Morgunblaðið - 15.06.2021, Qupperneq 27

ÍÞRÓTTIR 27
MORGUNBLAÐIÐ ÞRIÐJUDAGUR 15. JÚNÍ 2021
Christian Eriksen, leik-
maður danska karlalandsliðsins í
knattspyrnu, fór í hjartastopp í
leik liðsins gegn Finnlandi á EM á
laugardaginn. Ég var á netvakt
hjá mbl.is og kom það því í minn
hlut að fylgjast með nýjustu
fréttum af líðan Eriksens.
Það var skrítið að vera að
skrifa fréttir um þetta óhugnan-
lega atvik, á stundum með tárin í
augunum, á meðan Eriksen var
að berjast fyrir lífi sínu. Fór hann
í hjartastopp en var endurlífg-
aður með notkun hjartastuðtæk-
is og hefðbundnum aðferðum;
hjartahnoði og blástursaðferð.
Fjölmargir hafa þegar gert
það en ég finn mig knúinn til
þess að hrósa skjótum við-
brögðum allra á Parken-vellinum
í Kaupmannahöfn. Simon Kjær,
fyrirliði Dana, hljóp strax að Er-
iksen, kom honum í læsta hliðar-
legu og gekk úr skugga um að
hann hefði ekki gleypt tunguna.
Kjær ásamt Anthony Taylor,
dómara leiksins, og fleiri leik-
mönnum beggja liða gaf merki
innan nokkurra sekúndna um að
læknalið skyldi hraða sér inn á
völlinn, sem það og gerði.
Óhætt er að segja að lækna-
liðið hafi staðið sig vel því Er-
iksen var með meðvitund þegar
hann var fluttur af velli eftir um
stundarfjórðungs aðhlynningu.
Eriksen virðist auk þess við prýð-
isheilsu eftir atvikum þótt ekki
sé enn komið í ljós af hverju
hann hjartað stoppaði.
Þegar svona gerist hugsar
maður ósjálfrátt til leikmanna
eins og Marc-Viviens Foés og
Miklos Fehérs, sem hnigu báðir
niður í knattspyrnuleikjum og
létust vegna stækkunar á hjarta.
Eriksen er ekki haldinn þeim
kvilla en mun halda áfram að
gangast undir rannsóknir næstu
daga.
BAKVÖRÐUR
Gunnar Egill
Daníelsson
gunnaregill@mbl.isSeinni vináttulandsleikur kvenna-
liða Íslands og Írlands í fótbolta fer
fram á Laugardalsvellinum í dag og
hefst klukkan 17. Ísland vann fyrri
leikinn á föstudaginn, 3:2, eftir að
hafa verið þremur mörkum yfir í
hálfleik. Þorsteinn Halldórsson
þjálfari sagði á fréttamannafundi í
gær að hann myndi gera nokkrar
breytingar á liðinu og skipta fleiri
leikmönnum inn á í þessum leik.
Sveindís Jane Jónsdóttir lék ekki á
föstudag, hún er nýstigin upp úr
meiðslum, en Þorsteinn reiknar með
að hún taki þátt í leiknum í dag.
Seinni leikurinn
við Íra í dag
Morgunblaðið/Kristinn Magnússon
Laugardalsvöllur Íslenska lands-
liðið á æfingu gærdagsins.
Christian Eriksen, leikmaður danska
landsliðsins í knattspyrnu, hefur tjáð
sig opinberlega í fyrsta sinn eftir að
hafa farið í hjartastopp meðan á leik
Danmerkur og Finnlands stóð á
laugardaginn á Evrópumótinu.
„Þakka ykkur fyrir, ég mun ekki
gefast upp. Mér líður betur núna en
vil skilja hvað gerðist,“ var m.a. haft
eftir honum í Gazetta dello sport-
dagblaðinu. Kasper Schmeichel,
markvörður danska liðsins, sagði Er-
iksen vera brosandi og hlæjandi þeg-
ar hann fékk að heimsækja liðs-
félaga sinn á sjúkrahús.
Eriksen brosir
og hlær
AFP
Batavegur Christian Eriksen er á
batavegi eftir hjartastoppið.
HANDBOLTINN
Víðir Sigurðsson
vs@mbl.is
Patrekur Jóhannesson þjálfari
Stjörnunnar telur að einvígi Vals og
Hauka um Íslandsmeistaratitil karla í
handbolta verði spennuþrungið fram
á lokasekúndurnar í seinni leiknum
en fyrri úrslitaleikur liðanna fer fram
á Hlíðarenda í kvöld.
