Mosfellingur - 01.04.2021, Qupperneq 32

- Aðsendar greinar32
Í síðustu viku undirritaði ég stækk-
un friðlandsins við Varmárósa.
Ósarnir hafa verið á náttúruminja-
skrá frá árinu 1978 og voru fyrst
friðlýstir árið 1980.
Verndargildi svæðisins felst fyrst
og fremst í því að þar er að finna
fágæta plöntutegund, fitjasef, auk
þess sem sjávarfitjarnar eru sér-
stæðar að gróðurfari og mikilvægt vistkerfi
fyrir fugla.
En það er samt fleira sem gerir svæðið
einstakt; það er nefnilega einstakt að hafa
aðgang að lítt snortnu votlendissvæði
í næsta nágrenni við byggð. Svæði sem
iðar af lífi og býður upp á ótal möguleika
til fræðslu, útivistar og náttúruskoðunar.
Markmið friðlýsingar Varmárósa er að
vernda náttúrulegt ástand votlendis og sér-
stakan gróður sem á svæðinu er að finna.
Fitjasef finnst bara á einum öðrum stað á
landinu svo vitað sé, fyrir utan Varmárósa,
sem gerir verndarsvæðið mjög merkilegt.
Það hefur verið virkilega ánægjulegt að
finna hversu ríkur vilji hefur verið af hálfu
Mosfellinga til þess að tryggja vernd þessa
einstaka svæðis, en votlendissvæði hafa
svo sannarlega átt undir högg að sækja
undanfarna áratugi. Ég er sannfærður um
að stækkun friðlandsins muni enn frekar
stuðla að því að íbúar og gestir svæðisins
geti rannsakað og notið þess fjölskrúðuga
lífs sem finna má á svæðinu.
Átak í friðlýsingum
Stækkun friðlýsts svæðis við Varmárósa
er 16. friðlýsingin sem undirrituð er á
þessu kjörtímabili. Eitt það fyrsta sem ég
gerði eftir að ég varð umhverfis-
og auðlindaráðherra var að setja
af stað átak í friðlýsingum, sem
unnið hefur verið í samstarfi Um-
hverfisstofnunar og umhverfis- og
auðlindaráðuneytisins. Á meðal
þeirra svæða sem hlotið hafa vernd
í ráðherratíð minni eru náttúru-
perlur á borð við Geysi, Goðafoss,
Kerlingarfjöll og Látrabjarg. Ég stefni að því
að áður en kjörtímabilið er á enda muni 15-
20 svæði til viðbótar verða friðlýst.
Til hvers að friðlýsa?
Með friðlýsingu tökum við ákvörðun um
að setja náttúruna í fyrsta sæti og stuðla að
sjálfbærri nýtingu sem gengur ekki í ber-
högg við náttúruna, okkur og komandi kyn-
slóðum til heilla. En mörgum friðlýsingum
fylgir líka umsjón og styrking innviða. Fyrr
í þessum mánuði var í fjórða sinn tilkynnt
um úthlutun fjármagns úr Landsáætlun
um uppbyggingu innviða. Gert er ráð fyrir
rúmlega 2,6 milljarða króna framlagi til
næstu þriggja ára til uppbyggingar innviða
á friðlýstum svæðum vítt og breitt um land-
ið. Landsáætlun er þannig öflugt verkfæri í
þágu náttúrunnar.
Á Íslandi eru nú, auk Varmárósa, rösk-
lega 120 friðlýst svæði og mörg þeirra á
höfuðborgarsvæðinu eða næsta nágrenni
þess. Ég hvet þig, lesandi góður, til að fletta
þeim upp og velja þér einhverja einstaka
náttúruperlu í nágrenninu til að heimsækja
og njóta náttúrunnar.
Guðmundur Ingi Guðbrandsson
Umhverfis- og auðlindaráðherra
Friðlandið við Varmárósa
stækkað
Embættismenn í Kína tilheyra
gamalli stétt. Sú er mun þróaðri
en sú íslenska. Rekja má kínverska
embættismannakerfið langt aftur í
aldir.
