Víkurfréttir - 17.03.2021, Síða 19

LOKUM BRAUTINNI
Á undanförnum misserum hafa komið upp nokkur mál þar sem
okkur á Suðurnesjum hefur þótt að á okkur hafi verið hallað. Þá
höfum við skammast út í þingmenn okkar, ekki þótt þau vinna að
hagsmunum okkar sem skyldi, jafnvel þó ljóst væri að oft væri erfitt
um vik. Þegar að skömmum okkar á allt og alla hefur svo lokið höfum
við gripið til stóru fallbyssunnar. Við lokum brautinni. Sú hótun
hefur byggt á því að þar með lokuðum við flugvellinum um leið og
áherslur okkar myndu ná eyrum ráðamanna létum við af verða.
Í síðustu viku sá ég
á síðum Víkurfrétta
að hafin væri undir-
skriftasöfnun sem gæti
haft áhrif á fjárhag vel
flestra heimila á Suður-
nesjum. Svo mikil að
hvert meðalheimili
á Suðurnesjum gæti
sparað jafnvirði fasteignagjalda
lítillar íbúðar á ári, sé miðað við
þokkalega meðalkeyrslu. Það er
því til nokkurs að vinna.
Forsprakka undirskriftasöfn-
unarinnar, Hauki Hilmarssyni,
finnst eins og mörgum öðrum að
undarlegt sé að sú frjálsa sam-
keppni sem á sér stað á Reykja-
víkursvæðinu og á Akureyri skuli
ekki hafa náð til Suðurnesjanna. Í
dag er rúmlega 40 króna munur á
á lægsta verði bensíns í Reykjavík
og á Suðurnesjum. Stór hluti íbúa
hér velja að fylla bensíntanka
bíla sinna á svæðinu í kringum
Costco þar sem verðið er lægst.
Þessu vill Haukur breyta. Hann
vill að við eigum val og að sú
frjálsa samkeppni sem olíufélögin
stunda í Reykjavík og Akureyri
nái einnig til Suðurnesjanna.
En til þess að ná því fram þarf
hann hjálp. Hjálp okkar kynnu
að njóta ávinningsins
næði hann eyrum olíu-
félaganna sem hingað
til hafa nýtt sér heyrna-
skjól til þess að komast
hjá að hlusta. Á okkar
kostnað.
Nú er ekki í boði að
hóta því að verði ekki
á okkur hlustað verði brautinni
lokað. Til þess eru engar for-
sendur sökum aðstæðna, auk
þess sem það er ólöglegt. Lítil sem
engin flugumferð er og ferðamenn
fáir sem fara um völlinn, auk þess
sem aldrei hefur verið mikil-
vægara að halda brautinni opinni
sökum náttúruváar á Reykjanesi.
Sé það þannig að okkur þyki við
órétti beitt af olíufélögunum og
viljum njóta sömu kjara og íbúar
Reykjavíkur og Akureyrar þegar
kemur að verðlagningu bensíns
og olíu hlýtur leiðin að vera að fá
því breytt. Okkar besta framlag
nú hlýtur því að vera að skrifa
undir undirskriftarlista þann sem
afhenda á forsvarsmönnum olíu-
félaganna allra. Skrifum undir.
Með bestu kveðju,
Hannes Friðriksson,
íbúi í Reykjanesbæ .
Langtímalausnir við
skammtímavandamáli?
Reykjanesbær er það sveitarfélag sem hvað verst
hefur orðið úti vegna kórónuveirufaraldursins. At-
vinnuleysi hefur mælst í hæstu hæðum og miklu
meira en það var eftir efnahagshrunið 2008. Það
myndi hafa áhrif í hvaða sveitarfélagi sem er að búa
við 25% atvinnuleysi. Slíkt kallar á fumlausar að-
gerðir til þess að standa með þeim sem búa við þær
skelfilegu aðstæður. Aðgerðir sem ekki er hægt að
bíða eftir.