Haukar urðu deildarmeistarar með
gríðarlegum yfirburðum í vetur þar
sem þeir unnu nítján leiki af 22 en
Valsmenn enduðu í þriðja sæti, tólf
stigum á eftir Hafnfirðingunum.
Haukar völtuðu yfir Aftureldingu í
átta liða úrslitunum en sluppu með
skrekkinn gegn Patreki og hans læri-
sveinum í Stjörnunni í undanúrslit-
unum. Valsmenn lögðu KA með níu
mörkum samanlagt en höfðu síðan
betur gegn ÍBV eftir gríðarlega
spennu í undanúrslitunum.
„Haukar voru afgerandi bestir í
vetur og þeir höfðu unnið fimmtán
leiki í röð þegar okkur tókst að leggja
þá að velli. Þeir hafa verið langþétt-
astir, eru með rosalega breiðan hóp
og gætu í raun stillt upp tveimur góð-
um liðum. Það hjálpar þeim eflaust að
hafa tapað fyrir okkur, þar fengu þeir
ágætis áminningu, en um leið sáu
Valsmenn að það væri vel hægt að
vinna Hauka á Ásvöllum,“ sagði Pat-
rekur þegar Morgunblaðið ræddi við
hann um úrslitaeinvígið.
Patrekur sagði að meiðsli Stefáns
Rafns Sigurmannssonar gætu sett
strik í reikninginn en ólíklegt er að
hann spili með Haukum í kvöld eftir
að hafa tognað aftan í læri í seinni
leiknum gegn Stjörnunni í síðustu
viku.
„Það yrði slæmt fyrir þá ef Stefán
dettur út því hann er Haukunum
gríðarlega mikilvægur. Það sást vel
eftir að hann kom til þeirra í vetur
hvað hann gefur liðinu mikið. En ég
er sannfærður um að þetta verður
jafnt einvígi. Valsmenn eru líka með
breiðan hóp og leikmenn eins og Ró-
bert, Anton, Agnar, Magnús og Alex-
ander og þeir slógu út ÍBV sem er
hörkulið.
En til að vinna þetta einvígi held ég
að Valsmenn þurfi að ná 35-40 pró-
sent markvörslu. Fyrir okkar einvígi
við Haukana lagði ég dæmið þannig
upp að við þyrftum 40 prósent mark-
vörslu á meðan Haukar væru með 30.
Við vorum með 38 prósent þannig að
það vantaði aðeins upp á.
Fyrirfram eru Haukar sigur-
stranglegri, ef við miðum við allan
veturinn, en Valsmenn hafa hins-
vegar náð miklum gæðum í sinn leik
þegar þeir hafa verið upp á sitt besta.
Þeir hafa kannski dottið aðeins niður
inn á milli í vetur en núna skiptir það
engu máli. Þetta er ný keppni og leik-
irnir verða hrikalega jafnir. En ég
held að ef Valsmenn lenda í vandræð-
um með markvörsluna muni Haukar
vinna.
Ég veit að Björgvin Páll verður öfl-
ugur í Haukamarkinu í þessum leikj-
um og svo er mjög sérstakt að hann
er á leið til Vals eftir þetta einvígi.
Verður enginn göngubolti
Þetta eru tvö lið sem vilja spila góð-
an handbolta. Þetta verður enginn
göngubolti, liðin vilja spila grimman
varnarleik og hraðaupphlaup og leik-
irnir verða afar áhugaverðir. Aron
Kristjánsson hefur gert mjög vel að
ná því mesta út úr öllum sínum mönn-
um þrátt fyrir að vera með svona
breiðan hóp. Sama má segja um
Snorra Stein í þessari úrslitakeppni.
Þetta eru tveir hörkuþjálfarar og
gamlir miðjumenn sem þekkja þetta
allt saman. Ég á von á miklum hraða
og bæði lið ætli að keyra á þetta, og
það verði mjög gaman að sjá þessa
tvo leiki,“ sagði Patrekur.
Hann var til í að spá um úrslit og
tölur í leikjunum. „Já, ég segi að fyrri
leikurinn á Hlíðarenda endi 28:28.
Það verður ekki skorað eins mikið í
þeim seinni á Ásvöllum, hann verður
hnífjafn alla leið en Haukar vinna að
lokum, 25:24,“ sagði Patrekur Jó-
hannesson.
Markvarslan getur ráðið
úrslitum í einvíginu
- Patrekur telur Hauka sigurstranglegri en spáir hnífjöfnu einvígi þeirra við Val
Morgunblaðið/Eggert
Einvígi Valsmennirnir Magnús Óli Magnússon og Þorgils Jón Svölu Baldursson í baráttu við Heimi Óla Heimisson
úr Haukum. Fyrri úrslitaleikur liðanna um Íslandsmeistaratitilinn fer fram á Hlíðarenda í kvöld.
