Morgunblaðið - 24.03.2021, Blaðsíða 23

ÞÝSKALAND
Víðir Sigurðsson
vs@mbl.is
Arnar Þór Viðarsson, nýráðinn
landsliðsþjálfari karla, ræðst ekki á
garðinn þar sem hann er lægstur í
fyrsta verkefni sínu með íslenska
landsliðið. Ísland mætir fótbolta-
stórveldinu Þýskalandi í Duisburg
annað kvöld, í fyrsta leiknum í und-
ankeppni heimsmeistaramótsins, en
Arnar sagði við Morgunblaðið í gær
að það væri ágætt að byrja á því að
mæta Þjóðverjum.
„Nú byrjar ný undankeppni og
fyrirfram á þetta að vera erfiðasti
leikurinn, sá leikur þar sem við höf-
um engu að tapa. Sá leikur þar sem
allir reikna með þýskum sigri og
þeir gera sjálfir alltaf ráð fyrir því
að vinna alla heimaleiki sína í svona
undankeppni,“ sagði Arnar en hon-
um til halds og trausts eru aðstoðar-
þjálfarinn Eiður Smári Guðjohnsen,
Lars Lagerbäck, sem er tæknilegur
ráðgjafi og er með þeim í Þýska-
landi, og markvarðaþjálfarinn Hall-
dór Björnsson.
„Þetta þýðir að við sem nýtt þjálf-
arateymi byrjum ekki keppnina á
því að leika undir mikilli pressu.
Vissulega er hún til staðar en þetta
er ekki hápressa-lífshætta. Við hitt-
um hópinn í fyrsta sinn í gær, erum
byrjaðir að koma inn okkar hug-
myndum, sem tekur sinn tíma, og
það er ágætt að fá strax alvöru-
andstæðing og alvöruleik þar sem
við getum strax kallað fram það sem
við viljum sjá. Svo leitum við að
sjálfsögðu eftir góðum úrslitum. Við
erum óhræddir við að segja að við
viljum ná í hagstæð úrslit og við
teljum okkur geta það,“ sagði Arnar
þegar Morgunblaðið ræddi við hann
eftir æfingu gærdagsins.
Íslenska liðið dvelur í Düsseldorf
og æfði þar í gær og á mánudaginn
en fer til Duisburg í dag og æfir á
keppnisvellinum þar, sólarhring fyr-
ir leik. Aðeins eru 28 kílómetrar á
milli borganna og því um stutt
ferðalag að ræða.
Búinn að kanna aðstæður
Arnar var þegar búinn að fara í
könnunarferð til Duisburg og
Düsseldorf ásamt Sigurði Þórðar-
syni, starfsmanni KSÍ.
„Við komum hingað fyrir um það
bil sex vikum þar sem við skoðuðum
aðstæður, æfingavöllinn, keppnis-
völlinn og hótelið. Ég fór ekki inn á
völlinn sjálfan í Duisburg en hann er
lítill á þýskan mælikvarða og á með-
an engir áhorfendur eru á leikj-
unum horfa þeir eflaust til þess að
vera á lítið notuðum velli sem er á
þægilegu svæði. Þeir spiluðu á
stærri völlum í Þjóðadeildinni í
haust en þetta er eflaust þægilegra
á þessum tímum, þegar leikið er án
áhorfenda.“
Eins og fram hefur komið eru
Gylfi Þór Sigurðsson og Björn
Bergmann Sigurðarson ekki með
liðinu en þeir drógu sig út úr hópn-
um eftir að hann var valinn. Þá hafa
verið vangaveltur um hvort Jóhann
Berg Guðmundsson sé leikfær. Arn-
ar sagði að þeir sem væru komnir til
Þýskalands væru almennt í góðu
standi.
„Ástandið á hópnum er bara gott.
Jóhann Berg var aðeins með á æf-
ingunni í gær en ekki í dag. Við er-
um að reyna að stýra álaginu á hon-
um, eins og hann er vanur að sé gert
í Burnley, varðandi hvíld og æfing-
ar. Við reiknum með því að keyra
upp tempóið á honum á æfingunni á
morgun og við höldum öllu opnu
með hann ennþá. Við búumst við að
geta notað hann gegn Þjóðverjum,
en það er samt ekkert ákveðið. Með
hann og fleiri er spurningin hvort
hægt sé að nota þá í öllum þremur
leikjunum, eða kannski bara tveim-
ur. Þetta er í raun álagsstýring á
öllum hópnum. Fyrsta skrefið var
að fá alla leikmennina hingað, kynna
fyrir þeim hugmyndir okkar í þjálf-
arateyminu, æfa, og púsla síðan
saman liðinu í samvinnu við lækna-
teymið og þolþjálfarann. Við reyn-
um að finna út hverjir spila, hversu
oft og hversu mikið.
