Fréttablaðið - 22.10.2021, Page 33

BÆKUR
Náhvít jörð
Lilja Sigurðardóttir
Útgefandi: JPV
Blaðsíðufjöldi: 313
Kolbrún Bergþórsdóttir
Lesendur glæpasagna Lilju Sig-
urðardóttur geta verið nokkuð
öruggir um að þeir fái í hendur
læsilega bók með persónum sem
þeir kunna verulega vel við – fyrir
utan glæpamennina og aðra skúrka
sem hafa ýmislegt misjafnt á sam-
viskunni. Nýjasta bók Lilju, Hvít
jörð, er einmitt þessarar gerðar.
Helstu persónur þekkja lesendur
úr fyrri bókum Lilju, Helkaldri sól
og Blóðrauðum sjó. Hér eru rann-
sóknarlögreglumennirnir Daníel og
Helena og Áróra, vinkona Daníels,
ásamt hinni litríku aukapersónu
Lady Gúgúlú.
Söguþráðurinn er í stuttu máli sá
að yfirgefinn flutningagámur finnst
í Rauðhólum. Í honum eru fimm
lífvana konur. Ljóst er að konurnar
höfðu verið f luttar í gámnum yfir
hafið, en hverjir eru ábyrgir? Á sama
tíma og rannsókn fer í gang er Áróra
enn upptekin af hvarfi systur sinnar
og er bálskotin í Daníel. Helena á í
óræðu sambandi við Sirru og Daníel
reynir, í annasömu starfi, að sinna
börnum sínum sem best, en þau eru
komin í heimsókn frá útlöndum.
Persónusköpun er yfirleitt sann-
færandi eins og í fyrri bókum Lilju
um aðalpersónurnar. Í allnokkrum
köflum er sögð saga Bisi, einu kon-
unnar sem lifði af hina skelfilegu
dvöl í gámnum. Það er greinilegt af
sögunni að Lilja hefur sterka réttlæt-
iskennd og henni er í mun að benda
á það skelfilega ofbeldi sem of marg-
ar konur þurfa að þola. Þáttur Bisi er
hins vegar fremur veikur hlekkur í
sögunni, þar er harmsaga á ferð en
ekki er nægileg dýpt í frásögninni
sjálfri. Sennilegt er að ekki setji
margir glæpasagnaunnendur þetta
fyrir sig. Þeir lesa til að skemmta
sér og vilja afþreyingu og þessi bók
heldur þeim við efnið. Lilju tekst
mun betur upp í frásögn af Elínu,
sem býr með Rússa, vafasömum
náunga sem virðist hafa ansi mörgu
að leyna. Lýsingarnar á því hvernig
Elín skiptist á að efast um hann og
treysta honum eru sannfærandi.
Hver kafli bókarinnar er stuttur
og frásögnin rennur vel. Spennan
er reyndar ekkert óskaplega mikil,
nema undir lokin, og óvæntar upp-
ljóstranir mættu vera f leiri, en
þetta kemur ekki að sök því bókin
er skemmtileg aflestrar. Þrátt fyrir
þungt efni er ákveðinn léttleiki
í henni og húmor sem skemmtir
lesandanum.
NIÐURSTAÐA: Glæpasaga sem
heldur athygli lesandans, þótt
spennan hefði mátt vera aðeins
meiri. Aðalpersónurnar eru áhuga-
verðar og samspilið milli þeirra
skemmtilegt.
Gott fólk
og skúrkar kolbrunb@frettabladid.is
Náttúra úr fókus, pop-up sýning
á verkum Þórunnar Báru Björns-
dóttur, verður opnuð í Gallerí Fold
þann 23. október klukkan 14.00.
Þórunn Bára vinnur stór, litrík
verk með óræðum formum. „Ef
aðeins við gætum breytt viðhorfum
okkar, hegðun og siðferði, þá getum
við gefið náttúrunni endurnýjað
tækifæri til betra lífs eins og henni
ber,“ segir Þórunn Bára og bætir við:
„Látum grósku og fjölbreytileika
mávabyggðar í hrjóstugri Surtsey
verða okkur hvata til góðra verka,
náttúrunni og framtíð barna okkar
til hagsbóta. Tíminn er nú. Vilji er
allt sem þarf!“
Þórunn Bára lauk prófi í málun
og teikningu frá Listaháskólanum
í Edinborg og mastersprófi í listum
frá Wesleyan-háskóla í Bandaríkj-
unum. ■
Óræð form
Eitt af verkum
Þórunnar á
sýningunni.
Bókabúð Forlagsins | Fiskislóð 39 | Opið alla virka daga 10–19 | Laugardaga 11–17 | www.forlagid.is
LANDSINS MESTA ÚRVAL BÓKA
M A G N A Ð
V E R K
Bærinn brennur eftir Þórunni Jörlu Valdimars dóttur varpar
nýju ljósi á eitt frægasta sakamál Íslandssögunar, morðið
á Natani Ketilssyni og síðustu aftökuna á Íslandi.
FÖSTUDAGUR 22. október 2021 Menning 17FRÉTTABLAÐIÐ