Knattspyrnu-
maðurinn Diego
Jóhannesson er
búinn að semja
við Albacete sem
leikur í C-
deildinni á Spáni
á komandi tíma-
bili. Samningur
Diegos við upp-
eldisfélag sitt,
Real Oviedo, var
runninn út og því var honum frjálst
að semja við nýtt félag.
Albacete lék líkt og Oviedo í B-
deildinni á liðnu tímabili en fyrr-
nefnda liðið féll úr henni með því að
lenda í neðsta sæti. Real Oviedo
hafnaði í 13. sæti af 22 liðum.
Diego, sem er 27 ára gamall, á
spænska móður og íslenskan föður
og hefur leikið þrjá A-landsleiki
fyrir Íslands hönd, þann síðasta ár-
ið 2017. Hann hefur leikið með Real
Oviedo allan sinn feril, að und-
anskildum hluta síðasta tímabils
þegar hann var í láni hjá Cartagena
í C-deildinni. Diego fékk fá tæki-
færi á nýliðnu tímabili, lék aðeins
sjö leiki í B-deildinni og skoraði eitt
mark.
Samningur hans við Albacete er
til tveggja ára með möguleika á
eins árs framlengingu.
Albacete lék síðast í efstu deild
frá 2003 til 2005.
Spænski Ís-
lendingurinn
skiptir um lið
Diego
Jóhannesson
Patrekur Jóhannesson þjálfari Stjörnunnar segir að fyr-
irkomulag úrslitakeppninnar í karlahandboltanum,
tveir leikir og samanlögð úrslit í stað þess að þurfa að
vinna tvo eða þrjá leiki, hafi heppnast ágætlega.
„Ég tel að gamla kerfið sé betra en vegna tímaramm-
ans urðum við að gera þetta svona. Við fengum marga
jafna leiki, það var stemning í kringum þá og þetta
heppaðist nokkuð vel. En það væri skemmtilegra að
vera með fleiri leiki í úrslitakeppninni. Í körfuboltanum
spilaði Stjarnan tíu leiki og komst í undanúrslit. Liðin
sem leika til úrslita í handboltanum spila hinsvegar sex
leiki,“ sagði Patrekur þegar Morgunblaðið spurði hann
um keppnisfyrirkomulagið í úrslitakeppninni.
„En ef horft er lengra fram tímann væri frábært að vera með sama kerfi
og Danir. Efstu átta liðin í úrslit, fjögur efstu með tvö og eitt stig í forgjöf,
og síðan spilað í tveimur riðlum. Eftir það undanúrslit og úrslit. Það er
mjög vel heppnað og ég vildi sjá það hér á landi,“ sagði Patrekur Jóhann-
esson. vs@mbl.is
Danir eru með frábært kerfi
Patrekur
Jóhannesson.
Haukar og Valur leika tvo úrslitaleiki um Íslandsmeistaratitil karla í hand-
bolta. Sá fyrri fer fram á Hlíðarenda í kvöld kl. 19.30 og sá seinni á sama
tíma á Ásvöllum á föstudagskvöld. Samanlögð úrslit ráða hvort liðið verð-
ur Íslandsmeistari, rétt eins og í undanúrslitunum og átta liða úrslitunum.
Valsmenn hafa orðið meistarar oftast allra, 22 sinnum. Þeir unnu síðast
árið 2017 en það er þeirra eini titill síðustu fjórtán árin. Haukar hafa orðið
meistarar 11 sinnum en tíu sinnum frá aldamótum. Þeir urðu síðast meist-
arar árið 2016, þá annað árið í röð.
Orri Freyr Þorkelsson var markahæstur Hauka í deildinni í vetur með
132 mörk. Brynjólfur Snær Brynjólfsson skoraði 63, Adam Haukur Baum-
ruk 62 og Geir Guðmundsson 62. Í úrslitakeppninni hefur Orri Freyr skor-
að 19 mörk, Darri Aronsson 17 og Geir 13. Björgvin Páll Gústavsson hefur
verið með 35,6 prósent markvörslu á tímabilinu.
Anton Rúnarsson var markahæstur Valsmanna í deildinni í vetur með 95
mörk. Finnur Ingi Stefánsson skoraði 79, Magnús Óli Magnússon 75 og
Agnar Smári Jónsson 59. Í úrslitakeppninni hefur Finnur Ingi skorað 18
mörk, Anton 16, Vignir Stefánsson 16 og Róbert Aron Hostert 15. Martin
Nagy hefur verið með 33,6 prósent markvörslu á tímabilinu.
Úrslitaeinvígi Hauka og Vals