Morgunblaðið - 12.07.2021, Qupperneq 8

8 FRÉTTIR
Innlent
MORGUNBLAÐIÐ MÁNUDAGUR 12. JÚLÍ 2021
Álfheimum 74, 104 Rvk, sími 568 5170
Útsalan
heldur áfram
Verið velkomin
Björn Bjarnason fjallar á vef sín-
um um fláræði vegna Sunda-
brautar. Hann bendir á að eftir und-
irritun samkomulags
við borgarstjóra hafi
samgöngu- og sveitar-
stjórnarráðherra ver-
ið afdráttarlaus og
sagt framkvæmdina í
raun hafna.
- - -
Borgarstjóri hafi
verið loðnari:
„Nú held ég að við
séum kannski í fyrsta
skipti komin með
raunhæfa tímaáætlun.
En auðvitað þarf að
hafa í öllum svona
stórum og flóknum verkefnum fyr-
irvara varðandi umhverfismat og
skipulagsþáttinn og það samráð sem
framundan er.“
- - -
Þarna er öllu haldið opnu um að
svíkja samkomulagið og það sem
Björn rekur í framhaldinu veldur enn
frekari óvissu um verkefnið: „Í sam-
tali við málgagn Samfylkingarinnar
og meirihluta borgarstjórnar, Kjarn-
ann, föstudaginn 9. júlí sagði svo
Pawel Bartoszek, borgarfulltrúi Við-
reisnar og formaður skipulags- og
samgönguráðs, að hugsanlega yrði
aldrei ráðist í að leggja Sundabraut.“
- - -
Þar var haft eftir Pawel að ef til
vill kæmi í ljós að þjóðhagslega
hagkvæmara væri að gera ekkert og
að „á meðan að formleg ákvörðun
hefur ekki verið tekin þá er alltaf sá
möguleiki fyrir hendi að það verði
ekki ráðist í þessa framkvæmd“.
- - -
Þessi orð hljóta að koma sam-
göngu- og sveitarstjórnarráð-
herra á óvart. Hann hefur talið að
hugur fylgdi máli hjá meirihluta
borgarstjórnar. Nú eru allar líkur á
að samkomulagið um Sundabraut
hafi aðeins verið gert til að ýta borg-
arlínunni áfram.
Dagur B.
Eggertsson
Svikin um Sunda-
braut undirbúin
STAKSTEINAR
Pawel Bartoszek
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Þórunn Egilsdóttir al-
þingismaður lést sl.
föstudagskvöld, 56 ára
að aldri, eftir lang-
vinna baráttu við
krabbamein.
Sigurður Ingi Jó-
hannsson, formaður
Framsóknarflokksins,
minntist Þórunnar á
Facebook-síðu sinni á
laugardag. „Þórunn
Egilsdóttir var einn
þeirra stjórnmála-
manna sem teljast til
héraðshöfðingja. Hún
var öflugur talsmaður
sinna hugsjóna og sinna kjós-
enda,“ sagði Sigurður Ingi meðal
annars.
Þórunn fæddist í Reykjavík 23.
nóvember 1964, dóttir Egils Ás-
grímssonar bólstrara og Sigríðar
Lúthersdóttur.
Þórunn lauk stúdentsprófi frá
Verzlunarskóla Íslands árið 1984
og kennaraprófi frá Kennarahá-
skólanum árið 1999. Hún vann
sem sauðfjárbóndi frá árinu 1986
og grunnskólakennari frá 1999 til
2008. Þá var hún skólastjórnandi
frá 2005 til 2008. Þórunn var verk-
efnastjóri hjá Þekkingarneti Aust-
urlands, nú Austurbrú, 2008-2013.
Þá sat hún í sveitarstjórn Vopna-
fjarðarhrepps árin
2010 til 2014, þar af
sem oddviti frá 2010
til 2013.
Þórunn settist á
þing fyrir Framsókn-
arflokkinn árið 2013
og var oddviti flokks-
ins í Norðaustur-
kjördæmi í síðustu al-
þingiskosningum.
Hún gegndi for-
mennsku í þing-
flokknum árin 2015
og 2016, síðan aftur
árið 2018. Hún var 2.
varaforseti Alþingis
2015 til 2016, 1. varaforseti árin
2016 til 2017, 5. varaforseti Al-
þingis 2017 og 4. varaforseti Al-
þingis 2017-2019.
Þórunn sat í stjórn Sambands
sveitarfélaga á Austurlandi 2010-
2014. Þá sat hún sveitarstjórnar-
ráði Framsóknarflokksins 2010-
2014 og í miðstjórn flokksins frá
2010. Hún sat í ráðgjafarnefnd
Jöfnunarsjóðs sveitarfélaga 2011-
2015, og í hreindýraráði 2011-
2016.
Eftirlifandi eiginmaður Þór-
unnar er Friðbjörn Haukur Guð-
mundsson. Þau eignuðust þrjú
börn: Kristjönu Louise, Guðmund
og Heklu Karen.
Andlát
Þórunn Egilsdóttir
Landamæraeftirlit gekk töluvert
betur í gær en á laugardeginum að
sögn Arngríms Guðmundssonar, að-
stoðaryfirlögregluþjóns á Keflavík-
urflugvelli. Hann segir að flugvélar
hafi komið jafnt og þétt í gær sem
hafi komið í veg fyrir langar raðir og
tafir eins og raunin var á laugardeg-
inum.
„Helgarnar eru yfirleitt lang-
stærstar, annars eru allir dagar hjá
okkur stórir um þessar mundir. Það
munu aftur koma stórir dagar svo
það munu aftur myndast langar bið-
raðir eins og var á laugardag,“ segir
Arngrímur.
Langar raðir á laugardag
Hann segir fólk hafa orðið nokkuð
óþreyjufullt á laugardeginum þegar
langar raðir mynduðust þar sem
sannreyna þurfti hin ýmsu vottorð.
„Það er þreytandi að þurfa að standa
í röð inni í þungu lofti. Þetta bjarg-
ast þó allt að lokum og ég held að all-
ir hafi verið orðnir þokkalega sáttir
undir lokin.“
Spurður hve lengi flugstöðin þoli
fyrirkomulagið er Arngrímur hvergi
banginn. „Við reynum auðvitað að
aðlaga okkur eins og hægt er. Það er
mikilvægt að tryggja að þeir sem
koma til landsins og fara héðan upp-
fylli allar kröfur sóttvarnareglna.“
85 komur og brottfarir flugvéla
eru á áætlun í dag.
Gekk betur í gær en deginum áður
- Óþreyjufullir farþegar á laugardeginum - Jafnara álag á sunnudeginum
Morgunblaðið/Árni Sæberg
Flug Leifsstöð iðar af lífi.