Morgunblaðið - 22.02.2021, Qupperneq 22

22 MINNINGAR
MORGUNBLAÐIÐ MÁNUDAGUR 22. FEBRÚAR 2021
Raðauglýsingar
Félagsstarf eldri borgara
Árskógar Smíðastofa með leiðb. kl. 9-14. Opin vinnustofa kl. 9 - 12.
Leikfimi með Hönnu kl. 10. Félagsfundur kl. 11. Handavinnuhópur kl.
12-16. Hádegismatur kl. 11.40-12.50. Kaffisala kl. 14:30-15.30. Heitt á
könnunni. Allir velkomnir. Grímuskylda og það þarf að skrá sig í
viðburði eða hópa: 411-2600.
Boðinn Myndlist kl. 13:00-16:00. Munið grímuskyldu. Sundlaugin er
opin frá 13:30-16:00.
Bólstaðarhlíð 43 Opin handverksstofa kl. 9-16. Morgunkaffi í kaffi-
horninu kl. 10. Smíðaverkstæðið er opið frá 09:30-13.30. Samprjón kl.
13:00-14:30. Dans með Auði kl. 12:50. Vegna sóttvarnaregla biðjum
við ykkur að skrá ykkur fyrirfram í alla viðburði hjá okkur í síma:
535-2760
Félagsmiðstöðin Hæðargarði 31 Opnunartími kl. 8:10-16. Allir vel-
komnir. Kaffisopi og spjall kl. 8:10-11:00. Myndlistarnámskeið MZ kl.
9:15-12:15. Hádegismatur kl. 11:30-12:30. Handavinnuhornið kl. 13-
14:30. Tálgun með Valdóri kl. 13-15:30. Síðdegiskaffi kl. 14:30-15:30.
Hjá okkur er Grímuskylda og vegna fjöldatakmarkana þarf að skrá sig
fyrirfram í síma eða á skrifstofunni. Nánari uppl. í síma 411-2790.
Garðabæ Poolhópur í Jónshúsi kl. 9:00. Gönguhópur fer frá
Jónshúsi kl. 10:00. Gönguhópur fer frá Smiðju kl. 13:00. Stólajóga í
Jónshúsi kl. 10:00 og 11:00. Bónusrúta fer frá Jónshúsi kl. 12:40.
Zumba í sal í kjallara Vídalínskirkju kl. 16:30 og 17:15. Vatnsleikfimi
Sjál kl. 14:00 og 14:40. Litlakot opið kl. 13:00-16:00.
Gerðuberg Opin handavinnustofa frá kl. 8:30-16:00, heitt á könnunni.
Dansleikfimi kl. 10-10:40 með Auði Hörpu (fjöldatakmörkun). Línudans
kl. 11-12:00 með Sólrúnu (fjöldatakmörkun). Glervinnustofa m/leið-
beinanda frá kl. 13-16:00.
Gjábakki Kl. 8.30 til 10.30 handavinnustofa opin, bókið komu daginn
áður. Kl. 8.45 til 10.45 postulínsmálun. Kl. 10.50 jóga, kl. 11.30 til 12.30
matur, kl. 13.30 til 15.30 handavinnustofa opin fyrir spjall - bókið dag-
inn áður.
Gullsmára Handavinna kl. 9.00 og 13.00 skráning í síma 441 9912.
Jóga kl. 9.30 og 17.00. Munið sóttvarnir grímuskylda.
Hvassaleiti 56-58 Morgunkaffi og spjall frá 8:30-10:30. Útvarpsleik-
fimi kl. 9:45. Jóga með Kristrúnu kl. 9:10 og 10:15. Minningahópur kl.
10:30. Jóga með Ragnheið Ýr á netinu kl. 11:15. Tálgun – opinn hópur
kl. 13--16. Stólaleikfimi 13:30. Gönguhópur – lengri ganga kl. 13:30.
Korpúlfar Hugleiðsla og létt yoga kl. 8:30 í Borgum. Útvarpsleikfimi
kl. 9:45 í Borgum. Ganga kl. 10 frá Grafarvogskirkju, Borgum og inni í
Egilshöll, þrír styrkleikahópar. Dansleikfimi með Auði Hörpu kl. 11 í
Borgum, þátttökuskráning liggur frammi í Borgum. Skartgripagerð og
prjónað til góðs kl. 13 í Borgum, tréútskurður á Korpúlfsstöðum kl. 13
og Línudans með Guðrúnu kl. 14 í dag í Borgum, hámark 20manns
Seltjarnarnes Gler á neðri hæð félagsheimilisins kl. 9.00 og 13.00.
