Morgunblaðið - 18.05.2021, Side 4

Höskuldur Daði Magnússon
hdm@mbl.is
„Í næsta mánuði munum við sjá
miklar breytingar á stöðunni. Þessi
stóru ferðamannalönd, Spánn,
Ítalía, Grikkland, Frakkland, Malta,
Krít, Kýpur og fleiri, munu horfa til
þess að vera tilbúin í slaginn í júlí og
ágúst,“ segir Jóhannes Þór Skúla-
son, framkvæmdastjóri Samtaka
ferðaþjónustunnar.
Vonir Íslendinga um að geta
ferðast til útlanda virðast smám
saman vera að glæðast. Sífellt fleiri
lönd búa sig nú undir eða hafa opnað
landamærin á ný og bólusetningum
gegn kórónuveirunni miðar víða vel.
Í gær var tilkynnt að flugfélagið
Wizz Air muni bjóða beint flug milli
Íslands og Rómar í sumar og muni
flugmiði kosta frá 8.400 krónum
aðra leiðina.
„Þau lönd sem byggja mikið á
ferðamennsku, til að mynda lönd við
Miðjarðarhafið og í Austur-Evrópu,
„Við gerum ráð fyrir að bæta enn í
á næstu vikum. Í lok þessa mánaðar
verðum við komin upp í sex áfanga-
staði í Bandaríkjunum og 10 í Evr-
ópu. Heildarkerfið er smám saman
að komast í gang og því mun áfanga-
stöðum Íslendinga fjölga.“
Bogi getur þess að ferðalög velti
vitaskuld á ferðatakmörkunum í við-
komandi löndum. Ljóst sé þó að
bólusetningar gangi víða vel og þess
sjáist merki. „Íslendingar ákváðu að
taka við bólusettum ferðamönnum
frá Bandaríkjunum og strax í kjölfar
þeirrar ákvörðunar tóku bókanir vel
við sér. Þegar opnað var á ferðalög
Breta sáum við strax jákvæð við-
brögð þaðan. Þetta mun gerast á öll-
um mörkuðum.“
– En er raunhæft fyrir Íslendinga
að ætla sér að ferðast í sumar?
„Ef við teljum raunhæft að út-
lendingar komi hingað þá er vel
raunhæft fyrir Íslendinga að fara ut-
an,“ segir Jóhannes Þór. Hann segir
að það verði kannski ekki eins auð-
velt og áður var, nú þurfi að glíma
við ýmiss konar takmarkanir, sýna
fram á bólusetningu og jafnvel PCR-
próf. „En ef fólk er tilbúið að takast
á við aukavesen og mögulega auka-
kostnað þá er því ekkert að vanbún-
aði.“
Barist um ferðamenn þegar allt opnast
eru í svipaðri stöðu og við Íslend-
ingar. Þau misstu stóran hluta af
sinni landsframleiðslu og það skiptir
máli fyrir þau að komast aftur í gang
í sumar. Þar þarf að koma fólki aftur
í vinnu rétt eins og hér. Fyrir vikið
mun opnast tiltölulega hratt þegar
líður á sumarið,“ segir Jóhannes.
Hann nefnir að ýmis lönd hafi gefið
það út að þau muni opna landamæri
sín fyrir bólusettu fólki utan Scheng-
en. Verið sé að vinna að rafrænu
bólusetningarskírteini innan
Schengen. Þá séu Ítalir að semja við
flugfélög í Bandaríkjunum, svo
dæmi séu tekin. „Það er allt að opn-
ast og ég held að það verði brátt
Ólympíuleikarnir í markaðssetningu
á milli þessara landa.“
Bogi Nils Bogason, forstjóri Ice-
landair, segir Íslendinga í góðri
stöðu nú þegar komið sé yfir erfið-
asta hjallann í baráttunni við kór-
ónuveiruna. Auk þess að vera fyrsta
Evrópulandið til að taka á móti bólu-
settum ferðamönnum frá Bandaríkj-
unum bendir hann á að Ísland sé
skilgreint sem grænt land fyrir
ferðamenn frá Bretlandi. Jafnframt
sé hann vongóður um að fleiri lönd
opnist á næstunni.
