Náttúrufræðingurinn - 2020, Blaðsíða 39

Tímarit Hins íslenska náttúrufræðifélags
259
Starar og hestar
Hrefna Sigurjónsdóttir
Starar eru afar félagslyndir og greindir fuglar sem notfæra sér margs konar fæðu.
Meðal annars sækjast þeir eftir að vera nálægt hrossum og sjást iðulega sitja á
baki þeirra eða í fæðuleit í grasinu mjög nálægt höfði og fótum. Algengast er þetta
seinni hluta sumars og fram eftir september áður en tekur að snjóa. Hér er greint frá
athugun á hegðun staranna þar sem meðal annars er reynt að svara spurningunni um
það hvers eðlis samneyti þessara ólíku tegunda er. Niðurstöður benda til að fuglarnir
séu ekki að leita fæðu úr feldi hrossanna heldur af jörðinni og séu á hestbaki fyrst og
fremst til að geta fylgst með og fengið upplýsingar um hvar fæðu er að finna, og til að
geta haldið sér í hópnum (t.d. ef hætta er á ferð). Hestarnir kippa sér ekkert upp við
að hafa starana á sér eða nálægt sér á beitinni. Rætt er um hugsanlegar ástæður fyrir
því. Einnig kom í ljós að stararnir setjast ekki tilviljunarkennt á hrossin heldur velja
þeir þá hesta sem eru ljósir á lit. Það ber meira á þeim en dekkri hestum sem falla
betur að umhverfinu á þeim árstíma sem um ræðir.
1. mynd. Starar á hestbaki í Leirvogstungu, neðan við Fitjar. – Starlings on the back of an Icelandic horse in SW-Iceland.
Ljósm./Photo: Berglind Njálsdóttir.
Náttúrufræðingurinn 90 (4–5) bls. 259–267, 2020