Leikmenn eru misjafnlega stadd-
ir, sumir eru ekki byrjaðir á sínu
tímabili og ekki komnir í form til að
spila þrjá heila leiki, aðrir eru búnir
að spila mjög marga leiki. Þetta eru
allar þjóðir að glíma við núna, eftir
að landsleikjaglugginn var stækk-
aður úr tveimur leikjum í þrjá og
þetta er mjög erfitt fyrir öll lands-
liðin. Um leið vilja félagsliðin að
þeirra menn spili sem minnst og
vilja ekki fá þá handónýta til baka.
Þetta er mjög eðlileg hugsun og
þessar þriggja leikja tarnir vegna
Covid hafa flækt hlutina verulega,“
sagði Arnar.
Stórþjóð og frábærir leikmenn
Íslenska liðið gæti á morgun
mætt sex eða sjö leikmönnum úr
Evrópumeistaraliði Bayern Münc-
hen ásamt mörgum öðrum sem leika
með liðum í fremstu röð en á móti
kemur að í liði Íslands býr gríðarleg
reynsla. Arnar sagði aðspurður að
þessi atriði myndu væntanlega vega
hvort á móti öðru.
„Þjóðverjar eru og hafa alltaf ver-
ið stórþjóð í knattspyrnu og eru
með marga frábæra leikmenn úti
um alla Evrópu. Þeir eru líka með
frábæra deild heima fyrir og hafa úr
mörgum leikmönnum að velja. Á
móti kemur að við erum með mjög
samstilltan og reyndan hóp, ásamt
mjög efnilegum leikmönnum. Þetta
eru mikilvægir styrkleikar – við get-
um aldrei sagt að við eigum að vinna
Þýskaland á útivelli hvenær sem er,
en við megum hins vegar aldrei van-
meta okkar styrkleika því þeir eru
miklir,“ sagði Arnar.
Fjarvera Gylfa er
tækifæri fyrir aðra
Fjarvera Gylfa er að sjálfsögðu
umtalsvert áfall fyrir íslenska liðið
enda hefur hann verið lykilmaður
þess um árabil.
„Já, auðvitað vildum við helst
hafa haft Gylfa með okkur hérna,
það er ekkert leyndarmál. En ég
reyni að horfa á hlutina út frá þeim
tækifærum sem gefast. Ég tel að
þetta sé gott tækifæri fyrir aðra
leikmenn til að stíga fram og sýna
sína styrkleika. Það er líka alltaf
þannig að þegar vantar sterka leik-
menn fær liðið og hópurinn tækifæri
til að sýna að íslenska landsliðið sé
ekki byggt á einum leikmanni. Slík
tækifæri gefast þegar sterkir ein-
staklingar á borð við Gylfa eru ekki
með okkur,“ sagði Arnar Þór Við-
arsson.
„Við megum aldrei van-
meta okkar styrkleika“
- Arnar Þór Viðarsson segir gott að hefja ferilinn gegn stórliði Þýskalands
Morgunblaðið/Eggert
Teymið Arnar Þór Viðarsson landsliðsþjálfari, Eiður Smári Guðjohnsen aðstoðarlandsliðsþjálfari og Halldór Björns-
son markvarðaþjálfari skipa þjálfarateymi íslenska liðsins ásamt Lars Lagerbäck sem er líka mættur til Þýskalands.
ÍÞRÓTTIR 23
MORGUNBLAÐIÐ MIÐVIKUDAGUR 24. MARS 2021
_ Elvar Ásgeirsson átti stórleik fyrir
Nancy þegar liðið fékk Angers í heim-
sókn í frönsku B-deildinni í handknatt-
leik í gær. Leiknum lauk með 28:24-
sigri Nancy en Elvar skoraði sjö mörk
úr ellefu skotum og var markahæsti
leikmaður vallarins. Nancy er með 26
stig í öðru sæti deildarinnar, líkt og
Saran, Cherbourg og Pontault. Sex
efstu lið deildarinnar fara í umspil um
laust sæti í frönsku úrvalsdeildinni en
liðin í 3.-6. sæti mætast fyrst í umspili
um laust sæti í undanúrslitum um-
spilsins þar sem liðin í efstu tveimur
sætum deildarinnar bíða. Þá varði
Grétar Ari Guðjónsson níu skot í
marki Nice sem tapaði með minnsta
mun, 32:21, gegn Cherbourg á heima-
velli en Nice er í sjöunda sæti deild-
arinnar með 18 stig og í harðri baráttu
um sæti í umspilinu.