Atvinnuleysi tífaldast
Ríkisstjórn Íslands telur eðlilegt að
atvinnuleysisbótatímabilið sé það
stysta sem verið hefur á þessari
öld þrátt fyrir að atvinnuleysi sé í
sögulegu hámarki. Á Suðurnesjum
hefur atvinnuleysið tífaldast frá því
þegar best lét. Flestir þeir sem eru
á atvinnuleysisskrá munu fara til
þeirra starfa sem þeir sinntu áður en
til faraldursins kom um leið og færi
gefst. Þess vegna er svo mikilvægt
að hlúa að þessum hópi á meðan að
þetta ástand varir.
Þingmenn stjórnarmeirihlutans
tala í sífellu bara um virkni og að
halda lífi í fyrirtækjunum. Á þess
konar leikrit mátti m.a. hlusta á
Sprengisandi nýverið þar sem þrír
þingmenn tókust á um ástandið hér
suður með sjó, tveir frá stjórnar-
meirihluta, þar af annar sem situr
sem þingmaður Suðurkjördæmis og
síðan þingmaður Samfylkingarinnar
í kjördæminu.
Vil ég leyfa mér að vitna í nokkur at-
riði sem stjórnarþingmennirnar létu
hafa eftir sér.
Þingmaður Framsóknarflokks: „Við
í Framsóknarflokknum, við höfum
ekki kannski tekið undir þessar hug-
myndir Samfylkingarinnar um að
það sé besti kosturinn til að koma
til móts við þennan hóp með því að
lengja atvinnuleysistímabilið.“
Þáttastjórnandi: Þið teljið að þetta
sé ekki nógu góð hugmynd að lengja
þetta tímabil?
Þingmaður Framsóknarflokks: „Nei
við teljum skynsamlegra að fara
aðrar leiðir […]“
Þingmaður Sjálfstæðisflokks: „[…]
það kannski sem greinir mína pólitík
frá pólitík Oddnýjar í staðinn fyrir
að halda áfram og lengja atvinnu-
leysisbótatímabilið þá vil ég miklu
frekar veita súrefni til fyrirtækja og
fólkið á Suðurnesjum þarf að búa
til einhver tækifæri úr þeim mikla
auð sem þarna er […] í mínum huga
er það ekki þannig að við niðri á
þingi eigum að koma okkur saman
jæja nú ættu allir að fara í eitt stykki
álver eða eitthvað annað heldur búa
til þennan ramma og leyfa frum-
kvöðlum þessa lands að finna út úr
því hvað hægt er að gera og það er
kannski innspýtingin sem vantar
þarna á Suðurnesjum.“
Þáttastjórnandi: Er það ekki lang-
tímalausn á skammtímavandamáli?
Þingmaður Sjálfstæðisflokks: „Það
er alltaf lausnin held ég að hugsa um
fyrirtækin og að þau þurfi súrefni og
að það þurfi að byggja upp en ég held
að það sé engin langtímalausn sko
að lengja bara í atvinnuleysisbóta-
kerfinu okkar heldur þarf þetta fólk
að fá vinnu og ef það er ekki vinna
þá þurfum við auðvitað að vera með
einhver virkniúrræði.“
Það var og. Ég hlýt að spyrja eins og
þáttastjórnandi hvort reyna eigi að
beita langtímalausnum til þess að
leysa skammtímavandamál. Þing-
maður Sjálfstæðisflokksins talaði
einnig um að styrkja grunninnviði,
eins og menntakerfið og heilsu-
gæsluna á Suðurnesjum. Hvorki ég
né aðrir hér hafa séð einhvern sér-
stakan vilja þessarar ríkisstjórnar
til þess að styðja við og styrkja þá
grunninnviði. Verði tekin einhver
skref í þá átt verða þau mjög vel-
komin.
Það virðist vera orðin eins konar
„mantra“ þessarar ríkisstjórnar að
koma þurfi fólkinu hér á Suður-
nesjum í einhverja virkni. Að koma
okkur til vinnu með einhverjum
hætti.
Ég vil hins vegar breyta þessari
möntru. Ég vil að stutt verði við fólk
á meðan það þarf á því að halda og
ég fullyrði að það mun ekkert skorta
á viljann til vinnu um leið og farald-
urinn gengur niður.
Guðbrandur Einarsson,
forseti bæjarstjórnar Reykjanes-
bæjar og oddviti Beinnar leiðar.
