Fréttablaðið - 22.10.2021, Side 14

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Björn Víglundsson
Sölumenn: Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654, Jóhann
Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
„Myndlist er góð fjárfesting sem
eykur virði sitt með árunum og
auðgar andann,“ segir Ásgerður
Júlíusdóttir, verkefnis- og kynn-
ingarstjóri hjá Sambandi íslenskra
myndlistarmanna (SÍM).
Ásgerður, ásamt öðru starfsfólki
SÍM, er stödd á gamla hlöðuloftinu
á Korpúlfsstöðum, í startholunum
til að opna Torg Listamessu Reykja-
vík með pompi og prakt klukkan
18 í kvöld. Listamessan er stærsti
sýningar- og söluvettvangur
íslenskrar myndlistar til þessa,
sannkallað ævintýra- og gósenland
fyrir listamenn og listunnendur.
„Listamessur sem þessar hafa
lengi tíðkast um allan heim og
löngu sannað gildi sitt. Við hjá SÍM
fundum fyrir eftirspurn og þörf
fyrir listamessu hér heima, en hún
er einstætt framtak og sú fyrsta
sinnar tegundar hér á landi,“ upp-
lýsir Ásgerður.
Torg Listamessa, sem stofnuð
var af Önnu Eyjólfsdóttur mynd-
listarmanni og formanni SÍM, var
fyrst haldin í tengslum við Mánuð
myndlistar árið 2018 og fer nú fram
í þriðja sinn.
„Tilgangurinn með messunni
er fjölþættur; að auka sýnileika
myndlistar og gera fólki auðveld-
ara fyrir að kynna sér samtímalist
og eignast listaverk eftir íslenska
eða erlenda listamenn sem starfa
hér á landi. Ætlunin er að veita
áhugafólki um myndlist tæki-
færi til að fjárfesta milliliðalaust
í myndlist og eiga um leið per-
sónulegt samtal við listamennina
sjálfa,“ greinir Ásgerður frá.
Sýningarstjóri Torgs Listamessu
er Annabelle von Girsewald.
„Það er mikill fengur fyrir Torgið
að fá Annabelle sem sýningar-
stjóra því hún hefur unnið með
íslenskum myndlistarmönnum
síðan 2010 og hefur mikið innsæi
inn í íslenskan myndlistarheim,“
segir Ásgerður.
Heimili myndlistarinnar
Yfir 70 myndlistarmenn taka þátt í
listamessunni á Korpúlfsstöðum.
„Það verður eflaust þrautin
þyngri að gera upp á milli heillandi
listaverka því það er vel skipað
í hvert hólf með flottum lista-
mönnum. Sýningarsalurinn er
í skemmtilega hráu og sögulegu
rými sem í dag er stærsti sýningar-
salur landsins. Hlöðuloftið geymdi
áður hey fyrir kýr í fjósi Korpúlfs-
staða sem var stærsta býli lands-
ins og byggt af mikilli hugsjón.
Korpúlfsstaðir hafa verið heimili
myndlistarinnar síðastliðin 50
ár og undanfarin 25 ár hefur SÍM
rekið listamiðstöð í þessu glæsi-
lega húsi. Á næstu misserum eru
margar sýningar og viðburðir
á döfinni á Hlöðuloftinu og er
nánast fullbókað til ársins 2024,
og komnar nokkrar bókanir árið
2025. Það eru eflaust margir sem
hafa ekki komið hingað inn, svo ég
hvet alla til að gera sér glaðan dag
og koma á Korpúlfsstaði því það er
kynngimagnaður staður þar sem
hjarta myndlistarinnar slær,“ segir
Ásgerður.
Listaverk og listamenn eru í
aðalhlutverki í messunni, en gestir
og gangandi geta rætt við lista-
mennina, fræðst um verk þeirra
og störf og spjallað um sköpunar-
kraftinn, lífið og listina.
„Messan er fyrst og fremst
hugsuð sem skemmtilegur við-
burður sem allir geta sótt og
vonandi koma sem flestir til að
fá sér kaffi og með því og skoða
fjölbreytt listaverk. Listamessan er
ekki síður hátíð fyrir listamennina
og þá sem gera sér ferð á Korpúlfs-
staði því það gefur listafólkinu
mikið að hitta listunnendur og
aðra listamenn. Árið um kring
starfar meirihluti myndlistar-
manna einn á vinnustofum sínum
Listakonan Izabella Katarzyna Hadrian sýnir verk sín.
