Morgunblaðið - 27.02.2021, Blaðsíða 13

DAGLEGT LÍF 13
MORGUNBLAÐIÐ LAUGARDAGUR 27. FEBRÚAR 2021
Styrkur Sigríður Lillý Baldursdóttir og Kristín Ólafsdóttir undirrita sam-
starfssamninginn milli Rotaryklúbbsins og Píetasamtakanna.
Rotaryklúbburinn Reykjavík-
Austurbær hefur undirritað samning
við Píetasamtökin um styrk til að ýta
úr vör nýju úrræði Píetasamtakanna
fyrir aðstandendur þeirra sem glíma
við sjálfsvígshugsanir eða stunda
sjálfsskaða.
Um er að ræða lokaða stuðnings-
hópa sem stýrt er af fagaðilum Píeta.
Fyrsti hópurinn fór af stað um miðjan
febrúar og hittist aðra hverja viku.
Spurn eftir stuðningi sem þessum
við aðstandendur hefur verið mikil og
verður hópavinnan því í boði a.m.k.
fram til hausts.
Í tilkynningu frá rotarymönnum
segir m.a. að Píetasamtökin hafi vak-
ið verðskuldaða athygli fyrir „öflugt
starf, hispurslausa orðræðu og þátt-
töku í vandasamri samfélags-
umræðu“ um sjálfsvíg. Undanfarið
hafi þörfin fyrir aðstoð Píeta aukist
umtalsvert og vaxandi spurn verið
eftir stuðningi við aðstandendur.
„Því ákvað Rotaryklúbburinn
Reykjavík-Austurbær að stíga fram
og bjóða Píetum fjárhagsaðstoð við
að koma á laggirnar nýju úrræði fyrir
aðstandendur,“ er haft eftir Sigríði
Lillý Baldursdóttur, forseta klúbbs-
ins.
Kristín Ólafsdóttir, fram-
kvæmdastjóri Píeta, segir þennan
stuðning Rotary ómetanlegan.
Rotaryklúbburinn Reykjavík-Austurbær styrkir Píeta
Ýta úr vör nýju stuðningsúrræði
Sælgætisgerðin Freyja í Kópavogi
hefur undanfarið eitt og hálft ár
unnið að þróun á nýju sælgæti. Um
er að ræða mjólkursúkkulaðiplötur,
bragðbættar annars vegar með
Djúpum og hins vegar með Sterkum
Djúpum, súkkulaðilakkrísmolum sem
Freyja hefur framleitt.
Í fréttatilkynningu segir að fram-
leiðslan á plötunum hafi verið langt
og strangt ferli þar sem hver plata
hefur farið í gegnum mörg stig þar
til varan verði klár til pökkunar.
Einnig fór dágóður tími í að hanna
nýjar umbúðir.
„Við lögðum gríðarlega mikið í
nýju umbúðirnar,“ er haft eftir Pétri
Thor Gunnarssyni, framkvæmda-
stjóra Freyju, í tilkynningu.
Við vildum að umbúðirnar endur-
spegluðu arfleifð Freyju. Freyja er
elsta starfandi sælgætisgerð á Ís-
landi, stofnuð árið 1918, og Freyja
hefur framleitt súkkulaði frá upp-
hafi. Við leggjum líka gríðarlega mik-
ið upp úr handbragði og íslenskum
hefðum í framleiðsluferlinu, ekki
bara í súkkulaðigerð heldur líka í
lakkrísgerð okkar,“ segir Pétur.
Nýja súkkulaðið kom á markað í
lok síðustu viku og segir Pétur söl-
una hafa gengið framar vonum. Fyrir
það sé starfsfólkið afar þakklátt.
„Við höfum lagt ótrúlega mikið í
þessar nýju vörur og erum ótrúlega
stolt af útkomunni. Plöturnar seld-
ust upp í velflestum verslunum og
einnig hér hjá okkur og við erum að
vinna hörðum höndum að því að
dreifa nýframleiddu magni í versl-
anir um helgina,“ segir Pétur Thor
ennfremur.
Sælgætisgerðin Freyja hefur þróað nýtt súkkulaði
Mjólkursúkkulaði bragðbætt með
Djúpum og Sterkum Djúpum
Súkkulaði Pétur Thor Gunnarsson,
framkvæmdastjóri Freyju.