Leir Skólabraut kl. 9.00. Billjard Selinu kl. 10.00. Kaffi og krossgátur í
króknum kl. 10.30. Jóga í salnum kl. 10.00 fyrir íbúa Skólabrautar og
kl. 11.00 fyrir íbúa utan úr bæ. Handavinna, samvera og kaffi í salnum
á Skólabraut kl. 13.00 - 16.00. Virðum almennar sóttvarnir og
grímuskyldu í rými félagsstarfsins.
Smáauglýsingar
Sumarhús

Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Verkfæri
Stórútsala á armbandsúrum
SÍÐUSTU DAGAR
Vönduð og glæsileg -Pierre Lannier-
armbandsúr frá Frakklandi, landi lista
og fagurfræði.
Gullbúðin Bankastræti,
GÞ Bankastræti,
ERNA Skipholti, www.erna.is
Húsviðhald
Hreinsa þakrennur

Laga ryðbletti á
þökum og tek að
mér ýmis smærri
verkefni
Uppl. í síma 847 8704
manninn@hotmail.com
✝ Signý ÓskÓlafsdóttir
fæddist á Þorláks-
stöðum í Kjós 16.
apríl 1940. Hún
lést á líknardeild
Landspítalans í
Kópavogi 10. febr-
úar 2021. For-
eldrar hennar
voru Karen Ólafía
Sigurðardóttir frá
Kotströnd í Ölfusi,
f. 10.3. 1904, d. 21.12. 2003, og
Ólafur Ólafsson frá Flekkudal,
f. 10.3. 1904, d. 13.3. 1956.
Systkini Signýjar eru Einar, f.
Jóni Sæmundssyni frá Mel-
stað. Þau giftu sig 1961,
hófu búskap í Grindavík og
eignuðust fjögur börn. Signý
og Elís slitu samvistum árið
1976 og flutti hún þá í Kópa-
vog. Börn þeirra eru: 1)
Ólafur Ragnar, f. 15.10.
1961. Maki Hrafnhildur
Bjarnadóttir og eiga þau
fimm börn og sjö barnabörn.
2) Sæmundur Bjarni, f. 5.2.
1963. Maki Kristinn Jónsson
og eiga þeir eitt barn. 3)
Karen Mjöll, f. 29.6. 1964.
Maki Rúnar Björgvinsson og
eiga þau þrjú börn og fjögur
barnabörn. 4) Vilborg, f. 1.1.
1971. Maki Ómar Jensson og
eiga þau fjögur börn og fjög-
ur barnabörn.
Útförin fer fram frá
Lindakirkju 22. febrúar 2021
klukkan 15.
2.12. 1931, Ólafur,
f. 21.4. 1933, Sig-
geir, f. 14.6. 1945,
d. 17.8. 2005, og
Sigríður, f. 11.7.
1951.
Signý ólst upp á
Þorláksstöðum í
Kjós þar til faðir
hennar lést 1956
og fluttist þá fjöl-
skyldan í Kópa-
vog. Hún hóf
vinnu við umönnunarstörf á
Landakoti. Síðar lá leiðin til
Grindavíkur að vinna í fisk-
vinnslu. Þar kynntist hún Elísi
Nú hefur elsku mamma kvatt
okkur eftir stutta en erfiða bar-
áttu við krabbamein. Í öllum sín-
um veikindum kvartaði hún aldrei
og bað ekki um aðstoð heldur fór
þetta á hörkunni. Hún vann mikið
við umönnunarstörf og síðustu ár-
in sem hún var í vinnu vann hún á
slysó. Hún þótti skemmtileg á
meðal samferðafólks og hafði
húmor. Hún var mikil og góð
amma, alltaf tilbúin að rétta hjálp-
arhönd, t.d. við pössun. Hún var
mjög stolt af sínu fólki og þá sér-
staklega barnabörnunum og vildi
allt fyrir þau gera.
Hún var mikil hannyrðakona;
prjónaði fyrir Handprjónasam-
bandið og Rammagerðina og gat
því leyft sér að fara utan fyrir
ágóðann. Hún var nær áttræð er
hún prjónaði síðustu peysurnar.
Hún naut þess að fara til útlanda
og fór víða með Bændaferðum og
á eigin vegum og hafði gaman af
að fræðast um staðina sem hún
kom á. Síðustu árin var Tenerife í
uppáhaldi og átti hún þá heitustu
ósk að komast þangað þegar hún
yrði áttræð. Við ætluðum að láta
óskina rætast, en þá kom Covid og
gerði þann draum að engu.
