Fréttablaðið - 22.07.2021, Blaðsíða 6

Covid-19 tilfellum hefur
fjölgað verulega í Ísrael á
síðustu vikum vegna Delta-
afbrigðis kórónaveirunnar.
Flestir sem hafa sýkst alvar-
lega eru fullbólusettir og eldri
en 60 ára.
thorgrimur@frettabladid.is
ÍSRAEL Fyrir um mánuði nam Ísrael
úr gildi allar sóttvarnareglur, þar
á meðal grímuskyldu og fjölda-
takmarkanir. Covid-19 tilfellum
fór aftur að fjölga í landinu á síð-
ustu vikum vegna Delta-af brigðis
kóróna veirunnar, fyrst með óbólu-
settum skólabörnum sem síðan
smituðu fullorðna. Samkvæmt frétt
The Washington Post er meðalfjöldi
þeirra sem lagðir hafa verið inn á
sjúkrahús í hverri viku nú um 120
manns. Meðalfjöldi daglegra smita
í síðustu viku var 775, sem er mesti
fjöldi sem mælst hefur í landinu frá
því í mars.
Ísraelska fréttastöðin Keshet 12
greindi frá því á sunnudaginn að
flestir sem lagðir hefðu verið inn á
sjúkrahús undanfarnar vikur væru
fullbólusettir. Aftur á móti væri
aðeins einn 61 Ísraela sem veikst
hafa alvarlega bæði fullbólusettur
og yngri en 60 ára. Sá var í aldurs-
hópnum 50-59 ára. Samkvæmt
gögnum ísraelska heilbrigðisráðu-
neytisins sem unnið var upp úr voru
24 þeirra sem voru alvarlega veikir
óbólusettir en 37 fullbólusettir. Var
þó tekið fram að þar sem mikill
meirihluti Ísraela í þessum aldurs-
hópum er bólusettur gefur hlutfall
bólusettra í hópnum ekki endilega
rétta mynd af þeim hópum sem lík-
legastir eru til að veikjast alvarlega.
Þrátt fyrir aukningu smits í land-
inu er enn langt í að faraldurinn
nái fyrri hæðum í Ísrael. Í janúar,
á hápunkti faraldursins, voru
rúmlega 1.000 alvarleg smit virk í
landinu. Tíðni smits og dauðsfalla
hríðféll í landinu eftir að bólu-
setningaherferð ríkisstjórnarinnar
komst á skrið og er enn aðeins brot
af því sem var þegar ástandið var
verst.
Samkvæmt frétt Haaretz fylgjast
ísraelsk stjórnvöld nú grannt með
Bretlandi, þar sem flestum höftum
var aflétt á mánudaginn þrátt fyrir
að Delta-af brigði veirunnar hafi
náð verulegri útbreiðslu þar. „Ef
áhættan sem Bretar taka borgar sig
getur Ísrael hagað sér á svipaðan
hátt,“ sagði Ran Balicer, leiðtogi
sérfræðingaráðs sem veitir ísraelska
heilbrigðisráðuneytinu ráðgjöf. „Ef
ekki mun landið þó hafa verkfærin
sem þarf til að það spjari sig.“ n
Flestar alvarlegar sýkingar
hjá bólusettu eldra fólki
Meirihluti fullorðinna Ísraela er bólusettur, sem kann að skekkja nokkuð hlutföll bólusettra sem nú greinast með
alvarlegt Covid-smit. FRÉTTABLAÐIÐ/GETTY
Ef áhættan sem Bretar
taka borgar sig getur
Ísrael hagað sér á
svipaðan hátt. Ef ekki
mun landið þó hafa
verkfærin sem þarf til
að það spjari sig.
Ran Balicer, leiðtogi sérfræðinga-
ráðs hjá heilbrigðisráðuneyti
Ísraels.