Réðu þar konungar og keisarar
sem oft á tíðum voru fremur lítt
stjórntækir. Má þar m.a. nefna
síðasta keisarann Puyi. Puyi sagði
af sér embætti „STRAX“ í upphafi síðustu
aldar. Við tók borgarastyrjöld, svo árásir
Japana og að lokum kommúnistar.
Á bæjarstjórnarfundum í Mosfellsbæ
virðist þessu öðruvísi farið en þar sem
best lætur. Í Mosfellsbæ á embættis- og
stjórnmálamaður það til að renna saman
í einn mann rétt eins og í óræðu listaverki
eftir uppáhaldið mitt, sjálfan Salvador Dali.
Heima hjá Dali, í spænska sjávarþorpinu
Port Lligat við Miðjarðarhafið, er stigi sem
liggur upp í ekkert. Ætli að þar sé að finna
hinn eiginlega metorðastiga hins íslenska
pólitískt ráðna embættismanns sem hald-
inn er „Stokkhólms-heilkenni“?
Bóseindir eðlishyggjunnar birtast er
embætti forseta bæjarstjórnar, pólitískt
ráðna bæjarstjórans og kjörna bæjarfull-
trúans, þ.e. oddvita Sjálfstæðisflokkins,
renna saman í einn mann. Á sér þá stað
fremur óstöðugur kjarnasamruni, sérlega
þegar fara á „STRAX“ í fundarhlé. Ekki er
séð hvaða neyðarástand er uppi þegar svo
brátt skal brugðist við.
„Únglingurinn í skóginum“ varð til hér í
Mosfellsbæ. Frá þeim tíma er Hriflubónd-
inn bannfærði Laxness hefur ekki verið
uppi súrrealískara ástand í Mosfellsbæ,
þökk sé meirihluta Sjálfstæðisflokks og VG.
Hvorki eru anemónur kysstar næ hlegið.
Það er miður.
Fréttir herma að nýlega hafi Mosfellsbær
tapað dómsmáli í héraði gegn fjölfötluð-
um einstaklingi. Samkvæmt efni dómsins
varðar málið NPA samning sem bærinn
dró að ganga frá. Þegar bæjarfulltrúar, sem
vilja hreyfa við viðkæmum málum
en mikilvægum er slíkt túlkað, af
helstu „súrrealistum“ bæjarstjórn-
ar, sem árás á Mosfellsbæ eins og
hann leggur sig. Í versta falli er í
slíkum málum fullyrt að viðkom-
andi bæjarfulltrúar, sem gagnrýna
lélegan rekstur og gerræðislegt
stjórnarfar, séu að ráðast með of-
beldi á starfsmenn bæjarins.
Hversdagsleiki illskunnar á sér hér engin
takmörk í augljósri ógnarstjórn er skákar
hér í skjóli aumkunarverðs meirihluta. Sá
sem stýrir er sá sem ber ábyrgð en ekki
einstakir starfsmenn. Ábyrgðina á þessu
ber embættismaðurinn og bæjarstjórinn í
senn. Mun meirihlutinn axla hana?
Þessu til fyllingar skal bent á grátkór
sveitarfélaganna á höfuðborgarsvæðinu. Sá
kallar stöðugt eftir fjármagni úr ríkissjóði,
jafnvel í gegnum gjallarhorn banka. Ríkis-
sjóður reynir að halda sig við langtíma fjár-
málaáætlun í sama mund og sveitarfélögin
mörg hafa úr ónýttum skattheimildum að
moða. Þetta staðfesti formaður Sjálfstæðis-
flokksins og fjármálaráðherra nýlega.
Ekki skal mærð aukin skattlagning en
þarna virðist hnífurinn standa í heilagri
kú. Sveitarfélögin mörg sóa ítrekað af
almannafé og það í gæluverkefni eins og
hönnun á óarðbærri borgarlínu. Nefna má
einnig sóun í SORPU og illa rekinn Strætó.
