Víkurfréttir - 10.02.2021, Page 16

Mundi
Tilraunadýr
Nú tröllríða þjóðfélaginu sögur af
væntanlegum samningi stjórnvalda
við bandaríska lyfjarisann Pfizer
um bólusetningu íslensku þjóðar-
innar. Tilgangurinn mun vera fjórða
stigs tilraun á hversu mikla vörn
bóluefnið veitir heilli þjóð gegn
Covid – eða svo er sagt.
Það eru allir orðnir þreyttir á nú-
verandi ástandi, þrátt fyrir að okkur
sé sagt að við höfum það í raun mjög
gott miðað við aðrar þjóðir. Hér er
jú ekkert „lockdown“. Við fundum
bara betra orð yfir það, köllum það
samkomubann. Reynt hefur verið
að gera eins lítið og hægt er úr um-
ræðu um hrikalega fylgikvilla við-
bragða við heimsfaraldrinum sem
eru gríðarleg aukning í sjálfsvígum
og atvinnuleysistölur sem ekki hafa
sést síðan á tímum seinni heims-
styrjaldarinnar. Atvinnuleysið á Ís-
landi er mest á Suðurnesjum.
Það þurfti kannski ekki endilega
að koma á óvart en fréttaflutn-
ingur af gríðarlegum dauðsföllum
af völdum Covid í Bandaríkjunum
nánast til lagðist af á Íslandi um
leið og Joe Biden tók við forseta-
embættinu þar í landi. Við fengum
fréttir af því hvernig hann tók strax
til hendinni við að snúa mörgum ætl-
uðum heimskulegum forsetatilskip-
unum Trump en engar fréttir bárust
af því hversu mörg störf töpuðust í
Bandaríkjunum við þessa snúninga.
Við trúum bara því sem við lesum,
sjáum og heyrum í fréttum. Sann-
leikann má alltaf að finna á RÚV.
Hvort sem okkur líkar betur eða
verr þá er annað íslenskt ferðasumar
framundan. Landið okkar hefur upp
á gríðarlega mikið og gott að bjóða.
Við skulum njóta þess, því um leið
og við losnum úr prísundinni erum
við rokin til heitari landa að sjúga
vítamín úr sólinni. Hugsanlegt er að
frelsið verði keypt af bandarískum
lyfjarisa því hér á norðurhjara
veraldar er þjóð sem kosið hefur
til valda fólk sem telur virði frelsis
hennar ekki meira en einnar fjórða
stigs tilraunar bóluefnis. Ég get ekki
að því gert en að mér sækja ýmsar
áleitnar spurningar þegar stjórn-
völd frjáls lýðræðisríkis bjóða þjóð
sína sem tilraunadýr. Sama fólk og
heimtar nýja stjórnarskrá og þjóð-
aratkvæðagreiðslur um mál sem
telja má sem dægurmál eru tilbúin
að kvitta upp á samning án þess að
gera eina einustu athugasemd.
Þegar þjóð er einu sinni búin að
selja sig sem tilraunadýr, mun þá eft-
irspurn aukast eftir þjónustu þess-
arar þjóðar í því hlutverki. Hvaða
tilraun tökum við að okkur næst?
Svarið við þeirri spurningu mun
ný ríkisstjórn sem tekur við völdum í
haust veita. Það verður ríkisstjórnin
sem lendir í tiltektinni eftir Covid.
Ríkisstjórnin sem mun þurfa að
hækka skatta og álögur á íbúa sína
til að greiða fyrir áfallið sem riðið
hefur yfir seinni hluta kjörtíma-
bilsins. Þingmenn eru mættir til
vinnu og keppast nú við að minna
fólk á eigið ágæti til þess að ná
endurkjöri. Það er nefnilega gott að
vera í vinnu sem tryggir laun upp á
rétt um tvær milljónir á mánuði og
ríkulega fríðindi til viðbótar. Mæting
er þar að auki frjáls. Aðstoðarmenn
og bílaleigubíll til afnota með elds-
neyti. Hver er ekki tilbúinn að taka
sex mánaða kosningaslag um það
og setja jafnvel einn eða tvo rítinga í
bak einhverra samflokksmanna bara
til að komast ofar á listann. Auðvitað
er hægt að lofa öllu fögru og gera svo
lítið í fjögur ár, því það er flokkurinn
og flokkshollustan sem ræður. Bara
undir því að gegna liggja 48 mánuðir
af tveimur milljónum á mánuði og
ríkulegar greiðslur í lífeyrissjóði eða
svona um 100 milljónir í eigin vasa
næstu fjögur árin. Kjör sem fólkið
kaus um sjálft handa sjálfu sér,
greitt af skattgreiðendum. Svo má
ekki gleyma því sem þarf til reksturs
flokksins. Flokkurinn þarf sitt því
flokkurinn er trúarbrögð. Sama
hvort hann heitir Samfylking, Sjálf-
stæðisflokkur, Miðflokkur, Píratar,
Framsókn eða Vinstri grænn. Sam-
eiginlegt með þessum trúarbrögðum
er að þau láta málefni Suðurnesja sig
litlu varða. Sama fólkið á þingi mun
bjóða upp á sömu niðurstöður og
árin þar á undan.
