Fréttablaðið - 21.09.2021, Page 9

Síðastliðið haust voru Dýrafjarðar-
göng opnuð. Kostnaður við þessa
miklu samgöngubót var rúmir 12
milljarðar króna. Fáir hafa gagnrýnt
þá ráðstöfun á almannafé sem fyrst
og fremst gagnast íbúum svæðisins
en á Vestfjörðum búa rúmlega 7 þús-
und manns. Heildarkostnaður við
göngin og aðrar yfirstandandi sam-
gönguframkvæmdir í fjórðungnum
á Dynjandisheiði og í Teigsskógi mun
nema um 26-27 milljörðum króna en
á sama tíma gjörbreyta samgöngum
og lífskjörum fólks fyrir vestan til
hins betra. Hér er fjárfest í innviðum
til framtíðar en kostnaður við þessi
mikilvægu verkefni nemur tæplega
4 milljónum á íbúa.
Mikil vinna stendur nú yfir til
að bæta almenningssamgöngur á
höfuðborgarsvæðinu með fyrir-
hugaðri Borgarlínu. Fyrsti áfangi
þessa mikilvæga verkefnis mun
tengja nýja stöð við Krossamýrar-
torg í Ártúnshöfða um Vogabyggð,
Suðurlandsbraut, gamla miðbæinn,
Háskóla Íslands, Nýjan Landspítala,
HR og yfir Fossvog um Kársnes að
Hamraborg. Þetta er skynsamleg
nálgun sem mun skapa nýjan val-
kost í samgönguásnum sem liggur
frá miðborginni upp Ártúnsbrekku
og þaðan í Grafarvog, Grafarholt og
Mosfellsbæ. Þessi fyrsta Borgar-
lína liggur að mestu um ný hverfi
(Ártúnshöfði, Vogabyggð, Vatns-
mýri og Kársnes) eða með fram
hinni rúmgóðu Suðurlandsbraut.
Hún er því að bæta við f lutnings-
getu núverandi gatnakerfis og getur
átt stóran þátt í að auðvelda umferð
fólks á hinum annasama austur-
vesturás þar sem vaxandi umferð
er þung á annatímum.
Hinn stóri vandi í samgöngu-
málum höfuðborgarsvæðisins er
norður-suðurásinn frá miðborginni
um Kópavog og Garðabæ til Hafnar-
fjarðar. Ekki er áætlað að Borgarlína
tengist Hafnarfirði fyrr en um 2030
og ýmislegt bendir til að þessi leið
henti mun síður undir hraðvagna
Borgarlínunnar í sérrými á yfirborði
en austur-vesturásinn, sérstaklega
vegna þrengsla og skorts á landrými.
Hér er því hvatt til að skoða þann
valkost að nýta lestarsamgöngur í
göngum frá Vallarhverfi í Hafnar-
firði, um miðbæ Hafnarfjarðar,
Garðabæ, Smáralind og Kringlu að
BSÍ. Kostnaður við slík göng einn og
sér gæti numið um tvöföldum þeim
kostnaði sem nú er varið til sam-
göngubóta á Vestfjörðum eða um 50
milljörðum króna. Við þann kostnað
bætast kostnaður við teina og lestar.
Þessi hugmynd hefur
eftirfarandi kosti:
1. Hægt er að samnýta jarð-
göng bæði fyrir sjálfkeyrandi
lestir Borgarlínu og hraðlest til
Keflavíkurflugvallar til að deila
kostnaði.
2. Borgarlína í sjálfkeyrandi
lestum myndi stytta ferða-
tíma milli Hafnarfjarðar og
miðborgar Reykjavíkur niður í
nokkrar mínútur og gjörbreyta
samgöngumálum innan
borgarinnar. Slíkir vagnar eru nú
í rekstri í Kaupmannahöfn.
3. Hraðlest til Keflavíkurflugvallar
myndi stytta ferðatíma milli
miðborgar Reykjavíkur og al-
þjóðaflugvallarins niður í rúmar
20 mínútur. Slíkar lestir eru í
rekstri bæði í Osló og Stokk-
hólmi.
4. Borgarlína í jarðgöngum og lest
til Keflavíkur létta verulega á
umferðarþunga á yfirborði,
Reykjavík Metró
en þrengja ekki að núverandi
vegakerfi líkt og Borgarlína á
yfirborði myndi gera. Spáð er
verulegum vexti í umferðar-
þunga bæði á Reykjanesbraut
og innan höfuðborgarsvæðisins
á næstu árum og áratugum.
Þessi framkvæmd gæti ein og
sér leyst þann fyrirséða vanda.
5. Rafknúin fluglest og Borgarlína
draga úr losun og eru umhverf-
isvænar samgöngulausnir.
