Fréttablaðið - 22.10.2021, Qupperneq 8

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Sigmundur Ernir Rúnarsson ser@frettabladid.is,
FRÉTTASTJÓRAR: Aðalheiður Ámundadóttir adalheidur@frettabladid.is Ari Brynjólfsson arib@frettabladid.is, Garðar Örn Úlfarsson gar@frettabladid.is VEFSTJÓRI: Einar Þór Sigurðsson einarthor@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í
stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún
Bergþórsdóttir kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Ekki er
ofmælt
þegar
fullyrt er
að hann sé
eina tromp
Samfylk-
ingarinnar.
Aldrei
hafa verið
byggðar
jafn marg-
ar íbúðir í
Reykjavík
undanfarin
ár.
Kolbrún
Bergþórsdóttir
kolbrunb
@frettabladid.is
Eyþór Arnalds lýsti því yfir á dög-unum að hann vildi leiða lista Sjálfstæðisflokksins í borgarstjórnar-kosningum á næsta ári. Sjálfsagt er þetta til marks um pólitískan metn-
að en um leið dæmi um ofmat stjórnmála-
manns á sjálfum sér. Eyþór hefur ekki þann
trúverðugleika sem stjórnmálamaður þarf
ætli hann sér að ná til breiðs hóps kjósenda.
Reyndar er ekki skrýtið að Eyþór skuli ekki
átta sig á þessari staðreynd. Raunsætt mat
á eigin getu vefst fyrir mörgum, líka stjórn-
málamönnum.
Staða borgarstjórans, Dags B. Eggertssonar,
er mjög sterk og aðrir f lokkar vilja ólmir vinna
með honum. Ekki er ofmælt þegar fullyrt er
að Dagur sé eina tromp Samfylkingarinnar –
f lokks sem er í mikilli tilvistarkreppu.
Dagur á sína hatursmenn, sem verða nánast
eins og litla andsetna stúlkan í The Exorcist
þegar þeir heyra nafn hans nefnt; höfuð fer að
snúast og formælingarnar streyma út úr þeim.
Þetta er lítill hópur sem hefur hátt en ekkert
mark er á honum takandi. Borgarstjórinn
nýtur almennra vinsælda og erfitt verður að
velta honum úr sessi. Kannski er það ómögu-
legt. Pólitískir andstæðingar hans hljóta að
vona heitt og innilega að hann ákveði sjálfur
að yfirgefa borgarmálin. Það er eiginlega
þeirra eina von um völd í borginni. Brotthvarf
Dags yrði um leið gríðarlegt áfall fyrir Sam-
fylkinguna og gæti kostað enn eitt fylgishrun-
ið hjá f lokki sem má ekki við neinu.
Ekki blasir annað við en að Dagur haldi
ótrauður áfram í borgarpólitíkinni. Eyþór
Arnalds getur haldið áfram að vona en staða
hans virðist nánast vonlaus. ■
Eina trompið
Hér áður fyrr komst fólk í uppnám út af alls
kyns hlutum, án þess að alþjóð vissi af. Nú er
enginn vandi að koma fýluköstum sínum á
framfæri þannig að sem flestir viti af.
Á dögunum var Linda Pétursdóttir, fyrr-
verandi alheimsfegurðardrottning, að máta
fleginn glæsikjól heima hjá sér. Hún sýndi sig í
kjólnum á Instagram-síðu sinni. Þetta truflaði
tilveru einhverra kvenna allverulega. Þær
sendu Lindu þau skilaboð að það sæist of mikið
í brjóstin á henni og það þætti þeim stuðandi
og óþægilegt. Fjölmiðlar birtu vitanlega upp-
sláttarfrétt um harða gagnrýni á barm Lindu.
Sú frétt fékk metlestur á netmiðlum. Mikið er
stundum erfitt að taka nútímann alvarlega. ■
Linda fer í kjól
Fyrir síðustu borgarstjórnarkosningar lögðum við
Vinstri græn ríka áherslu á stórtækari uppbyggingu í
félagslegu húsnæðiskerfi samhliða uppbyggingu hins
almenna og óhagnaðardrifna húsnæðismarkaðar. Það
varð til þess að við gerð núverandi meirihlutasáttmála
ákváðum við að fjölga félagslegum leiguíbúðum um
500 á kjörtímabilinu. Til samanburðar er talið að árleg
fjölgun íbúða í Reykjavík þurfi að vera 1.000 til að
anna eftirspurn og fólksfjölgun.
