Starfsmannablaðið (B.S.R.B.) - 01.12.1951, Síða 9

2. Að vinna kappsamlega að frágangi á frum-
varpi því til launalaga, sem lá fyrir síðasta þingi
B. S. R. B. ásamt frumvarpi til laga um réttindi
og skyldur opinberra starfsmanna, og fá þau sem
allra fyrst tekin til afgreiðslu á alþingi.
Núverandi dýrtíð mæðir mjög á öllum laun-
þegum, en sérstaklega þeim sem fá greidd laun
eftir gömlum launasamningum hjá ríki og bæjar-
félögum, og hafa ekki nema að nokkru leyti
fengið þau samræmd við núgildandi verðlag á
neyzluvörum. Ný launalög myndu bæta mjög
úr því misræmi, sem orðið er í þessu efni.
3. Að fylgja fast eftir samþykktum síðasta
þings B. S. R. B. í dýrtiðar- og skattamálum.
4. Að auka fræðslustarfsemi innan bandalags-
félaganna, með útbreiðslu sérprentaðra erinda
um hagfræðileg og fagfræðileg efni, eða fá ráð-
inn erindreka til að ferðast á milh félaganna, og
flytja erindi á félagsfundum. Öll slík fræðsla er
nauðsynleg til að glæða þann félagsanda, sem er
ómissandi í hverju félagi, ef það á að þróast
eðlilega og skilja til fulls tilgang samtakanna.
Svar Hólfdans Helgasonar:
1. Þýðingarmesti árangurinn af 10 ára starfi
Bandalags starfsmanna ríkis og bæja er, að mín-
um dómi, þau öflugu samtök, sem komist hafa
á milli þeirra launaflokka, sem bandalagið get-
ur náð til. B. S. R. B. er nú orðið það vald með
þjóðinni, sem taka verður tillit til og getur því,
með vaxandi djörfung, beitt sér til fjárhagslegra
og menningarlegra hagsbóta fyrir meðlimi sína.
2. Þýðingarmesta hlutverk bandalagsins verð-
ur lengst af það, að tryggja launþegum sínum
þau starfs- og launakjör, sem réttlát megi telj-
ast á hverjum tíma. Það liggur í augum uppi,
að því betur sem ríki og bæir búa að starfs-
mönnum sínum í menningarlegu og efnalegu til-
liti, því meiri árangurs er að vænta af störfum
þeirra landi og lýð til heilla.
Með beztu kveðjum og óskum um áratuga far-
sælt starf bandalagsins.
Svar Sigríðar Eiríksdóttur:
1. Ég tel þýðingarmesta árangurinn vera þann,
að launastéttirnar hafa smám saman lært að
vinna saman að kjarabótum sínum með fullum
skilningi á högum annara stétta og hjálpfýsi við
þær stéttir, sem verr eru settar, hvað laun og
kjaramál snertir. — Sú samheldni, sem setur
svipmót á bandalagið, þegar á reynir, eykur áhrif
þess gagnvart valdhöfunum og verður vonandi
til þess, að ekki verður unnt að sniðganga sam-
tökin, þegar fram líða stundir.
2. Auk tilrauna til þess að samræma laun og
kjör allra stétta innan bandalagsins, tel ég þýð-
ingarmest, að gengið verði um leið ríkt eftir
því, að hið bráðasta verði gengið frá lögum um
réttindi og skyldur félagsmanna í starfi, þareð
fyrra atriðið getur aldrei komið að fullum not-
um, nema ákveðnar reglur gildi um hið síðara.
STARFSMANNABLAÐIÐ 9