Hún var dýravinur og var hrifin
af Haraldi (kisa) og Ylfu (hundi)
sem sótti svo til hennar í veikind-
unum. Lífið lék ekki alltaf við hana
og fékk hún sinn skerf af veikind-
um og erfiðleikum sem mótuðu
hana og gat hún verið hörð í skoð-
unum en jafnframt skilningsrík ef
svo bar undir. Hún var hvatvís og
á undan sinni samtíð. Hún hefði
verið flott ung kona á okkar tím-
um, en þótti kannski oft of hrein-
skilin og blátt áfram hér áður fyrr.
Hún sigraðist á erfiðleikunum og
við erum mjög stolt af henni. Við
eigum margar góðar minningar
sem munu ylja okkur um ókoma
tíð.
Takk fyrir allt og allt og hvíl í
friði elsku mamma, tengda-
mamma og amma. Þín verður sárt
saknað.
Óli, Sæmi, Karen, Vilborg,
tengdabörn, ömmubörn og lang-
ömmubörn.
Karen Mjöll Elísdóttir.
Elsku mamma, nú ertu farin í
sumarlandið, laus undan þjáning-
um veikindanna.
Það er erfitt til þess að hugsa að
geta ekki tekið upp símann og
hringt til þín og spjallað um allt
sem mér liggur á hjarta.
Minningarnar hrannast upp
um þig og líf okkar. Þú fékkst þinn
skerf af erfiðleikum og veikindum.
Þannig má segja að lífið hafi ekki
alltaf leikið við þig. Um tíma
þvældist bakkus fyrir þér, en þú
sigraðir hann. Þú stóðst upp keik
og hélst þínu striki. Ekki varstu
mikið fyrir að barma þér, né að
biðja um aðstoð.
Minningar um öll þau skipti
sem þú komst norður og dvaldir
hjá okkur eru dýrmætar. Við átt-
um margar góðar stundir saman.
Á milli barna minna og þín mynd-
uðust sérstök tengsl og varst þú
börnum mín virkilega góð amma
og langamma. Þú spurðir alltaf út
í hvernig krökkunum gengi og
varst stolt af þeim.
Þú varst mikil hannyrðakona
og eftir þig liggur heill hellingur af
peysum og er ég svo lánsöm að
eiga nokkrar til minningar um þig.
Síðasta peysan sem þú prjónaðir
var peysan hennar Auðar Birnu
og þegar þú sagðist ætla að prjóna
eins fyrir Ómar Þey, var hann
óskaplega glaður og sagði við þig
„amma elskar þú mig svona mikið
að þú ætlar að prjóna peysu handa
mér?“ enda kallaði hann þig
prjónaömmu.
Þér þótti svo erfitt að viður-
kenna að þú hefðir ekki lengur
þróttinn til að klára peysuna, en
ég mun klára hana fyrir þig.
Síðasta ferðin þín norður var
með okkur rétt fyrir jól. Þú varst
ákveðin í að fara þessa ferð. Vissir
að þetta yrðu síðustu jólin þín
hérna hjá okkur. Ég dáðist að þér
og hörkunni í þér. Þessi tími var
ekki auðveldur en mikið sem ég er
þakklát fyrir þennan tíma. Það
verður skrítið að hafa þig ekki hjá
okkur á næstu jólum þar sem þú
hefur verið nánast öll jól hér hjá
okkur.
Elska þig mamma, þín verður
sárt saknað. Þín
Vilborg Elísdóttir.
Amma var einn af mínum
helstu stuðningsmönnum í lífinu,
sama hvað ég tók mér fyrir hend-
ur var amma á hliðarlínunni að
hvetja mig áfram. Amma hafði
alltaf trú á mér í náminu mínu þótt
ég efaðist oft um sjálfa mig. Hún
talaði mikið um hvað hún væri
stolt af mér og væri alveg hand-
viss um að ég myndi klára námið
og fara út í heiminn og gera góða
hluti.
Amma gat verið mjög þrjósk og
á tímum hvatvís sem varð stund-
um til þess að hún missteig sig. En
hún sýndi mér að batnandi mönn-
um er best að lifa og síðustu ár sá
ég hana þroskast og dafna sem
manneskju. Hún kenndi mér svo
margt, meðal annars að hafa húm-
or fyrir lífinu þótt að það fari ekki
alltaf eins og maður vill að það
fari.
