Morgunblaðið - 30.03.2021, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 30. MARS 2021
Ertu að gera upp gamal
t hús?
VIÐ BYGGJUM Á LANGRI HEFÐ
Líttu við – sjón er sögu ríkari
Eigum úrval af alls kyns járnvöru.
Hurðahúnar, glugga- og hurðalamir,
stormjárn, læsingar, emeleruð skilti,
bátasaumur og spíkerar allar stærðir o.fl.
Laugavegi 29 • sími 552 4320
www.brynja.is • verslun@brynja.is
Opið virka daga frá 9-18 og laugardaga frá 10-16 Stofnað 1919
Vefverslun brynja.is
Sigtryggur Sigtryggsson
sisi@mbl.is.
Í sumar er áformað að bæta ásýnd
Hafnartorgs í Kvosinni í Reykjavík
en svæðið hefur sætt gagnrýni fyrir
að vera kuldalegt og vindasamt.
„Með meiri gróðri á Hafnartorgi,
bæði á Reykjastræti og Kolagötu og
vel völdum setsvæðum, verður svæð-
ið vonandi meira aðlaðandi, veð-
ursælla og lygnara,“ segir í svari
skipulagsfulltrúa Reykjavíkur við
fyrirspurn Kolbrúnar Bald-
ursdóttur, borgarfulltrúa Flokks
fólksins. Spurði Kolbrún hvort
skipulagsyfirvöld borgarinnar muni
beita sér til að gera þetta svæði
meira aðlaðandi, veðursælla og lygn-
ari stað.
Tvær göngugötur á torginu
Fram kemur í svari skipulagsfull-
trúa að svæði sem tilheyrir deili-
skipulagi Austurhafnar, allt frá
Hörpu í norðri yfir Geirsgötu og út
að Tryggvagötu og á milli Kalkofns-
vegar/Arnarhóls til austurs og hafn-
arbakkans til vesturs, sé allt innan
sömu lóðar. Innan lóðarinnar eru
tvær göngugötur; Reykjastræti og
Kolagata, auk þess sem Geirsgata
liggur í gegnum lóðina.
Kolagata er auk þess innan bygg-
ingareitar 1 og 2 sem eru byggingar
með verslunarrýmum á fyrstu hæð í
eigu Regins ehf., eins og fram komi í
fyrirspurninni.
Kolagata liggur eftir endilöngu
torginu, frá vestri til austurs. Hún
nær frá Steinbryggju við Tollhúsið
að Lækjargötu/Kalkofnsvegi.
Reykjastræti liggur frá Hafnar-
stræti alveg norður að Hörpu.
Reykjavíkurborg hefur umsjón
með Reykjastræti og hafi gróður
verið aukinn í götunni auk þess sem
unnið verði meira með að „bæta
ásýnd þess“ nú í sumar. Kolagata er
hins vegar innan lóðar einkaaðila,
Regins, og áformi fyrirtækið að
bæta ásýndina með því að setja nið-
ur gróðurker og setsvæði.
Morgunblaðið fjallaði ítarlega um
Hafnartorgið í desember sl. og
ræddi þá m.a. við Einar Sveinbjörns-
son veðurfræðing. Sagði Einar að
skipulagið á svæðinu hafi verið rangt
hugsað. „Þessar byggingar hefðu
þurft að liggja austur-vestur til að
stoppa norðanáttina, því að þegar
hún er ekki vetrarvindur, þá er hún
hafgola á sólardögum.“
Að mati Einars séu þetta dæmi-
gerð vindgöng úr fræðunum sem
magna upp vindinn og þau séu kom-
in til að vera. „Hægt væri að varna
vindinum vegar með því að sá hálf-
um skógi götuna endilanga en það
stendur ekki til, og enn síður kemur
til greina að koma fyrir stærð-
arinnar glervegg við enda strætis-
ins,“ sagði Einar m.a.
Í fyrirspurn sinni benti Kolbrún
Baldursdóttir á að gera mætti lík-
anatilraunir á svæðinu í vindgöng-
um. Þannig væri hægt að mæla
hvernig form húsa og staðsetning
hefði áhrif á vindstrengi.
Skipulagsfulltrúi bendir á í svari
sínu að nokkur ráðgjafafyrirtæki
bjóði upp á vindstúdíur á tölvulíkön-
um skipulagstillagna. Hvorki er í
skipulagslögum, -reglugerð, né í
byggingareglugerð ákvæði um
ásættanleg vindþægindaviðmið í
byggðu umhverfi, eins og á við um
hljóðvist til dæmis.
Á meðan svo er, sé tilviljunar-
kennt hvort lóðarhafi, eins og í tilfelli
Reita á Orkuhússreit eða Reykjavík-
urborgar, láti gera vindgreiningar
við skipulagsgerð. „Það væri þó
fyllsta ástæða til þess að taka upp
slíkt verklag við stærri skipulags-
verkefni,“ segir skipulagsfulltrúi.
Ætla að bæta ásýnd Hafnartorgs
- Svæðið í Kvosinni hefur sætt gagnrýni fyrir að vera kuldalegt og vindasamt - Með meiri gróðri
og vel völdum setsvæðum er vonast til að það verði mun meira aðlaðandi, veðursælla og lygnara
Morgunblaðið/Árni Sæberg
Fyrir Svona var Hafnartorgið þegar ljósmyndari var þar á ferð í desember.
Ljósmynd/Reginn
Eftir Svona verður umhorfs þegar búið verður að koma þarna fyrir gróðri.