Þau senda nú sjálfsagt brátt frá sér hágrát
úr fjarskiptakerfinu vegna NPA samninga
við fatlaða einstaklinga. Er það þar sem á
að spara og láta hart mæta hörðu?
Vonum að embættismannakerfið á Ís-
landi, sérstaklega í yfirstjórn Mosfellsbæj-
ar, breytist. Þurfum við að bíða þar til enn
einn vel meinandi embættismaðurinn gefst
upp, hættir, hverfur? Já, hverfur rétt eins og
í Kína.
Sveinn Óskar Sigurðsson, bæjarfulltrúi
Miðflokksins í Mosfellsbæ
STRAX-heilkennið
í Mosfellsbæ
Í Leirvogstunguhverfi sem og í
öðrum hverfum Mosfellsbæjar
snýst umferðaröryggi að miklu
leyti um hegðun íbúanna í um-
ferðinni. Leirvogstunga er nýlegt
hverfi í Mosfellsbæ og í meirihluta
hverfisins er leyfilegur hámarks-
hraði 30 km. á klukkustund.
Að beiðni Mosfellsbæjar var
Verkfræðistofan EFLA fengin til
að meta umferðaröryggi í Leir-
vogstunguhverfi og samhliða því
var íbúum hverfisins gefin kostur
á að koma með ábendingar og
athugasemdir varðandi umferð og
umferðaröryggi í hverfinu.
Megin tilgangur vinnu þessarar
var að taka sama ábendingar og
athugasemdir sérfræðinga EFLU og íbúa
um hvað megi bæta í umferðaröryggi
hverfisins, hverju þurfi mögulega að breyta,
hvernig þá og af hverju.
Íbúasamráð
Auglýst var á Facebook síðu Leirvog-
stunguhverfisins eftir ábendingum íbúa.
Sérstakur hlekkur var á Facebook síðu
þessari þar sem hægt var að merkja við
staðsetningu og koma með athugasemdir
og ábendingar varðandi hættulega staði
með tilliti til umferðaröryggis.
Hlekkurinn var virkur í eina viku og alls
bárust 134 athugasemdir. Samráð sem þetta
við íbúa er mikilvægt til að ná sem bestu,
hagkvæmustu og skilvirkustu niðurstöðu til
að auka umferðaöryggi í hverfinu, því íbúar
hverfisins þekkja það best hvað betur má
fara.
Það er þakkarvert hve margar góðar
ábendingar og athugasemdir bárust og
verða þær allar skoðaðar.
Slysagreining
Samkvæmt slysagögnum Samgöngustofu
voru 18 slys og óhöpp skráð í Leirvogstungu
og Tunguvegi á árunum 2015 - 2019. Voru
17 þeirra óhöpp án meiðsla og eitt slys með
litlum meiðslum.
Flest slysanna voru einslys, það er að
segja slys þar sem einungis einn aðili átti
hlut að slysinu. Einslysin voru
meðal annars þegar ekið var á
ljósastaur, vegrið og á ökutæki sem
er lagt við hægri brún götu.
Í slysagreiningunni kemur til
dæmis fram að töluvert sé ekið á
bíla sem eru kyrrstæðir í bílastæð-
um við götukanta.
Nokkrir staðir í hverfinu vekja
meiri athygli en aðrir út frá slys-
agreiningunni. Ber hér helst að
nefna Laxatungu við gatnamót
Leirvogstungu (austur tenging) og
gatnamót Laxatungu og Kvíslar-
tungu (suður tenging).
Umferðaröryggi í hverfinu
Ábendingar og athugasemdir
bárust meðal annars frá íbúum varðandi
lýsingu í hverfinu, varðandi mikinn hraða
ökutækja, skertrar sjónlengdir, til dæmis
vegna gróðurs sem nær út fyrir lóðamörk,
skjólveggja og óhagstæðra legu vinkils
götu.
Hraðatakmarkandi aðgerðir eins og
hraðahindranir sem styðja 30 km. hraða
eru nú þegar til staðar í hverfinu og bann-
svæði hafa verið máluð á vissum stöðum
til að lágmarka árekstrarhættu og hraða.