„Samhliða þessu höldum við
áfram að byggja upp leiðakerfi okk-
ar á ný. Ég hef trú á að ferðamögu-
leikar Íslendinga verði talsverðir
þegar líða fer á sumarið,“ segir Bogi.
Forstjórinn segir að á þessu ári
hafi Icelandair farið niður í níu
brottfarir á viku en félagið sé nú
komið upp í 32 brottfarir á viku.
Bogi Nils
Bogason
Jóhannes Þór
Skúlason
Evrópa opnast
» Portúgal opnaði landamæri
sín fyrir ferðamönnum frá
Schengen í gær. Hömlur verða
áfram á ferðum frá löndum þar
sem mikið er um smit. Fram-
vísa þarf neikvæðu PCR-prófi.
» Hömlum hefur verið aflétt í
löndum á borð við Grikkland,
Spán og Ítalíu. Yfirvöld á Möltu
ætla að bjóða fyrstu 38.000
ferðamönnunum sem þangað
koma veglega ferðagjöf.
- Stór ferðamannalönd í Evrópu setja sig í stellingar - Íslendingar í góðri stöðu, segir Bogi Nils
4 FRÉTTIRInnlent
MORGUNBLAÐIÐ ÞRIÐJUDAGUR 18. MAÍ 2021
Flatahrauni 7 | 220 Hafnarfirði | Sími 565 1090 | www.bjb.is
Fékk bíllinn
ekki skoðun?
Aktu áhyggjulaus í burt á nýskoðuðum bíl
Sameinuð gæði
BJB-Mótorstilling þjónustar
flesta þætti endurskoðunar
anngjörnu verði og að
ki förum við með bílinn
n í endurskoðun, þér
kostnaðarlausu.
á s
au
þin
að
Hæstu vinningar í Víkingalottóinu eiga
að lækka en jafnframt eiga fleiri vinn-
ingar að ganga út en áður þegar breyt-
ingar á reglugerð um talnagetraunir
Íslenskrar getspár öðlast gildi. Dóms-
málaráðherra hefur kynnt fyrirhugað-
ar breytingar á leikjaformi Víkinga-
lottósins með birtingu reglugerðar á
Samráðsgátt stjórnvalda. Fram kemur
að vegna breytinga sem samstarfs-
þjóðir Víkingalottós hafa ákveðið að
gera á uppbyggingu leiksins séu þess-
ar breytingar lagðar til á reglugerðinni
hér á landi.
„Er lagt til að framlagi í efstu vinn-
ingsflokka verði breytt þannig að 1.
vinningur lækki. Þá verði Víkingatöl-
um fækkað úr 8 í 5, en við þá breytingu
muni fyrsti vinningur ganga oftar út á
hverju ári,“ segir í kynningu ráðuneyt-
isins.
Röðin hækkar úr 100 í 110 krónur
Einnig kemur fram að vegna þess-
ara breytinga og gengisþróunar evru á
síðasta ári sé lagt til að verð á hverri
seldri röð hækki úr 100 krónum í 110
krónur.
Tölfræðilegar vinningslíkur í efstu
vinningsflokkum Víkingalottósins
breytast við gildistöku reglugerðarinn-
ar. Líkurnar á hæsta vinningi fyrir sex
réttar aðaltölur og Víkingatölu verða 1
á móti 61.357.560. Fyrir fimm réttar
aðaltölur verða vinningslíkurnar 1 á
móti 12.271.512 og á fimm réttum aðal-
tölum og Víkingatölu 1 á móti 243.482.
Líkur á að vera með fjórar eða þrjár
réttar aðaltölur verða óbreyttar.
Víkingalottó hófst hér á landi árið
1993 og er samstarf níu landa að því er
fram kemur á vefsíðu Íslenskrar get-
spár. Hefur fyrsti vinningur komið 28
sinnum hingað til lands.
Hæsti vinningurinn lækki
en á að ganga oftar út
- Breytingar verða gerðar á leikjaformi Víkingalottós
Víkingalottó Tölum verður fækkað
úr 8 í 5. Röðin hækkar í 110 kr.