Þrátt fyrir veikindi ömmu var
það alltaf fjarri mér að einn dag-
inn kæmi að því að ég gæti ekki
hringt í hana eða fengið mér pítsu
með henni. Við amma áttum oft
djúpar umræður um allt milli him-
ins og jarðar. Umræðan síðustu
mánuðina í lífi ömmu snerist oft
um líf eftir dauðann, við ákváðum
það í sameiningu að líf eftir dauð-
ann væri til staðar og að það gæti
verið eins og við vildum hafa það.
Rökin okkar fyrir því voru þau að
enginn gæti sagt að við hefðum
ekki rétt fyrir okkur. Við ímynd-
uðum okkur stað þar sem allir ná
innri friði og látnir ástvinir taka
vel á móti manni. Lífið lék ekki
alltaf við ömmu og hafði hún sína
djöfla að draga eins og margir aðr-
ir. Því næ ég að hugga mig við
hugmyndina um að hún hafi náð
innri friði og sé umkringd ástvin-
um. Líkt og Karen langamma
sagði „það eru til tveir heimar og
þeir eru báðir fullir af fólki“.
Elsku amma mín, þó að þú sért
búin að yfirgefa þennan heim sit
ég eftir með margar dásamlegar
og skemmtilegar minningar um
einstaka konu. Takk fyrir allt og
ég veit að þú verður alltaf með
mér í einhverri mynd.
Þín,
Karen Birna Ómarsdóttir.
Elsku amma mín, hve sárt ég
sakna þín.
Þú gafst mér svo mikið. Við
börnin vorum þér allt. Það gleður
mig svo að börnin mín hafi náð að
kynnast þér. Ómar Þeyr kallaði
þig alltaf prjónaömmu og fannst
þér það skemmtilegt, enda máttir
þú vera stolt af þeim hæfileikum.
Brosið þitt ljómaði í hvert sinn
sem við komum til þín eða þú til
okkar. Þú varst svo stolt af okkur
og hvattir okkur áfram.
Ég minnist þess að þú varst í
heimsókn hjá okkur þegar ég fékk
fyrsta kvíðakastið mitt. Þú hélst
utan um mig og hughreystir mig.
Ég átti alltaf erfitt með að sofna
sem barn en í eitt skiptið var ég í
heimsókn í Grindavík hjá Karen
frænku og þú varst þar. Þú lagðist
hjá mér og sagðir við mig að það
hjálpaði þér að fara með bænirnar
aftur og aftur þar til þú sofnaðir
og ætti ég að prófa það. Þú fórst
með bænirnar með mér aftur og
aftur þar til ég sofnaði. Ég notaði
þessa aðferð oft eftir það og geri
enn í dag. Þú varst alltaf svo ráða-
góð.
Ég gleymi seint fiskibollum í
dós með karrísósu og djús eða
grilluðum samlokum með tómat-
sósu, þær voru bestar hjá þér.
Það var alltaf svo gaman að
vera hjá þér sem barn.
Þú varst með húmor sem gekk
stundum alveg fram af manni en
það gerði þig bara skemmtilegri.
Þú varst amman sem horfðir
mikið á kvikmyndir líkt og ég,
horfðum við mest á hasar-,
spennu- og hryllingsmyndir, það
eru ekki allir sem eiga ömmu sem
gerir það.
Þú varst á undan þínum tíma og
hikaðir ekki við að deila með þér
erfiðleikum sem þú varðst fyrir
þegar þú varst yngri, það var ekki
tabú fyrir þér að opna hjartað og
losa um tilfinningarnar líkt og
mörgum af þinni kynslóð finnst.
Þú lést ekki erfiðleika lífs þíns
draga þig niður og hélst áfram. Ef
eitthvað varðstu bara harðari af
þér, sást að maður getur afrekað
svo mikið bara sjálfur.
Ég passa vel upp á allt sem þú
hefur prjónað fyrir börnin mín og
sérstaklega lopapeysuna sem þú
prjónaðir á mig fyrir brúðkaupið
mitt, held fast um hana, hún er
mér svo dýrmæt.
Ég á enn erfitt með að skilja að
þú sért farin til himnaríkis að vaka
yfir okkur, að geta ekki komið til
þín í kaffisopa og spjall í ferðunum
mínum suður mánaðarlega.
Elsku amma, guð veri með þér,
hvíldu í friði. Við börnin elskum
þig svo mikið.
