Morgunblaðið - 17.07.2021, Qupperneq 2

2 FRÉTTIR
Innlent
MORGUNBLAÐIÐ LAUGARDAGUR 17. JÚLÍ 2021
www.kofaroghus.is - Sími 553 1545
TIL Á LAGER
Ítarlegarupplýsingarog teikningarásamtýmsumöðrumfróðleik
máfinnaávefokkar
STAPI - 14,98 fm
Tilboðsverð
697.500kr.
25%
afsláttur
BREKKA34 - 9 fm
Tilboðsverð
369.750kr.
25%
afsláttur
NAUST - 14,44 fm
Tilboðsverð
449.400kr.
30%
afsláttur
VANTAR
ÞIGPLÁSS?
Afar einfalt er að reisa
húsin okkar. Uppsetning
tekur aðeins einndag
TILBOÐÁGARÐHÚSUM!
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Guðni Einarsson
gudni@mbl.is
Þessir fallegu hestar undu sér vel í breiðu af
skógarkerfli ofarlega í Elliðaárdalnum.
Plantan fjölgar sér kynlaust með rót-
arskotum og einnig kynjað með fræjum. Höf-
uðborgarbúar geta séð hvernig skógarkerfill
hefur tekið yfir stór svæði í Esjunni.
Skógarkerfill, alaskalúpína og bjarnarkló
eru innfluttar og ágengar plöntutegundir
sem hafa víða fest rætur. Alaskalúpínan og
skógarkerfillinn eru fyrstu dæmin um
ágengar plöntutegundir sem hafa breiðst út
hér á landi, samkvæmt skýrslu Nátt-
úrufræðistofnunar og Landgræðslunnar
(2010).
Umhverfisstofnun (UST) hefur unnið að
eyðingu skógarkerfils og alaskalúpínu innan
friðlýstra svæða undanfarin ár.
„Þetta er fyrst og fremst lúpína en skóg-
arkerfill á örfáum stöðum. Hann er hvergi til
stórra vandræða innan friðlýstra svæða,“
sagði Hákon Ásgeirsson, teymisstjóri nátt-
úruverndar hjá UST. „Við sláum lúpínuna og
kerfilinn á hverju ári áður en þau mynda
fræ, til að koma í veg fyrir að þau dreifi sér.
Svo stingum við kerfilinn upp til að fjarlægja
hann alveg. Hann er mjög erfiður við-
ureignar,“ sagði Hákon. Hann sagði að það
tæki mörg ár að uppræta kerfilinn. Auk þess
að uppræta skógarkerfil innan friðlýstra
svæða hefur UST veitt ráð um eyðingu hans
á öðrum svæðum. Nokkur sveitarfélög hafa
sagt skógarkerfli stríð á hendur, t.d. Stykk-
ishólmsbær og Fjarðabyggð.
Fram kom í svari umhverfis- og auðlind-
aráðherra, á 149. löggjafarþinginu við fyr-
irspurn um útbreiðslu skógarkerfils, að þá
hafi verið unnið gegn útbreiðslu hans í frið-
landinu Andakíl, fólkvanginum Böggvist-
aðafjalli, friðlandinu í Svarfaðardal, fólk-
vanginum Krossanesborgum, við Mývatn og í
Aðaldal, við Skútustaðagíga og við Gullfoss.
Morgunblaðið/Árni Sæberg
Barist við
skógarkerfil
sem breiðist út
Ari Páll Karlsson
Ragnhildur Þrastardóttir
„Við erum eiginlega svolítið undr-
andi og þetta er gríðarlegt áfall,“
segir Kristófer Oliversson, formaður
Félags fyrirtækja í hótel- og gisti-
þjónustu og framkvæmdastjóri
Center hótela, um minnisblað Þór-
ólfs Guðnasonar sóttvarnalæknis til
heilbrigðisráðherra en þar er lagt til
hertra aðgerða við landamærin
vegna fjölgunar smita.
Í samtali við mbl.is játaði Þórólfur
að til skoðunar væri að krefja alla
ferðamenn og Íslendinga, jafnt bólu-
setta sem óbólusetta, um neikvæðar
niðurstöður úr PCR-prófi við kom-
una hingað til lands.
