Morgunblaðið - 30.03.2021, Side 6

6 FRÉTTIRInnlent
MORGUNBLAÐIÐ ÞRIÐJUDAGUR 30. MARS 2021
Fenix
• Slitsterkt og hitaþolið yfirborðsefni
• Silkimjúk áferð við snertingu
• Sérsmíðum eftir máli
Gylfaflöt 6-8, 112 Reykjavík | Sími 587 6688 | fanntofell.is
Ragnhildur Þrastardóttir
ragnhildur@mbl.is
Tíu kórónuveirusmit greindust um
helgina, þar af voru þrjú þeirra utan
sóttkvíar. Þórólfur Guðnason sótt-
varnalæknir sagði í samtali við mbl.is
í gær að uppruni smitanna þriggja
væri óþekktur, en í öllum tilvikum
væri um að ræða aðrar undirtegundir
breska afbrigðisins svonefnda en sem
áður hafa greinst hér á landi og við
landamærin.
Segir Þórólfur þetta vísbendingu
um að veiran sé úti í samfélaginu og
hvetur hann því fólk til þess að mæta
í sýnatöku. „Við getum ekki tengt
þessi smit við önnur þekkt smit. Rað-
greining til þessa hefur sýnt að þetta
er öðruvísi veira en áður hefur verið
að greinast og hefur ekki greinst á
landamærunum þannig að einhvern
veginn hefur hún komist fram hjá
landamæraeftirlitinu,“ segir Þórólfur
og bætir við að það sé ákveðið
áhyggjuefni að slík smit séu að grein-
ast, sem ekki sé hægt að tengja við
önnur tilfelli sem fundist hafa. „Ég
held að við þurfum að fylgjast mjög
vel með því áfram,“ segir Þórólfur.
Eru að skoða veikleikana
Þeir þrír sem greindust utan
sóttkvíar um helgina höfðu ekki sótt
sérstaklega mannmarga staði á dög-
unum áður en þeir greindust smitaðir
og því bættust ekki margir við sóttkví
vegna þeirra smita. Voru í gær 1.337
manns í sóttkví og 1.375 til viðbótar í
skimunarsóttkví.
Spurður hvort og þá hvernig sé
möguleiki á því að koma í veg fyrir að
veiran komist fram hjá kerfinu á
landamærum segir Þórólfur að verið
sé að skoða vel þá veikleika sem eru í
skimunarkerfinu á landamærunum.
„Það hefur ýmislegt verið í deiglunni.
Það eru breytingar sem eiga að taka
gildi 1. apríl, sýnatökur hjá börnum
og það að geta skyldað fólk í sótt-
varnahús til þess að geta fylgst betur
með því á meðan það er í sóttkví. Ég
hef komið með tillögu um það að við
tökum sýni frá þeim sem eru með
vottorð um bólusetningu eða fyrri
sýkingar svo þeir séu ekki að koma
inn með veiruna svo það er ýmislegt
sem við erum að gera til þess að
reyna að fylla upp í þessi göt sem eru
í kerfinu okkar núna.“
Spurður hvort möguleiki sé á því
að eitthvað verði létt á aðgerðum inn-
anlands áður en gildistími þeirra
rennur út eftir rúmar tvær vikur seg-
ir Þórólfur að hann telji best að halda
okkur áfram við þær tvær til þrjár
vikur sem nú eru í gildi, þar sem það
taki þann tíma til að sjá árangur að-
gerðanna.
„Við getum auðvitað glaðst yfir því
að við erum ekki að sjá aukningu en
það eru þarna smá blikur á lofti sem
gætu orðið að einhverjum stærri hóp-
sýkingum ef við pössum okkur ekki.“
Ekkert vitað um
uppruna smitanna
- Þórólfur segir best að halda núgildandi aðgerðum áfram
Morgunblaðið/Eggert
Skimun Þórólfur hvetur sem flesta sem finna fyrir einkennum til að fara í
skimun, þar sem enn sé ekki víst hvernig sum smitin tengist innbyrðis.
Bólusetningar við kórónuveirunni
hér á landi klárast í dag en halda
áfram eftir páska. Í dag eru þeir boð-
aðir í bólusetningu sem fæddir eru
1940, 41 og 42 og verður þeim gefinn
seinni skammtur af bóluefni Pfizer.
Samtals verða því
um þrjú þúsund
manns bólusettir
í Laugardalshöll í
dag og bóluefni
þar með kláruð
þar til fleiri
skammtar berast
á þriðjudag eftir
páska, en þá mun
bólusetning halda
áfram með bólu-
efnum Pfizer,
AstraZeneca og Moderna. Þetta
staðfestir Ragnheiður Ósk Erlends-
dóttir, framkvæmdastjóri hjúkrunar
hjá Heilsugæslu höfuðborgarsvæðis-
ins, við Morgunblaðið.
„Við fáum ekkert meira efni fyrir
páska, við fáum svo meira efni þarna
á þriðjudeginum eftir páska. Það
verður þá efni frá öllum þremur; Pfi-
zer, AstraZeneca og Moderna. Þá
verður eitthvað um að vera hjá okk-
ur í þeirri viku, strax eftir páska,“
segir Ragnheiður.
