Morgunblaðið - 15.06.2021, Blaðsíða 9

FRÉTTIR 9Innlent
MORGUNBLAÐIÐ ÞRIÐJUDAGUR 15. JÚNÍ 2021
Settir hafa verið upp 500 jarð-
skjálftamælar á Hengilssvæðinu og
er þetta stærsta og þéttasta net
mæla sem sett hefur verið upp hér
á landi.
Mælarnir bætast við um 35 mæla
Orku náttúrunnar, Veðurstofu Ís-
lands og COSEISMIQ-verkefnisins
sem þegar voru á svæðinu, að því er
segir í tilkynningu frá Orkuveitu
Reykjavíkur.
Til samanburðar má nefna að 56
mælar fylgjast með jarðhræringum
á Reykjanesi, meðal annars í
tengslum við eldgosið í Geldinga-
dölum. Til viðbótar við hefðbundna
jarðskjálftamæla eru nú ljósleið-
arar einnig nýttir til mælinga á
jarðhræringum í Henglinum.
Uppsetning mælanna er hluti af
DEEPEN-verkefninu sem ætlað er
að rannsaka rætur jarðhitakerfa og
safna þekkingu sem nýta má þegar
farið verður að bora dýpri holur við
nýtingu jarðhita. Verkefnið er
styrkt af alþjóðlega sjóðnum Geo-
thermica, í gegnum Rannís. Sjóð-
urinn er samstarfsverkefni nokk-
urra Evrópulanda, auk Banda-
ríkjanna.
Stækka niður á við
„Þessar rannsóknir munu vænt-
anlega auðvelda okkur að stækka
jarðhitasvæðin niður á við og gera
okkur kleift að lengja líftíma virkj-
ana Orku náttúrunnar, dóttur-
fyrirtækis OR, án þess að raska
þurfi nýjum svæðum,“ segir Vala
Hjörleifsdóttir, forstöðumaður ný-
sköpunar og framtíðarsýnar hjá
OR, í tilkynningunni.
Morgunblaðið/Eggert
Hengilssvæði Jarðskjálftamælanetið á Hengilssvæðinu hefur verið þétt.
Mælum fjölgað á
Hengilssvæðinu
- 500 jarðskjálftamælum bætt við
Aðalfundur Landverndar sem hald-
inn var síðastliðinn laugardag lýsti
yfir miklum vonbrigðum með fram-
göngu ríkisstjórnarinnar í málefnum
hálendisins. „Nú undir lok kjörtíma-
bilsins er orðið ljóst að það var aldrei
raunveruleg ætlun allra stjórnar-
flokkanna að stofna hjálendisþjóð-
garð og sá stjórnarflokkur sem í
raun studdi málið reyndist hvorki
hafa þrek né þor til að sigla því í
höfn,“ segir í ályktun fundarins.
Aðalfundurinn harmaði hversu illa
hefur verið staðið að málum af hálfu
stjórnarflokkanna, meðal annars
með of mikilli eftirgjöf við stað-
bundna sérhagsmuni og virkjana-
iðnaðinn. Algjört vald sveitarfélaga
yfir skipulagsmálum innan þjóð-
garðsins, virkjanasvæði innan
marka garðsins og í jaðri hans og al-
gjört metnaðarleysi í landgræðslu-
málum eru dæmi um það hvernig
þessi eftirgjöf skaðaði frumvarpið.
Verði fylgt fast eftir
Aðalfundur Landverndar ályktaði
að hætta beri við frekari uppbygg-
ingu orkumannvirkja á hálendinu og
að takmarka beri búfjárbeit við
svæði þar sem ekki er hætta á að beit
spilli gróðri og jarðvegi.
„Hugmyndin um hálendisþjóð-
garð lifir áfram. Verkefnið bíður
þeirra þingmanna sem fá umboð
þjóðarinnar eftir næstu kosningar til
Alþingis,“ segir meðal annars í
ályktuninni.
Aðalfundurinn hvatti stjórn sam-
takanna til að fylgja tillögum um hjá-
lendisþjóðgarð fast eftir og vinna
ötullega að kynningu og umræðum
um málið.
Nokkrar fleiri ályktanir voru sam-
þykktar, meðal annars um nagla-
dekk og sjókvíaeldi. Í ályktun kom
fram að Landvernd styður lögfest-
ingu nýrrar stjórnarskrár á grund-
velli tillagna stjórnlagaráðs. Sam-
tökin styðja sérstaklega þær greinar
tillögunnar sem snúa að umhverfis-
vernd og náttúru.
Margir mættu
Metþátttaka var á aðalfundinum,
um 125 manns mættu, hugsanlega
vegna þess að mótframboð kom gegn
sitjandi formanni. Niðurstaðan var
sú að Tryggvi Felixson, sem verið
hefur formaður Landverndar í tvö
ár, var endurkjörinn með 90 atkvæð-
um en 34 greiddu Pétri Halldórs-
syni, stjórnarmanni í samtökunum
og mótframbjóðanda formanns, at-
kvæði sitt.
Þá voru fimm stjórnarmenn
kjörnir til tveggja ára en alls eru tíu
fulltrúar í stjórn. Páll Ásgeir Ás-
geirsson og Sævar Þór Halldórsson
komu nýir inn í stjórn á aðalfund-
inum. helgi@mbl.is
Þjóðgarður
bíður nýs þings
- Tryggvi Felixson áfram formaður
Morgunblaðið/Sigurður Bogi
Fjallabak Foss í Sigöldugljúfri sem
er gamall farvegur Tungnaár.