Þín Elísa Ósk Ómarsdóttir
Elsku amma. Ég trúi því ekki
enn þá að þú sért farin en eftir
sitja margar dýrmætar minning-
ar. Við höfum nú oft hlegið að því í
gegnum tíðina að það varst þú
sem hleyptir Bergvini mínum inn
til mín þegar ég var 15 ára og þá
var hann 19 ára og þetta þótti vera
aðeins of mikill aldursmunur á
þessum tíma. Þú varst að passa
okkur stelpurnar á meðan
mamma og Rúnar voru í útlöndum
og þegar ég var að lauma honum
inn í herbergi þá komst þú og
sagðir við mig að þú myndir miklu
frekar vilja vita af okkur inni í her-
bergi saman en einhvers staðar
úti á djamminu og hér erum við
enn þá saman 20 árum síðar. Það
varst líka þú sem fórst með mér í
mína fyrstu og einu yfirheyrslu
sem ég hef farið í á ævinni. Við
sem sagt fórum hópur saman inn í
sundlaugina eina nóttina og það er
fyndið að hugsa til þess þegar þú
varst að bakka mig upp við lög-
regluþjóninn sem var að taka af
mér skýrslu og þér fannst þetta
nú ekki vera mikið mál og þú bent-
ir lögregluþjóninum á að þau
hefðu nú sjálf einu sinni verið ung
og tekið þátt í einhverri vitleysu.
Við höfum farið saman í nokkrar
utanlandsferðir. Þú bauðst mér og
Signý frænku út til Portúgals þeg-
ar við vorum átta ára gamlar, það
var mín fyrsta ferð til útlanda og
það var yndisleg ferð. Ég á svo
margar yndislegar minningar um
okkur saman og þú varst svo stolt
og ánægð með okkur og hafðir svo
gaman af því að fylgjast með
stelpunum mínum. Það verður
skrítið að mæta á símamótið í fót-
boltanum í sumar og koma ekki til
þín í leiðinni. Síðustu 10 árin höf-
um við mætt með hjólhýsið okkar í
Kópavoginn á þetta mót og þar
sem þú bjóst þarna við hliðina
reyndirðu alltaf að koma í heim-
sókn til okkar í hjólhýsið og með
okkur að horfa á stelpurnar
keppa. Núna síðustu vikurnar þín-
ar í veikindunum varstu hér hjá
mömmu í Grindavík og þetta var
svo dýrmætur tími þótt það hafi
verið sárt og erfitt að sjá þig smátt
og smátt hverfa frá okkur. Þú
varst mikill dýravinur og elskaðir
þegar við komum með Ylfu okkar
til þín. Ég reyndi að koma með
hana á hverjum degi eftir að þú
komst hingað til mömmu og hún
hljóp alltaf beint í fangið á þér og
sleikti þig í framan. Þú sagðir allt-
af að hún fyndi á sér hvað væri í
gangi og ég held að það sé rétt hjá
þér. Það var erfitt að mæta með
Ylfu heim til mömmu eftir að þú
varst farin, hún labbaði um allt og
leitaði að þér. Hún labbaði að
stólnum sem þú sast alltaf í og þef-
aði af honum, næst fór hún út í bíl-
skúr til að athuga hvort þú værir
þar því þar hafðir þú alltaf setið og
reykt. Það var sárt að fylgjast með
henni því það minnti mann á að þú
værir farin frá okkur. Elsku
amma, ég veit að þú munt fylgjast
með okkur og við munum halda
áfram að ylja okkur við minning-
arnar. Elska þig elsku amma,
sjáumst seinna. Þín
Hildur María.
Signý Ósk
Ólafsdóttir
Elskulegur eiginmaður minn, faðir okkar,
tengafaðir og afi,
ÁSMUNDUR EYJÓLFSSON
flugstjóri,
lést á Hrafnistu Skógarbæ 17. febrúar.
Útför hans fer fram frá Seljakirkju
föstudaginn
26. febrúar klukkan 13.
Þuríður Ísólfsdóttir
Hjördís Ásmundsdóttir Ágúst Sigurðarson
Ríta Kristín Ásmundsdóttir Kjartan Norðdahl
Ísólfur Ásmundsson Íris Björg Jónsdóttir
Kristín Birna Rítudóttir
og barnabörn
Ástkær móðir okkar og tengdamóðir,
NINNA DÓRÓTHEA LEIFSDÓTTIR
frá Vestmannaeyjum,
lést á Landspítalanum sunnudaginn 24.
janúar. Útförin fór fram frá Fossvogskapellu
fimmtudaginn 18. febrúar að viðstöddum
nánustu ættingjum og vinum.
Lis Sveinbjörnsdóttir Anna Lange
Leifur L. Garðarsson Ása Viðarsdóttir
Jóhanna Vilhelmína Jóhannesdóttir