Verkefnið framundan
er að breyta þessu.
Það er aldeilis upp á honum
typpið – fékk hann bláu
töfluna frá Pfizer?
Ítreka bókun um heilbrigðis-
þjónustu í Suðurnesjabæ
Bæjarstjórn Suðurnesjabæjar hefur ítrekað bókun bæjarráðs frá
13. janúar síðastliðnum og fjallar um heilbrigðisþjónustu í Suður-
nesjabæ. Þar beinir bæjarráð Suðurnesjabæjar því til heilbrigðisráðu-
neytis að íbúar Suðurnesjabæjar fái notið heilbrigðisþjónustu í sínu
sveitarfélagi og fer fram á það við heilbrigðisráðuneytið og Fram-
kvæmdasýslu ríkisins að unnin verði þarfagreining um heilbrigðis-
þjónustu á Suðurnesjum hið fyrsta. Þá bendir bæjarráð á stefnumótun
Heilbrigðisstofnunar Suðurnesja frá 2020, þar sem gert er ráð fyrir
heilsugæsluþjónustu í Suðurnesjabæ.
LOKAORÐ
Margeirs Vilhjálmssonar
Nýr frístundavefur opnaður
Nú hefur verið opnaður nýr sameiginlegur frístundavefur, www.fristundir.is,
fyrir öll sveitarfélögin á Suðurnesjum. Þar má finna upplýsingar um það frí-
stundastarf sem í boði er fyrir alla aldurshópa skipt upp eftir sveitarfélögum
sem og hugmyndir af heilsueflandi samverustundum með fjölskyldunni.
Verkefnið er hluti af verkefninu heilsueflandi samfélag og fékk styrk frá
Sambandi sveitarfélaga á Suðurnesjum.
á timarit.is
ÖLL BLÖÐIN FRÁ 1980 OG TIL DAGSINS Í DAG
Veistu hvernig Ísland getur orðið betra? Langar þig að hafa áhrif? Viðreisn er lausnamiðaður flokkur sem leitar sátta í stað sundrungar,
með almannahag að leiðarljósi. Við vitum að það býr styrkur í fjölbreytileika og því leggjum við áherslu á að framboðslisti okkar í
Suðurkjördæmi sé skipaður fólki á öllum aldri, með fjölbreytta reynslu og þekkingu, af ólíkum uppruna og öllum kynjum.
Hefur þú áhuga á að taka þátt í skemmtilegu málefnastarfi með frábæru fólki? Taka þátt í kosningabaráttu eða langar þig í framboð?
Sendu okkur þá línu á sudur@vidreisn.is fyrir 25. febrúar nk. og við munum hafa samband.
TAKE PART IN ICELAND’S REFORM
Do you know how Iceland can improve and would you like to make a
difference? Viðreisn (The Liberal Reform Party) is a solution-oriented party
that aims to seek reconciliation instead of division, with public interest at the
forefront. We know that there is strength in diversity and therefore we strive
for a list of candidates in the southern constituency of Iceland, composed of
people of all ages, with diverse experience and knowledge, of different
backgrounds and of all genders.
Are you interested in working on exciting political issues along with great
people? Taking part in an election campaign or even run for parliament?
E-mail us at sudur@vidreisn.is before February 25th and we'll be in touch.
WEŹ UDZIAŁ W ODNOWIE ISLANDII
Masz pomysł, w jaki sposób ulepszyć Islandię i chciał(a)byś mieć na to wpływ?
Viðreisn (Odnowa) jest partią zorientowaną na cel, która szuka porozumienia
zamiast różnic, kierując się interesem publicznym. Wiemy, że w różnorodności
leży siła, kładziemy więc nacisk, by nasza lista wyborcza w Suðurkjördæmi
składała się z osób w różnym wieku, posiadających urozmaiconą wiedzę i
doświadczenie, o zróżnicowanym pochodzeniu oraz różnej płci.
Chcesz uczestniczyć w ciekawej pracy ze wspaniałymi ludźmi? Myślisz o
kandydowaniu lub udziale w kampanii wyborczej? Jeśli tak, wyślij nam
wiadomość na adres sudur@vidreisn.is, przed 25 lutego i będziemy w
kontakcie!
SAMFÉLAG SNÝST UM FÓLK.
EKKI KERFI.
VERTU MEÐ Í VIÐREISN ÍSLANDS