_ Real Madrid tekur á móti Liverpool í
átta liða úrslitum Meistaradeildar Evr-
ópu í knattspyrnu í Madríd á Spáni
hinn 7. apríl. Það var BBC sem greindi
frá þessu en óvíst var hvort leikurinn
myndi fara fram á Spáni vegna sótt-
varnareglna þar í landi vegna kór-
ónuveirufaraldursins. Í gær tilkynntu
spænsk yfirvöld hins vegar að ferða-
banni frá Bretlandseyjum yrði aflétt
hinn 30. mars. Síðari leikur liðanna fer
fram 14. apríl á Anfield í Liverpool.
_ Knattspyrnumaðurinn Guðmundur
Magnússon og Grindavík hafa ákveðið
að slíta samstarfi sínu. Framherjinn,
sem er 29 ára gamall, lék fimmtán
leiki í deild og bikar síðasta sumar
með Grindvíkingum. Hann á að baki 71
leik í efstu deild þar sem hann hefur
skorað átta mörk með ÍBV, Fram og
Víkingi frá Ólafsvík. Þá hefur hann
einnig leikið með Keflavík, HK og nú
síðast Grindavík á ferlinum en fram-
herjinn er uppalinn hjá Fram.
_ Knattspyrnukonan Rakel Hönnu-
dóttir, leikmaður Íslandsmeistara
Breiðabliks, mun ekki leika með liðinu
á komandi tímabili þar sem hún er
barnshafandi en þetta staðfesti hún á
samfélagsmiðlum í gær. Rakel á að
baki 215 leiki í efstu deild og hefur
skorað í þeim 125 mörk. Þá á hún að
baki 103 A-landsleiki, þar sem hún
skoraði níu mörk. Hér á landi hefur
hún spilað með Þór/KA ásamt Breiða-
bliki. Þá hefur hún leikið með Bröndby,
Limhamn Bunkeflo og Reading í at-
vinnumennsku.
_ Knattspyrnumaðurinn Mason
Greenwood hefur dregið sig úr enska
U21-árs landsliðshópnum vegna
meiðsla. England tekur þátt í loka-
keppni EM 2021 sem fer fram í Ung-
verjalandi og Slóveníu og hefst á
fimmtudaginn. Englendingar leika í D-
riðli lokakeppninnar ásamt Portúgal,
Króatíu og
Sviss en
leikir liðsins
fara fram í
Koper og
Ljubljana í
Slóveníu.
Todd Cant-
well, leik-
maður B-
deildarliðs
Norwich á
Englandi,
hefur verið
kallaður
inn í hópinn
í stað
Green-
woods.
Eitt
ogannað
Steinunn Björnsdóttir, fyrirliði
Fram og íslenska kvennalandsliðs-
ins í handknattleik, er að öllum lík-
indum með slitið krossband. Þetta
staðfesti hún í samtali við Vísi en
Steinunn meiddist illa á hné í leik
Norður-Makedóníu og Íslands í
undankeppni HM í Skopje í Norður-
Makedóníu á föstudaginn síðasta.
Steinunn gat ekki tekið þátt í leikj-
unum gegn Grikklandi og Litháen í
undankeppninni og missir af öllum
líkindum af leikjunum gegn Slóven-
íu seinni hluta aprílmánaðar í um-
spili um laust sæti á HM á Spáni.
Líklega með
slitið krossband
Ljósmynd/Robert Spasovski
Meidd Steinunn Björnsdóttir spilar
líklega ekki meira á tímabilinu.
Þorsteinn Halldórsson stýrir sínum
fyrsta leik sem þjálfari íslenska
kvennalandsliðsins í knattspyrnu
gegn Ítalíu í vináttulandsleik hinn
13. apríl. Leikstaður hefur ekki
verið ákveðinn en þetta verður í
sjötta sinn sem liðin mætast og í
fyrsta sinn síðan árið 2007 þegar
liðin mættust í Algerve-bikarnum.
Til stóð að íslenska liðið myndi taka
þátt í alþjóðlegu móti í Seden í
Frakklandi seinni hluta febr-
úarmánaðar ásamt Frakklandi,
Noregi og Sviss en mótinu var af-
lýst vegna kórónuveirunnar.
Fyrsti leikurinn
verður á Ítalíu
Morgunblaðið/Eggert
Mark Ísland hefur einu sinni unnið
Ítalíu í fimm tilraunum.