Við eigum samleið
Nýlega tilkynnti ég ákvörðun mína um að sækjast eftir
fyrsta sæti á framboðslista Sjálfstæðisflokksins í próf-
kjöri sem fram fer í maí vegna alþingiskosninga í haust.
Viðbrögðin hafa verið mikil og jákvæð og fyrir þau er ég
afar þakklát.
Það er vissulega stór ákvörðun að
óska eftir umboði til starfa á vett-
vangi Alþingis og það hafði satt að
segja ekki hvarflað að mér fyrr en
nú nýverið. Ég hef ekki tekið virkan
þátt í stjórnmálastarfi á landsvísu en
hjartað slær til hægri og hefur alltaf
gert. Ég er alin upp við sjálfstæðis-
stefnuna með tilheyrandi frelsi, vel-
ferð og ábyrgð, allt kunnugleg stef
í stefnu Sjálfstæðisflokksins. Það
er sú stefna sem höfðar til mín og
fyrir slíkan málstað mun ég standa.
Þegar betur var að gáð var ég tilbúin
að gefa gefa kost á mér í landsmála-
pólitík og gefa mig alla í verkefnið
enda tel ég mig hafa öðlast nota-
drjúga þekkingu og reynslu fyrir í
störfum mínum undanfarin ár sem
nýst getur vel fyrir Suðurkjördæmi
nái ég árangri í prófkjörinu sem fram-
undan er.
Fyrst skal auðvitað nefna að ég hef
tekið þátt í að reka fjölskyldufyrir-
tækið okkar, Kjörís í Hveragerði, allan
minn starfsferil á vinnumarkaði. Síð-
ustu tíu ár hef ég síðan gegnt ýmsum
trúnaðarstörfum fyrir heildarsamtök
í atvinnulífinu og lífeyrissjóðakerfið.
Þar eru snertifletir við fjöldamargt
í atvinnulífinu og í gangverki þjóð-
félagsins yfirleitt sem ég kynntist
vel og gat haft áhrif á, eðli máls sam-
kvæmt. Óneitanlega er spennandi
að fá að vera hreyfiafl, að eiga sér
hugsjónir og sjá þær raungerast. Það
er einmitt sú reynsla sem ég veit að
nýtist í störfum á Alþingi Íslendinga.
Ég er fædd og uppalin á Suður-
landi. Hér liggja mínar rætur og hér
hef ég starfað alla tíð. Ég hef óbilandi
trú á framtíðarmöguleikum Suður-
kjördæmis og ég vil leggja mitt af
mörkum til að styrkja innviði þess
á alla vegu. Við erum í fremstu röð
og eigum að vera hvort heldur litið
er til sjávarútvegs, landbúnaðar og
matvælaframleiðslu, ferðaþjónustu
eða margskonar iðnaðar.
Síðustu ár höfum við orðið vitni
að mikilli fjölgun íbúa í kjördæminu
sem kallar á öfluga og trausta inn-
viði samfélagsins okkar. Brýnt er að
samgöngur séu góðar. Mennta- og
skólamál verða sömuleiðis að svara
kalli tímans. Heilbrigðisþjónustan
verður að vera öflug til til að sinna
þörfum okkar íbúanna.
Atvinnumálin eru mér sérlega
hugleikin enda er atvinnulífið sjálfur
grunnurinn. Við þurfum fjölbreyttari
atvinnusköpun til að fjölga störfum í
kjördæminu.
Við getum hvert og eitt okkar haft
áhrif á framtíðina. Það ætla ég að
gera.
Ég hlakka til að hitta ykkur sem
flest á förnum vegi næstu vikurnar.
Eflum Suðurkjördæmi.
Guðrún Hafsteinsdóttir í 1. sæti!.
AÐALFUNDARBOÐ
Aðalfundur Félags myndlistamanna í Reykjanesbæ
verður haldinn að Hafnargötu 2a (Svarta Pakkhús)
fimmtudaginn 25. mars næstkomandi kl. 20.00
Dagskrá aðalfundar:
Venjuleg aðalfundar störf, önnur mál
Félagar vinsamlegast takið kvöldið frá.
Stjórn FMR
vÍkurFrÉttir á suðurNEsJuM Í 40 ár // 19