Barnaspítali Hringsins fékk í vikunni
góða gjöf, 500 þúsund krónur, frá
höfundum myndasögubókarinnar
Landverðirnir, sem fjallar um íslensk-
ar ofurhetjur. Bókin kom út fyrir jól,
ætluð börnum og unglingum, og
markmiðið var allan tímann að gefa
allan hagnað af sölunni til Hringsins.
Bókin fjallar um ofurhetjurnar Atlas
og Avion sem sameinast í baráttu við
illmennið Azar og hans Hamfara-
teymi.
Síðan bókin kom út hafa ofur-
hetjurnar mætt nokkrum sinnum
uppáklæddar á spítalann, lesið úr
bókinni og gefið börnum, sem þar
hafa þurft að dvelja, bæði bókina og
ýmsan varning henni tengdan. Hafa
þær heimsóknir mælst mjög vel fyrir.
Þeir sem skrifuðu bókina og mynd-
skreyttu eru Dagur Lárusson, Úlfar
Konráð Svansson og Fannar Georg
Gilbertsson. Þeir segjast vera byrj-
aðir að skrifa framhaldsbók fyrir
næstu jól og aftur ætlunin að gefa
hagnað af sölunni í gott málefni.
Höfundar myndasögubókarinnar Landverðirnir
Gáfu Barnaspítala Hringsins
500 þúsund króna hagnað
Gjöf Landverðirnir mættu uppáklæddir til Hringsins í vikunni.
Ríkisstjórnin ákvað í gær að styrkja
uppbyggingu á Eurovision-safni á
Húsavík um tvær milljónir króna.
Stefnt er að opnun safnsins í maí nk.
á 65 ára afmæli Söngvakeppni evr-
ópskra sjónvarpsstöðva. Könnunar-
sögusafnið á Húsavík stendur að
þessu nýja safni, í samstarfi við
Húsavíkurstofu, RÚV, Samband evr-
ópskra sjónvarpsstöðva og Netflix.
Þá ákvað ríkisstjórnin að veita
fimm milljónum króna í gerð heimild-
arþátta um Covid-19 hér á landi. Að
þáttunum standa Jóhannes Kr. Krist-
jánsson og Sævar Guðmundsson.
Ríkisstjórnin gjafmild
Styrkja safn
um Eurovision
SAMTÖK
ATVINNULÍFSINS
ÓSKA EFTIR
HÆFU FÓLKI
TIL AÐ TAKA AÐ SÉR
STJÓRNARSTÖRF
Í LÍFEYRISSJÓÐUM
Samtök atvinnulífsins | Borgartúni 35 | 105 Reykjavík | Sími: 591 0000 | sa.is
Umsóknir sendist í tölvupósti á stjornarseta@sa.is
Athugið að umsóknir frá fyrra ári gilda áfram og þarf ekki að endurnýja.
Samtök atvinnulífsins hvetja konur jafnt sem karla til að sækja um.
Samkvæmt kjarasamningi SA og ASÍ skipa samtökin
helming stjórnarmanna í þeim sjö lífeyrissjóðum sem
eru á samningssviði aðila og er framkvæmdastjórn
SA falin tilnefning stjórnarmanna.
Samtök atvinnulífsins óska ár hvert eftir því að hæfir einstaklingar, sem starfa hjá
aðildarfyrirtækjum SA eða hagsmunasamtökum þeirra, gefi kost á sér til starfa
í stjórnum lífeyrissjóða. Leitað er eftir einstaklingum með fjölbreytta reynslu og
þekkingu m.a. á lífeyrismálum, stjórnun, stefnumótun, áætlanagerð og reikningshaldi,
lögfræðilegum málefnum og fjármálamarkaði. Úr þeim hópi sem gefur kost á sér til
stjórnarstarfa verða tilnefndir þeir sem metnir eru hæfastir í ljósi þeirra eiginleika
sem sóst er eftir í viðkomandi stjórn.
Sérstök hæfnisnefnd fjallar um einstaklinga sem gefið hafa kost á sér til
stjórnarstarfa. Nefndin leggur mat á þekkingu og reynslu umsækjenda með hliðsjón af
þeim eiginleikum sem nauðsynlegt er að viðkomandi stjórn sem heild búi yfir. Að mati
loknu leggur hæfnisnefndin tillögu fyrir framkvæmdastjórn SA.
Um er að ræða eftirfarandi lífeyrissjóði:
Birta lífeyrissjóður, Festa lífeyrissjóður, Gildi lífeyrissjóður, Lífeyrissjóður Rangæinga,
Lífeyrissjóður verzlunarmanna, Lífeyrissjóður Vestmannaeyja og Stapi lífeyrissjóður