En gera þarf betur og er til dæmis mælt
með því í skýrslunni að kynna fyrir íbúum
hættu sem myndast við gatnamót þar sem
sjónlengdir eru skertar og þar sem gróður
nær út fyrir lóðarmörk.
Skýrsla EFLU hefur verið kynnt í skipu-
lagsnefnd og rædd í Bæjarstjórn Mosfells-
bæjar auk þess sem skýrslan var birt á
Facebook síðu Leirvogstunguhverfis. Um-
hverfissviði Mosfellsbæjar hefur nú verið
falið að rýna niðurstöður skýrslunnar og
verða tillögur íbúa og sérfræðinga EFLA
nýttar til þess að auka enn frekar umferð-
aröryggi í Leirvogstunguhverfi.
Ásgeir Sveinsson, bæjarfulltrúi og formaður
bæjarráðs og skipulagsnefndar Mosfellsbæjar.
Helga Jóhannesdóttir, nefndarmaður í
skipulagsnefnd og varabæjarfulltrúi
Umferðaröryggi í
Leirvogstunguhverfi
Kæru Mosfellingar.
Bættur aðgangur að
upplýsingum er for-
senda gegnsæi í störfum
stjórnsýslunnar en það
er eitt af áherslum Vina
Mosfellsbæjar.
Það er því okkar kjör-
inna fulltrúa að búa svo
um hnútana að íbúarnir geti á auðveldan
hátt nálgast upplýsingar og öðlast þannig
innsýn í verkefni stjórnsýslunnar.
Aukin upplýsingagjöf og gott aðgengi að
upplýsingum eykur traust á störf stjórn-
sýslunnar um leið og íbúum er gert það
sem auðveldast að kynna sér hin ýmsu
mál sem þar eru til meðferðar hverju
sinni. Málsnúmer og heiti mála úr mála-
skránni getur allur almenningur svo nýtt
sér til að óska frekari upplýsinga um mál
á grundvelli heimilda í upplýsingalögum
nr. 140/2012.
Með þetta í huga lagði undirritaður fram
tvær tillögur í bæjarráði Mosfellsbæjar í
þessari viku um:
- Rafrænan aðgang almennings að mála-
skrá Mosfellsbæjar og
- Rafræna birtingu helstu daglegra verk-
efna bæjarstjóra.
Þess má geta að ráðuneytin eru um þess-
ar mundir að undirbúa að birta málaskrár
sínar á vef stjórnarráðsins og er tilgang-
urinn einmitt sá að auðvelda almenningi
að fá yfirsýn yfir verkefni hvers ráðuneytis.
Núverandi forsætisráðherra hefur einnig
beitt sér fyrir því að dagbækur ráðherra í
ríkisstjórn Íslands eru nú þegar aðgengileg-
ar á vef stjórnarráðsins.
Hér að neðan fylgir slóð á dagbók for-
sætisráðherra þar sem fólk getur kynnt sér
hvernig undirritaður sér fyrir sér að birting
á dagbók bæjarstjóra Mosfellsbæjar gæti
litið út.
En af hverju dagbók bæjarstjóra? Jú
vegna þess að öll verkefni sem bæjarstjóri
innir af hendi í nafni embættis bæjarstjóra
eru opinber embættisverk sem eðlilegt væri
að íbúar Mosfellsbæjar gætu fylgst með.

Það er von mín að bæjarráð taki vel í
fyrirliggjandi tillögur mínar um rafrænan
aðgang íbúa að annars vegar málaskrá
Mosfellsbæjar og hins vegar að dagbók
bæjarstjóra.
Stefán Ómar Jónsson,
bæjarfulltrúi Vina Mosfellsbæjar.
Til upplýsingar er hér hlekkur á dagbók
forsætisráðherra 1. – 7. mars 2021.
https://www.stjornarradid.is/raduneyti/forsaetisrad-
uneytid/forsaetisradherra/stok-raeda-forsaetisrad-
herra/2021/03/18/Dagskra-radherra-1.-7.-mars-2021
Lifandi málaskrá og dagbók