6. Verkefnið væri hægt að fjár-
magna utan gildandi samgöngu-
áætlunar þar sem það hentar
vel sem einkaframkvæmd eða
samvinnuverkefni einkaaðila og
opinberra (PPP).
7. Verkefnið væri hægt að vinna
mun hraðar en gildandi áætlanir
um Borgarlínu gera ráð fyrir.
Gera má ráð fyrir að heildarkostn-
aður við jarðgöng, Borgarlínulest og
f luglest, myndi nema um 200-300
milljörðum króna. Miðast sú tala
við þekktan kostnað við ganga gerð
hérlendis annars vegar og áætlanir
Fluglestarinnar - þróunarfélags
hins vegar. Jarðgangagerðin er hér
ráðandi þáttur en rauntölur benda
til mun lægri kostnaðar hér en víða
erlendis, til dæmis í Kaupmanna-
höfn. Ef helmingur stofnkostnaðar
yrði innheimtur sem afnotagjöld
frá hinu opinbera fyrir Metró en
ferðamenn greiddu með farmiðum
í f luglestina fyrir afganginn fengju
borgarbúar metrókerfi fyrir 150
milljarða króna. Kostnaður við
slíkt næmi tæplega 700 þúsundum
á íbúa.
Arðbærar fjárfestingar í innvið-
um eru samfélagslega hagkvæmar
fjárfestingar til framtíðar sama
hvort slíkt á sér stað vestur á fjörð-
um eða í höfuðborginni. Mikilvægt
er að hugsa slíkt til langs tíma og
velta upp öllum kostum og nýjum
nálgunum. Smáskammtalækningar
eru ekki alltaf besta lausnin. Stund-
um borgar sig að hugsa stórt. n
Runólfur
Ágústsson
stjórnarmaður
í Fluglestinni -
þróunarfélagi ehf.
Óskum eftir
sálfræðingi
Auglýst er starf sálfræðings í sálfræðiþjónustu fyrir háskólanema á kennslusviði Háskólans á Bifröst. Leitað er að einstaklingi með
faglegan metnað og reynslu á sviði sálfræðiþjónustu og áhuga á að taka virkan þátt í uppbyggingu og þróun þjónustunnar við
nemendur skólans. Háskólinn á Bifröst hefur verið leiðandi í uppbyggingu fjarnáms á háskólastigi hér á landi síðastliðin 20 ár og
er með starfsstöðvar á Bifröst og í Reykjavík.
Helstu verkefni og ábyrgð:
•Einstaklings- og hópmiðuð ráðgjöf og stuðningur.
•Námskeiðshald, ráðgjöf og fræðsla til nemenda.
•Lesa úr og túlka niðurstöður sálfræðilegra prófa.
•Þátttaka í þverfaglegri teymisvinnu á kennslusviði.
•Frumkvæði í þróun og uppbyggingu sálfræðiþjónustu við HB.
•Samstarf við allar deildir háskólans, náms- og starfsráðgjöf og aðra fagaðila.
•Þátttaka í þróunarverkefnum jafnt innan háskólans sem utan.
Menntunar- og hæfniskröfur:
•Framhaldsnám í sálfræði og starfsleyfi til að starfa sem sálfræðingur á Íslandi er skilyrði.
•Reynsla af sálfræðiráðgjöf í háskóla er kostur.
•Þekking og reynsla af hugrænni atferlismeðferð er kostur
•Þekking á sálfræðilegum prófum og greiningartækjum er æskileg.
•Reynsla af rafrænni ráðgjöf, hópráðgjöf og upplýsingatækni er kostur.
•Frumkvæði, drifkraftur og þjónustulipurð.
•Skipulagshæfileikar, sjálfstæð vinnubrögð og samskipta- og samráðsfærni.
•Góð íslensku- og enskukunnátta.
Umsóknir: Umsóknum skal fylgja greinargóð náms- og starfsferilskrá, afrit af prófskírteinum og starfsleyfi, ásamt kynningarbréfi.
Ráðningin er tímabundin til 9 mánaða, frá 1. nóvember til 1. júlí 2022 og starfshlutfall 50%.
Starfsstöðvar: Á Bifröst og í Reykjavík.
Nánari upplýsingar: Halldóra Lóa Þorvaldsdóttir kennslustjóri við Háskólann á Bifröst (kennslustjori@bifrost.is).
Háskólinn á Bifröst vinnur samkvæmt jafnréttisáætlun skólans og hvetur alla óháð kyni til að sækja um. Ráðningin er styrkt af
mennta- og menningarmálaráðuneytinu sem liður í viðbrögðum stjórnvalda til að efla geðheilbrigðisþjónustu í háskólum.
Umsóknarfrestur er til og með 28.september 2021. bifrost.is
ÞRIÐJUDAGUR 21. september 2021 Skoðun 9FRÉTTABLAÐIÐ