Undanskilin sóttvarnareglum
Bólusetning við kórónuveirunni er
skilgreind sem heilbrigðisþjónusta
og er því undanþegin sóttvarna-
reglugerðum heilbrigðisráðherra.
Ragnheiður segir að þrátt fyrir þetta
sé reynt til hins ýtrasta að fara eftir
öllum reglum og hún telur að bólu-
setning verði ekki sett úr skorðum
þrátt fyrir hertari takmarkanir.
Til að mynda er haft tveggja
metra bil milli fólks, stólar eru án
arma til að koma í veg fyrir snerti-
smit og allir bera grímu.
Ekkert bólusett
fyrr en eftir páska
- Fólk fætt 1940,
1941 og 1942 fær
seinni sprautuna
Morgunblaðið/Eggert
Bólusetning Fleiri skammtar ber-
ast ekki fyrr en eftir páska.
Ragnheiður Ósk
Erlendsdóttir
Helgi Bjarnason
helgi@mbl.is
Ráðgert er að vinna að viðgerð báts-
ins Sindra frá Stað í sumar á báta-
og hlunnindasýningunni á Reykhól-
um. Báturinn verður þá til sýnis og
vissa daga verður hægt að fylgjast
með skipasmiðunum að störfum.
Bátasafnið á Reykhólum fékk
Sindra að gjöf fyrir sex árum. Félag
áhugamanna um Bátasafn Breiða-
fjarðar á Reykhólum fékk tveggja
milljóna króna styrk úr Fornminja-
sjóði við úthlutun fyrir skömmu til
að gera við þennan merka bát.
Breytt við upphaf vélaaldar
Báturinn var smíðaður árið 1936
af Valdimar Ólafssyni í Hvallátrum
fyrir Jón Þórðarson og Snæbjörn
Jónsson á Stað á Reykjanesi í Reyk-
hólasveit. Sindri er smíðaður úr eik
og furu, rúmlega sjö metra langur.
Hann var notaður af bændunum á
Stað og nýbýlinu Árbæ í áratugi við
hlunnindanytjar og flutninga á
vörum og fólki. Síðar keypti Guð-
mundur Theodórsson á Laugalandi
við Þorskafjörð bátinn, notaði við
hlunnindanytjar og fleira, gerði upp
og hélt honum við. Hann færði báta-
safninu Sindra að gjöf á bátadeg-
inum á Reykhólum árinu 2015.
Hafliði Aðalsteinsson skipa-
smíðameistari, einn af forkólfum
bátasafnsins, segir að Sindri sé
dæmigerður Breiðfirðingur, súð-
byrðingur, sem smíðaður var eftir að
vélaöldin tók við. Keimlíkur árabát-
unum en afturendinn breyttur svo
hægt væri að koma vél fyrir.
Báturinn er varðveittur í naustinu
á Reykjanesi þar sem hann var meg-
inhluta 85 ára endingartíma síns en
verður tekinn inn í bátasafnið og
unnið að viðgerð hans þar í sumar
undir stjórn Hafliða. Segir Hafliði að
áhugi sé á að skipta um borðstokka
og ef til vill efsta umfarið. Þetta
krefjist töluverðar vinnu.
Segir Hafliði að báturinn verði til
sýnis í safninu og tiltekna daga sem
auglýstir verða jafnóðum, verði unn-
ið að viðgerðum og geti sýning-
argestir þá fylgst með bátasmið-
unum að störfum.
Ljósmynd/Bátasafn Breiðafjarðar
Sindri Hafliði Aðalsteinsson og Guðmundur Theodórsson sigla Sindra.
Geta séð viðgerðir
á Breiðfirðingi
Bátasafn Breiðafjarðar
» Safnið á Reykhólum hefur
dregið saman á þriðja tug
gamalla báta úr Breiðafjarð-
areyjum og héruðum í kring og
bjargað flestum þeirra frá
eyðileggingu. Sumir eru varð-
veittir í misjöfnu ásigkomulagi,
gert er við aðra og enn aðrir
eru endurbyggðir.
Tvö smit greindust um helgina hjá
börnum á aldrinum 1-5 ára og eru
þau núna í einangrun. Almanna-
varnadeild gat ekki gefið neitt upp
um smitin í gær þegar eftir því var
leitað, hvorki um það hvort talið væri
að börnin hefðu farið smituð í leik-
skólana sína, hvort þau hefðu smit-
ast þar eða hvort önnur börn á leik-
skólaaldri væru nú í sóttkví. Hjördís
Guðmundsdóttir, samskiptastjóri al-
mannavarna, sagði hins vegar í sam-
tali við Morgunblaðið í gærkvöldi að
smitin hefðu ekki komið upp á leik-
skólum viðkomandi barna.
gunnhildursif@mbl.is
Smituðust ekki í skólanum
TVÖ SMIT MEÐAL BARNA Á LEIKSKÓLAALDRI