loftgæði verði bætt við í mælanlegum undirmarkmiðum að dregið
verði markvisst úr hljóðmengun vegna flugumferðar yfir byggð og
gerðar verði stöðugar hljóðmælingar á nokkrum stöðum í bænum.
Barnaverndarnefnd
vill að dregið verði úr
hljóðmengun vegna
flugumferðar yfir byggð
4 // vÍkurfrÉttir á SuðurNeSJuM Í 40 ár