Félagslegar leiguíbúðir eru hugsaðar fyrir tekjulága
íbúa, fatlaða og heimilislaust fólk með margvíslegar
þjónustuþarfir. Sveitarfélögum ber lagaleg skylda
til að tryggja félagslegt húsnæðisöryggi. Í Reykjavík
höfum við Félagsbústaði sem sjá um að leigja út hús-
næði á viðráðanlegu verði. Þannig eigum við að geta
uppfyllt grunnskyldu hvers samfélags: að fólk eigi
öruggt heimili og sér í lagi þau sem hafa hingað til
haft fá eða engin tækifæri til þess að eignast heimili á
annars rándýrum og oft óstöðugum markaði.
Reglulega skapast mikil umræða um húsnæðis-
markaðinn. Oftar en ekki er Reykjavík í brennidepli
enda búa hér flestir landsmenn. Í þeirri umræðu
fáum við oft að heyra rangfærslur um að Reykjavík sé
eftirbátur annarra sveitarfélaga, að hér ríki neyðar-
ástand og að stefna borgaryfirvalda hafi orðið til þess
að sprengja upp húsnæðisverð og hægja á uppbygg-
ingu. Slíkar fullyrðingar eru rangar og oft settar fram
í annarlegum flokkspólitískum tilgangi. Fyrir utan
þá staðreynd að aldrei hafa verið byggðar jafn margar
íbúðir í Reykjavík undanfarin ár og að aldrei hafa
verið skipulagðar jafn margar íbúðir til næstu tíu ára,
stendur Reykjavík sig best sveitarfélaga í uppbyggingu
félagslegs leigumarkaðar. Stigvaxandi fjölgun félags-
legra íbúða í öllum hverfum ætti einnig að vera eitt af
forgangsverkefnum annarra sveitarfélaga.
Að skapa sanngjarnan, fjölbreyttan og aðgengilegan
húsnæðismarkað og fjölga íbúðum fyrir tekjulágt og
heimilislaust fólk á ekki að vera einvörðungu á ábyrgð
Reykjavíkur. Þótt borgin geri vel og gott betur hlýtur
það að vera samvinnuverkefni okkar allra að fólk eigi
athvarf og geti farið heim – þegar því sýnist. ■
Að geta farið heim …
Líf Magneudóttir
borgarfulltrúi
Vinstri grænna
benediktboas@frettabladid.is
toti@frettabladid.is
Miðpunktur í miðpunkti
The Reykjavík Edition lúxus-
hótelið er risið við Austurbakka
í miðborg Reykjavíkur og verður
samkvæmt lengstu og ítar-
legustu fréttatilkynningu sem
lengi hefur sést forsýnt þann
9. nóvember. Þar er hótelið vand-
lega staðsett í höfuðborginni
sem er lýst sem líflegum áfanga-
stað matgæðinga með „töff
kaffihúsum, fjörlegu næturlífi
og stórbrotinni tónlistarsenu“.
Tímasetningin gæti vart verið
betri nú þegar allt menningarlíf
er að kvikna á ný og ekki verra
að alvöru lúxushótel rísi „á
réttum stað á réttum tíma,“ eins
og það er orðað.
Byrjunarleikurinn 1972
Ian Schrager hannaði Reykjavík
Edition hótelið og samkvæmt
tilkynningunni, sem leggur sig
á um það bil 14.412 slög með
bilum, hreifst hann af Íslandi
þegar hann fylgdist með einvígi
Bobby Fischer og Boris Spassky í
Reykjavík sumarið 1972 og varð
„agndofa yfir óspilltri náttúru
landsins. Þar sem það situr í
miðju Atlantshafinu, rétt við
norðurheimskautsbauginn, er
Ísland bókstaflega enn í mótun
þar sem landslagið er í stöðugri
þróun vegna rymjandi eldfjalla,
sjóðandi hvera, gjósandi gos-
hvera og hreyfinga meginlands-
flekanna.“ Skák og mát! ■
SKOÐUN FRÉTTABLAÐIÐ 22. október 2021 FÖSTUDAGUR