Jóna Bergdal er
ein af fleiri en 70
listamönnum
sem sýna verk
sín á Torgi Lista-
messu Reykja-
vík. FRÉTTABLAÐIÐ/
ERNIR
Martynas Petreikis, verkefnastjóri SÍM Residency.
Dagskrá Torgs Listamessu:
22. október – Opnun Torgs frá 18-20.
Helgin 23.-24. október – Opið 12 til 18.
28. október – Langur fimmtudagur – Opið 18-22.
29. október – Opið 18-20.
Helgin 30.-31. október – Opið 12-18.
og því er kærkomið fyrir þá að
hitta kollegana, kynnast nýju fólki
og bera saman bækur.“
List gerir heimilið persónulegt
Listamessan á Korpúlfsstöðum
opnar nýja sýn á myndlist. Þar á
almenningur stefnumót við lista-
menn þjóðarinnar, getur átt beint
samtal við þá og eignast einstök
listaverk.
„Í Covid-ástandinu leitaði fólk í
meira mæli eftir því að gera heimili
sín hlýlegri og ná fram sínum eigin
sérstaka stíl. Það vakti okkur til
vitundar um að hafa heimilin ekki
bara svört og hvít heldur lífleg,
þægileg og heimilisleg. Að eignast
listaverk setur persónulegan svip á
heimilið og kannski sérðu eitthvað
á Hlöðuloftinu sem talar beint til
þín og endurspeglar þinn stíl. Þá
er ekki amalegt að hitta fyrir lista-
manninn sem skapaði listaverkið
og á jafnvel sitthvað sameiginlegt
með þér, svo sem fagurt auga, stíl
og fegurðarskyn,“ segir Ásgerður.
Söluverð listaverka rennur að
fullu til listafólksins því messan
þiggur enga þóknun fyrir sína
þjónustu og engir milliliðir taka
umboðslaun.
„Á Hlöðuloftinu verður hægt
að gera góð kaup en listaverkin
þurfa þó að vera áfram til sýnis
á Korpúlfsstöðum á meðan á
messunni stendur. Boðið er upp
á raðgreiðslur og fleiri greiðslu-
möguleika og því ættu allir að geta
fengið eitthvað fallegt fyrir sinn
snúð,“ greinir Ásgerður frá.
Ísland á flesta listamenn í heimi
Íslensk myndlist vekur athygli og
aðdáun út fyrir landsteinana.
„Dýnamíkin í myndlistinni hér
á landi dregur útlendinga að. SÍM
rekur vinnustofur, SÍM Residency,
fyrir erlenda myndlistarmenn og
við önnum ekki eftirspurn. Það
sem af er þessu ári hafa 114 lista-
menn að komið að utan í residensí-
una eða vinnustofurnar hjá okkur,
þrátt fyrir ýmsar takmarkanir.
Þeir koma til að vinna að mynd-
list sinni og verða undantekn-
ingarlaust fyrir miklum áhrifum af
íslenskri náttúru, sem og hand-
bragði og efnistökum íslenskra
myndlistarmanna, og það bregst
ekki að íslenska náttúran skín í
gegn í listaverkum þeirra,“ upplýsir
Ásgerður.
Hún segir smæð þjóðfélagsins
einkenna íslenska myndlist.
„Styrkur okkar felst einmitt
í smæðinni og menningarleg
sjálfsmynd þjóðarinnar liggur í
listinni. Þrátt fyrir þessa smæð
eiga Íslendingar flesta myndlistar-
menn í heimi, miðað við höfða-
tölu. Íslendingar eru einstaklega
skapandi og listrænir, hvort sem
það er í myndlist, tónlist, leik-
list eða bókmenntum, og hér er
ólgandi suðupottur þegar kemur
að listsköpun. Helsta einkenni
íslenskrar myndlistar er náttúran
en það má segja að hún hafi verið
rauður þráður í gegnum íslenska
listasögu og sé enn afar fyrirferðar-
mikil í myndlistinni í dag, og þó
það séu alls ekki allir sem vinna
beint með hana þá skín hún oft í
gegn á ólíklegasta hátt.“ ■
Torg Listamessa Reykjavík verður
haldin dagana 22. til 31. október á
Hlöðuloftinu á Korpúlfsstöðum.
Aðgangur er ókeypis og kaffi á
staðnum.
Hlynur Helgason sýnir stór og smá verk á listamessunni. Viktor Pétur Hannesson með stór verk sín í bakgrunni.
Listakonan Bryndís Brynjarsdóttir hengir upp eitt verka sinna með sýningarstjóranum Önnubelle von Girsewald.
2 kynningarblað A L LT 22. október 2021 FÖSTUDAGUR