Andrés Magnússon
andres@mbl.is
Fyrir komuna til Íslands hafði Ant-
ony Blinken utanríkisráðherra
Bandaríkjanna viðkomu í Kaup-
mannahöfn til skrafs og ráðagerða
við Dani og Færeyinga, en héðan
heldur hann svo til viðræðna við
heimastjórnina á Grænlandi.
Á dagskrá Blinkens eru bæði mál-
efni norðurslóða, sem Bandaríkja-
menn láta sig meiru varða nú en verið
hefur frá lokum kalda stríðsins, en
einnig tvíhliða málefni vestnorrænu
þjóðanna þriggja. Þessi aukna
áhersla á norðurslóðir hófst í forseta-
tíð Donalds Trumps, sem m.a. orðaði
kaup á Grænlandi, en ljóst er að rík-
isstjórn Bidens hefur ekki minni
áhuga á norðurslóðum, þótt nálgunin
sé eilítið önnur.
Færeyingar ánægðir
Í Danmörku ræddi Blinken bæði
við Jeppe Kofod, kollega sinn, Mette
Frederiksen forsætisráðherra og
hitti Margréti Þórhildi Danadrottn-
ingu í Amalíuborgarhöll. Fundur
hans með utanríkisráðherra Færeyja
vakti þó ekki minni athygli.
„Ég er ánægður með að Banda-
ríkjastjórn hefur ekki breytt stefn-
unni í samskiptum við Færeyjar,“
sagði Jenis af Rana, landstjórnar-
maður í Færeyjum, eftir fund með
Blinken í Kaupmannahöfn í gær.
Hann sagði að bandaríski utanríkis-
ráðherrann vildi halda áfram á braut
aukins samstarfs landanna, sem
mörkuð hefði verið af fyrirrennara
sínum, Mike Pompeo. Þá hefði Blin-
ken lýst ánægju með fyrirætlanir
Færeyinga um að opna sendiskrif-
stofu í Washington.
Grænlendingar áhugasamir
Í dönskum fjölmiðlum var þó ekki
síður fjallað um ríkjasambandið eftir
að Pele Broberg, hinn nýi utanríkis-
ráðherra Grænlands (fyrir miðflokk-
inn Naleraq), kvað upp úr um að
hann myndi ræða við Blinken í um-
boði Grænlands, ekki ríkjasambands
Grænlands og Danmerkur.
Af sóttvarnaástæðum fer fundur-
inn ekki fram í höfuðstaðnum Nuuk,
heldur á gamla flugvellinum í Syðri-
Straumfirði. Danski utanríkis-
ráðherrann er þó með í för ef öryggis-
og varnarmál skyldi bera á góma, en
þau eru á forræði Dana.
„Við munum ræða um tækifæri í
viðskiptum,“ sagði Pele Broberg í
viðtali við grænlenska útvarpið KNR.
„Við þurfum að nýta hinn aukna
áhuga á norðurslóðum. Það gerum
við með því að treysta viðskiptatengsl
við Bandaríkin meðal annarra,“ en
vert er að hafa í huga að Kínverjar
hafa einnig borið víurnar í Grænlend-
inga að undanförnu. „Mikilvægasti
boðskapur minn verður þó að Blin-
ken skilji að við erum Grænland. Við
erum öðru vísi en mörg önnur lönd.
Við höfum uppi sjálfstæðiskröfur. Við
erum ekki Danmörk og Færeyjar –
við erum Grænland.“
Vestnorrænn áhugi Bandaríkjanna
Ritzau Scanpix / AFP
Danmörk Vörpulegir utanríkisráðherrar hittast í Kaupmannahöfn, frá vinstri: Pele Broberg frá Grænlandi, Jenis af
Rana frá Færeyjum, Jeppe Kofod frá Danmörku og Antony Blinken frá Bandaríkjunum eftir fund í Kristjánshöfn.
- Antony Blinken utanríkisráðherra Bandaríkjanna gerir sér dælt við Ísland, Færeyjar og Grænland
- Endurvakin áhersla á norðurslóðir óbreytt í Washington - Vestnorrænu löndin taka Blinken vel