Verulega íþyngjandi
„Þetta er verulega íþyngjandi fyr-
ir okkar gesti sem eru búnir að
kaupa miða hingað í góðri trú,“ segir
Kristófer og bætir við að PCR-próf
séu orðin oft og tíðum það dýr að þau
fari fram úr ferðakostnaði. Það dragi
vitanlega úr ferðavilja fólks.
Yfir 85 prósent Íslendinga 16 ára
eða eldri eru nú fullbólusett og engar
takmarkanir hafa verið í gildi innan-
lands síðan 24. júní og engar á landa-
mærunum síðan 1. júlí. Það gæti aft-
ur á móti breyst innan nokkurra
daga fari heilbrigðisráðherra eftir
tilmælum sóttvarnalæknis.
Kristófer segist undrandi og lýsir
eftir lokamarkmiði sóttvarnayfir-
valda.
„Hvert erum við að fara? Fyrst
var okkur sagt að það ætti að vernda
heilbrigðiskerfið, nú er búið að því.
Um daginn var talað um að við vær-
um að ná hjarðónæmi, það er búið.
Hvað á að hækka ránna oft? Ég lýsi
eftir lokamarkmiðinu, hvert er
stefnt?“ spyr Kristófer.
30 smit síðustu tvær vikur
Í gær var tilkynnt um að sjö hefðu
greinst með kórónuveiruna innan-
lands síðasta sólarhring. Allir hinna
smituðu voru bólusettir. Því hafa alls
30 greinst með veiruna innanlands
það sem af er júlímánuði og eru lang-
flest þeirra af Delta-afbrigði veir-
unnar.
„Það er eiginlega sama hvað við
gerum hér, ef við fáum alltaf jafnt
flæði af veirunni inn náum við aldrei
almennilegum tökum á þessu,“ sagði
Þórólfur og bætti við að það hefði
sýnt sig í gegnum faraldurinn að
frumskilyrði til þess að ná tökum á
honum innanlands væri að hafa góð
tök á landamærunum.
Bólusetning skipti sköpum
Þórólfur benti þó á að bólusetn-
ingin veitti góða vernd þótt hún
veitti ekki fulla vernd. Bólusetningin
væri því að gera sitt.
„Það má ekki líta þannig á það að
bólusetningin hafi verið til einskis.
Ef við hefðum ekki bólusett svona
vel værum við örugglega komin með
mjög strangar og harðar aðgerðir
hér innanlands eins og við gripum til
í mars síðastliðnum,“ sagði Þórólfur
Guðnason ennfremur í samtali við
mbl.is í gær.
Aðgerðir á landa-
mærum til skoðunar
- Ferðaþjónustan undrandi - 85% Íslendinga fullbólusett
Morgunblaðið/Eggert
Landamærin Farþegar í Leifsstöð, nái tillaga sóttvarnalæknis fram að
ganga gætu aðgerðir þar verið hertar að nýju. Ferðaþjónustan er ósátt.
Þórólfur
Guðnason
Kristófer
Oliversson
Íslenska kvikmyndin Dýrið hlaut í
gærkvöldi verðlaunin frumlegasta
myndin á alþjóðlegu kvikmyndahá-
tíðinni í Cannes. „Við vorum öll
hérna á fremstu bekkjum þegar
verðlaunin voru tilkynnt, og það eru
allir bara svakalega kátir,“ segir
Hrönn Kristinsdóttir, framleiðandi
myndarinnar. Spurð hvort um sé að
ræða mikla viðurkenningu fyrir hóp-
inn segir Hrönn: „Jú alveg tryllt við-
urkenning fyrir okkur.“ Valdimar
Jóhannsson leikstýrir myndinni og
skrifaði hann einnig handritið í sam-
vinnu við Sjón. Myndin segir frá
sauðfjárbændunum Maríu og Ingv-
ari. Þegar dularfull vera fæðist á
bænum ákveða hjónin ala hana upp
sem eigið afkvæmi. Myndin verður
frumsýnd hérlendis í september.
Dýrið frumlegasta
myndin í Cannes
- Verðlaunin hluti af aðaldagskránni
Ánægð Valdimar Jóhannsson leik-
stjóri ásamt framleiðendum og
kvikmyndatökumanni.