SMÁRATORGI | KRINGLAN | GLERÁRTORGI | LINDESIGN.IS
LOKADAGAR
ÚTSÖLU
ENN MEIRI
VERÐLÆKKUN
N Ý F O R M
h ú s g a g n a v e r s l u n
h ú s g a g n av e r s l u n
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARSTÓLUM
með og án rafmagns lyftibúnaði
Komið og
skoðið úrvalið
kristinnpall@frettabladid.is
UNGVERJALAND Forsætisráðherra
Ungverjalands, Viktor Orban, hefur
tilkynnt að umdeild löggjöf ríkis-
stjórnar hans, þar sem aðför er gerð
að réttindum hinsegin fólks, fari í
þjóðaratkvæðagreiðslu.
Óvíst er hvenær þjóðaratkvæða-
greiðslan fer fram en á dögunum
hótaði framkvæmdastjórn Evrópu-
sambandsins refsingum gagnvart
ríkisstjórn Ungverjalands ef lögin
yrðu tekin í gildi.
Í lögunum eru ákvæði um að
bannað sé að sýna fólki undir átján
ára aldri efni sem gæti talist ýta
undir samkynhneigð eða kynleið-
réttingu. Því var bætt við lagasetn-
ingu um barnaníð. Fyrir vikið hefur
lagasetningin mætt harðri gagnrýni
víðs vegar um Evrópu. n
Umdeild lög í þjóðaratkvæðagreiðslu
Viktor Orban,
forsætisráð-
herra Ungverja-
lands.
svava@frettabladid.is
SAMFÉLAG Ester Ingvarsdóttir sál-
fræðingur segir mikilvægt að ræða
við börn sín af yfirvegun og forð-
ast ekki umræðuefnið eða beita
hræðsluáróðri ef barn upplifir að
átrúnaðargoð hafi brugðist ímynd-
inni sem það hafði. Best er að halda
sig við staðreyndir og muna að við
höfum ekki svör við öllu.
Að sögn Esterar eiga börn það til
að hetjugera einstaklinga og það
getur kallað fram ýmsar tilfinn-
ingar, þar á meðal sorg, ef börnum
finnst hetjan þeirra á einhvern hátt
hafa brugðist. Börn geta fengið mis-
vísandi upplýsingar og átt erfitt með
að vita hverju þau geta treyst þegar
svona umræða fer í gang. „Við þurf-
um að passa okkur hvað við segjum
og halda ró okkar,“ segir Ester.
Farsælast sé að foreldrar nálgist
umræðuna á hlutlausan hátt og
byrji á því að spyrja börnin opinna
spurninga til að komast að því hvað
þau vita nú þegar og miða fram-
haldið svolítið út frá því og þroska
barnsins. „Börnin vita oft mun meira
en foreldrarnir gera sér grein fyrir og
við þurfum að leyfa þeim að líða eins
og þeim líður, en sýna að við erum
til staðar.“
„Hetjur barna birtast í lífi okkar í
ýmsum myndum,“ segir Viðar Hall-
dórsson, prófessor í félagsfræði við
Háskóla Íslands.
Viðar segir að útskýra þurfi fyrir
börnum að þær séu ekki heilagar
heldur séu þær venjulegt fólk með
gríðarlega hæfileika á afmörkuðu
sviði eða þráhyggju en eigi einnig
við sín vandamál, kvíða eða óöryggi
að etja líkt og aðrir.
„Þetta er bara ákveðið yfirborð
sem er búið til fyrir okkur,“ segir
Viðar sem kveður börnin geta dregið
mikilvægan lærdóm af umræðunni,
ekki síst þau sem skorti sjálfstraust.
Enginn sé fullkominn, ekki heldur
þau sem hafa staðið sig vel og náð
árangri. n
Hetjur eiga líka við vanda að stríða
Viðar
Halldórsson,
prófessor í
félagsfræði.
Ester Ingvars-
dóttir, sálfræð-
ingur.
6 Fréttir 22. júlí 2021 FIMMTUDAGURFRÉTTABLAÐIÐ