Morgunblaðið - Sunnudagur - 16.05.2021, Qupperneq 2

Í FÓKUS
2 MORGUNBLAÐIÐ SUNNUDAGUR 16.5. 2021
Öfund er afar vond tilfinning sem maður ætti að reyna að forðast í lengstulög. En stundum skýtur hún upp kollinum og fyllir kollinn af óþægileg-um hugsunum. Borið hefur á slíkum tilfinningum þessa dagana þar
sem allir og amma þeirra hafa fengið hið eftirsótta bóluefni sem allir jarðarbúar
vilja fá. Og þar er aldeilis misskipt eins og dæmin sanna; þriðji heimurinn situr
eftir á meðan Vesturlandabúar eru margir hverjir að verða fullbólusettir.
En ef ég sleppi því að vorkenna þriðja heiminum, sem ég geri auðvitað, þá er
ég farin að vorkenna sjálfri mér smávegis. Mér er nefnilega ekki boðið í partíið.
Árgerð 1967 kvenna, og yngri, var nefnilega hent út úr boðinu. Það var alveg að
koma að okkur, loksins, eftir langa
bið. En nei, hvað gera stjórnvöld þá?
Þau hlustuðu á Kára og hentu rest-
inni af þjóðinni í einn lottópott!
Takk kærlega.
Ég hafði séð fyrir mér að vera full-
bólusett mögulega fyrir lok maí, en
nú segir Katrín Jak, sem á einhvern
undarlegan hátt fékk boð á þriðju-
daginn var, þrátt fyrir að vera fædd
1976, að þjóðin verði líklega öll bólu-
sett í júlí. Með fyrri sprautu.
Svo er það allt fólkið með „undir-
liggjandi“. Ég hef aldrei óskað þess að
vera með undirliggjandi sjúkdóm. En
í síðustu viku blótaði ég í sand og ösku
að hafa ekki verið á þunglyndislyfjum
eða að minnsta kosti með örlítið hækkaðan blóðþrýsting. Mér líður næstum eins
og ég sé eina miðaldra konan á landinu sem er óbólusett. En jú, vissulega eru þær
fleiri, ég veit það, en níutíu prósent af öllum sem ég þekki eru nú þegar bólusettir.
Í síðustu viku var heljarinnar geim í Laugarsdalshöll. Daddi diskó spilaði
„eighties“ lög sem aldrei fyrr og kollegar mínir og vinir mættu, stóðu í röð og
sungu með Wham, fengu sprautu og tóku þátt í þessum stærstu miðaldra-
endurfundum sögunnar. Allir nema ég. Karlmenn undir fertugu fengu líka boð,
enda máttu þeir fá Astra. Vinnufélagar komu svo í gleðivímu til baka í vinnuna
segjandi sögur af þessu stórkostlega partíi sem var í Höllinni.
Æi, þegiði bara!
(Þau voru kannski ekki jafn hress daginn eftir, en það er önnur saga).
Nú glími ég sem sagt við þessa leiðindatilfinningu; bólusetningaröfund. Sem
mér skilst að sé algeng tilfinning víða um heim. Í Þýskalandi var það valið orð
ársins, orðið Impfneid. Þannig að ég er ekki ein. Ég ætti kannski að stofna
Facebook-hóp fyrir öfundsjúka óbólusetta.
Ég skal svo sjálf hringja á vælubílinn.
Óbólusett
og öfundsjúk
Pistill
Ásdís
Ásgeirsdóttir
asdis@mbl.is
’
Daddi diskó spilaði
„eighties“ lög sem aldr-
ei fyrr og kollegar mínir og
vinir mættu, stóðu í röð og
sungu með Wham, fengu
sprautu og tóku þátt í þess-
um stærstu miðaldra-
endurfundum sögunnar.
Jón Kaldal
Arseblog.com. Það er tuttugu ára
gömul bloggsíða um Arsenal.
SPURNING
DAGSINS
Hver er
uppáhalds-
vefsíðan
þín?
Eyrún Ýr Hildardóttir
Ja.is. Þar eru símanúmer og
fjölbreytt þjónusta. Flott og
aðgengileg síða.
Páll Stefánsson
Ég byrja daginn á því að fara á
Guardian. Skoða heimsfréttirnar.
Guðrún Álfheiður
Thorarensen
Það er mbl.is.
Ritstjóri
Davíð Oddsson
Ritstjóri og
framkvæmdastjóri
Haraldur Johannessen
Aðstoðarritstjóri
og umsjón
Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Morgunblaðið/Kristinn Magnússon
ÞÓREY EINARSDÓTTIR
SITUR FYRIR SVÖRUM
Hönnunar-
mars í maí!
Forsíðumyndina tók
Ásdís Ásgeirsdóttir
Hönnunarmars stendur dagana 19.-23. maí. Hátíðin verður
haldin víða um bæinn en allar upplýsingar má finna á honn-
unarmars.is. Þórey Einarsdóttir er stjórnandi hátíðarinnar.
Hver er konan?
Ég er stjórnandi Hönnunarmars og hef í fyrri störfum
mínum sem framkvæmdastjóri, verkefnisstjóri og fram-
leiðandi í yfir 20 ár öðlast víðtæka alþjóðlega reynslu í
fyrirtækjarekstri, viðburðum, leikhúsi, sjónvarpi og
hátíðarrekstri. Sú reynsla hefur komið sér vel í þessu
árferði.
Hefur ekki verið erfitt að skipuleggja slíka
hátíð í miðjum faraldri?
Jú, það hefur verið algjörlega galið. En maður lærir og skólast
til og eins og flestir er ég orðin góð í krísustjórnun. Aðlög-
unarhæfnin hefur eflst töluvert! Hönnunarmars var haldinn í
júní í fyrra og í maí í ár og brestur nú á í allri sinni dýrð. Þátt-
takendur, hönnuðir og arkitektar hugsa í lausnum og seiglan í
þeim hefur fleytt okkur langt.
Hvað er á dagskrá í ár?
Við erum með yfir 85 sýningar og vel á annað hundrað viðburði,
bæði leiðsagnir og opnanir. Hönnunarmars breiðir úr sér í maí,
og eru sýningar opnar allan daginn til að forðast hópamyndanir.
Hönnunarmars veitir kærkominn innblástur inn í bjartari tíma.
Er eitthvað öðru fremur sem fólk má
ekki missa af?
Það er erfitt að gera upp á milli. Hafnartorg verður suðupunktur en
aðrir staðir eru meðal annars Norræna húsið, Ásmundarsalur,
Hönnunarsafnið í Garðabæ, Grandi og svo er Elliðaárdalur skemmti-
leg viðbót en þar verður boðið upp á göngur með leiðsögn. Dagskráin
er einstaklega fjölbreytt og allir ættu að finna eitthvað við sitt hæfi.
Ég hvet fólk til að taka frá að minnsta kosti einn dag fyrir Hönn-
unarmars!
Sími 555 3100 www.donna.is
Erum nú á Facebook:
donna ehf
Nánari upplýsingar í vefverslun
www.donna.is
Honeywell borðviftur, gólfviftur
og turnviftur – gott úrval.
Hljóðlátar viftur í svefnherbergi.
Viftur semgefa gust á vinnustaði.
101.9
AKUREYRI
89.5
HÖFUÐB.SV.
Retro895.is
ÞÚ SMELLIR
FINGRUM Í TAKT
MEÐ RETRÓ
‘70,‘80 OG ‘90 STÖÐIN